Ակումբցիների հասցեները. նամակագրություն

[ivy]

Էստեղ կարող ենք գրել մեր տնային հասցեները, որ ցանկության դեպքում իրար նամակներ ու բացիկներ ուղարկենք: Իսկական՝ թուղթ ու գրչով
Իհարկե, կարելի է հասցեն առանձին-առանձին տալ մարդկանց ու ոչ բացեիբաց՝ ամբողջ ինտերնետով մեկ, բայց էդպես կարող ես արդեն իմանալ, թե ով է ուզում քեզ նամակ ուղարկել, իսկ էս դեպքում նամակ ստանալն անակնկալ կլինի:
Ես հավեսով եմ ուղարկում նամակներ ու բացիկներ, հաստատ ինձ նման էլի մարդիկ կլինեն էստեղ:

[John]

Ինձ ով ուզում ա ուղարկի նամակ ու ես չիմանամ, որ ուզում ա ուղարկի, saymetruth-ում գրեք, պատասխանի մեջ հասցես կուղարկեմ լավ միտք է, մի անգամ կարծեմ նմանատիպ բան արել ենք: Կարծեմ չէ՝ հաստատ ուղղակի էն ժամանակ նախօրոք պայմանավորվում էինք, թե ով-ում ուղարկի

[enna]

Էստեղ կարող ենք գրել մեր տնային հասցեները, որ ցանկության դեպքում իրար նամակներ ու բացիկներ ուղարկենք: Իսկական՝ թուղթ ու գրչով
Իհարկե, կարելի է հասցեն առանձին-առանձին տալ մարդկանց ու ոչ բացեիբաց՝ ամբողջ ինտերնետով մեկ, բայց էդպես կարող ես արդեն իմանալ, թե ով է ուզում քեզ նամակ ուղարկել, իսկ էս դեպքում նամակ ստանալն անակնկալ կլինի:
Ես հավեսով եմ ուղարկում նամակներ ու բացիկներ, հաստատ ինձ նման էլի մարդիկ կլինեն էստեղ:

Ու՜խ, հիմա կարող եմ ուղարկել:

[ivy]

Բայց համ էլ մտածում եմ՝ կարոող է չէր կարելի կամ չարժեր սենց թեմա բացել՝ անձնական տվյալներին վերաբերող

[Chuk]

Բայց համ էլ մտածում եմ՝ կարոող է չէր կարելի կամ չարժեր սենց թեմա բացել՝ անձնական տվյալներին վերաբերող

Ես էլ եմ էդ մտածում, Այվի ջան, ու լավ ա որ առաջինը դու գրեցիր:
Եթե հասուն մարդկանց անձնական տվյալները մի կողմ թողնենք, հիշենք, որ անչափահասներ էլ ունենք: Չգիտեմ, դեռ կարծիքիդ ու ուրիշների կարծիքներին եմ ուզում ծանոթանալ:

[ivy]

Դե դեռ հասցեներ չենք գրի՝ մինչև որոշվի թեմայի թույլատրելության հարցը:

[Vardik!]

Կարծում եմ էնքան էլ ապահով միտք չէ իրական հասցեները էստեղ թողնելը,մանավանդ որ ակումբի պարունակությունը հասանելի է ոչ միայն ակումբի անդամներին,ա յլև հյուրերին: Բայց ողջունում եմ Այվիի առաջարկը: Կարելի է էստեղ վիրտուալ կոնտակտներ թողնել: Ում պետք է,կգտնի,կգրի:

[Mephistopheles]

կարծում եմ որ շատ լավ գաղափար ա, քանի որ շատ մարդիկ իմ հասցեն են ուզում ու հեռախոսիս համարը… վերջապես ես հնարավորություն կունենամ դրանք տեղադրելու… առաջ չգիտեի որտեղ դնեմ…

[Փոքրիկ շրջմոլիկ]

Ինձ էլ է թվում որ չարժի: Ամեն դեպքում բաց տեղում տան հասցե գրելը լուրջ բան ա ու ինձ թվում ա, ով էլ գրի մի օր փոշմանելու ա: Կամ ոչ ոք չի կարող երաշխավորել, որ չասեմ ակումբցի, թեկուզ ակումբ մտնող հյուրերից մեկը անհամություններ կանի ետ հասցեներով

[ivy]

Երևի լավ կլինի թեման ջնջել: Շառից փորձանքից հեռու:

[Mephistopheles]

Երևի լավ կլինի թեման ջնջել: Շառից փորձանքից հեռու:

Չէ Այվ, տենց մի ասա… էս թեման էլ նենց հարցեր ա բարձրացնում որ ուրիշ դեպքերում կարող ա չբարձրանար… պարտադիր չի որ թեման "հաջող" լինի… կարևորը դիսկուսիան ա…

[Այբ]

Շատ հետաքրքիր թեմա է, Այվի ջան, բայց մեկը ես՝ կխուսափեմ հասցես էսպես հրապարակելուց: Ինձ թվում է, ով ուզում է որևէ մեկին շնորհավորել, կարող է ՊՄ-ով էլ շնորհավորել, հետևաբար հասցեն վիրտուալ բաց տիրույթում հրապարակելը մի քիչ անզգուշություն է թվում:

[Chuk]

Առաջարկում եմ թեման գոնե ժամանակավոր շեղել ու քննարկել, թե ինչ ռեալ վտանգներ կարող ա բերի հասցեն հրապարակելը: Մեֆն էդ իմաստով ճիշտ ա, էդ քննարկումը կարող ա ավելի առարկայական դարձնի մեր կարծիքը, համոզվել, իրականում կա՞, թե՞ չկա վտանգ հասցեն ու նմանատիպ ինֆորմացիան հրապարակելիս:

[ivy]

Մեֆ, ես գիտեմ, որ դու դիսկուսիաներ սիրում ես, բայց ի՞նչ դիսկուսիա պիտի լինի էստեղ:
Հենց քո առաջին իսկ գրառումն էլ հեչ լուրջ դիսկուսիայի տոնով չէր:

Իմ անձնական կարծիքը կարող եմ ասել: Մարդկանց հասցեները շատ հաճախ կարելի է գտնել ինտերնետում՝ աշխատավայր, հասցե, հեռախոս և այլն: Ես էլ իմ հասցեն թողնելու մեջ ոչ մի վտանգավոր բան չեմ տեսնում: Բայց քանի որ կան մարդիկ, որոնք էդ վտանգը տեսնում են, լավ կլինի թեման հանել:
Ես բացեցի ու անմիջապես զգացի, որ չարժեր:

[Այբ]

Առաջարկում եմ թեման գոնե ժամանակավոր շեղել ու քննարկել, թե ինչ ռեալ վտանգներ կարող ա բերի հասցեն հրապարակելը: Մեֆն էդ իմաստով ճիշտ ա, էդ քննարկումը կարող ա ավելի առարկայական դարձնի մեր կարծիքը, համոզվել, իրականում կա՞, թե՞ չկա վտանգ հասցեն ու նմանատիպ ինֆորմացիան հրապարակելիս:

Առհասարակ, վիրտուալ տիրույթը ինքնին վտանգավոր է: Ինչ ինֆորմացիա, որ տեղադրում ես, այլևս չես կարող դա վերահսկել, թեկուզ հետո ջնջես, բայց մեկ է՝ արդեն ուշ կարող է լինել, որովհետև շատերը կարող է քո տեղադրած ինֆորմացիան տարածած լինեն: Վիտուալ աշխարհը հետաքրքիր է, բայց զգուշություն պետք է պահպանել: Իսկ ինչ մնում է բաց ֆորումում հասցեն գրելուն, դա արդեն մեծ անզգուշություն է. ով ասես կարող է տեսնել, և ինչ հետևանքներ ասես կարող է լինել: Նույնիսկ սոցիալական սայթերում, երբ քո էջը մենակ ընկերների համար է, պետք է էլի զգույշ լինել անձնական տվյալները հրապարակելուց, ուր մնաց, թե բաց ֆորումում, որտեղ բացի անդամներից բազմաթիվ հյուրեր են մտնում...