User Tag List

Ցույց են տրվում 1 համարից մինչև 2 համարի արդյունքները՝ ընդհանուր 2 հատից

Թեմա: Առաջադրանք 4. Դիտարկումներ

  1. #1
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)

    Առաջադրանք 4. Դիտարկումներ

    Քանի որ դիտարկումների մրցույթն ահագին դուրս եկավ ու քանի որ չեմ ուզում փուլային մրցույթների բաժինը մխտռել, առաջարկում եմ էս թեմայում երբ հասցնենք որևէ դիտարկում անել, դնենք, քննարկենք:

    Առաջադրանքը պարզ ա. գնում ենք որևէ կոնկրետ միջավայր, սկսում ուսումնասիրել ու գրի առնել: Հենց հիմա էսօր արածս մի դիտարկում դնենք, քրքրենք:

    Լճի մոտ

    Երեկոյան ութի կողմերը կլինի: Լճերի մեծ մասն արդեն ստվերի մեջ է: Մարդիկ կուտակվել են մի ափին՝ կառչելով արևի վերջին ճառագայթներից: Կուտակումները խոտերի մեջ են, նստարաններին, գարեջրի կամ հյութի շշերով:

    Լճի ափը ցածր ճաղերով է շրջապատված: Դրանցից մեկի վրա սպիտակած մազերով, հետևից պոչիկ կապած մի տղամարդ է նստած: Արևն ուղիղ դեմքին է ընկնում: Մաշկը թուխ է, բայց երևում է՝ իր սեփականը չէ, արևի տակ շատ մնալուց է: Այսօր չի սափրվել: Մեջքին սև ու սպիտակ ուսապարկ կա, հագուստը՝ կոկիկ, մուգ շագանակագույն տաբատ, մուգ կանաչ կուրտկա ու կարմիր սպորտային կոշիկներ: Ուսապարկի տակից բանալի է կախված: Նայում է անորոշ ուղղությամբ ու անորոշ ժպտում է: Ճաղերին այնպես է նստել, որ թվում է՝ ուր որ է կնետվի ջուրը, բայց գիտես՝ չի անի, որովհետև լիճը խորը չէ. հազիվ կես մետր կլինի: Իսկ լճի հատակին երևում են ուրբաթ ու շաբաթ գիշերներից այնտեղ մնացած գարեջրի դատարկ շշեր:

    Մեջքի հետևում նստարաններին ջահելներ են շարված, ուրախ չաչանակում են: Ամեն լեզու կլսես. իսպաներեն, անգլերեն, դանիերեն, ֆրանսերեն, լեհերեն:

    Տղամարդը սկսում է մեղմ սուլել, հետո անցնում է երգելուն.
    Hey Jude, don't let me down.
    Այս բառերը երգելուց հետո դեմքը մռայլվում է, դիմախաղը թրթռում է, շուրթերը սեղմում է իրար ու լռում:

    Լճում կարապները հանդարտ լողում են, ֆոնի ջահելները շարունակում են չաչանակել, արևն իջնում է: Տարածքով անցնում է չսափրված գրեթե սև մաշկով ու թափթփված հագուստով մեկը, շշերն է հավաքում:

    Տղամարդը դառը ժպտում է ու նորից սկսում երգել, այս անգամ՝ ավելի բարձր: Նայում է արևին:

    Իջնում է ճաղերից: Դանդաղ հեռանում է: Քայլվածքն ուղիղ չէ, չառլիչապլինյան է: Ժամանակ առ ժամանակ կանգնում է, կարապներին նայում: Հետո կանգնեցնում է զույգի, ինչ-որ բան ասում: Զույգը ժպտում է ու առաջ շարժվում: Տղամարդը շարունակում է քայլել, ասես ոչ մի տեղ չի շտապում: Կանգնում է, ժպիտը դեմքին հեռախոսը փորփրում: Զանգում էի ինչ-որ մեկին, սկսում խոսել: Դանիերեն է: Շարունակում է դանդաղ քայլել: Բայց հենց հասնում է փողոցին, քայլերն արագացնում է ու անհետանում: Արևն արդեն այնքան է իջել, որ ամբողջ լիճը ստվերի մեջ է:

  2. Գրառմանը 5 հոգի շնորհակալություն են հայտնել.

    LisBeth (13.05.2015), Mephistopheles (11.05.2015), Գալաթեա (11.05.2015), Մուշու (11.05.2015), Նիկեա (12.05.2015)

  3. #2
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Ժող, դե մի բան ասեք, ի՞նչ անեմ էս ձյաձի հետ: Նույնիսկ ֆոտո եմ արել:

  4. Գրառմանը 1 հոգի շնորհակալություն է հայտնել.

    Mephistopheles (14.05.2015)

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Առաջադրանք 8. Նկարագրություն
    Հեղինակ՝ StrangeLittleGirl, բաժին` Գրական առաջադրանքներ
    Գրառումներ: 7
    Վերջինը: 30.06.2016, 16:17
  2. Առաջադրանք 3. Երկխոսություն
    Հեղինակ՝ StrangeLittleGirl, բաժին` Գրական առաջադրանքներ
    Գրառումներ: 38
    Վերջինը: 25.03.2015, 22:30
  3. Առաջադրանք 2. Ռուտին
    Հեղինակ՝ StrangeLittleGirl, բաժին` Գրական առաջադրանքներ
    Գրառումներ: 10
    Վերջինը: 15.03.2015, 23:25
  4. Դեպրեսիայի անատոմիան. ոչ մասնագիտական դիտարկումներ
    Հեղինակ՝ Rhayader, բաժին` Հոգեբանություն և փիլիսոփայություն
    Գրառումներ: 15
    Վերջինը: 22.08.2013, 15:11
  5. Գերմանական դիտարկումներ
    Հեղինակ՝ ivy, բաժին` Դեսից - Դենից
    Գրառումներ: 8
    Վերջինը: 10.06.2010, 21:25

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •