Մեր լրատվական կայքերը, կարելի է ասել, հեղեված են նմանատիպ լուրերով։ Լրատվական կայքերում ամեն օր կարդում ենք, որ ինչ-որ մեկը կամ ինքնասպանություն է գործել, կամ ինքնասպանության փորձ է կատարել։
Բայց պե՞տք է արդյոք նմանատիպ լուրերը լուսաբանել։ Եվ եթե լուսաբանել, ապա ինչպե՞ս։
Գաղտնիք չէ, որ շատ լրատվական կայքեր, իրենց գումարի համար ոչ միայն լուսաբանում են, այլև տեղադում են լուսանկարներ /էլ չխոսեմ տեսանյութերի մասին/։ Ինձ թվում է, որ այս թեմայի լուսաբանման համար պետք է լինի հատուկ մոտեցում։ Ի վերջո, շատ սուիցիդալ հակումներ ունեցող մարդկանց համար գուցե գովազդ է թվում նմանատիպ լուրերը։ Ուստի՝ խթան կհանդիսանա ինքնասպանությունների թվի աճին։
Թեման, ցավոք, այնքան ցավալի է դարձել մեր օրերում, որ դրա մասին լռելն էլ մի բան չէ։ Բայց հարցը լռելու մեջ չէ, այլ ճիշտ մոտեցմամբ լսարանին հասցնելու խնդիր կա։ Ու վատ չէր լինի, որ այդ թեմայով ավելի շատ հաղորդումներ լինեին, որոնց նպատակը կլիներ թեմայի բարձրացմամբ կանխել նմանատիպ դեպքերը, ոչ թե ․․․
Մեջբերել
Էջանիշներ