Սնահավատության վերաբերյալ ակումբում հավաքական որևէ թեմա չկար: Ու քանի որ սնահավատությունն ինքնին բազմապիսի անհեթեթ դրսևորումներ ունի, առաջարկում եմ էս թեմայում նշել դրանք, անհրաժեշտության դեպքում քննարկել: Ես լուրջ չեմ վերաբերվում սնահավատությանը, այն ինձ համար զվարճալի ա, դրա համար էլ էս բաժնում եմ բացել թեման:
Թեմայի գաղափարն ինձ մոտ ծնվեց էն ժամանակ, երբ մեծ աղջիկս սուր ձայներից (հեռախոսի զանգ, դռան թակոց և այլն) վախենում էր, լացում, և մարդիկ համոզիչ կերպով ու լուրջ դեմքով խորհուրդ տվեցին երեխային օձի աղացած կաշի տալ: Դե բնականաբար էդ խորհուրդն ինձ տևական խինդ-ուրախություն պարգևեց, ու մտածեցի, հիշեցի սնահավատության մի քանի ուրիշ դրսևորումներ՝ ոչ պակաս անհեթեթ ու զվարճալի.
1. Նույն խնդրի լուծմանն ուղղված ոչ պակաս օրիգինալ դրսևորում՝ «մեռելի աղացած ոսկոր կերցնել», «փոքր երեխայի չիշիկ խմացնել»,
2. Աղբը գիշերով չի կարելի թափել (էս մեկը չգիտեմ՝ ինչի),
3. Ուտելուց հետո ափսեդ մաքրի, որ ամուսինդ/կինդ գեղեցիկ լինի,
4. Սուրճի բաժակով գուշակությունները,
5. Ձեռքս քոր եկավ, հաստատ փող եմ ստանալու,
6. Քիթս քոր եկավ, ուրախանալու եմ...
Մնացածն էլ ընթացքում կգրենք:
Հ. Գ. Աղջկաս վախն առանց օձի ու մեռելի միջամտության անցել ա, ամեն ինչ նորմալ ա:
Էջանիշներ