ՎանՎեյ ջան,
ֆորումը համակարգ է, որը թույլ է տալիս ոչ միայն օգտվել պատրաստի տեխնիկական գործիքներից, այլև սահմանել սեփական քաղաքականությունը: Ինչպես նաև վԲուլլետինը կառուցված է էնպես, որ հնարավոր լինի նրա զարգացումը հավելյալ ծրագրերի միջոցով: Ասածդ յուրաքանչյուր խնդրի համար իրեն կարելի է ընդլայնել՝ ցանկության դեպքում: վԲուլլետինը որևէ սահմանափակում դրանում չի դնում, ոչ էլ ինքը քեզ դնում ա ռամկաների մեջ ու ասում, որ դու էս, էս ու էս գործառույթները պետք է անես: Ամեն դեպքում կետերի մասին ասեմ.
1. Ցանկացած ֆորում սահմանում է իր կանոնները, այդ թվում թե ինչպիսի գրառումներ են կարելի, ինչպիսի ոչ, այդ թվում շատ հաճախ առանձին բաժինների համար առանձին: Մասնավորապես վԲուլլետինում չկա նախատեսված գործիք ֆլուդն ավտոմատ արգելելու համար, սակայն ֆորումների մեծամասնությունը կանոնով սահմանում են այդ հնարավորությունը, իսկ մոդերատորը տեխնիկական գործիքների օգնությամբ կատարում է դրա վերահսկողությունը: Մեր մոտ առանձին բաժնում կա առանձին սահմանափակում գրառումների ինչ-որ տիպի համար, ինչը նախատեսված է համակարգում:
2. Հանդիպումները կազմակերպելու համար կա հրաշալի գործիք. թեմա ստեղծելու հնարավորություն: Բացում ես թեմա, կատարում ես գրառում, նշում հանդիպման օրն ու ժամը, մյուսները տեսնում են: Սրանից բացի կան վԲուլլետինում նախատեսված այլ գործիքներ էլ, մասնավորապես հայտարարությունների համակարգն ու օրացույցը, որոնք ակումբում չեն օգտագործվում:
3. Կա հրաշալի հնարավորություն ստեղծագործությունները գնահատելու համար, որոնք են՝ վԲուլլետինում առկա վարկանշավորման համակարգը, մրցույթների դեպքում քվեարկության համակարգը, ինչպես նաև շնորհակալության համակարգը, որը լրածրագիր է (նոր տարբերակում, որը դեռ ակումբում չենք տեղադրում, արդեն ավտոմատ նախատեսված են like և dislike տիպի կոճակներ, եթե չեմ սխալվում): Բացի դրանից նախատեսված է գնահատման ևս մեկ հրաշալի հնարավորություն. մեկնաբանելու, գրառում կատարելու հնարավորությունը:
4. Չկա թեգ անելու ավտոմատ հնարավորություն, սակայն կա դա նկարի կողքին հանգիստ ու սիրուն գրելու հնարավորություն: Եթե չեմ սխալվում, կա նաև լրածրագիր, որը թույլատրում է թեգ անել:
5. Եվ այլն:
Սուբյեկտիվ ես գնահատում:
Քայլ առ քայլ՝ դարից դար
Խենթ եմ
Չուկ ջան, գիտեմ որ vBulletin-ի տակը վերջին հաշվով բաց կոդ է, կարող ես մտնել ուզածդ բանը փոխել, ինքս նման բաներ արել եմ: Բայց ոչ միշտ դա կկարողանաս անել սահուն ու համահունչ արդեն եղածին: Ասենք, կարող ես մարդատար մեքենան ձևափոխես բեռնատարի, բայց նույնքան լավը չի լինի, որքան եթե ի սկզբանե բեռնատար սարքեիր: Լավ, ժամանակը ցույց կտա
