Դեպրեսիայի անատոմիան. ոչ մասնագիտական դիտարկումներ

**Rhayader** · 14.08.2013, 23:27

Այս թեմայում կփորձեմ ի մի բերել դեպրեսիայի թեմայով իմ արած բոլոր ուսումնասիրությունները: Գիտեմ, որ ոլորտի շատ մասնագետների իմ դրույթները պրիմիտիվ, նաիվ կամ ակնհայտ կհամարեմ, բայց հաշվի առնենք նաև այն փաստը, որ ես դեպրեսիան ուսումնասիրել եմ զրոյից ու իմ ինքնուրույն ստացած եզրահանգումներն ու արդյունքները սովորաբար կամ համընկնում են բժշկական ու հոգեբանական կառույցների արդյունքների հետ, կամ առնվազն դրանց չեն հակասում: Նպատակ չունեմ հայտնագործություններ անել՝ հիմնական միտքը դեպրեսիայի անատոմիան հասկանալն ու ուրիշներին բացատրելն է:

**Alphaone** · 15.08.2013, 00:02

Բայց էս հետազոտությունն ընդհանրական չի լինի, քանի որ կան մարդիկ, որ ունիկալ են ու իրենց ուսումնասիրելով ընդհանրացված եզրակացություններ անել չի կարելի: Թե կարելի՞ է:

**Lord** · 15.08.2013, 00:11

Rhayader-ի խոսքերից

Այս թեմայում կփորձեմ ի մի բերել դեպրեսիայի թեմայով իմ արած բոլոր ուսումնասիրությունները: Գիտեմ, որ ոլորտի շատ մասնագետների իմ դրույթները պրիմիտիվ, նաիվ կամ ակնհայտ կհամարեմ, բայց հաշվի առնենք նաև այն փաստը, որ ես դեպրեսիան ուսումնասիրել եմ զրոյից ու իմ ինքնուրույն ստացած եզրահանգումներն ու արդյունքները սովորաբար կամ համընկնում են բժշկական ու հոգեբանական կառույցների արդյունքների հետ, կամ առնվազն դրանց չեն հակասում: Նպատակ չունեմ հայտնագործություններ անել՝ հիմնական միտքը դեպրեսիայի անատոմիան հասկանալն ու ուրիշներին բացատրելն է:

Բայան դու ընենց կբացատրես սաղ դեպրեսիայի մեջ կընգնեն

**Arpine** · 15.08.2013, 00:25

Alphaone-ի խոսքերից

Բայց էս հետազոտությունն ընդհանրական չի լինի, քանի որ կան մարդիկ, որ ունիկալ են ու իրենց ուսումնասիրելով ընդհանրացված եզրակացություններ անել չի կարելի: Թե կարելի՞ է:

Ալֆա սա ըստ երևույթին հետազոտություն չի, այն իմաստով, ոնց մենք ենք հասկանում դա, սա ավելի շատ դիտարկում, եզրահանգում է, ոնց Բայն ասեց: Կոնկերտ ինձ շատ հետաքրքիր է իր տեսակետները, փորձված մարդունը, ես կլսեմ, ընդունել չընդունելը մի կողմ արդեն:
Դե բնականաբար մեկի փորձով, եզակի դեպք լինի թե չէ հետազոտություն չեն անում, բայց էս դեպքում հնարավոր է շատ ավելի արժեքավոր լինի, քան ինչ-որ մեկի հետազոտությունը

: Էդպես եմ կարծում:

**ivy** · 15.08.2013, 00:28

Ալֆ, բացի դրանից, հոգեբանության մեջ շատ տարածված է "case study"-ն՝ հետազոտություններ հիմնված կոնկրետ դեպքերի վրա, որոնք հեչ ել անպայման չի, որ միջին վիճակագրական լինեն. ինչքան արտասովոր լինի դեպքը, էնքան շատ ինֆորմացիայի աղբյուր կլինի:

**Չամիչ** · 15.08.2013, 02:16

Հեսա մոտենում ա մազերս ներկելու ժամանակը ու ես հիմիկվանից դեպրեսսիայի մեջ եմ

Էտ անտեր մազի ներկերը օրգանիզմս չի ընդունում, ընկալում ա որպես թույն, սկսում ա կոկորդի սպազմ, տրամադրությունս իջնում ա զրոյից մինչեւ անվերջություն, ներկը քսելուց հետո 20 րոպեի ընթացքում ես հայտնվում եմ խորը դեպրեսսիայի մեջ: Էտ վիճակից դուրս եմ գալիս 5 օր հետո:Էս օրինակը ցույց ա տալիս թե նյութը ինչ հզոր ազդեցություն ա թողնում մարդու հոգեկանի վրա: Եթե մարդը խորը դեպրեսսայի մեջ ա, ճիշտ կլինի, որ առաջին հերթին ուշադրություն դարձնի սննդակարգին:

