Chuk-ի խոսքերից
Լարո ջան, դու ասում ես Հայաստանում եղած փորձից ու ես անկեղծորեն ափսոսում եմ բոլոր ժամանակ կորցրածների ժամանակը, որովհետև իսկապես էն, ինչ հիմա ա, էդ հաճախ ժամանակի կորուստ ա:
Հիմա գանք հերթով:
Վերցնենք օրինակ ֆիզիկան: Էն կուրսը, որ էսօր անցնում են բոլորը, կարծում եմ, որ պետք ա խիստ թեթևանա: Անգամ նա, որը հումանիտար հոսքերի համար է նախատեսված: Դրանք ըստ իս բավական ծանր ու խորն են գրած ու ընդհանուր գիտելիքներից ավելին տալու համար են նախատեսված, ինչն իր հերթին բերում է նրան, որ աշակերտներից շատերը չեն սիրում առարկան ու գրեթե չեն սովորում: Ինչքան էլ տարօրինակ հնչի, բայց եթե կուրսը խիստ թեթևանա, միջին վիճակագրական աշակերտն ավելին կիմանա, քան հիմա է իմանում դպրոցն ավարտելուց:
Այ էս դեպքում քո հարցի պատասխանն արդեն պատրաստ է, թե ինչ պետք է սովորես: Եթե ընտրել ես ֆիզմաթ ուղղությունը, ապա ֆիզիկա պետք է սովորես, բայց արդեն ոչ թե ասած թեթև տարբերակով, այլ խորացված: Իսկ փոխարենը շատ ավելի թեթև կսովորես ասենք կենսաբանությունը: Էն մյուսը ավելի խորը տնտեսագիտություն կսովորի, մյուսը քիմիա ու էսպես շարունակ:
Իդեան էն ա, որ 9 տարում ստանում ես հիմնական գիտելիքներ, որոնք մարդուն առօրյայում պետք է, ապա հաջորդ երեք տարում կարողանում ես ընտրել կոնկրետ ճյուղ ու խորանում ես դրանում: Սա քեզ իր հերթին հնարավորություն է տալիս դպրոցն ավարտելուց հետո ոչ թե ունենալ ընդհանուր գիտելիքներ, այլ ինչ-որ մի ուղղության մեջ եթե ոչ պրոֆեսիոնալ լինել, ապա որոշակի մասնագիտական գիտելիքներ ունենալ: Ինչպես նաև օգնում է հետագա մասնագիտությունդ ընտրելու հարցում (եթե որոշել ես խորացնել): Ստեղ էլ մի քիչ փակագծեր բացենք: Մեզանում շատ հաճախ ԲՈՒՀ ընդունվողը որոշ ժամանակ հետո փոշմանում է իր ընտրած մասնագիտության համար, բայց արդեն ուշ է լինում: 10-12-րդ դասարաններում կոնկրետ ուղղություն ընտրելը կարող է ավելի լայն հնարավորություն տալ ժամանակին փոշմանելու ու քոնը գտնելու հարցում:
Էջանիշներ