Ասա՝ քեզ չի հետաքրքրում, բայց մի ասա՝ քննարկում չկա: Թե քեզ հետաքրքրող թեմաներում/բաժիններում քննարկում չկա, ինչու՞ չես բացում նոր թեմա: Կամ ի՞նչ վատ ա, եթե միշտ նույն մարդիկ են քաղաքականության բաժնում: Գրականության բաժնում էլ միշտ ուրիշ նույն մարդիկ են: Բնական բան ա, որ էս կամ էն ակումբցին մտնում ա էն բաժին, որն իրան ավելի հետաքրքիր ա:
Ու շատ ցավում եմ, եթե դու ֆեյսբուքի ու ակումբի քաղաքական քննարկումների միջև տարբերություն չես տեսնում: Դու էստեղ նկատե՞լ ես քաղաքական հիստերիաներ կամ նկատե՞լ ես, որ մեկն անցնի անձնական վիրավորանքների, ու դա հանգիստ մարսվի-գնա: Սոցցանցերում մարդիկ անձեր են, ոչ թե կարծիքներ, մարդկանց էգոն ահավոր մեծ ա, իսկ ֆորումներում դա չի աշխատում, դու պիտի փոքրանաս ու հավասրվես մյուսներին: Եթե հարգանք ես ուզում, ոչ թե պիտի տկլոր ֆոտոներ դնես կամ սաղ միասեռականներին ուղարկես վառելու, այլ խելոք մտքեր արտահայտես: Ու դա տեղի ա ունենում նույնիսկ ֆեյսբուքի խմբերում: Մատների վրա հաշված լավ խմբեր կան, որ շատ ուժեղ մոդերավորվում են, ու քննարկումները քիչ թե շատ նորմալ են ընթանում, բայց էդ խմբերը որդեգրել են ֆորումային քաղաքականություն, դրանք ավելի շատ նմանվում են ֆորումի, ոչ թե սոցցանցի:
ՎանՎեյ ջան, vbulletin.org-ում, որն ի դեպ vbulletin-ի պաշտոնական կայքերից ա, հարյուրավոր պատրաստի լրածրագրեր կան՝ երրորդ կազմակերպությունների կողմից: Էնպես չի, որ անպայման դու պետք ա գրես:
vBulletin-ի կոդը ոչ թե սովորական ձևով բաց է, այլ ինքը հատուկ փլագինների համակարգ ունի, ու նաև դրանք ստեղծելու հնարավորություն:
Քայլ առ քայլ՝ դարից դար
Խենթ եմ
Աթեիստ (30.10.2013)
Հա, ի՞նչ էի ասում: Մինչև վերջ չձևակերպեցի:
Ասածս էն էր, որ եթե նույնիսկ vBulletin-ում չկա պատրաստի էնպիսի գործիք, ինչպիսին ասենք FB-ի event-ներն են, դա որևէ կերպ խոչընդոտ չի լինում օգտվելով միայն vBulletin-ի գործիքներից հանդիպումներ կազմակերպելը ու իրականացնելը: Վկայությունը կազմակերպված եթե ոչ հարյուրավոր, գոնե տասնյակ հանդիպումները:
Եթե նույնիսկ vBulletin-ում չկա պատրաստի թեգավորման համակարգ (նկարների համար), դա խոչընդոտ չի հանդիսանում բավական հարմար տարբերակով նկարները հանձնել հանրության դատին: Ավելին, թեև vBulletin-ում կա պատրաստի ալբոմների մեխանիզմ, նախատեսված այդ գործի համար, փաստացի օգտվողները նախընտրում են թեմայում գրառումների տեսքով դնելը ու դա բնավ էլ անհարմար չի դառնում:
Մի խոսքով, առկա գործիքները բավական հարմար են ակումբի ներկայիս գործունեությունը կազմակերպելու համար:
ԲԱյց, ՎանՎեյ ջան, ես տասը ձեռով կողմ եմ քո ասածին, որ արժի քո ձևակերպմամբ «օբյեկտիվ քննարկումները» խթանել:
Քայլ առ քայլ՝ դարից դար
Խենթ եմ
Աթեիստ (30.10.2013)
Մարդ ֆեյսբուք ունենար, հասկանար թե էս ինչից են խոսում:
Այս պահին թեմայում են 1 հոգի. (0 անդամ և 1 հյուր)
Էջանիշներ