Բռնցքամարտ

**Zangezur** · 29.03.2010, 01:47

Mephistopheles-ի խոսքերից

Ապեր, Դրելը լավ էր խաղում, շատ լավ տակտիկա ուներ, լավ շարժվում էր ու պաշտպանությունն էլ լավն էր… դա Արթուրին ներվայնացնում էր ու դա հստակ երևում էր… կարող է Դրելը նոկաութի հարվածներ չունի ու դրա համար էլ նա հիմնականում կենտրոնանում էր տակտիկայի ու շարժման վրա լավ իմանալով որ Արթուրի հարվածները նոկաութային են… եթե Արթուրն էլ կարողանա նման տակտիկա ուսումնասիրել,վատ չէր լինի…

… Համենայն դեպս Արթուրի "ստավկան" հարվածների վրա էր Դրելինը տակտիկայի ու միավորբների վրա… ու այս դեպքում միավոր հավաքելն իրեն արդարացնում էր…

էտ ընդունելիա, բայց ճիշտ չի լինի ասել, որ հենց աչոկներով կավարտվեր մարտը: Հա ճիշտա, միավոր հավաքելը իրան արդարացրեց, բայց եթե մի փոքր սխալ թույլ տար միավորներ հավաքելով, հնարավորա արթուրը մի հատ լավ վերջնական ուդառ տար: Բայց ցավոք սխալը արթուրը թույլ տվեց, էն էլ էտ դռելի պատճառով:

**Mephistopheles** · 29.03.2010, 02:08

Zangezur-ի խոսքերից

էտ ընդունելիա, բայց ճիշտ չի լինի ասել, որ հենց աչոկներով կավարտվեր մարտը: Հա ճիշտա, միավոր հավաքելը իրան արդարացրեց, բայց եթե մի փոքր սխալ թույլ տար միավորներ հավաքելով, հնարավորա արթուրը մի հատ լավ վերջնական ուդառ տար: Բայց ցավոք սխալը արթուրը թույլ տվեց, էն էլ էտ դռելի պատճառով:

Կարող ա տար կարող ա չտար… հասկանու՞մ ես, էդ խաղին 1.5 ռաունդում շատ հավանական ա որ չտար ու ղղակի երբ խաղը կամ տակտիկան հենվում ա զուտ նոկաութայնին հարվածի վրա դա ունի նաև իր մինուսները… ինչպես նաև հակառակ տակտիկան, մի հարվածով կարող ես ամեն ինչը կորցնել եթե փաուրշոթերը բացառում ես …

**yerevanci** · 29.03.2010, 07:54

Արթուր Աբրահամ. Ես նայում էի նրա աչքերին

Արթուր Աբրահամը Անդրե Դիրելի հետ մրցամարտից հետո կայացած մամուլի ասուլիսում հայտարարել է, որ չի նկատել, թե հարվածելու պահին ինչ վիճակում էր գտնվում մրցակիցը.
«Ես չէի նայում նրա ոտքերին, ես նայում էի նրա աչքերին: Պրոֆեսիոնալ բռնցքամարտիկը պետք է օգտագործի նոկաուտ անելու յուրաքանչյուր հնարավորություն` չսպասելով, երբ մրցակցի կվերականգնվի: Բայց ես առողջություն եմ ցանկանում եմ Անդրե Դիրելին ու հույս ունեմ, որ նրա հետ ամեն ինչ կարգին է»:
ԱՄՆ-ում կայացավ պրոֆեսիոնալ բռնցքամարտի Super Six մրցաշարի Արթուր Աբրահամ-Անդրե Դիրել մրցամարտը: Հայ բռնցքամարտիկը, ով ներկայացնում է Գերմանիան, նախքան այս պարտություն չուներ ու համարվում էր հանդիպման ֆավորիտը:

Լարված պայքարում ընթացած մրցամարտը դադարեցվեց 11-րդ ռաունդում, երբ մրցավարներն որոշում կայացրին, որ Աբրահամը հարվածել է նստած մրցակցին ու որակազրկեցին նրան: Հաղթանակ շնորհվեց Դիրելին, իսկ Աբրահամն առաջին պարտությունը կրեց պրոֆեսիոնալ ռինգում:
Աբրահամը կարիերայի ընթացքում անցկացրել է 32 մրցամարտ: Արթուրը 2-րդ անգամ էր ելույթ ունենում ԱՄՆ-ում: Առաջին հանդիպումը կայացել էր 2008 թ., երբ վստահորեն առավելության հասավ Էդիսոն Միրանդայի նկատմամբ:
Ինչ վերաբերվում է Անդրե Դիրելին, ապա ամերիկացին ավելի անփորձ բռնցքամարտիկ է, ով Super Six-ի առաջին տուրում զիջել էր Կառլ Ֆորչին:
Հիշեցնենք, որ Աբրահամը Super Six-ի առաջին տուրում նոկաուտի ենթարկեց Ջերմեն Թեյլորին:

armsport.am ; youtube.com

**Ջուզեպե Բալզամո** · 29.03.2010, 17:02

ministr-ի խոսքերից

Ժողովուրդ հիմա մի հատ բան բացատրեք: Արթուրի չեմպիոնությունը ձեռքից վերցնելու են? IBF-ի չեմպիոննա չէ?

Արթուրը իր քաշային կարգը փոխելով, 2009 հուլիսի 12-ին ցած է դրել իր չեմպիոնական գոտին: "Սուպեր վեցյակի" մրցաշարում, նա հիմա պայքարում է այլ քաշային կարգի չեմպիոն դառնալու համար:

Ուզում եմ ավելացնել որ, վեցյակի հաղթողը դառնալու է WBA-ի և WBC-ի չեմպիոն: Պատճառն այն է որ, մրցաշարին մասնակցում են այս երկու կազմակերպությունների չեմպիոնները` Ֆրոչն ու Վարդը (վերջինս չեմպիոնական գոտին վերցրեց Կեսսլերին հաղթելուց հետո) :

**yerevanci** · 29.03.2010, 18:17

Վալուևը դուրս եկավ բեմահարթակ

Պրոֆեսիոնալ բռնցքամարտիկ Նիկոլայ Վալուևը որոշել է հանդես գալ նաև որպես մոդել։ Հսկա մարզիկը մասնակցել է դիզայներ Իլյա Շիյանի ցուցահանդեսին։
«Այս տարի մենք մեր ցուցադրումը նվիրել էինք Օլիմպիական խաղերին, որոնք ի հայտ են եկել Հունաստանից։ Ցուցադրումը սպորտային թեմայով է, ուստի նրանց թվում է նաև բռնցքամարտիկ Նիկոլայ Վալուևը»,- ասել է Շիյանը РИА «Новости»-ին։

armsport.am

**Sagittarius** · 30.03.2010, 02:06

Եթե ցանկանում եք ավելի շատ ինֆորմացիա ստանալ "Սուպեր Սիքս" մրցաշարի վերաբերյալ այցելեք հետյալ կայքերը
wikipedia
Super Six

**Արծիվ** · 30.03.2010, 02:22

Հեսա ստեղ պարզ գրվածա որպես ապացույց որ մրցավարը կույր է եղել ցավոք սրտի

և չի տեսել Արթուրի հարվածը 9րդ ռաունդում որը նակդաուն էր, կարող եք ստուգել:

http://sports.sho.com/sswbc/events/d...3-27-2010.html

**may** · 30.03.2010, 04:43

Մարտի 28-ին Դետրոյթում անցկացված Արթուր Աբրահամ-Անդրե Դիրել մրցամարտն անսպասելի սկանդալային եղավ. պրոֆեսիոնալ կարիերայի 32-րդ մրցամարտում վեցնյակի գերմրցաշարում Աբրահամն առաջին պարտությունը կրեց, նրան որակազրկեցին WBC-ի կանոնները (ընկածին չեն խփում) խախտելու համար: 10-րդ ռաունդում ARD-ի հեռուստամեկնաբանն անընդհատ կրկնում էրՙ Արթուրի բնազդը շատ ուժեղ է. նա հրաշալի զգում է, երբ է հակառակորդը դժվարության մեջ ու առիթը բաց չի թողնում հարվածելու: Եթե Արթուրը հիմա հաղթի, ուրեմն նա իսկական արքա է:
Արթուրի բնազդը նրան չդավաճանեց: 11-րդ ռաունդում նա ձախով հարվածեց Դիրելի գլխին, Դիրելը պատասխանեց, հետո ամերիկացի մարզիկի ոտքը սահեց, նա ծնկեց, իսկ Աբրահամը, ինչպես ինքը բացատրեց մրցամարտից հետո, արդեն ադրենալինի հոսքը չէր կարող կանգնեցնել, աջից ուժեղ հարված հասցրեց: Ռինգի տեխասցի մրցավար Քոլը, որ ըստ փորձագետների անմիջապես պիտի ընդհատեր խաղը, արեց դա 11-րդ ռաունդի 1:33 րոպեինՙ որակազրկելով Աբրահամին: «Ես մրցակցիս աչքերի մեջ եմ նայում, ոչ թե ոտքերին: Քանի դեռ ռինգի մրցավարի հրամանը չկա, հարվածում եմ: Սա բռնցքամարտ է, եթե հնարավորությունն ունեմ հարվածելու, պիտի գործածեմ: Ի՞նչ իմանամՙ նոկաուտի՞ց հետո վեր չէր կենում, թե՞ դերասանություն էր անում», մրցամարտի վերջում ARD-ի հարցին այսպես պատասխանեց Աբրահամը: Նույն հեռուստաընկերության փորձագետ Հենրի Մասքեն կասկածում է, թե Դիրելը (որ միավորներով առաջ էրՙ 97:92, 97:92, 98:91) մրցամարտը շարունակել անկարող էր: Նա ճարպկորեն օգտագործեց հնարավորությունը, կարծիք է հայտնում Մասքեն: Ոչ միայն նա, նաեւ բժիշկ Վագներն էլ, ամերիկացու գործողություններին հետեւելով հակված է դրանք դերասանություն որակել: Ըստ «Բիլդի» թղթակցի, ռինգի հատակին պառկած Դիրելին մարզչական կողմը անկյունից պահանջում էր ՙ «պառկած մնա՛»:
Մրցամարտից հետո Դիրելը երկու անգամ խուսափել է խթանիչների ստուգումից. առաջին անգամ այն պատճառաբանությամբ, թե իրեն արագ պիտի հիվանդանոց հասցնեն, իսկ հիվանդանոցում էլ, թեՙ ծանր վիրավոր է, այնինչ բժշկական հետազոտության արդյունքում որեւէ լուրջ բան չի հայտնաբերվել, եւ ամերիկացին դուրս է գրվել: Բռնցքամարտի բժիշկ դոկտ. Վալտեր Վագները կարծիք է հայտնել, թե աշխարհում ընդունված կարգ էՙ խթանիչների ստուգումից հրաժարումը հավասար է դրական պատասխանի: «Ձեզ վստահեցնում եմՙ Գերմանիայում նման բան չի կարող լինել», հիվանդ լինելու պատճառաբանությամբ խթանիչների ստուգումից խուսափելու մասին մամլո ասուլիսի ժամանակ ասաց Աբրահամի մարզիչ Ուլի Վեգները: «Եթե մեկը ծանր վիրավոր է, նրան առաջին հերթին հիվանդանոց պիտի տանել, իսկ եթե ձեզ մոտ այդպես չէ, մենք Գերմանիա չենք գա», ի պատասխան ասաց Դիրելի մենեջեր Գերրի Շոուն:
Մրցամարտից անմիջապես հետո Աբրահամի մենեջեր Զաուերլանդը բողոքել է WBC-ին, թե մրցավարները չեն հաշվել թե՛ Դիրելի գոտկատեղից ցած հարվածները եւ թե՛ 10-րդ ռաունդում Աբրահամիՙ Դիրելին գետնելը:
«Մենք պահանջում ենք, որ վճիռը փոխվի, հայտարարվի No contest կամ էլ մրցամարտը նորից կայանա», ասել է Զաուերլանդը:
Աբրահամ-Դիրել մրցամարտը դեռ չի ավարտվել: Հետեւենք զարգացումներին:

Ազգ

**may** · 01.04.2010, 12:47

Ամերիկացի Անդրե Դիրելի դոպինգ ստուգումը դրական արդյունք է տվել, որի պատճառով մարզիկը որակազրկվել է։Պատժաժամկետի մասին ստույգ տեղեկություններ չեն հայտնվում, սակայն նշվում է, որ կազմակերպիչները որոշել են չեղյալ համարել Արթուր Աբրահամի որակազրկումը եւ կիրակնօրյա մենամարտում նրա պարտությունը փոխարինել հաղթանակով։

Աղբյուր

**matlev** · 01.04.2010, 12:58

may-ի խոսքերից

Ամերիկացի Անդրե Դիրելի դոպինգ ստուգումը դրական արդյունք է տվել, որի պատճառով մարզիկը որակազրկվել է։Պատժաժամկետի մասին ստույգ տեղեկություններ չեն հայտնվում, սակայն նշվում է, որ կազմակերպիչները որոշել են չեղյալ համարել Արթուր Աբրահամի որակազրկումը եւ կիրակնօրյա մենամարտում նրա պարտությունը փոխարինել հաղթանակով։

Աղբյուր

Նորի՞ց ապրիլի 1: