10 քայլ սեփական կարբոնային ոտնահետքը փոքրացնելու համար

[Chuk]

Ռուֆ, նորից կրկնեմ, քո ասած կետերից ոչ մեկը վատ բան չի: Ես ինքս հեծանիվով եմ տեղաշարժվում, ինչքան դա հնարավոր է, ձգտում եմ խուսափել ցելոֆանե տոպրակներից, բնության գրկում պլաստիկե աղբը, նաև ուրիշների թողած, հավաքում եմ, գրպաններիցս հաճախ սիգարետի հոտ է գալիս, որովհետև բիչոկներս գրպանում եմ պահում, երբ աղբաման չկա մոտակայքում: Ինչպես ցանկացած էկո-գիտակից մարդ, որին քո այս կետերն ասելու կարիք առանձնապես չկա:

Մյուս կողմից՝ լիքը մարդիկ ցանկանում են զգալ, որ մոլորակի համար դրական բան են անում, բայց միևնույն ժամանակ ուզում են այդ գիտակցությունն ունենալ՝ նվազագույն ջանքեր կիրառելով: Իրենց հեշտ եղանակ ցույց տալով դու իրենց շեղում ես իրական վտանգից: Իրենք իրենց «կարբոնային ոտնահետքը» փոքրացնում են ու զարմանում, թե ինչու է էկոլոգիական վիճակը շարունակում վատանալ: Ու ենթադրում, որ բավականաչափ շատ մարդիկ չեն իրենց «կարբոնային ոտնահետքը» փոքրացրել: Ու գնում բուսակեր են դառնում (էլի պայքարի պասիվ-ագրեսիվ ձև), վհուկների որսով զբաղվում, բայց եթե առաջարկես ուսումնասիրեն Կիոտոյի պրոտոկոլն ու բողոքի ցույցի մասնակցել ԱՄՆ դեսպանատան դիմաց, բնավ հավես չեն ունենա:

Մարդկանց դժգոհությունը մոլորակի էկոլոգիակական վիճակից ոչ թե պետք է բավարարել, այլ աճեցնել ու ուղղորդել: Մարդկանց մեծ մասն իրականում պարզապես հրաժարվում է գիտակցել մոլորակի իրական վիճակի աղետալիության աստիճանն ու մտածում է, որ շշալցված ջրից հրաժարվելով կարող է կանգնեցնել գլոբալ տաքացումը:

Սոֆ, եթե խնդիրը գնա նրան, որ գլոբալ խնդիրները մղվեն հետին պլան, ապա տեսականորեն ճիշտ կլինես: Բայց ես կարծում եմ, որ դու ծայրահեղացնում ես:

Կարճ ասած.
- Թեմայում նշված բոլոր կետերը, համարում եմ (բացի մսի թեմայից), որ պետք է հնարավորինս լայնորեն կիրառելի դարձնել, հնարավորինս մեծ քանակով մարդկանց կողմից,
- Պետք է հետապնդել նաև գլոբալ խնդիրները, այդ թվում բացատրելով, որ էս նշված խնդիրների կատարումը կարևոր, բայց անհրաժեշտ քայլեր են:


Հիմա քեզ երեք հարց տամ, որոնց պատասխաններդ, իրականում, գիտեմ.
- Մարդը պայքարում է գլոբալ խնդիրների համար: Միաժամանակ էս թեմայում նշվածները չանի՞:
- Մարդը չի պայքարում գլոբալ խնդիրների համար, բայց դու գիտես, որ իրեն կարող ես համոզել միանալ պայքարիդ: Բայց միաժամանակ չհորդորե՞ս ՆԱԵՎ նշված քայլերն անել:
- Մարդը չի պայքարում գլոբալ խնդիրների, ու գիտես, որ չես էլ կարող իրեն պայքարի դաշտ բերել: Գոնե նենց չանե՞ս, որ էս նշված քայլերն անի:

Դու մի տեսակ ոնց-որ էս երեք հսկայական խմբերն անտեսես ու մտածես միայն էն խմբի մասին, ով նշված քայլերն անելու պատճառով գլոբալ խնդրի համար չի պայքարելու: Ես ավելի քան համոզված եմ, որ նման խումբը ամենափոքրն է նշվածներից: