Առաջարկում եմ այս թեմայում քննարկել կրոնի ու հոգեբանության նմանությունները և տարբերությունները։ Սակայն թեման բաց է հոգեբանություն-կրոն հարաբերությունների ցանկացած քննարկման համար. ինչպե՞ս են տարբեր կրոնների ներկայացուցիչներ վերաբերվում հոգեբանությանը, ինչպե՞ս են տարբեր հոգեբաններ վերաբերվում կրոնական մեթոդներին և այլն։
Իմ կարծիքով այս երևույթները արմատապես իրարից տարբերվում են։ Տարբերվում են իրենց մեթոդներով, նպատակներով։ Սակայն մյուս կողմից կան շատ ընդհանրություններ, քանի որ թե՛ կրոնը և թե՛ հոգեբանությունը գործ ունեն մարդու մտածելակերպի, զգացմունքների, ենթագիտակցության հետ։
Ահա օրինակներ, որոնցում թե՛ կրոնը և թե՛ հոգեբանությունը օգնում են մարդուն։
- ձերբազատում վտանգավոր սովորություններից
- կյանքի դժվարությունների հաղթահարում
- հասարակության համար վարքի օգտակար կանոնների որդեգրում
- առօրյա խնդիրների լուծում (ընտանեկան կյանք, անձնական փոխհարաբերություններ, երիտասարդներին հատուկ խնդիրներ, ծերերին հատուկ խնդիրներ և այլն)
- սթրեսի հաղթահարում
- և այլն
Ի՞նչ տարբերություններ կան հոգեբանության և կրոնի միջև։
Ինչպե՞ս են հոգեբանությունը և կրոնը օգնում մարդուն իրենց առօրյա խնդիրները հաղթահարելու հարցում։
Ինչպե՞ս են օգնում հիասթափությունները հաղթահարելու հարցում, ընտանեկան խնդիրները լուծելու, անձնական կրիզիսները հաղթահարելու և այլ հարցերում։
Ի՞նչ նմանություններ կան կրոնական մեթոդների և հոգեբանական մեթոդների միջև։ Օրինակ՝ աղոթք-ինքնաներշնչում, կամ ներդաշնակության ստեղծում ինքդ քեզ հետ և այլն։
Մեջբերել
Էջանիշներ