Սահմանադրության փոփոխության հանրաքվե - 2015

[Chuk]

[Chuk]

[Chuk]

Երկու լուր.

«Չե՛ք անցկացնի» նախաձեռնության ակտիվիստ Դավիթ Հովհաննիսյանը ֆեյսբուքյան իր էջում հայտնում է, որ այս գիշեր ոստիկանները բերման են ենթարկել նախաձեռնության չորս այլ ակտիվիստների՝ Արթուր Մինասյանին, Հրայր Մանուկյանին, Կարպիս Փաշոյանին եւ Հայկ Ավետիքյանին։

Պատճառը «բարի ավանդույթներ» շարքից է՝ տղաները «չարամտորեն» հանրությանն իրազեկելիս են եղել հոկտեմբերի 2-ին Ազատության հրապարակում կայանալիք հանրահավաքի մասին։

Հետո, իհարկե, տղաներին ազատ են արձակել, բայց այս դեպքում կարեւորն այն է, որ «ոսոխը» եւս մի անգամ հավաստիացավ՝ քաջարի իշխանությունը քնած չէ։

Աղբյուր՝ http://www.ilur.am/news/view/49206.html

Երևանի քաղաքապետարանն ի գիտություն է ընդունել «Չեք անցկացնի» նախաձեռնության հոկտեմբերի 2-ին Ազատության հրապարակում հանրահավաքի և դրան հաջորդող երթի իրազեկումը: Սակայն, նույն որոշման մեջ քաղաքապետարանի ներկայացուցիչը հավելել է, որ երթը չի կարող խոչընդոտել երթևեկության բնականոն ընթացքը: Ինչը նշանակում է, որ հանրահավաքին հաջորդող երթը, ըստ քաղաքապետարանի, պետք է տեղի ունենա մայթերով:

Այս ձևակերպումը չեղյալ հայտարարելու նպատակով հանրահավաքի կազմակերպիչները դիմել են ՀՀ վարչական դատարան, որն այսօր քննել է գործը: Ինչպես տեղեկացրեց «Չեք անցկացնի» նախաձեռնության անդամ Արշակ Մուսախանյանը, դատարանը ստիպված էր ընդունել, որ երթի ընթացքում նման սահմանափակումների կիրառումը հակաօրինական է, սակայն իր վճռում, հակառակ այդ տրամաբանության՝ հրաժարվել է չեղյալ հայտարարել այդ ձևակերպումը՝ հավատարիմ մնալով վարչախմբին հաճո վճիռներ կայացնելու ավանդույթին:

«Այլ բան դժվար էլ էր ակնկալել դատարանից: Ինչ վերաբերում է երթին, ապա մենք օգտվելու ենք սահմանադրությամբ մեզ՝ ՀՀ քաղաքացիներիս ընձեռված բոլոր իրավունքներից, որ ձեռք են բերվել անցած տարիների համառ պայքարի շնորհիվ», - նշեց Մուսախանյանը:

Աղբյուր՝ http://www.ilur.am/news/view/49210.html

[Chuk]

[Աթեիստ]

Ոնց չեմ սիրում, որ ձեռնամուխ են լինում սենց բան սարքելու, ու լայեղ չեն անում մի հատ գրագետ մարդ նստացնեն կողքները։

[Chuk]

Ոնց չեմ սիրում, որ ձեռնամուխ են լինում սենց բան սարքելու, ու լայեղ չեն անում մի հատ գրագետ մարդ նստացնեն կողքները։

Կփոխի երևի, վրիպակներն ասել եմ:

[Chuk]

Մի հատ էլ սրանով հիշեցնեմ, չէ որ քիչ է մնացել.

[arazaz]

Ես կաշխատեմ աշխատանքից խնդրեմ ու շուտ գամ հասնեմ, մենակ մի բան եմ ուզում հարցնեմ Չուկ ձեզ;
Դուք կազմակերպիչ եք՞; եթե այո, ապա կիմանաք, թե էլի փողոց փակել նախատեվում է՞; ես վախենում եմ անօրինական քայլերից ու էտ դեպքում չեմ մասնակցի;

[John]

Ես կաշխատեմ աշխատանքից խնդրեմ ու շուտ գամ հասնեմ, մենակ մի բան եմ ուզում հարցնեմ Չուկ ձեզ;
Դուք կազմակերպիչ եք՞; եթե այո, ապա կիմանաք, թե էլի փողոց փակել նախատեվում է՞; ես վախենում եմ անօրինական քայլերից ու էտ դեպքում չեմ մասնակցի;

Փողոց փակել չի նախատեսվում իմ իմանալով, նախատեսված է երթ հանրահավաքից հետո։

[arazaz]

