Կնոջ մարմինը

[Արշակ]

Ստեղ նաև սուբյեկտիվ ընկալման հարց կա: Ո՞վ ա «չաղը»: Երբ ես թինեյջեր էի, ախպերս ու մամաս ինձ աջ ու ձախ չաղ ասելով ման էր գալիս, ահավոր կոմպլեքսավորվել էի: Հիմա որ նայում եմ էդ ժամանակների նկարներս, աչքերս ճակատիս են թռնում, թե ոնց եմ հավատացել ախպորս ասածներին: Բայց փաստն էն ա, որ երկուսն էլ ինձնից նիհար էին, իրենց ընկալմամբ ես չաղ էի: Դրա համար մեկին «չաղ» ասելով դու ոչ թե փաստ ես արձանագրում, այլ պիտակավորում ես մարդուն: Նույն «չաղո» բառն ինքնին ահագին վիրավորական ա: Ես էդ պոլիտկոռեկտ big guy-ն ու curvy girl-ն էլ ընդունելի չեմ համարում, որովհետև դրանք էլ իրենց ձևով են մարդուն պիտակավորում:

Իհարկե, բժշկական տեսանկյունից գոյություն ունի ավելորդ քաշ հասկացություն, բայց էկեք դա թողնենք անձին ու իրա բժշկին, ու թող իրանք միասին փորձեն պարզել տվյալ անձը քաշ կորցնելու կարիք ունի՞, թե՞ չէ։

Ինձ թվում ա՝ կարելի ա շատ հանգիստ ապրել ընդհանրապես առանց մարդկանց արտաքին տվյալները քննարկելու։ Համենայնդեպս, ես չեմ հիշում, թե վերջին անգամ ինքս երբ եմ ուրիշի արտաքին տվյալները քննարկման առարկա սարքել։ Ինչ վերաբերում ա գրավիչ լինել-չլինելուն, ոչ ոք որևէ մեկի չի խնդրում, որ բոլոր տեսակի կանանց կամ տղամարդկանց գրավիչ համարի։ Ընդամենը՝ էն, ինչը քեզ համար գրավիչ չի, մի պիտակավորի ու մի անհանգստացի. հաստատ կգտնվեն մարդիկ, որոնք դա գրավիչ կհամարեն։

Դրա համար էլ ասում եմ․ նայած չաղ բառը ինչ նպատակով ա ասվում։ Եթե քեզ ախպերդ չաղո էր ասում ծաղրելու համար, էդ ինչպես արդեն վերևում եմ նշել՝ վատ ա։ ՈՒ համաձայն եմ, որ մարդ մի բան ասելուց առաջ պետք ա մտածի իր խոսացածից ինչ օգուտ կա։ Ասենք ես փողոցում ման չեմ գալիս ու կողքովս անցնող մարդկանց քաշի իմ գնահատականները տալիս։ Բայց եթե ինչ–որ մեկը հարցնի իմ կարծիքը իր չաղության վերաբերյալ ես իմ կարծիքը կասեմ։ Կամ արդեն վերը նշածս օրինակում, երբ հեռվում երկու հոգու եմ տեսնում, մեկը նիհար, մեկը չաղ, ու ուզում եմ չաղին մատնացույց անել, կօգտագործեմ չաղ բառը ու էդ նորմալ ա։

ՈՒ չնայած չաղ ու նիհարը սուբյեկտիվ ընկալման հարց կարա լինի, բայց որոշ դեպքերում էդ ընկալումը արտահայտելը իմաստ ունի, որոշ դեպքերում՝ լրիվ անտեղի ա։
Հիմա որ քո մաման գուցե անհանգստանում էր, որ ավելորդ քաշ ունես ու նորմալ ա, որ իր էդ անհանգստությունը արտահայտեր, էն դեպքում երբ դու, փոքր լինելով, ինքդ կարող ա չնկատեիր։ Իսկ թե կոնկրետ քո դեպքում մամադ ինչքանով էր ճիշտ գնահատում քո չաղ կամ նիհար լինելը, էդ արդեն լրիվ ուրիշ հարց ա: