Առաջարկում եմ այստեղ քննարկենք, թե ինչ գործնական օգնություն կարելի է ցուցաբերել այն մարդկանց, ովքեր տուժել են կրոնից։
- երկար ժամանակ հավատացել են, հիմա հասկանում են, որ հավատալու հիմքեր չունեն և չեն կարողանում համակերպվել, որ ապրել են ստի մեջ
- չեն կարողանում համակերպվել այն իրականությանը որի մեջ ապրում են
- ունեն ցանկություն, սակայն չեն կարողանում ուժ գտնել դուրս գալու կրոնից
- չեն կարողանում փոփոխել իրենց «կրոնական մտածողությունը», թեև կարծում են, որ այն իրենց վնասում է
- ապրում են խորը հիասթափություն կրոնից, կյանքից և կորցնում են կյանքի իմաստը
ՀԳ՝ ամենամեծ խնդրանքս։ Աղաչում եմ, հասկացեք, որ նման մարդիկ կան և նրանք իսկապես ունեն օգնության կարիք։ Ով դրա մեջ չի եղել դժվար պատկերացնի ցավը, դժվարությունները և երբեմն անելանելի իրավիճակը, որ ունեն նման մարդիկ։ Ուստի խնդրում եմ գրեք միմիայն դրական բաներ։ Թող գոնե այս թեման լինի այն եզակին, երբ բոլորը իրենց ռեսուրսները գործածում են ՕԳՆԵԼՈՒ։ Ոչ թե քֆրտելու, քլնգելու, ինքնահաստատվելու, հումորի անսպառ զգացողությունը ցուցադրելու համար։ Շատ եմ խնդրում, ուղղակի ՕԳՆԵՔ։
Մեջբերել
Էջանիշներ