Ինձ համար կարծում եմ լավագույն երկիրը ապրելու համար Հայաստանն է… Ճիշտ է ուրիշ երկրներում մեղմ ասած չեմ ապրել (ուզում էի ասել չեմ եղել), բայց ես հստակ գիտակցում եմ, որ ցանկացած նպատակիս, երազանքիս կարող եմ հասնել Հայաստանում ապրելով: Ու գիտակցում եմ, որ ես իներտ վիճակը, որ մի տեղ վեր ընկած յոլա եմ գնում, էդ ի՛մ մեղքն է, ե՛ս եմ պատասխանատու դրա համար:
Հայաստանում ապրելու դրական կողմեր
1. Ջուր - ես չեմ պատկերացնում ո՞նց կարելի է ապրել առանց նորմալ ջրի
2. Ընկերներ - իհարկե ցանկացած երկրում էլ կարելի է ընկերներ ունենալ, բայց ես ընկերներիցս մի քանիսի հետ մի ամբողջ կյանք եմ ապրել... Ու չնայած իրանց մի մասը հիմա Հայաստանում չի, բայց որպես հավաքատեղի, որպես հանդիպման վայր Հայաստանից բացի այլ երկիր չեմ պատկերացնում... մի հատ չգնա՞նք ԵՊՀի բակում գարեջրվելու, Կովկաս պանդոկ գնանք հաց ուտենք... Կասկադի վերևից քաղաքին նայենք ու փիլիսոփայենք...
3. Ջերմություն - դե իհարկե էլի կան ջերմ ազգեր-բան, բայց դե... Ջիգյար կոչված երևութը: Էն որ սառը, անտարբեր ժպիտ չի, այլ հարազատ ու սիրուն:
Չգիտեմ ախպեր, ես մի ժամանակ մտածում էի բոլորովս մնանք, գնացողները հետ գան, միասին հավաքվենք, պայքարենք, հաղթենք... Հիմա ուրիշ ա մի քիչ. էնքան քիչ է ախր էդ անտեր կյանքը ու էնքան անսպասելի կարող է ընդհատվի, որ մի տեսակ եմ նայում արդեն ազգային արժեքներ, հայրենասիրություն, հեղափոխություն, նորմալ պետություն երևույթներին... Պետք ա մեկ-մեկ գոնե թքած ունենալ տենց բաների վրա ու ԱՊՐԵԼ քո՛ ուզած կյանքով: Քո՛ ուզած երկրում: Քո՛ ուզած ձևով: Իսկ ձեռի հետ էլ եթե կարողանաս մի՜ քիչ օգուտ տալ հայրենիքին (էս ամիսը 200 դոլլար ուղարկելու հետ չեմ), էդ արդեն լավ կլինի )
Մեջբերել
Էջանիշներ