Գազի գնի ու ծախսի համեմատությունը Հայաստանում և այլ երկրներում

**Ներսես_AM** · 15.01.2014, 05:17

Քանի որ վերջին մի քանի օրերին Հայաստանում «բարևի» փոխարեն մարդիկ հարցնում են «գազիդ հաշիվն ինչքա՞ն ա եկել»‎ եկեք այս թեմայում գրենք ով ինչքան գազ է ծախսել, քանի սենյականոց բնակարանի վրա։ Ամենահետաքրքիրը կլինի Հայաստանից դուրս ապրողների տվյալները որպեսզի համեմատենք Հայաստանի «արտոնյալ» գներով ստացվող գազի հետ։

Մոտավորապես առաջարկում եմ այսպիսի սխեմա։

Երկիրը
Միջին ջերմաստիճանը նախորդ ամսին
Գազի սակագինը
Գազի ծախսը
Ինչպիսի բնակարան է ջեռուցվել

**Ներսես_AM** · 15.01.2014, 05:31

Առաջինը ես գրեմ‎․

ՄԹ
+5°C
290 դրամ այսօրվա փոխարժեքով
200խմ նույն ինքը 58000դրամ
Երկու սենյականոց բնակարան (առաջին հարկ, նկուղ չկա, այսինքն անմիջապես գետնի վրա է, հատակը մշտապես սառն է)։ Գազը օգտագործվում է ջեռուցման, տաք ջրի և գազօջախի համար։

**One_Way_Ticket** · 15.01.2014, 07:08

Չգիտեմ, ինչքանով իմ տվյալները Հայաստանում ապրողների համար հետաքրքիր կլինեն, հատկապես որ գազի հետ կապ չունի, բայց ամեն դեպքում գրեմ:
Ես ձմռանը (իմ մոտ դա հունիսից օգոստոսն է) օդորակիչով (կոնդիցիոներ) էի ջեռուցում բնակարանս: Դրսի ջերմաստիճանը` ցերեկները ~15, գիշերները ~5:
Բնակարանը 10 հարկանի շենքի 8-րդ հարկում է, պատուհանները հարավ են նայում, ինչը նշանակում է որ ձմռանը ընդհանրապես արև չեն տեսնում (ստեղ դա էլ է թարս): Բացի դրանից պատուհաններս զբաղեցնում են գրեթե ամբողջ պատը` ծայրից ծայր, հատակից առաստաղ, ու այդ ամենի հետ մեկտեղ եզակի (ոչ կրկնակի) ապակի, ինչը նշանակում է, որ դրսի ջերմաստիճանը բավական արագ ներս են թողնում:
Բնակարանը ունի հյուրասենյակ և երկու ննջասենյակ, բայց պետք չէ այն համեմատել Հայաստանի երեք սենյականոց բնակարանների հետ, ինքը շատ ավելի փոքր է: Բոլոր սենյակները փոքր են, միջանցք որպես այդպիսին չկա, խոհանոցը հյուրասենյակի հետ ընդհանուր է (open plan): Բոլորն իրար հետ հազիվ 50 քկմ լինի: Օդորակիչը տեղադրված է հյուրասենյակում ու փչում է դեպի ննջասենյակների կողմը:
Այդպիսի ջեռուցման առավելությունները.
1. Հարմարությունը. ես դնում էի իրեն 20 աստիճանի վրա ու մոռանում իր մասին: Ինքը երբ պետք էր, միանում-անջատվում էր` պահելով սենյակային ջերմաստիճանը 20-21 սահմանում: Գիշերները սովորաբար անջատում էի, բայց որոշ ցուրտ գիշերներ թողնում էի 18-ի վրա:
2. Ի տարբերություն կոլորիֆերների, ինքը "ճիշտ" խոնավության օդ է փչում և չի չորացնում օդը:
3. Շատ ավելի արագ է ցուրտ սենյակը հասցնում ուզածդ ջերմաստիճանի:
4. Համեմատած ռադիատորների` ավելի քիչ էլեկտրաէներգիա է ծախսում:
5. Հրդեհի հավանականությունը ավելի քիչ է:
6. Օդորակիչը պետք կգա նաև ամռան շոգին:
Թերությունները.
1. Նախնական տեղադրման գինը, եթե բնակարանը ձերն է, կամ ավելի թանկ վարձը, եթե այն վարձում եք: Ոչ միշտ է շենքի նախագիծը հնարավորություն տալիս ուզածդ տեղում օդորակիչ տեղադրել:
2. Դժվար է կիրառել մեծ և/կամ ոչ կոմպակտ բնակարաններում, որոնցից լիքն են Հայաստանում (երկար նեղ միջանցքով): Բայց կարելի է համատեղել այլ ձեռուցման միջոցների հետ:

Ձմռանը էլեկտրաէներգիայի համար ամիսը մոտ 70 դոլլար եմ վճարել: Դա իր մեջ ներառում է ամեն ինչ բացի տաք ջրից, որը առանձին է: Համեմատած այն ամիսների հետ, երբ օդորակիչը գրեթե չեմ օգտագործել, տարբերությունը մոտ 20 դոլլար է: Էլեկտրաէներգիայի տարիֆը` ամիսը ֆիքսած 25 դոլլար, գումարած 0.197 դոլլար ամեն կիլովատի համար: Այսինքն, ստացվում է որ օդափոխիչը ձմռանը մոտ 100 կիլովատ է ծախսել: Գիտեմ, գլխավոր պատճառն այն է, որ ստեղ ձմռանը շատ ավելի տաք է, քան Հայաստանում, բայց մարդիկ գիտեմ, ովքեր ստեղ շատ ավելի մեծ թվեր են վճարում ջեռուցման համար, այնպես որ բնակարանի "ճիշտ" նախագիծն ու լավ օդորակիչն էլ քիչ դեր չունեն:

**StrangeLittleGirl** · 15.01.2014, 08:29

Ներս, մեր տունը 70 000-ից ավել ա բռնել, անցյալ տարվա նույն ժամանակվա համեմատ՝ երկու անգամ ավելի: Բայց մեծ տուն ա անհամար սենյակներով:

Հա, «արտոնյալ» գներն էլ կարծեմ դեկտեմբերին չէին վերաբերում