**Rhayader** · 15.08.2013, 02:53

Լավ, Չամիչին շնորհակալություն նրա համար, որ շատ լավ օրինակի վրա ցույց տվեց, թե ինչ դեպրեսիայի մասին այս թեմայում չի խոսվելու: Դեպրեսիա ասելով հաճախ հասկանում են սեփական նեղված տրամադրությունը: Կոնկրետ այս թեմայում ես նպատակ ունեմ խոսել դեպրեսիայի կլինիկական ձևերի մասին:

Ալֆա, պատասխանեմ քո հարցին. ընդհանուր առմամբ, ես չեմ պատրաստվում դեպրեսիայի հոգեբանական պատճառների ցանկ կառուցել կամ նման բան: Ինձ հետաքրքիր է երևույթի հենց անատոմիան ու ազդեցությունն ինչպես մարդու հոգեբանության, այնպես էլ ֆիզիոլոգիայի վրա:

Այվին շատ ճիշտ նկատեց, այստեղ մենք գործ ունենք case study-ի հետ:

Դեպրեսիան կարելի է սահմանել որպես տևական, ինքնագեներացվող, հիվանդագին ընկճված վիճակ: Թեթև դեպքերում կարող է բերել տրամադրության ու ֆիզիկական/մտավոր ակտիվության անկման, ծանր դեպքերում կարող է կասեցնել մարդու սեփական ֆունկցիաներն իրականացնելու ունակությունը, ճնշել ինքնապահպանման բնազդն ու բերել սուիցիդալ հակումների:

Դիտարկվող անձը հոգեբանի կողմից Համիլտոնի սանդղակով ստացել է HAM-D 19 գնահատական՝ սուր դեպրեսիա: Դեպրեսիա է տանում 2001 թվից: Ստանդարտ սիմպտոմատիկայից առկա են. խրոնիկական հոգնածություն, քնի, ուշադրության խախտումներ, հաճախակի ընկճված տրամադրություն, մազոխիզմի տարրեր, ինքնաոչնչացման հակում, սուիցիդալ մտքեր:

Իմ նկատած սիմպտոմատիկան. «մեսսիայի կոմպլեքս», գլխուղեղի կիսագնդերի փոփոխական դոմինացիա, գլխացավեր, էմոցիոնալ ու սենսորալ դեպրիվիացիայի սիմպտոմներ, ճնշված էմոցիաներ: Լավ ադապտացիա դեպրեսիվ վիճակին: Ֆոտոֆոբիա, ագորաֆոբիա, ակրոֆոբիա, կլաուստրաֆոբիա (հիմնականում արտահայտվում են ստրեսային իրավիճակներում, բացի ֆոտոֆոբիայից ու ակրոֆոբիայից): Ֆոբիաները դադարում են արտահայտվել, երբ դեպրեսիան ճգնաժամային աստիճանի է հասնում:

Ալկոհոլի ազդեցության տակ, կախված ալկոհոլի օգտագործմանը նախորդած հոգեվիճակից, տեղի են ունենում տրամադրության փոփոխություններ: Ընկճված վիճակում բերում է ճգնաժամի: Նեյտրալ կամ թեթև ընկճված վիճակում դեպրեսիայի սիմպտոմատիկայի մի մասն անհետանում է:

Դիտարկվող անձը դժվարությամբ է տեսնում արագ շարժվող օբյեկտներն, անկախ հեռավորությունից ու տեղաշարժի ուղղությունից (թե՛ հորիզոնական, թե՛ ուղղահայաց):

Ստրեսային իրավիճակում ստրեսի աճին անհամաչափ սկսում է աճել ագրեսիայի հակումը:

Ճնշումը տատանվում է, սովորաբար՝ ընկնում:

**Նարե91** · 15.08.2013, 10:18

Մի հարց. կարո՞ղ ենք համարել, որ սթրեսը դեպրեսսիայի առաջացման սկզբնաղբյուրն է:

**Rhayader** · 15.08.2013, 15:17

Ճիշտն ասած, ես հակված եմ «պոլիֆոնիկ ստրուկտուրայի»՝ տարբեր գործոններ իրար զուգահեռ նպաստել են դեպրեսիայի մեխանիզմների զարգացմանն ու դրա միջոցով իրար խորացրել: Ա գործոնն առաջացնում է դեպրեսիայի մեխանիզմ, որը ճնշում է Բ գործոնի դեմ հակազդեցության պաշտպանական մեխանիզմը, ինչի պատճառով Բ գործոնը նույնպես լրիվ անարգել դեպրեսիայի մեխանիզմ է առաջացնում: Այլ կերպ ասած, եթե հոգեբանությունը հակված է դեպրեսիայի, մեխանիզմներ առաջացնող գործոնները տարբեր կարող են լինել ու միայն մեկը սկզբնաղբյուր հայտարարելը սխալ կլինի:

**Rhayader** · 15.08.2013, 15:51

NMDA ռեցեպտորի անտագոնիստով փորձը տալիս է շատ հետաքրքիր արդյունք: Դեպրեսիայի սիմպտոմները երկու շաբաթով անհետանում են: Սրանից կարելի է տարբեր հետևություններ անել՝ թե՛ դեպրեսիայի ֆիզիոլոգիական, թե՛ հոգեբանական ծագման մասին: