Հարյուր աստիճան, եռման կետ

[Chuk]

Հասարակական տրանսպորտի գնի թանկացման դեմ սկսված բողոքի ալիքը առնվազն կարճ հաջողության հասավ:
Վերջերս նախաձեռնող խումբը հանդես եկավ նոր նախաձեռնությամբ, որ կոչվում է «Հարյուր աստիճան, եռման կետ»:

Փողոցներում սկսեցին հայտնվել 100^o գրությունները:



Կարճ ժամանակ անց նախաձեռնող խումբը հանդես եկավ հայտարարությամբ.

Երևանի ավագանու կեղծված ընտրությունների արդյունքում ձևավորված տեղական ինքնակառավարման մարմինները, ելնելով իրենց բիզնես շահերից, շարունակում են ընդունել հակասոցիալական և ապօրինի որոշումներ:

Քաղաքային տրանսպորտի սակագների բարձրացումը դրա վառ օրինակներից է: Հանրային դժգոհության, համատարած բողոքի ակցիաների արդյունքում թանկացման որոշումը չեղյալ ճանաչելու փոխարեն ստեղծվեց հիմնականում նույն ՀՀԿ անդամների շահերը սպասարկողներից կազմված իմիտացիոն մի հանձնաժողով, ըստ էության, թանկացումների համար նոր, ավելի «համոզիչ» հիմնավորումներ փնտրելու նպատակով:

Քաղաքացիները ներկայացրեցին իրավական փաստարկներ` պաշտոնանկանել ու օրենքներ խախտած և կոռումպացված երկու պաշտոնյաների՝ Միսակ Համբարձումյանին և Հենրիկ Նավասարդյանին: Պաշտոնյաները, որոնք սպառել են հանրության կողմից իրենց և տեղական ինքնակառավարման մարմինների հանդեպ հարգանքի և վստահության վերջին չափաբաժինը, դրսևորել են համայնքային պաշտոնյային ոչ հարիր, քրեական տարրերին բնորոշ վարքագիծ՝ ակնհայտ մարտահրավեր նետելով հանրությանը: Կասկածից վեր է, որ վերոհիշյալ երկու պաշտոնյաները պաշտոնանկ չեն արվում միայն մի պատճառով՝ հանդիսանում են երկրում իշխանությունը յուրացրած վարչախմբի կողմից ստեղծված հարստահարիչ համակարգի օղակներ, և նրանց պաշտոնանկությունը կնվազեցնի այդ համակարգի աշխատանքի արդյունավետությունը: 90 օր շարունակվող նստացույցն ի ցույց դրեց նաև վարչախմբի գաղափարական սնանկությունը, ոստիկանական համակարգի ընդամենը իմիտացիոն, կոսմետիկ փոփոխությունները:

Համարում ենք, որ սպառվել է այն ողջամիտ ժամկետը, որի ընթացքում ավագանին և քաղաքապետը հնարավորություն ունեին վերլուծելու ստեղծված իրավիճակը և կայացնելու օրինականության հաստատմանը և հանրային շահին միտված որոշումներ: Օրինախախտ երկու պաշտոնյաներին պաշտոնանկ անելու օրինականպահանջը 7-օրյա ժամկետում չկատարելու դեպքում մենք կդադարեցնենք նստացույցը՝ անցնելով ավելի ակտիվ և սուր գործողությունների:

Կոչ ենք անում բոլոր քաղաքացիներին, քաղաքացիական նախաձեռնություններին և քաղաքական միավորներին, որոնք կարևորում են երկրում պատասխանատվության ինստիտուտի կայացումը, անօրինության, անպատժելիության մթնոլորտի վերացումը, տրանսպորտի ոլորտի համակարգային փոփոխությունների անհրաժեշտությունը, միանալ այս հայտարարությանը և միասնական օրակարգ ձևավորելով՝ հետամուտ լինել վերոնշյալ խնդիրների լուծմանը:

Նախաձեռնության ֆեյսբուքյան էջն է՝ https://www.facebook.com/pages/100-%...00918453371335

Այս թեմայում կքննարկենք նախաձեռնությունը, կհետևենք նրա հետագա ընթացքին, կտեսնենք, թե ովքե՞ր են միանում, ի՞նչ է անելու:

[Chuk]

Նախաձեռնությանը միացել է «Հայազն» կուսակցության երիտասարդական թևը.

«Հայազն» կուսակցության երիտասարդական թևը իր աջակցությունն է հայտնում «Վճարում ենք 100 դրամ» շարժման անդամների հայտարարությանը և միասնական օրակարգի ձևավորման կոչին: Այդ մասին ասված է կառույցի տարածած մամլո հաղորդագրությունում:
«Ինչպես նախկինում, այժմ էլ մեր անդամները պատրաստակամ են մասնակցել ցանկացած քաղաքացիական ընդվզման ակցիայի, որը միտված է վերականգնելու սոցիալական արդարությունը, պայքարում է կոռուցիայի և անպատժելիության մթնոլորտի դեմ: Միաժամանակ ցանկանում ենք ընդգծել, որ կեղծիքի միջոցով պետական պաշտոնի տիրացած անձինք թե՛ Երևանի քաղաքապետարանում, թե՛ այլ կառույցներում երբևէ չեն արտահայտել ժողովրդի շահերը, և օրհասական է դառնում նրանց բոլորի հրաժարականի պահանջը: Կոչ ենք անում բոլոր գիտակից քաղաքացիներին միանալ պայքարին և միասնական ճակատով հասնել արդարության վերականգնմանը»,- ասված է հայտարարության մեջ:

Աղբյուր՝ araratnews.am

[Chuk]

Նախաձեռնությանը միացել է Հայ Ազգային Կոնգրես կուսակցության (ՀԱԿ) երիտասարդկան միությունը.

Հայ Ազգային Կոնգրեսի երիտասարդական միությունը հայտարարություն է տարածել, որտեղ ասվում է.

«Հայաստանում հանցավոր ճանապարհով ձևավորված իշխանությունը շարունակում է իր հակաժողովրդական գործունեությունը, ինչի արդյունքում անպատժելիությունը, կորռուպցիան, պետական ունեցվածքի կողոպուտը նոր թափ են հավաքում:Թալանի հերթական փորձը կատարվեց քաղաքային տրանսպորտի սակագները բարձրացնելով, որը սակայն ժամանակավորապես դադարեցվեց քաղաքացիական ընդվզման հզոր ալիքի պատճառով:

Սերժ Սարգսյանի վարչախումբը, սակայն չի հրաժարվել ժողովրդի հաշվին հարստություններ դիզելու իր միակ նպատակից և կրկին օրակարգ է բերել տրանսպորտի գների թանկացման հարցը: Ռեժիմը սրանով ապացուցում է, որ իր համար կարևոր չէ հանրային պահանջը, և որոշման հետ կանչելը նպատակ ուներ կասեցնելու օր օրի աճող ժողովրդի բողոքը:

Ողջունում ենք ռեժիմի ապօրինի գործունեության նկատմամբ դիմադրության ցանկացած փորձ և մեր աջակցությունն ենք հայտնում «Վճարում ենք 100 դրամ» շարժման անդամներին` կասեցնելու քաղաքային տրանսպորտի թանկացումը: Կարևորելով քաղաքացիների և քաղաքական ուժերի միասնական օրակարգի ձևավորումը` երկրում պատասխանատվության ինստիտուտի կայացման, անօրինության, անպատժելիության վերացման հարցերում, միանում ենք շարժման անդամների հայտարարությանը, հայտնում ենք մեր պատրաստակամությունն ու վճռականությունը պայքարելու հանուն արդարության վերականգնման:

Կոչ ենք անում նաև բոլոր քաղաքացիներին, քաղաքական ուժերին միանալու` համատեղ ուժերով հնարավոր դարձնելու ռեժիմի տապալումը և իրավական Հայաստանի ձևավորումը»:

Աղբյուր ilur.am

[Chuk]

Նախաձեռնությանը միացել է «Ժառանգություն» կուսակցության «Հայք» երիտասարդկան-ուսանողական միությունը

Մենք` «Ժառանգություն» կուսակցության «Հայք» երիտասարդական-ուսանողական միության անդամներս, դեմ ենք հասարակական տրանսպորտի ուղեվարձի նախապատրաստվող թանկացմանը և պատրաստվում ենք ներդնել մեր ողջ ներուժը՝ հանուն այս հարցում հանրային շահի պաշտպանության և սոցիալական արդարության հաստատման: Այս մասին տեղեկանում ենք «Ժառանգություն» կուսակցության «Հայք» երիտասարդական-ուսանողական միության տարածած հաղորդագրությունից։
Լինելով Երևանի ավագանու ընտրություններում կեղծիքների, այդ թվում ընտրակաշառքների միջոցով «հաղթանակի» հասած թիմի ղեկավար՝ Տարոն Մարգարյանը չի սպասարկում Երևան քաղաքի բնակչության շահերը՝ արդեն տևական ժամանակ որոշումներն ընդունելով կամայական, կլանային շահերից ելնելով, և տվյալ պարագայում՝ անտեսելով ՀՀ քաղաքացիների և մասնավորապես երևանցիների սոցիալական վիճակը:
Մենք ակտիվորեն մասնակցել ենք «Վճարում ենք 100 դրամ» շարժմանը, ինչպես նաև Երևանի ավագանու «Բարև Երևան» խմբակցությունը հայցով դիմել է դատարան՝ տրանսպորտի գինը թանկացնելու անհիմն և ապօրինի որոշում կայացնելու մեղադրանք առաջադրելով Տարոն Մարգարյանին:
Միանում ենք «Վճարում ենք 100 դրամ» շարժման անդամների հայտարարությանը և միասնական օրակարգի ձևավորման կոչին՝ համերաշխությամբ պայքարելու հանուն իրավունքի գերակայության և սոցիալական արդարության, կոռուպցիայի և անպատժելիության մթնոլորտի վերացման, պետական և տեղական ինքնակառավարման մարմինների հաշվետվողականության:

Աղբյուր՝ araratnews.am

[StrangeLittleGirl]

Արտ, բայց ոչ մի բան չեն ասում. ի՞նչ են անելու, ինչի՞ համար կամ ինչի՞ դեմ են պայքարում: Ինչ-որ ոչինչ չասող տեքստ ա:

[Chuk]

Արտ, բայց ոչ մի բան չեն ասում. ի՞նչ են անելու, ինչի՞ համար կամ ինչի՞ դեմ են պայքարում: Ինչ-որ ոչինչ չասող տեքստ ա:

Բյուր ջան, դրա համար էլ գրել էի, որ այս թեմայում կհետևենք հետագա ընթացքին:

Էս պահին ունենք մի հատ լավ բան. տարբեր ոլորտներում իրենց ակտիվ դրսևորած երիտասարդները (մասնավորապես Մաշտոցի պուրակի, Թեղուտի ու նմանատիպ այլ հարցերի ակտիվիստները, Հայազնի երիտասարդները, ՀԱԿ-ի երիտասարդները, ժառանգության երիտասարդները) պաշտոնապես հայտարարում են միասնական գործելու մասին:

Միասնական գործել էլի ա եղել, հենց 150 դրամի ակցիաների ժամանակ, բայց էն ժամանակ էնքան էլ պաշտոնական բնույթ չուներ ու էնքան էլ ամբողջական համագործակցություն չէր: Սա կարող ա շատ լավ սկիզբ դառնալ:

[Kuk]

Զորքի դեմը կանգնած ժողովրդին բերել համեմատում եք մի երկու տասնյակ էրեխեքի հե՞տ, ովքեր գիշերը թաքուն դուրս են գալիս պատերը մխտռում փախնում տուն:լօլ

[Kuk]

Ինձ մի հարց ա հետաքրքրում՝ քաղաքն ինչի՞ են մխտռում էս 100 աստիճան անիմաստ ու ոչինչ չասող գրությունը պատերին փչելով: Դրանից իրանք ավելի հզորանում ե՞ն, թե՞ ում դեմ որ պայքարում են, նրանք ավելի թուլանում են:

[Chuk]

Ինձ մի հարց ա հետաքրքրում՝ քաղաքն ինչի՞ են մխտռում էս 100 աստիճան անիմաստ ու ոչինչ չասող գրությունը պատերին փչելով: Դրանից իրանք ավելի հզորանում ե՞ն, թե՞ ում դեմ որ պայքարում են, նրանք ավելի թուլանում են:

Արթ, մի պահ վերանանք քո ու իմ կանխատրամադրված թերահավատությունից:

Էդ վերանալու պարագայում պատասխանեմ. Նման գրությունները օգնում են հարցը հնչեղ դարձնել, ուշադրություն գրավել, հարցի նկատմամբ հետաքրքրություն առաջացնել: Կոնկրետ «100 աստիճանը» նկատի չունեմ, այլ քաղաքական ակտիվության մեջ օգտագործվող էդ տրյուկը նկատի ունեմ:

[Kuk]

Արթ, մի պահ վերանանք քո ու իմ կանխատրամադրված թերահավատությունից:

Էդ վերանալու պարագայում պատասխանեմ. Նման գրությունները օգնում են հարցը հնչեղ դարձնել, ուշադրություն գրավել, հարցի նկատմամբ հետաքրքրություն առաջացնել: Կոնկրետ «100 աստիճանը» նկատի չունեմ, այլ քաղաքական ակտիվության մեջ օգտագործվող էդ տրյուկը նկատի ունեմ:

Արտ, օրենքի համար պայքարողը եթե սկսում ա օրենք խախտելուց, էդ արդեն կասկածելի ա: Էլի կարան օրենք խախտեն, էս կարգի բան, չեմ ասում՝ մարդ սպանեն, բայց դա էն ժամանակ, երբ պայքարը կրիտիկական վիճակում ա, օրինակ՝ բարիկադներ սարքելու պահ ա, իրանց ծեծում են, կալանավորում են, այլ ճնշումներ ու բռնություններ են գործադրում: Բայց ստեղ ոչ մի բան չկա, իրանք ընդամենը սկսում են կազմավորվել, ինչ որ նոր ուժ ա իբր, որը սկսում ա նոր գործողություններ, ասպարեզ ա մտնում ու դա անում ա քաղաքի պատերը ներկելուց, կեղտոտելո՞ւց: Ինքը իմ համար ոչ մի բանով չի տարբերվում Տարոնից, ով այլանդակում ա քաղաքը սեփական շահի համար, չի տարբերվում լֆիկից, ով քանդում ա մշակութային արժեքը սեփական շահի համար ու սենց շարունակ: Իրանք էլ կեղտոտում են քաղաքը իրենց գովազդն անելու համար: Ի՞նչ ա պատահել, իրանց արգելել ե՞ն բռոշյուռներ բաժանել փողոցում, փորձել են բաժանել, բռնել ծեծել ե՞ս դրա համար, արգելել ե՞ն ինտերնետում տարածել իրենց տեսակետները, համակիրներ ձեռք բերելը, փորձել են գտնել ովքեր են ու ինչ որ ճնշումների ենթարկե՞լ: Ի՞նչ կարիք կա սենց բան անելու, այսինքն՝ ոչ թե կարիք, այլ անհրաժեշտություն:

[Rhayader]

Չուկ, կներես օֆտոպի համար, կարելի՞ է այնպես անել, որ անտեսված անդամների գրառումները երբ չանտեսված անդամը մեջբերում է, չերևան մեջբերման մեջ:

[Vardik!]

Եկա իմ համեստ կարծիքն ասեմ էս թեմայով:
Թե՛ կողմ,թե՛ դեմ արտահայտվողներին կարելի է հասկանալ: Ամեն կարծիքի մեջ ճշտի բաժին գտնում եմ:
Բայց համամիտ չեմ էն կարծիքների հետ,որ սա լուրջ հարց չէ,սրա համար պետք չէ պայքարել: Ու էս պահին մի բան եմ հիշում:
Էս քաղաքում,որտեղ ես ապրում եմ,անցած տարեսկզբից որոշել էին մեկ ռուբլիով թանկացնեն տոմսի գինը: Ու կային խոսակցություններ,որ որոշ սոց. խմբերին հասնող զեղջերն էլ են վերանալու: Այսինքն՝ ուսանող,թոշակառու և այլն,բոլորը հավասար վճարելու են տրասպորտի համար տասներկուսի փոխարեն տասներեք ռուբլի: Ու պետք էր տեսնել,թե ոնց էին վարի տալիս քաղաքը: Ներկելը փառքա,անմեղությունա ստեղի երիտասարդության արածների դեմ: Վերջում հասան փոխզիջման: Տոմսը դառավ տասներեք ռուբլի,բայց զեղջերը մնացին: Ու հիմա առաջվ քայքայված ավտոբուսներն էլ չկան,նորերն են:

Սա ընդամենը օրինակ էր: Ու ես կուզեի,որ մեր երիտասարդությունը նույնքան համառ լիներ նպատակի հասնելու համար: Ոչ թե մի քանի օր պայքարեն,սրտները հովացնեն ու անցնի գնա: Ամեն մեծ գործ փոքրից է սկսվում: Թող սա փոքրը լինի,բայց հաջող լինի:

[Sagittarius]

Ինձ մի հարց ա հետաքրքրում՝ քաղաքն ինչի՞ են մխտռում էս 100 աստիճան անիմաստ ու ոչինչ չասող գրությունը պատերին փչելով: Դրանից իրանք ավելի հզորանում ե՞ն, թե՞ ում դեմ որ պայքարում են, նրանք ավելի թուլանում են:

Ուշադրություն գրավելու ձև ա. իսկ բողոքի, սիսթեմին դեմ գնալու հարցերին ուշադրություն գրավելու ամենաարդյունավետ մեծանիզմները դրանք կանոները խախտող մեթոդներն են՝ սաբոտաժ, փողոցները փակել, կայքերը կոտրել, դասադուլ-գոծադուլ (նույնիսկ այն երկրներում, որտեղ -դուլները օրենքով կարգավորվում են, դրանք էլի կազմակերպվում են խախտելով որոշակի կանոները), և վերջապես գրաֆֆիթի՝



Որևէ սիսթեմի դեմ բողոքելը առանց այդ սիսթեմի մեկ կանոն խախտելու հավասար ա մուկ տշելու: Դրա հարցը պտի լինի՝ արյդո՞ք այդ խնդիրը արժանի ա այնպիսի ուշադրության, որ դրա համար որոշակի կանոներ խախտվեն:

[Տրիբուն]

Ուշադրություն գրավելու ձև ա. իսկ բողոքի, սիսթեմին դեմ գնալու հարցերին ուշադրություն գրավելու ամենաարդյունավետ մեծանիզմները դրանք կանոները խախտող մեթոդներն են՝ սաբոտաժ, փողոցները փակել, կայքերը կոտրել, դասադուլ-գոծադուլ (նույնիսկ այն երկրներում, որտեղ -դուլները օրենքով կարգավորվում են, դրանք էլի կազմակերպվում են խախտելով որոշակի կանոները), և վերջապես գրաֆֆիթի՝



Որևէ սիսթեմի դեմ բողոքելը առանց այդ սիսթեմի մեկ կանոն խախտելու հավասար ա մուկ տշելու: Դրա հարցը պտի լինի՝ արյդո՞ք այդ խնդիրը արժանի ա այնպիսի ուշադրության, որ դրա համար որոշակի կանոներ խախտվեն:

Հա, բայց պոլին 100 գրելը, մի տեսակ չի տեղավորվում էլի սաբոտաժի, փողոցները փակելու, կայքերը կոտրելու, դասադուլ-գոծադուլի մեջ, ու հաստատ գրաֆիտի էլ չի: Կայֆարիկ երեխեքը իրանց համար թազա զբաղմունք են գտել, ժամանակ են անցկացնում, կլիպ են նկարում, քցում են յութուբ:

[Sagittarius]

Հա, բայց պոլին 100 գրելը, մի տեսակ չի տեղավորվում էլի սաբոտաժի, փողոցները փակելու, կայքերը կոտրելու, դասադուլ-գոծադուլի մեջ, ու հաստատ գրաֆիտի էլ չի: Կայֆարիկ երեխեքը իրանց համար թազա զբաղմունք են գտել, ժամանակ են անցկացնում, կլիպ են նկարում, քցում են յութուբ:

հա, հեչ:
Կարող ա սա իրանց առաջին քայլն ու համապատասխան ուշադրություն հավաքելուց հետո, իրանց «ասելիքը» կասեն, կարող ա առանձնապես ասելիք չունեն ու փորձ են հավաքում:

Ճիշտն ասած մեր ջահելությունը հլը որ շատ տոռվմուզ ա, ուստի քուչի հնազանդ ախպերների ֆոնին, սրանք արդեն ռեվոլուցիոներներ են