Դաժան սպանություն Գյումրիում

[Chuk]

Այսօր Գյումրիում դաժան սպանություն է տեղի ունեցել:

Ըստ աղբյուրի, սպանվել են Սերյոժ Կարապետի Ավետիսյանը (ընտանիքի հայրը), Հասմիկ Ռաֆիկի Աբետիսյանը (մայրը), Արմեն Սերյոժայի Ավետիսյանը, (որդին), Արաքս Անդրանիկի Ավետիսյանը (հարսը), Աիդա Սերյոժայի Ավետիսյանը (քույրը), Հասմիկ Արմենի Ավետիսյանը (2 տարեկան երեխա):

Ընտանիքի յոթերորդ անդամին՝ 6-ամսական երեխային տեղափոխել են հիվանդանոց և վիրահատել: Գյումրիի մոր և մանկան ավստրիական հիվանդանոցի տնօրեն Աշոտ Կուրղինյանը Tert.am-ին տեղեկացրել է, որ երեխան հիվանդանոց է տեղափոխվել կրծքավանդակի շրջանում կտրած, ծակած վերքերի առկայությամբ: Կուրղինյանի խոսքով, կատարվել է որովայնի խոռոչի օրգանների ստուգում, և որևէ խոռոչային օրգան չի վնասվել:

Սպանություն կատարելու կասկածանքով հետախուզվում է ժամկետային զինծառայող Վալերի Պերմյակովը:

Ոստիկանությունը հայցում է քաղաքացիների ուշադրությունը և աջակցությունը:

Լուսանկարում պատկերված անձին տեսնելու դեպքում խնդրվում է անմիջապես զանգահարել 1-02 հեռախոսահամարով կամ դիմել ոստիկանության մոտակա բաժին:

Այս մասին տեղեկանում ենք ilur.am լրատվականից, ինչպես նաև գրեթե բոլոր մյուս լրատվականներից:

[Գալաթեա]

ես դեռ ի վիճակի չեմ անգամ ընդունել, ուղեղումս տեղավորել էս լուրը:

[Նաիրուհի]

Ես վախենում եմ, որ սա ադեկվատ արձագանք չի ունենա, նորմալ քննություն չի կատարվի, համապատասխան պատիժ չի սահմանվի։ Կարծում եմ՝ կա´մ շեշտը կդրվի հայ և ռուս բառերի վրա՝ էդ հողի վրա ատելության ալիք բարձրացնելով, կա´մ էլի նույն բառերի պատճառով կկոծկվի-կգնա, մի երկու նոր թեմա մեջ կգցեն, կշեղեն մեզ ու վերջ։

[Chuk]

Էս տեսահոլովակից տպավորություն ա, որ ռուս զինվորները զինված դուրս են եկել փողոցներ՝ մասնակցելու որոնումներին: Դրա իրավունքն ունե՞ն:

[Chuk]

Նախագահ Սերժ Սարգսյանն այսօր Գյումրիում տեղի ունեցած սահմռկեցուցիչ հանցագործության կապակցությամբ հրատապ սելեկտորային խորհրդակցություն է անցկացրել իրավապահ մարմինների ղեկավարների հետ, որի ընթացքում շեշտվել է ամենակարճ ժամկետում դրա մանրամասները պարզելու, մեղավորներին հայտնաբերելու և օրենքի ողջ խստությամբ պատասխանատվության ենթարկելու կարևորությունը: Հայաստանում տեղակայված ռուսական զինվորական բազայի հրամանատարությունը լիարժեքորեն համագործակցում է Հայաստանի Հանրապետության իրավապահ մարմինների հետ և գործուն օժանդակություն ցուցաբերում գործի քննությանը:

Այժմ կատարվում են անհրաժեշտ բոլոր քայլերն այդ բարբարոսությունն իրականացրած հանցագործին հայտնաբերելու ուղղությամբ, որոնք գտնվում են Հանրապետության Նախագահի անմիջական վերահսկողության ներքո:

Նախագահն իր խորին ցավակցությունն ու զորակցությունն է հայտնում զոհվածների հարազատներին՝ կիսելով կորստյան անսահման վիշտն ու ցավը:

Աղբյուր՝ http://www.president.am/hy/press-rel...umri-incident/

Հազար ներողություն, սակայն հայերենում այս ընդգծածս նախադասությունը թեև սխալ կազմություն ունի, որտև մի մասում եզակի է, մի մասում հոգնակի, բայց այդ անճշտությունը եթե անտեսենք, ստացվում է, որ հանցագործները գտնվում են նախագահի անմիջական վերահսկողության ներքո:

Սա ակամա, սակայն խոստովանություն է:

[Chuk]

Հարգելի հայրենակիցներ, այսօր ժամը 17-ին Գյումրու կենտրոնական՝ Վարդանանց հրապարակում մի շարք գյումրեցիներ ինքնաբուխ հանրահավաք են կազմակերպում այսօրվա ողբերգության կապակցությամբ։ Ում սիրտը ցավում է՝ հավաքվեք։ Այս մասին ֆեյսբուքում տեղեկացնում է Գյումրիի Ժուռնալիստների «Ասպարեզ» ակումբի նախագահ Լևոն Բարսեղյանը:

Աղբյուր՝ http://www.ilur.am/news/view/39561.html

[Lion]

Ինձ թվում է պետք է զերծ մնալ հակառուսական ծայրահեղ հիստերիայից, որն իրոք անիմաստ է ու անտեղի, բայց որի ծիլերն արդեն երևում են, սակայն մյուս կողմից էլ հստակ քայլեր ձեռնարկել խնդիրը այդ թվում նաև ռուսական հանրության առաջ ներկայացնելու համար, որպեսզի այն կողմից էլ որոշ բութ ուղեղների հասնի, որ նման հանցագործությունները ազգային պատկանելիություն չունեն, իսկ մեր այն խեղճ վարորդին ծաղրելն ու ծանակելը և իրենց "հրեշտակ" ներկայացնելը մեղմ ասած այնքան էլ չի համապատասխանում իրականությանը:

[Vaio]

Այժմ կատարվում են անհրաժեշտ բոլոր քայլերն` այդ բարբարոսությունն իրականացրած հանցագործին հայտնաբերելու ուղղությամբ, որոնք գտնվում են Հանրապետության Նախագահի անմիջական վերահսկողության ներքո:

"Որոնք"-ը վերաբերում է "քայլերին":

[Vaio]

Դեմքից երևումա, որ Դաուն² - ա:

[Chuk]

"Որոնք"-ը վերաբերում է "քայլերին":

Vaio ջան, ճիշտն ասած այդքան «հիմար» չեմ ու գիտեմ, թե իրանք ինչ են ուզել ասել, բայց արդյունքում լրիվ ուրիշ բան ա ստացվել: Քո ավելացրած բութը իրավիճակը չի փրկում հասարակ պատճառով. այդտեղ չի կարող բութ դրվել: Գուցե էս էն թեման չի, որ սենց բան գրեի, բայց իրանց նախադասությունը սխալ կազմությամբ նախադասություն ա, որում «որոնք»-ը ամենևին (լեզվի տեսակետից) չի վերաբերում քայլերին:

[Մուշու]

Ինչ սարսափելի է , ես նոր հեռուստացույցով տեսա , անհավատալի է , ոնց կարելի է սպանել մի ամբողջ ընտանիք Ուր մնացին մարդկային արժեքները : Հուսանք մեղավորը շատ կարճ ժամանակում կձերբակալվի և կպատժվի օրենքի ամբողջ խստությամբ : Նման հանցանքի համար անգամ կյանքով վճարելը շատ քիչ է !!!

[Malxas]

Սա առաջին դեպքը չէ Գյումրիում, մի քանի տարի առաջ էլ ռուս հարբած զիծառայողները օրը ցերեկով մարդաշատ փողոցում սկսել էին կրակել մարդկանց վրա, մի կանի հոգի զոհվել էր, շատերը մարմական վնասվածքներ էին ստացել:

[Norton]

ՀՀ-ում ՌԴ-ի դեսպանատունը հայտարարություն է տարածել Գյումրու ողբերգության առիթով

http://www.tert.am/am/news/2015/01/1...ssacre/1556909
http://embassyru.am/topic.php?id=247

ԱԳ նախարարի տեղակալն ընդունեց Հայաստանում Ռուսաստանի դեսպանին՝ Գյումրիում տեղի ունեցած ողբերգության կապակցությամբ

Հունվարի 12-ին ԱԳ նախարարի տեղակալ Շավարշ Քոչարյանն ընդունեց ՀՀ-ում Ռուսաստանի Դաշնության դեսպան Իվան Վոլինկինին:

Հանդիպմանը երկուստեք խորը մտահոգություն հայտնվեց` հունվարի 12-ին Գյումրիում կատարված Ավետիսյանների ընտանիքի դաժան սպանության կապակցությամբ:

Ռուսաստանի դեսպանը դեպքի առնչությամբ հայտնեց իր ցավակցությունը և նշեց, որ ռուսաստանյան կողմը շահագրգռված է դեպքի մանրամասների շուտափույթ բացահայտմամբ և մեղավորներին պատասխանատվության ենթարկելու հարցում: Նա ընդգծեց, որ Գյումրիում տեղակայված ռուսական ռազմաբազայի ղեկավարությունը լիովին համագործակցում է Հայաստանի իրավապահ մարմինների հետ և աջակցություն ցուցաբերում գործի քննությանը:

http://mfa.am/hy/press-releases/item...ep_min_gyumri/

[keyboard]

Մահ ռուսներին, մահ, մահ, մահ։
Ոչ մի հանգամանք ճշտված չի, ոչ մի տեղեկություն չկա, ամա նացիզմը սկսում ա ակտիվանալ, մահ ռուսներին, ես դրանց մերը

[Chuk]

Մոդերատորական. Թեման «Լրահոս» բաժնից տեղափոխվել է «Քաղաքականություն» բաժին: