Ես քո գրառումը չէի հասցրել կարդալ, առաջինն էի դեռ կարդացել: Բայց, անկախ ամեն ինչից, միտքն արտահայտողի անձն ու այդ անձի նկատմամբ իմ սիմպատիան չեն կարող փոխել մտքի նկատմամբ իմ վերաբերմունքը: Այլ կերպ ասած, եթե կարդացած լինեի, կարծիքս նույնը կլիներ, բայց կմեջբերեի աչքիս առաջի կենդանի օրինակը:
Առաջարկում եմ վերանայել քո վերաբերմունքը կամ բռնության հարցի, կամ իմ նկատմամբ, որովհետև ես քո տեսանկյան հետ հաշտվել չեմ պատրաստվում:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
boooooooom (24.09.2014), Sambitbaba (06.10.2014)
Ռայ, ես առաջարկում եմ մի հանդիպման ժամանակ քեզ տփենք, տեղը տեղին, նկարը դնենք ստեղ ու թեմա բացենք՝ ծեծը ակումբի հանդիպումներին, միաժամանակ մի քանի դրական բան կանենք, համ քեզնից մուռ կհանենք քո վիրավորական գրառումների համար, համ ակումբում քննարկելու նոր թեմա կբացվի, համ էլ քեզ կարգին կցխենք, եթե համաձայն չես, էլ հանդիպման չգաս, որտև համաձայ լինես-չլինես իրականացնելու ենք, արդեն թիմ եմ հավաքել
Բայ, ասածիդ մեջ իհարկե տրամաբանություն կա. ինչու պայքարել մարդու իրավունքների համար, եթե նա էդ իրավունքները չի ցանկանում:
Բայց արի մի քիչ լայն նայենք հարցին: Հարցն էստեղ էդ կանանց մոտ համապատասխան գիտակցության ձևավորումն է, որ իրենք էլ ունեն իրավունքներ ու դրանք կարող են պաշտպանված լինել:
Ինչ-որ խուլ երկրի, խուլ գյուղից մեկը, ում աչքերը փակ դեռահաս տարիքում ամուսնացրել են, հնարավոր է պատկերացում անգամ չունի, թե ինքը՝ որպես կին, ինչ-որ իրավունքներ ունի: Հարցն էստեղ նրան էդ գիտակցության բերելն է: Եթե նա չի հասկանում, դա դեռ չի նշանակում, որ դրա կարիքը չունի, ու ոչ էլ նշանակում է, որ պիտի իրեն էդ վիճակում թողնել:
Հարցն աշխարհն ավելի լավ տեղ դարձնելն է: Դու՝ որպես իդեալիստ, պիտի որ դա հասկանաս:
Ու բռնության դեմ պայքարելուց էլ պիտի մարդկանց մտածողության փոփոխման վրա աշխատել: Անկախ նրանից, բռնության մեջ հայտնված մարդը հասկանում է իր վիճակը, թե չէ, ինքը միևնույն է զոհ է ու օգնության կարիք ունի:
Եսիմ, Այվ, եսիմ: Ես արդեն սկսել եմ դա դիտարկել որպես ազգային-ազատագրական BDSM: Ինչքանո՞վ ես իրավունք ունեմ պահանջել, որ բոլոր մարդիկ գիտակից, պատասխանատու լինեն: Նամանավանդ մի ժողովրդի մեջ, որ սեփական ստորացումը ռոմանտիզացնելը գենետիկ գիծ է դարձրել:
Նույն քրիստոնեության թեմայով՝ մարդը, որը հավատում է, որ իր աստված իր տերն է ու իրավունք ունի իր կյանքն ինչպես ուզի՝ տնօրինի, նաև ընդունում է պետությունը որպես ֆեոդալական կառույց: Ու հիերարխիան իջնում է ներքև՝ կինն էլ տղամարդու սեփականությունն է: Իսկ եթե ինչ-որ մեկը պատրաստ է հաշտվել նրա հետ, որ ինքը տնական կենդանի է կամ կահույք, եսիմ, այդ մարդու նկատմամբ մոտս մեծ կարեկցանք չի առաջանում: Ինչպես ոչ մի կարեկցանք չի առաջանում իրենց ոտքով սպանդանոց գնացող կովերի ու ոչխարների նկատմամբ: Ասենք, որ ոչխարներից մեկին հանում են ու մորթում, մնացածը մի պահ վախեցած հետ են քաշվում, որ իրենց էլ չբռնեն, հետո վախեցած աչքերով նայում մորթելու պրոցեսին՝ շարունակելով խոտ որոճալ: Արդյո՞ք պետք է գնալ ու հովվի աչքի առաջ փորձել ոչխարներին համոզել, որ իրենք էլ իրավունքներ ունեն:
Կարող ես քո օրինակով ալտերնատիվա հանդիսանալ, բայց ոչ ավելին:
Միգուցե իմ տեսանկյունն այսպիսին է այն պատճառով, որ ընդհանուր դեպքում ես մարդկանց չեմ սիրում: Եսիմ:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Առավելագույնը, որ կարող եմ անել, այդ բռնությունն իմ անմիջական շրջապատում թույլ չտալն է: Բայց գնալ, մտնել մարդկանց տուն ու իրենց ինչ-որ բան համոզել՝ չէ, շնորհակալ եմ: Ես ու ցանկացած այլ մարդ գործնականում նույն հնարավորություններն ենք ունեցել որոշակի գիտակցության մակարդակի հասնելու համար: Ես մեծացել եմ առանց ինտերնետ, մինչև որոշակի տարիք՝ առանց համակարգիչ, երաժշտություն, միայն գրքերն էին անպակաս, բայց դե մնացածի համար էլ անհասանելի չէին, էլի: Մութ էր, ցուրտ ու սոված: Իրենցից ամեն մեկն ուներ նույն հնարավորությունն ինձ նման մտածելու, բայց իրենք ուրիշ ճանապարհ են ընտրել: Ու ասենք այնպես չի, էլի, որ ես խիստ պրոգրեսիվ ընտանիքում մեծացած լինեմ, կամ որ իմ ընտանիքում բռնություն եղած չլինի, կամ մնացածից քիչ եղած լինի: Ես իմ եզրահանգումներն եմ կատարել իմ ապրածից, բայց իմ ապրածն այնքան էլ տարբեր չի Հայաստանի միջին վիճակագրական ցանկացած երեխայի ապրածից: Իրենց ոչ մեկն ավելի շատ չի արգելել սեփական կարծիք ունենալ, քան ինձ: Ուրեմն իրենք ինձանից ոչ պակաս պատասխանատու են սեփական գաղափարների ու արարքների համար:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Բայ, դե ֆակտո, դու անծանոթ մեկի համար հանրահավաք ես գնում, պայքարում ես, քաղմաս ես ընկնում, վատամարդ ես լինում, սառում ես, շոգում ես ու էսպես շարունակ, հիմա ինչ տարբերություն այս երկու դեպքերի մեջ. ոչ մի ես կասեմ, ընդամենը մի դեպքում "թիրախը" ընդհանուր ժողովուրդն է, մյուս դեպքում՝ էդ ժողովրդի որոշակի խումբը կամ հատվածը:
Այդ մարդիկ այո, այլ կերպ են մտածում, բայց երբեմն իրենց մտածածը ու "հնարավորությունները" բավական հեռու են միմյանցից ու չեն կարողանում միատեղվեն ու հենց քո ասծն էլ դրանք միատեղելու փորձն ա:
Համամիտ եմ, որ կոնկրետ ոչխարի մակարդակի ինտելեկտով մարդիկ էլ կան էդ խմբերում, բայց նաև հավատացած եմ, որ դրանք բավական քիչ են, որոշակի տոկոս կամ կշիռ ներկայացնելու համար:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Ռայը ճիշտ ա էն առումով, որ նման մարդկանց օգնելու գործն անշնորհակալ ա ու երբեմն նաև պարզապես վտանգավոր:
Նույն, ամուսնուս մոր գործունեության օրինակով գիտեմ:
Վերջերս իրենց կազմակերպության երեխեքով գնացել էին Գավառ մի դատավարության մասնակցելու: Էլի ծեծված մի կին էր, որ ամուսնուն դատի էր տվել:
Իր խմբի վրա հարձակվել էին, սպառնացել ֆիզիկական հաշվեհարդար տեսնել ու հարձակվողների մեջ էր եղել ինչ-որ ռուսամետ գրպանային կուսակցություն, չեմ հիշում ցավոք անունը: Դրա գլխավորը հայտարարել էին, որ էդ խումբը ոտնատակ ա անում մեր սուրբ ավանդույթները(ըստ երևույթին՝ կնոջ գլուխը ջնջխելն են նկատի ունեցել ավանդույթի տակ) և կազմաքանդում ա հայ ընտանիքներն իր անթույլատրելի միջամտություններով:
«Հայ-Ռուսական Միավորում», Ռոբերտ Ահարոնյան՝ հայտնի է նաև «Փակ Շուկայի» մոտ ակցիաների ընթացքում սալաթչիների երկու «կամանդիրներից» մեկը լինելով, Սուրենյանցին զուգահեռ: Սուրենյանցը հետո խոստովանեց, որ իրենց դրա համար վճարվել է: Ենթադրվում է, որ Գավառի համար էլ է վճարվել, ու ոչ քիչ:
Գավառի դեպքն ունիկալ էր նրանով, որ կինն ինքը պայքարում էր, այդ դեպքում իրեն ցանկացած աջակցություն ոչ միայն արդարացված է, այլ նաև անհրաժեշտ: Գիտակցություն նման նախադեպներն են ստեղծում, ոչ թե տափակ պրոպագանդան:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Rhayader (24.09.2014)
Cassiopeia (24.09.2014), ivy (24.09.2014), Rhayader (24.09.2014), Sambitbaba (06.10.2014), Աթեիստ (24.09.2014), Մինա (24.09.2014)
… …
Այս պահին թեմայում են 1 հոգի. (0 անդամ և 1 հյուր)
Էջանիշներ