Սահմանադրության փոփոխության հանրաքվե - 2015

[Rammstein]

Էս քանի օրը իմ շրջապատում մի քանի հոգու հարցրեցի, թե մասնակցելու ե՞ն հանրաքվեին, սաղ հարցնում են, թե ի՞նչ ա, որ, ի՞նչ հանրաքվե ա:
Ես էն եմ հասկանում, որ էս տեմպերով, քվեարկողների մեծ մասը լինելու են էն մարդիկ, ովքեր շահադիտական նկատառումներով կամ ստիպողաբար/ստրկամտաբար են գնալու հանրաքվեին: Իսկ եթե տենց լինի, դրան էլ գումարվեն սեփական ազատ կամքով մասնակցողների քվեները, որոնց մեջ, ոնց հասկանում եմ, էլի քիչ չեն «այո»-ները, մենք կունենանք նենց մոտավոր 68/32 հարաբերությամբ «այո»-ի հաղթանակ:
Էս փոփոխությունների չանցնելու իմ հույսերը գնալով նվազում են:

[Chuk]

Սոցիալական իրավունքները առաջարկվող նախագծում.

[Տրիբուն]

Ասում են երեկ հզոր միտինգ ա եղել ․․ էն աստիճանի, որ Լևոն Զուրաբյանը երթին ԱԺ ծառայողական ավտոմեքենայով ա մասնակցել, որ հետ չընկնի։

[Chuk]

Էս տեսահոլովակում էլ ներկայացվում ա, թե ինչպիսին ա լինելու ԱԺ-ն՝ ըստ Սահմանադրության ներկայացված նախագծի.

[Chuk]

Ինչ ուզում եք ասեք, էս աստիճանի բևեռացում ես ոչ մի անգամ չեմ տեսել: Ամենատարբեր շերտերի հետ շփումս, օնլայն հարթակների ուսումնասիրությունս, երբեմն ԱրմՆյուզով գնացող «ԱՅՈ-ՈՉ» ռեալիթի շոուի դիտումներս, որոշ սոց. հարցումներից ինֆո (չճշտված) ունենալս, մերոնց մարզային հանդիպումների մասին ինֆորմացիաս ու էլի լիքը ֆակտորներ ցույց են տալիս, որ փոփոխության կողմնակից գտնելը գրեթե անհնար է: Իհարկե՛ անտարբերները, հույս չունեցողները, բոյկոտել ցանկացողները շատ են, բայց կողմնակիցներ գրեթե չկան: Գուցե որոշ սահմանամերձ կամ հեռու տեղերում կա տարբերվող պատկեր՝ ինֆորմացիայի խիստ պակասի պատճառով, բայց հաստատ եղանակ փոխող չի: Այ մարդ, տո անգամ դաշնակ ու հանրապետական ընկեր-ծանոթներս (հա, ես էդպիսիք ունեմ) ըստ էության դեմ են: Աշխատում են թեման ցրել, ու զգում ես, որ կամ դեմ են, կամ էլ գիտեն, որ սաղ էդ նախագծին դեմ են ու ամաչում են կողմնակից լինել: Ոմանք էլ մի քիչ խմացնում ես, սկսում են խոստովանել, որ ուղնուծուծով դեմ են

Ու էս ֆոնի վրա շատ սիրուն ա Հանրապետականի՝ յություբում դրած տեսահոլովակի արձագանքը: Վերջապես որոշեցին սոցիալ մեդիայում էլ գովազդը սկսել, լայնորեն տարածել ու իրանց տեսահոլովակներից շեշտը դրեցին նրա վրա, որտեղ երիտհանրապետականները ուրախ ժպիտով ասում են, որ պետք է այո ասել առաջընթացի համար: Ու էդ յություբի վիդեոյի դիտումների քանակը, լայքերի ու դիսլայքերի քանակը շատ խոսուն են: Իհարկե ոմանք կասեն, որ ինտերնետից օգտվող հասարակությունն ավելի հասուն է, ավելի ինֆորմացված, բայց հասարակության մեջ ընդհանուր պատկերն այլ է: Սխալված կլինեն: Հասարակության մեջ նույնքան բևեռացված կարծիք ա:

