փորձեմ /փողին մուննաթ
/.
- գրի երկու հատ Թիչրզ, մի հատ օղի, երկու հատ կոտայք գոլդ: վեցերորդին: չէ յոթին,- գոռում ա ականջիս տակ բարմենը, ով արդեն իսկ դողացող ձեռքերով ա լցնում նոր պատվերը: դեմքս շրջում եմ, ալկոհոլի հոտն ինձ շրջանցում ու գնում ա վեր՝ գլխավերևումս ոռնացող օդափոխիչին երջանկացնելու:
- չորսի հաշի՛վը, հենց հիմա դուրս են գալիս,- հեռվից վազելով մոտենում ա մատուցողուհու ձայնը, ով էնքան ջահել ա, որ դեռ աչքերը լցնում ա անքաղաքավարի վերաբերմունքից:
ՀԴՄ կտրոնների ապարատը սարսափազդու չինովնիկի պես սպասում ա, թե երբ մի սխալ բան կանեմ:
- մեռնե՜մ ես քո ջանի՛ն,- ճչում ա փաբի տերն ամեն անգամ, երբ որսում ա հայացքս:
բարի մոտ ընկերներս են: չորսն են, թե հինգը, միգուցե անգամ վեցը, չգիտեմ: մի քանի տասնյակ հազարներ հաշվել եմ վերջին րոպեների ընթացքում, բայց ընկերներիս ստույգ թիվն ասել չեմ կարող: գիտեմ, որ վեց ժամվա ընթացքում հասցրեցի լսել մեկ կարճ պատմվածք ու նաև պատմել իմոնցից մեկը: էդ ընթացքում փակեցի մոտ քառասուն հաշիվ ու բացեցի ևս մի էդքանը: վերջնականապես ֆիքսեցի, որ Ջեք Դենիելզը երկու հազար երկու հարյուր արժե: մի քանի անգամ գոռացի, որ մանր չունեմ, բայց դա էդպես էլ շարունակեց հուզել միայն ինձ: իսկ երբ մարդիկ աշխույժ աշխատեցնում էին ատամները կամ կում անում իրենց խմիչքից, գալիս էր իմ ամենասիրելի պահը՝ սիգարետ էի կպցնում ու վայելում առաջին ծուխը: հենվում էի բարին ու էդ պահին աշխարհն իմն էր լինում: նայում էի ընկերներիս, հերթով, կարոտելով իրենց հենց էդ պահին, վերադարձնելով ժպիտներն ու օդում որսալով կատակները: երեք-չորս անգամ ծուխ կուլ տալուց հետո բարմենը հենվում էր վրաս.
- գրի՝ հինգ հատ տեկիլա սիեռա, երեք հատ կիլիկիա, ու մեկ էլ ասա՝ որտեղից պլան ճարեմ...
Mephistopheles-ի խոսքերից
էս երկու ֆրազաները giving away too much… լացելու ուսը ոնց որ վերի նկարագրությունները մի տեսակ հեչ անի… ոնց որ թե էդ մարդուն դու զգուշորեն ու զուսպ կառուցել ես ամեն դետալը տեղին, բայց հենց ասում ա "լացելու ուս" չերեզչուռ ա բացահայտում… սենց ճարտարապետական կառույցներ կան որ բետոնից են, կամ պողպատից, բայց շատ լիրիկական են, այ դրանց նման որ լիներ շատ հետաքրքիր կլիներ… էդ "լացելու ուս"-ը մի տեսակ ոնց որ գրած լինի որ հանկարծ ուրիշ բան չհասկանանք…
Մեջբերել
Էջանիշներ