Դրական թե՞ բացասական երևույթ:
Եկեք այս թեմայում քննարկենք, «ծաղր» և «ճնշում» երևույթների մասին:
Ի՞նչ է ծաղրը և ճնշումը:
Որտե՞ղ է այն տեղի ունենում:
Ո՞րն է պատմությունը և նախապատմությունը:
Դրական թե՞ բացասական երևույթ:
Եկեք այս թեմայում քննարկենք, «ծաղր» և «ճնշում» երևույթների մասին:
Ի՞նչ է ծաղրը և ճնշումը:
Որտե՞ղ է այն տեղի ունենում:
Ո՞րն է պատմությունը և նախապատմությունը:
Բարությունը միակ զգեստն է, որը երբեք չի հնանում:
Հենրի Թորո
Երևույթներն, իհարկե, կարելի է քննարկել ու լավ էլ հետաքրքիր քննարկում ծավալել, բայց վերոնշյալ հարցադրումները, կարծում եմ, էնքան էլ հաջող չեն. չափից դուրս վերացական են, հետևաբար չեն դրդում քննարկման։ Գուցե ավելի կոնկրետ հարցադրումնե՞ր անես։
Երջանկությունը ճամփորդելու ձև է, ոչ թե նպատակակետ։
Ռոյ Գուդման
Ուլուանա-ի խոսքերից
Եթե ուզում ենք փիլիսոփայել որևէ երևույթի շուրջ, ապա նման փիլիսոփայական քննարկումները, հիմնականում սկսվում են հարցերով: Ուստի` իմ գրած երեք հարցերն այս թեմայում, հաջող հարցեր են: Անպայման չի, որ այդ հարցերին դուք կոնկրետ պատասխան տաք, պարզապես կարող եք հայտնել, ձեր դրական կամ բացասական կարծիքն այս երևույթի շուրջ: Բայց ցանկալի է, որ մարդիկ փորձեն ավելի խորը մտածեն, այս երևույթի մասին: Իմ գրած 3 հարցերը և նմանատիպ այլ հարցերը, կարծում եմ կօգնեն ավելի լավ պատկերացնել, ավելի լավ հասկանալ, ավելի խորը քննարկել տվյալ երևույթը:
Բարությունը միակ զգեստն է, որը երբեք չի հնանում:
Հենրի Թորո
Ծաղր ու ճնշում շատ տարբեր ոլորտներում կարող են դրսևորվել:
Օրինակ՝ շատերը քաղաքական գործիչներին ծաղրում են ու փորձում կամ երազում ճնշել՝ հաճախ դրա համար լուրջ հիմքեր ունենալով:
Մյուս դեպքում դպրոցներում երեխեքը մեկը մյուսին ծաղրում ու ճնշում են՝ հաճախ առանց որևէ հիմքի, էնքան որ ինքնահաստատվելու համար:
Ընտանիքում կարող են միմյանց ծաղրել ու ճնշել: Էլի շատ տարբերակներ կարելի է մտաբերել: Էնքան լայն թեմա ա, որ խելքը գլխին հոգեբանության ֆակուլտետում որպես թեզի վերնագիր երևի կդիսկվալիֆիկացվեր:
«Ճիշտ և սխալ արարքների մասին պատկերացումներից այն կողմ մի դաշտ կա: Ես քեզ այնտեղ կհանդիպեմ»:
Ես դեմ եմ բռնության համարյա ցանկացած դրսևորման, իսկ ծաղրն ու ճնշումը բռնություն են ենթադրում։ Բացառություն կարող են լինել էն դեպքերը, երբ ծաղրվողն ու ճնշվողը հանրության համար վտանգավոր ու ապօրինի գործունեություն են ծավալում։ Օրինակ Արմենիայի Դիանան իր մի խումբ սերիալներով, ՀՀԿ-ն իր ամբողջ բանակով… Բայց որ մեկի անձնական էջից նկարը վերցնում ու հանրային բոցերի թեմա եմ սարքում՝ էդ չեմ ընդունում։ Ադենք մեկը, գաղութից ուղարկած խաչհ վզից կախած, սուլթան կոշիկների քթերից կախված պպզած է եկեղեցու դիմաց։ Ծաղրել էդ աղջկա՞ն։ Ու ո՞ր արժանիքդ ա քեզ էդ իրավունքը տվել, որ օրենք խախտես, մարդու անձնական նկարը հրապարակես ու ծաղրես։ Ես ամեն անգամ նեղվում եմ մի տեսակ, որ նմանատիպ էժան միջոցներով փիառվող ֆուֆլո անհաջողակների սարքած ֆբ-յան էջում տեսնում եմ իմ կարծիքով հասուն ու գիտակից ծանոթներիս հավանությունները։ Ու մտածում եմ էդ կարա լինի մանկական տրավմայի հետևանք, ասենք մի տղա երկար մազեր ուներ 10 տարեկանում, փողոցի՝ իր հասակակից տղեքը ճնշում էին իրան դրա համար, ծաղրում ու նվաստացնում, իսկ հիմա էդ անձը արտաքնապես իր էդ հասակակիցներին նման մարդկամց նկարների վրա բոցեր անելուց իր մանկական հոգու վրեժն ա լուծում, սիրտը հովացնում ա ու դրանով ցույց ա տալիս իրա փոքրությունը։ Տենց էջերը ոնց որ կյանքից աբիժնիկների բեսեդկա լինի, ճիշտ նույնից, որտեղ հավաքվում են քուչի բեզդելնիկ տղեքն ու անցնող-դարձող՝ իրանց կողմից անընդունելի սանրվածքով կամ քայլվածքով տղեքի հետևից ռեպլիկներ են թողնում։
boooooooom (16.12.2014), GriFFin (05.01.2015), Ruby Rue (16.12.2014), Նաիրուհի (21.12.2014), Ուլուանա (16.12.2014)
Կան երևույթներ, որոնք անձամբ ես համարում եմ վատը (ռաբիզ լսցնելը, հասարակական վայրերում ծխելը), կարծես թե հակաօրինական բան չկա մեջը, բայց ես պատրաստ եմ ուժերիս ներածին չափով (այսինքն ինչքան էդ պահին կարող եմ) և ծաղրել, և ճնշել։
Դրանց մեջ մտնում է նաև Ջոնի բերած օրինակի «անձնական» էջի նկարը։ Էդ նկարը դադարեց անձնական լինել, էն պահից երբ մարդը դա հրապարակեց։ Դրեց, որ համայն մարդկությունը դա տեսնի։ Ու դա տեղադրելուց հետո, եթե մարդը պետք ա ակնկալի միայն հիացական խոսքեր, ուրեմն ես պատրաստ եմ ծաղրել ոչ միայն իրա «ճաշակն» ու «հավատքը», այլ նաև ուղեղի ծալքերի քանակը։
Երևույթը ծաղրում են դրա վերացման համար, ու քանի դեռ կան երևույթներ, որոնց վերացմանը ես երկու ձեռքով կողմեմ, դրանք պետք ա ծաղրել։ Րաֆֆիի «ձոնը» վկա։
artak.amDe gustibus et coloribus non est disputandum.
