Բարի երեկո, ֆուտբոլասեր բարեկամներ: Հաշվի առնելով, որ շուտով մեկնարկում է Ֆուտբոլի Աշխարհի առաջնությունը, և, Ձեր հետաքրքվածությունը այդ առիթով կանխագուշակումների մրցույթ կազմակերպելու հարցում, բացում եմ համապատասխան թեման, որտեղ էլ կանցկացնենք մրցույթը:
Ներկայացնեմ մրցույթի անցկացման ու միավորների հաշվարկման կարգը՝
1. Մրցույթին մասնակցելու իրավունք ունեն այն մարդիկ, ովքեր, մինչև առաջին տուրի համար նշված վերջնաժամկետը անձնական նամակի միջոցով (private massage) ինձ կուղարկեն առաջին տուրի խաղերի, ինչպես նաև եզրափակչի մասնակիցների ու հաղթողի վերաբերյալ իրենց կանխատեսումները: Այդ պահից հետո ուղարկված տարբերակները հաշվի չեն առնվելու, ուղարկողները մրցույթին չեն մասնակցելու:
2. Մինչև տուրի առաջին խաղը սկսվելը, բոլորի կողմից ուղարկված տարբերակները կտեղադրեն այստեղ, մրցույթի թափանցիկությունն ապահովելու նպատակով:
3. Մրցույթի արդյունքով հաղթող կճանաչվի այն մասնակիցը, ում, բոլոր տուրերում վաստակած միավորների գումարը կլինի առավելագույնը:
4. Ամեն տուրից հետո, թեմայում կտեղադրվի այդ տուրի արդյունքները, ինչպես նաև մինչև այդ տուրը ներառյալ միավորների գումարային մրցաշարային աղյուսակը:
Միավորների հաշվարկման կարգը
1. Յուրաքանչյուր ճիշտ գուշակած հաշվի (և, բնականաբար հաղթողին, կամ ոչ-ոքի) համար մասնակիցը կստանա 7 միավոր:
Օրինակ ա) կանխատեսում՝ Բրազիլիա-Անգլիա 2-0, իրականում Բրազիլիա-Անգլիա 2-0 բ) կանխատեսում՝ Իտալիա-Չիլի 2-2, իրականում Իտալիա-Չիլի 2-2
2. Խաղի հաղթողին, և գոլերի տարբերության (կամ ոչ-ոքի, բայց այլ հաշվով) գուշակելու դեպքում մասնակիցը կստանա 3 միավոր
Օրինակ ա) կանխատեսում՝ Բրազիլիա-Անգլիա 2-0, իրականում Բրազիլիա-Անգլիա 4-2 բ) կանխատեսում՝ Իտալիա-Չիլի 2-2, իրականում Իտալիա-Չիլի 0-0
3. Խաղի հաղթողին ճիշտ գուշակելու դեպքում մասնակիցը կստանա 2 միավոր
Օրինակ` կանխատեսում՝ Բրազիլիա-Անգլիա 2-0, իրականում՝ Բրազիլիա-Անգլիա 1-0
4. Եզրափակիչի մասնակիցներից մեկին գուշակելու դեպքում մասնակիցը կստանա 10 միավոր (Եզրափակչի մասնակից երկու թիմերին գուշակելու դեպքում բնականաբար 20 միավոր)
5. Մրցաշարի հաղթողին գուշակելու դեպքում մասնակիցը կստանա 25 միավոր:
Ուշադրություն
• - Եզրափակչի մասնակիցների ու հաղթողի Ձեր տարբերակները պետք է ուղարկել առաջին տուրի կանխատեսումների հետ միասին: Ավելի ուշ ուղարկված տարբերակները հաշվի չեն առնվելու:
• Մրցույթի կանոններն ու միավորների հաշվարկման կարգը վերջնական են, փոփոխման ենթակա չեն:
Բոլորիս մաղթում եմ գեղեցիկ և գոլառատ Առաջնություն, ինչպես նաև արդար ու հաճելի պայքար կանխատեսումների մրցույթում
Մոդերատորական. թեմայում արգելվում է բուքմեյքերների գործակիցների տարածումը և բուքմեյքերների գովազդը ակումբում առհասարակ: Բոլոր նմանատիպ գրառումները կջնջվեն, իսկ հեղինակները կստանան համապատասխան տուգանային միավորներ:
Էջանիշներ