Մի դեպք է տեղի ունեցել և ցանկանում եմ կիսվել, կարծիք լսել..... Ուղղակի շատ մտերիմ մարդ է։ Իսկ օգնել չեմ կարողանում։ Արդեն միջիցս պայթում եմ անզորությունից։
Առանց անունների եմ գրում։ Ու կարճ կոնկրետ՝ առանց իմ անձնական կարծիքի, առանց անձնական վերաբերմունքս արտահայտելով։ Ուղղակի փաստերը։
- Կա մի մարդ ով ինձ ահավոր մտերիմ ա։
- Մոտ 8 տարեկանից մոր հետ հաճախել է մի կրոնական համայնքի հանդիպումներին։
- Իր խոսքերով հենց այդ կրոնի քարոզչության պատճառով կյանքի միակ կարևոր գործը դարձրել է կրոնական համայնքի շահերը, քարոզչությունը և Աստվածաշունչ սերտելը։ Այդ կրոնի հանդիպումների ժամանակ կանոնավորաբար թեմաներ են եղել, որ բացի Աստվածաշնչից և հոգևոր գրականությունից մնացած բոլոր գրքերը կարող են վնասել մարդու հարաբերությունները Աստծու հետ։ Ուստի այս ինձ ահավոր մտերիմ մարդը բացի Աստվածաշնչից համարյա ուրիշ ոչ մի գիրք չի կարդացել։ Հետևաբար իր տեսակետները կյանքի հանդեպ իմ գնահատմամբ (խոսք էի տվել, որ անձնական վերաբերմունքիս մասին չեմ գրի, բայց թույլ տվեք բացառություն անել) սահմանափակ են։ Ամեն ինչ սև սպիտակ ա։ Կամ լավ, կամ վատ։ Կամ երջանիկ, կամ դժբախտ։
- Ութ տարեկանից մինև 28 տարեկան՝ 20 տարի առավոտից իրիկուն զբաղված է եղել էտ կազմակերպության գործերով։
- Չորս տարուց ավելի անվճար կատարել է լիաժամ աշխատանքներ այդ համայնքի համար։
- Ես միշտ տեսել եմ թե ինքը ինչպես է հատկացրել իր ժամանակը, ուժերը այդ կրոնի մյուս անդամներին օգնելու համար։ Եղել են մարդիկ, որոնք ունեցել են լուրջ խնդիրներ կյանքու ու իրանց համար ինքը շաբաթներով լաց էլ լինում, գործնական օգնություն էր ցույց տալիս, լսում էր ժամերով իրենց։
- Նրա բոլոր ընկերները այդ համայնքից էին, քանի որ ըստ Աստվածաշնչի պատվիրանների նրանք չպետք է ընկերություն անեին իրենց կրոնից դուրս այլ մարդու հետ, քանի որ «չար ընկերակցությունները ապականում են բարի բարքերը» (Կորնթացիների Առաջին նամակ 15 գլուխ, խոսք 33)։ Իր ընկերները եղել են միմիայն այդ կրոնի անդամները։
- Այդ աղջիկը ամուսնացած էր նույն կրոնական համայանքից մի տղայի հետ, ով ապրում էր նույն ձև, ոնց էտ աղջիկը։
- Չնայած այդ ակտիվ կրոնական գործունեությանը նրանք մի քանի տարիների ընթացքում լուրջ կասկածներ են ունենում Աստվածաշնչի, իրենց կազմակերպության և ընդհանրապես կրոնի հանդեպ։
- Գալիս է ժամանակ, որ նրանք կայացնում են որոշում թողնել այդ կազմակերպությունը։ Իրենք պնդում են, որ իրենք իրենց համարում են աթեիստ։
- Այդ դեպքից հետո իրենց նաև ամուսնալուծվում են։
- Այդ կրոնը հիմնվելով Աստվածաշնչի հին և նոր կտակարանների այնպիսի պատվիրանների վրա, ինչպիսիք են «քարկոծելով սպանել անհավատներին»՝ անգամ հարազատ երեխային, ծնողին, կնոջը, ամուսն (Երկրորդ Օրէնք 13 գլուխ, 6-10 համարներ), կամ՝ «վերացրե՛ք չարը ձեր միջից» (Կորնթացիների Առաջին նամակ գլուխ 5, 12, 13 համարներ), կամ՝ «Եթէ մէկը գայ ձեզ մօտ եւ այս վարդապետութիւնը չունենայ, նրան տուն մի՛ ընդունէք եւ նրան մի՛ ողջունէք։» (Հովհաննեսի Երկրորդ նամակ 10 խոսք), դադարում են շփվել այս աղջկա հետ։ Անգամ չեն բարևում։
- Հիմա ինքը ահավոր մեծ օգնության կարիք ունի։ Որովհետև ամուսնալուծվել է, իր բոլոր ընկերները որոնց հետ նա անց է կացրել իր կյանքի 20 տարիները, որոնց ամեն վայրկյան օգնել է, այսօր անգամ չեն բարևում նրան։ Անգամ հարազատներն են նման վերաբերմունք ցուցաբերում։
- Իր խոսքերով նա ամբողջովին միայնակ է։ Անդադար խոսում է ինքնասպանության, թմրանյութերի մասին։ Չի կարողանում հարմարվել այս կյանքին։
- Երբեմնի երջանիկ մարդը, ժպիտը երեսից անպակաս մարդը այսօր լացում է առավոտից երեկո։
Ցանկանում եմ նշել, որ այս վիճակի հիմնական պատճառը իր ամուսնալությունն է։ Բայց այս դժվար պահին, երբ ինքը կարիք ունի աջակցության, ոչ մեկը չկա նրա կողքը։ Եվ այդ կտրուկ միայնակության զգացումը նրան ուղղակի վերացնում է, սպանում է, օր օրի ինքը վարի է գնում։
Իսկ նա երիտասարդ ու ահավոր բարի աղջիկ է։ Ես հիմա գրում եմ ու արտասվում......
Ես համ ուզում եմ կիսվել, համ էլ ուզում եմ խնդրել, որ օգնեք ինձ խորհրդով։ Ի՞նչ կարելի անել։
Մեջբերել
John-ի խոսքերից
Էջանիշներ