Ու ինչո՞վ է նպաստում քո ծաղրը տվյալ անձի ճաշակի զարգացմանն ու ուղեղի ծալքերի քանակի ավելացմանը
Վերջին խմբագրող՝ John: 16.12.2014, 12:20:
Նրանով, որ հաջորդ անգամ նման նկար տեղադրելուց առաջ և ինքը, և ծաղրը տեսնողները ավելի երկար կմտածեն։ Իսկ մտածելը միշտ էլ լավ ա ։)
artak.am
boooooooom (16.12.2014)
Մեր հարևան Գագուլիկին որ հարցնեմ, թե ինչո՞ւ է ծաղրում երկար մազերով Մայքլին, կպատասխանի «Որ մազերը կտրի, տղու նմանվի: Ու որ մեր փոքր ախպերներն էլ կողքից չտենան դրան ու մտածեն էդ նորմալ ա… Մյուս անգամ վարսավիրանոց մտնելուց կմտածի արդեն ասի «Ծայրից 3 սմ վերցրեք խնդրում եմ», թե՞ «2-3 սմ թողեք»:
Դու՝ Գագուլիկից ավելի կրթված ու գրագետ լինելով գուցե շատ ավելի սիրուն ձևակերպես ասելիքդ ու անելիքդ, էդ գուցե համոզիչ թվա, բայց ոչ ինձ համար:
Ես որ հիշում եմ մի խումբ տղեքի ռեակցիան, երբ տեսան իրանց նկարները անծիօդնոկլասնիկ էջում... Էդ նկարը վերցնողին էլ, քցողին էլ, լայքողին ու քոմենթողին էլ հազար ու մի հայհոյանք հասցեագրելուց բացի նաև գրեցին էդ մասին, ու հատկապես նշեցին, որ ով կարող է պատասխան տալ իր արարքի համար, ով գտնում է որ էդ նկարների հետ տենց վարվելով ճիշտ է անում ու լավ է անում, թող զանգի համապատասխան համարով… Ո՞ւր էին էդ ժամանակ «խա՜յ, փհա՜յ, զզզ՜» գրող գերժամանակակից ու գերզարգացած ջահելները: 18 րոպեի ընթացքում 4 քոմենթ պակասեց տվյալ նկարի տակ:
Կփորձե՞ս պնդել, որ երևույթը ծաղրելու ընթացքում եթե մասնավոր օրինակի վրա է էդ արվում, ու էդ օրինակը հանդիսացող մարդը իրեն ծաղրողին ամենակեղտոտ ձևով թեկուզ հոյհոյում է, ճիշտ չի անում…
Արտ ջան, քո հետ դժվար է բանավիճել էս թեմայով, որտև ես քեզ լավ գիտեմ, ու գիտեմ, որ իրականում դու ոչ ինքնահաստատման խնդիր ունես, ոչ էլ վրեժ լուծելու մանկական երազանք, բայց արի ինձ ճիշտ հասկացի. խոսքը քո մասին չի, այլ էդ երևույթի: Դու՝ ներկայացնելով քո դիրքորոշումն ու նպատակը տենց բան անելու, արդարացնում ես քեզ, բայց չես կարող արդարացնել էդ գործով զբաղված բացարձակ մեծամասնությանը, ովքեր ուղղակի աբիժնիկ են կյանքից, կամ, սևազգեստ թրաշով տղեքից:
Երբ մարդը իսկապես գտնվում է մտավոր ավելի ցածր աստիճանի վրա, նա հաճախ չի էլ հասկանում, որ իրեն ծաղրում են։ Նա կկռահի, որ իրեն ծաղրում են շրջապատող մարդկանց վերաբերմունքից ծաղրին (հռհռոց, մատով ցույց տալ…) ։
Գիտակից մարդը, նախ աշխատում է ծաղրի առարկա չդառնալ՝ իր գործողություններին (ասածին ու արածին) ավելի լուրջ մոտեցումով։
Հաճախ մարդն ինքն իր թերությունը "ծաղրելով " ,հնարավորություն չի տալիս ուրիշներին դրանով զբաղվել (երբ ծաղրի առարկա կարող է դառնալ բնածին վիճակը՝ մեծ քիթ, թլիկություն, աչքերի շլություն, կաղությունը…): Բայց դժվար թե խելացի մարդը էդ ամենի վրա ծիծաղա, բացառությամբ այն դեպքերի երբ դիմացինը ոչ թե պաշտպանվում է ինքն իրեն ծաղրելով, այլ ուղղակի մասնագիտության բերումով է ծիծաղեցնում կամ ուղղակի էությամբ էնպիսի մարդ է, որ սիրում է երբ կարողանում է ինչ որ գործողությամբ (խոսքով, շարժումով) ծիծաղ պարգևել շրջապատին՝ հաճախ գնալով ինքնազոհության (ես մեկ-մեկ տենց եմ)։
Ծաղրը ավելի մեծ ու "ցավոտ" ազդեցություն ունի ցածր ինքնագնահատականով մարդկանց վրա։ Երբ մեկին ծաղրում ես, շրջապատին ծիծաղ պարգևելու նպատակով, պետք է գոնե համոզված լինես, որ դա նրան չի վնասի։
Դեպքեր են լինում, երբ ծաղրը ծաղրվողին մեծ ճանաչում է տալիս (Արման Բարդումյանը վկա) և դժվար է ասել թե դա ծաղրվողին օգուտ էր, թե վնաս։
Իսկ ճնշումը կարող է լինել նաև ինքնապաշտպանության ձև, երբ "մեկին քո տարածքից դուրս հանելու" այլ տարբերակ չկա։ Մնացած դեպքերում երևի անընդունելի է։
Հ.Գ. Սույն գրառումը "սիրողական" մակարդակի է և նախատեսված չէ բարձր ինտելեկտի տեր մարդկանց որևէ բան սովորեցնելու համար։
Վերջին խմբագրող՝ boooooooom: 16.12.2014, 10:49:
Կարճ
Կոնկրետ
Հակաօրինական կամ հանրության համար վտանգավոր ասելով ի նկարի ունեի հենց Ձայ ձյայի ասածը։
Ինչ վերաբերում է մնացածին՝ ծաղրել երկար մազերի ու ծաղրել եկեղեցու դիմաց պպզելու համար, ինձ համար երկուսն էլ Բում ձյայի ասած բանանին՝ պիտակի պատճառով ծաղրելն է։ Հիմա որ ես թզբեով ու հատիկ-չոլկով եկեղեցու դիմաց նկարվեմ, դու՝ Աթեիստ ձյա, ինձ չես ծաղրի։ Հա, դու երևույթն ես ծաղրոիմ, գիտեմ, բայց իմ նկարը քո մոտ ծաղրելու գրգիռ չէր առաջացնի։ Որտև դու ինձ գիտես, Բում ձյայի ասած օրինակի հետ որ սինխրոնիզացիա անեմ, դու՝ իմանալով բանանի համը՝ չես ծաղրի վերջինիս պիտակի համար։ Իսկ կողքի բանանին կծաղրես. դու տեսնում ես պիտակը ու չգիտես համը։ Էդ ես ճիշտ մոտեցում չեմ համարում ։)
Վերջին խմբագրող՝ John: 17.12.2014, 13:25:
boooooooom (17.12.2014), Նաիրուհի (21.12.2014)
Ու վերջապես եկեք ընդունեք, որ «քյարթու» պիտակը «կրող» մարդիկ այլ մշակույթի կրողներ են, քան դուք։ Իրանց աշխարհընկալումն ա ուրիշ, էն միջավայրը, որտեղ ապրում են, իրենց մտերիմների շրջանսկը, իրենց բազմակողմանի զարգացվածության մակարդակը։
Մի՞թե +35 շոգին սև չադրայով քայլող մուսուլման կնոջը կծաղրեք։ Իրան չէ՝ էդ երևույթը։ Ի՞նչ իրավունքով։
Ու, Աթեիստ ձյա, որ ասում ես մյուս անգամ կմտածի նույն բանն անելուց առաջ, եթե ծաղրես էդ երևույթը։ Քաղ. գործիչներից ավելի ոչ ոքի չեն ծաղրել ինչ ես հիշում եմ, եթերում, բոլորի աչքի առաջ։ Քա՞նի քաղ.գործիչ դրանից հետևություն արեց։
boooooooom (17.12.2014), Ձայնալար (17.12.2014), Նաիրուհի (21.12.2014)
Բագ, իսկ որ նստում ա ավտոբուս, հեռախոսով միացնում ա ասենք «ուզբեկ» ու սաղին լսցնելով գնում տուն, կապ ունի՞ կոշկակար ա, թե բանկիր։
Հոս, հաստատ անտարբեր չեմ լինի նման նկարի հանդեպ։ Պարզ ա, որ անծանոթի նման չեմ ծաղրի, բայց որ մի թթու խոսք կասեմ, հաստատ ա։ Ասենք հորոխպորս տղուն մի երկու անգամ տենց տեսել ու ասել եմ։
Քանի հասանք մշակույթին, էլի հիշեցնեմ, որ իրանց զարգացած համարող մարդը չի պահանջում դիմացինը ճաշակը փոխի, որտև «ճաշակին ընկեր չկա», բայց պահանջում ա իրա ճաշակը չտարածել մյուսների վրա։ Երբ փոցողում ռոքեր ես տեսնում, դու ոչ թե լսում ես, թե ինքն ինչ երաժշտություն ա լսում, այլ հասկանում ես։ Մաքսիմում կարող ա ականջակալներով լսելուց էնքան բարձր միացրած լինի, որ կողքից լսվի։
Տաքսու ու ավտոբուսների շոֆոռների սիրած երգերը արդեն սաղս գիտենք, բայց դա հերիք չի, քո ասա «այլ մշակույթ կրողները» իրանց պարտքն են համարում իրանց մշակույթը փաթաթել իմ վզին։ Ու էդ մշակույթի մեջ մենակ «ուզբեկի» «երգերը» չեն։ Դա բառապաշարն ա, դա «սրբություն», «ճիշտ», «մաքուր» ու նման կարգի կեղծ արժեքներն են, որոնք իրանք քեզ են պարտադրում։
Հենց քո բերած օրինակում, ինքը քեզնից «ատչոտ ա ուզում» ծիծաղելի նկարի վրա ծիծաղելու համար։ Իմ աշխարհում տենց բան գոյություն չունի։
Ես որ ավտոբուսով գնալուց մի ծիծաղելի բան տեսնեմ, ես պարզապես կծիծաղեմ, իսկ քո ասած «քյարթերը» իրանց ծիծաղելը սարքում են շոու. «արա՜, հըլը ընդե՜», նենց որ սաղ ավտոբուսը ներքաշվի։
Քաղաքական գործիչների պահով էլ նույն Րաֆֆին ըստ քեզ իրա դեբիլ հալով հաջորդ անգամ ինչքա՞ն ուշադրություն կդարձնի հերթական ելույթին։
Պուտինի վրա էլ վերջերս խնդում են («Դոլարի կուրսի բարձրանալուց ռուբլու շրջանառությունն ա աճում, դա տնտեսությանն օգուտ ա» -Րաֆֆիի մակարդակի դեբիլության վրա), բայց հարց ա թե էդ խոխմեքից քանիսն ա իրա ականջին հասնում։
artak.am
John (19.12.2014)
Գիդեք ես ե՞րբ կուզենայի ծաղր ճնշումի տարերով օգտագործել: Ես ճիշտն ասած էդ սարկազմ եմ համարում: Օրինակ, երբ պատանիները (подросток) իրանց անվայել են պահում: Ու կուզենայի, որ էդ դասի նման լինի: Հաճախ սառկազմը ավելի լավ ա սովորացնում քանց թե հասարակ դիտողությունը: Պրոկտոլոգիայիս դասախոսը ասում էր, որ առաջ մարդիկ սենց անկարգ, իրանց անձնականը հանրային դարձնող ու ամենավախ չէին: Բավական էր մի հատ հայացք գցել ու քիչ թե շատ դա կզգաստացներ, իսկ հիմա էդպես չի: Հիմա արժեքային համակարգը փոխվել ա: Երբ ես դպրոցական էի, բոլորը ծաղրում էին սովորղներին ու դրա պատճառով շատ երեխեք իմ դասարանից սկսեցին չսովորել: Իսկ երթուղայինում ծխող վարորդին ոչ ոք չի ծաղրում ու էդ երևույթը նորմալ ա համարվում: Հիմա մոդայիկ ա անկարգ փսիխոպատ լինելը ու ես չեմ հասկանում իրանց ծաղրելու մեջ ի՞նչ վատ բան կա: Ինձ թվում ա, որ եթե փողոցում պպզողներին (օրինակ) ծաղրեին էդ ավելի լավ արդյունք կտար ու իրանք ավելի կազդվեին: Եսիմ:
Vitam regit fortuna, non sapientia.
boooooooom (06.01.2015), Աթեիստ (05.01.2015), Արամ (05.01.2015)
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