[StrangeLittleGirl]

Արտ, մի տեսակ չեմ հավատում լավատեսությանդ: Այո-ն անցնելու ա, ընդդիմությունը մի քանի հանրահավաք ա անելու, ցրվի տներով:

[Chuk]

Արտ, մի տեսակ չեմ հավատում լավատեսությանդ: Այո-ն անցնելու ա, ընդդիմությունը մի քանի հանրահավաք ա անելու, ցրվի տներով:

Լավատեսությու՞ն

Երբեմն շատ դժվար ա ճիշտ ընկալվելը: Բյուր, ես գրեթե վստահ եմ, որ «Այո»-ն «անցնելու» ա: Բայց «անցնելու», ոչ թե անցնելու: Այո՛, մինչև վերջ կեղծիքներ են անելու, ու ես էնպես չի, որ հավատում եմ, որ դրա դեմը կարողանալու ենք առնել: Ես ընդամենը խոսում եմ ժողովրդի տրամադրվածության ու բևեռվածության մասին: Ես իսկապես չեմ տեսել, որ էս կարգի համատարած դեմ լինեին իշխանությանը կամ նրա առաջարկած նախագծին:

Ինչ վերաբերում ա հավանական կեղծումից հետոյվա քայլերին, նորից էնպես չի, որ լավատես եմ: Էս անգամ ես խիստ սկեպտիկ եմ տրամադրված:





Բայց մի հարց ա, թե ինչքանով եմ հավատում կամ լավատես, ուրիշ հարց ա, թե ես ինչն եմ ճիշտ համարում: Իսկ ճիշտ եմ համարում գնալ ու «ՈՉ» քվեարկելը, ընտրատեղամասերում հնարավորինս հսկողություն սահմանելը, իսկ կեղծիքի դեմը առնել չկարողանալու դեպքում ոտքի կանգնելը: Դա արդյունք կտա, թե չէ, մի հարց ա, իսկ էդ քայլերն անելու անհրաժեշտությունը՝ այլ հարց: Ու մի բան էլ, ամեն դեպքում ես վատատես էլ չեմ: Էս ասածներս չեն նշանակում, որ ես ընդհանրապես հույս չունեմ: Շանս միշտ կա, ու դա միշտ ա պետք փորձել, անկախ հավանականության աստիճանից:

[John]

«ասա այո»ի հոլովակներում այլևս չեն երևում հավանում-չհավանումները․․․ լավ ա սքրինշոթ կա))

[Rammstein]

«ասա այո»ի հոլովակներում այլևս չեն երևում հավանում-չհավանումները․․․ լավ ա սքրինշոթ կա))

Մտքովս անցել էր, որ տենց կանեն:
Էսօր առավոտ 19 լայք կար ու 1900-ից ավել դիսլայք:

[Chuk]

Մտքովս անցել էր, որ տենց կանեն:
Էսօր առավոտ 19 լայք կար ու 1900-ից ավել դիսլայք:

Ես մտածում էի լցոնում կկազմակերպեն

[Rammstein]

Ես մտածում էի լցոնում կկազմակերպեն

Լայքերը մեծամասնություն սարքելու համար մի 8,000-10,000 լայք պետք կլիներ, որտեւ էս տեմպերով շուտով մի 5000 դիսլայք կլիներ։ Էդքան հոգի լցոն կճարեի՞ն յութուբում գրանցված։

[Chuk]

Լայքերը մեծամասնություն սարքելու համար մի 8,000-10,000 լայք պետք կլիներ, որտեւ էս տեմպերով շուտով մի 5000 դիսլայք կլիներ։ Էդքան հոգի լցոն կճարեի՞ն յութուբում գրանցված։

Չինացիքի ջանը քար

[StrangeLittleGirl]

Քոմենթներն էլ են անջատել Վախկոտները:

[Rammstein]

Քոմենթներն էլ են անջատել Վախկոտները:

Էդ ոնց որ էն գլխից էլ անջատած էր: Երեւի սկզբում էդ մեկը կանխատեսել էին, թե ինչ կլինի, եթե միացրած մնա:

[Chuk]

Էս էլ մի շարք փաստաբանների կոչը.