Փողոց փակել չի նախատեսվում իմ իմանալով, նախատեսված է երթ հանրահավաքից հետո։

Շնորհակալ եմ տեղեկացնելու համար; իսկ էտ երթը օրինական է չէ՞; ինչքան կարդացի թերթերից, միտինգը օրինական է, ու վտանգ չկա ջրով ջրվելու ու դուբիկայով հարված ստանալու

[John]

Շնորհակալ եմ տեղեկացնելու համար; իսկ էտ երթը օրինական է չէ՞; ինչքան կարդացի թերթերից, միտինգը օրինական է, ու վտանգ չկա ջրով ջրվելու ու դուբիկայով հարված ստանալու

Հանրահավաքը օրինական է, երթը՝ նույնպես, սահմանադրությամբ թույլատրվում է։ Իսկ ինչ վերաբերվում է ջրվելուն ու դուբինկայով հարված ստանալուն՝ քիչ է հավանականությունը իմ կարծիքով։

[Chuk]

Ես կաշխատեմ աշխատանքից խնդրեմ ու շուտ գամ հասնեմ, մենակ մի բան եմ ուզում հարցնեմ Չուկ ձեզ;
Դուք կազմակերպիչ եք՞; եթե այո, ապա կիմանաք, թե էլի փողոց փակել նախատեվում է՞; ես վախենում եմ անօրինական քայլերից ու էտ դեպքում չեմ մասնակցի;

Չէ, կազմակերպիչների մեջ չեմ: Ցավոք նույնիսկ ակտիվորեն ներգրավված չեմ: ու կոնկրետ ինֆորմացիա չունեմ, բայց չեմ կարծում, որ փողոց փակելու հարց ծագի:


Ուրիշ հարց, որ մեկ էլ տեսար ոստիկանությունը փորձի խոչընդոտել երթը, ինչը, մարդկանց մեծաքանակ լինելու դեպքում, մեքենայորեն կբերի փողոցը ժամանակավոր փակելուն, որն ամբողջովին կլինի ոստիկանների պատասխանատվությունը: Ու ընդհանրապես ես կարծում եմ, որ բողոքի ակցիայի շրջանակում փողոց փակելն անօրինական չի, դա մարդու սահմանադրական իրավունքն է:

[Chuk]

Ժողովուրդ ջան, եթե Չեք անցկացնի նախաձեռնության անդամներին հարցեր ունեք, դրանք կարող եք հղել նրանցից Դավիթ Հովհաննիսյանին ու Հրայր Մանուկյանին ու պատասխանները լսել «Ազատություն» ռադիոկայանի «Ֆեյսբուքյան ասուլիս» հաղորդման ուղիղ եթերում՝ այսօր, ժամը 16:00-ին:

Դե իսկ մենք կհանդիպենք ոչ թե «Ազատություն» ռադիոկայանում, այլ Ազատության հրապարակում, արդեն այսօր՝ երեկոյան ժամը 18:00-ին:

[Chuk]

Անկեղծ ասած ես չգիտեմ, թե ԵԽԽՎ-ի «Վեհաժողովի մոնիտորինգի գործընթացի առաջընթացը» բանաձևում եղած ձևակերպումներն ինչքանով են կարևոր, ամեն դեպքում ներկայացնեմ այդ փաստաթղթի ընդունումից առաջ Լևոն Զուրաբյանի ելույթը.

Հարգելի նախագահ, հարգելի գործընկերներ,

Հայաստանը Եվրոպայի հազվագյուտ երկրներից է, որտեղ իշխանությունը չի կարող փոխվել ընտրությունների միջոցով: Իշխող կուսակցության կողմից ստեղծված կեղծիքների հզոր մեքենան վերջին 18 տարիներին ապահովում է նրանց հաղթանակը բոլոր ընտրություններին:

Այնուամենայնիվ, կա մեկ խոչընդոտ գործող նախագահի պաշտոնավարման համար. դա նախագահության անընդմեջ երրորդ ժամկետի՝ Սահմանադրությամբ նախատեսված արգելքն է: Միայն դա էր պատճառը, որ գործող նախագահը նախաձեռնեց Սահմանադրության փոփոխություն, ինչպես արել էին աշխարհով մեկ տասնյակ այլ ավտորիտար նախագահներ, երբ բախվել են իրենց իշխանավարման ժամկետի սահմանադրական սահմանափակումներին: Գործող նախագահի ծրագիրն է Հայաստանը դարձնել խորհրդարանական պետություն, որում նա կպահպանի իր իշխանությունը՝ համատեղելով խորհրդարանի նախագահի պաշտոնն ու իշխող կուսակցության նախագահի դիրքը:

Զարմանալի չէ, որ այս ծրագրի դեմ հզոր ընդդիմություն է առկա: Մենք արդեն ընտրել ենք կիսանախագահական Սահմանադրությունը 1995թ., և 2005թ. այն համապատասխանեցվել է Եվրոպայի խորհրդի պահանջներին: Վենետիկի Հանձնաժողովի կարծիքով՝ կառավարման մոդելի փոփոխությունը կարող է հիմնված լինել միայն լայն քաղաքական և սոցիալական կոնսենսուսի վրա: Սա այն է, ինչ գոյություն չունի Հայաստանում: ՈՉ-ի հզոր ճակատ է ստեղծվել, որը միավորում է մի շարք քաղաքական և հասարակական կազմակերպությունների: ԵՄ Արևելյան գործընկերության քաղաքացիական հասարակության ֆորումի հայկական ազգային պլատֆորմի 200 ոչ կառավարական կազմակերպություններ միաձայն մերժեցին իշխանության նախաձեռնությունը՝ որպես հասարակական պահանջ չունեցող և ժամանակավրեպ:

Նման պայմաններում Վեհաժողովը չի կարող «սահմանադրական շրջանակի բարեփոխման ջանքերը» դրական զարգացում համարել, ինչպես դա առաջարկվում է Մոնիտորինգի հանձնաժողովի զեկույցով: Վեհաժողովը չպետք է աջակցի ավտորիտար իշխանությունների՝ մեծապես հակասական փոփոխություն պարտադրելու ջանքերին, և իրավունք չունի կանխորոշելու Հայաստանի ժողովրդի կամքը, որը դեռ պետք է արտահայտվի

Սահմանադրության փոփոխության հանրաքվեում: Այդ ձևակերպումը պետք է հանվի բանաձևից:

Հայաստանի ժողովրդական շարժումը ունի Եվրոպայի խորհրդի համերաշխության կարիքը: Դժբախտաբար՝ Մոնիտորինգային կոմիտեի հայաստանյան երկու անդամները ծառայում են իշխող ռեժիմին և հաջողությամբ մանիպուլացնում են այն աշխատակազմի այն աշխատողին, որը փաստաթղթի նախագծեր է պատրաստում Հայաստանի վերաբերյալ: Սա հարկավոր է արագ շտկել:

Աղբյուր՝ http://www.ilur.am/news/view/49283.html


Դե իսկ արդյունքների մասին կարդացեք սա.

Ստրասբուրգում ընթացող ԵԽԽՎ նստաշրջանում այսօր ընդունվեց «Վեհաժողովի մոնիտորինգի գործընթացի առաջընթացը» վերտառությամբ բանաձևը: Դրա նախնական տարբերակի 9-րդ՝ մոնիտորինգի տակ գտնվող երկրներում դրական զարգացումների բաժնում նշվում էր «Հայաստանի իշխանությունների ջանքերը (efforts) սահմանադրական բարեփոխումների ուղղությամբ»:

Կոնգրեսի փոխնախագահ Լևոն Զուրաբյանը առաջարկեց այդ կետը վերաշարադրել, որի արդյունքում այն ստացավ հետևյալ տեսքը. «սահմանադրական փոփոխությունների գործընթացը սկսելը (initiation) »: Այստեղ նկատելի է, որ Վեհաժողովը համաձայնել է զերծ մնալ իշխանության ջանքերը դրական գնահատելուց և միայն նկատել է «գործընթացի սկսվելը»: Այսինքն իշխանություները չկարողացան ստանալ սահմանադրական փոփոխության համար իրենց հայցած աջակցությունը: Այս փոփոխությունը անցավ՝ ի հեճուկս իշխանական պատգամավորների ջանքերի, որոնք չկարողացան պնդել նախնական տարբերակը:

Իսկ ահա Բանաձևի 10-րդ կետում Համաժողովը արտահայտել է իր մտահոգությունը բացասական զարգացումների և թերությունների մասին, նշելով, որ այդ թերությունները քայքայում են մոնիտորինգի տակ գտնվող երկրների ժողովրդավարական համախմբումը և հակասում են նրանց պարտավորություններին և անդամակցելու պայմաններին: Որպես այդպիսին, Հայաստանի վերաբերյալ նշվել է «քաղաքական միջավայրի ծավալվող բևեռացումը, այդ թվում Սահմանադրական ռեֆորմների պատճառով»: Փաստորեն, Վեհաժողովը հաշվի է առել Հայաստանում Սահմանադրության փոփոխության հարցում լուրջ դիմադրության հանգամանքը:

Աղբյուր՝ http://www.ilur.am/news/view/49282.html

[Chuk]

Դավիթ Հովհաննիսյանի ու Հրայր Մանուկյանի ասուլիսը արդեն կարող եք դիտել: Ինձ ուղղակի հիացնում ա, իրանց պատրաստվածությունը ու լավ խոսքը.





Դե իսկ մենք կհանդիպենք մեկ ժամից: Հանդիպման վայրն անփոփոխ է: