Շախմատի աշխարհի գավաթ 2013

[Moonwalker]

2013թ.-ի օգոստոսի 10-ից սեպտեմբերի 3-ը Նորվեգիայի Թրոմսյո քաղաքում կանցկացվի շախմատի աշխարհի գավաթի իր ներկայիս ընկալմամբ 5-րդ խաղարկությունը (2005թ.՝ Արոնյան, 2007թ.՝ Կամսկի, 2009թ.՝ Գելֆանդ, 2011թ.՝ Սվիդլեր): Այս մրցաշարը 2014թ.-ի չեմպիոնի կոչման հավակնորդների մրցաշարի որակավորման փուլերից մեկն է (որակավորվում են հաղթողն ու երկրորդ մրցանակակիրը): Մասնավորապես 2014թ. ցիկլը համակարգող կանոնադրության համաձայն (կետ 2.4) հավակնորդների մրցաշարին վարկանիշով որակավորվել կարող են միայն այն շախմատիստները, որոնք մասնակցել են որակավորման մրցաշարերից որևէ մեկին (իսկ դրանք երկուսն են՝ «Գրան պրի» մրցաշարերի շարքն ու աշխարհի գավաթը): Այդ իսկ պատճառով այս աշխարհի գավաթը առավել ներկայացուցչական է քան երբեք:
Մասնավորապես մասնակից 128 շախմատիսներից (աշխարհի չեմպիոն + 2011թ.ի աշխարհի գավաթի քառորդ եզրափակիչի մասնակիցներ + կանանց աշխարհի չեմպիոն + 2011 և 2012թ.-ի աշխարհի Մ-20 տարեկանների չեմպիոններ + 18 շախմատիստ ըստ վարկանիշի + 92 շախմատիստ մայրցամաքային առաջնություններից + 6 նոմինատ ՖԻԴԵ-ի նախագահից + 4 նոմինանտ կազմակերպիչներից /մասնակցելուց հրաժարվածներին փոխարինում են ըստ վարկանիշի կամ ըստ այն մրցաշարի աղյուսակի, որից նա որակավորվել էր/) 38-ը ըստ մրցաշարային ցանցի հիմքում ընկած հուլիսի 1-ի տվյալների ունի 2700+ վարկանիշ:

---

Առաջին տասնյակն ունի հետևյալ տեսքը՝

1. Լևոն Արոնյան (Հայաստան, 2813)
2. Ֆաբիանո Կարուանա (Իտալիա, 2796)
3. Վլադիմիր Կրամնիկ (Ռուսաստան, 2784)
4. Ալեքսանդր Գրիշչուկ (Ռուսաստան, 2780)
5. Սերգեյ Կարյակին (Ռուսաստան, 2776)
6. Հիկարու Նակամուրա (ԱՄՆ, 2775)
7. Բորիս Գելֆանդ (Իսրայել, 2773)
8. Գատա Կամսկի (ԱՄՆ, 2763)
9. Շահրիար Մամեդյարով (Ադրբեջան, 2761)
10. Լենյեր Դոմինգես Պերես (Կուբա, 2757)

Բացի Լևոնից աշխարհի գավաթին մասնակցում են նաև ևս 3 Հայաստանը ներկայացնող շախմատիստներ՝

40. Սերգեյ Մովսեսյան (Հայաստան, 2699)
44. Վլադիմիր Հակոբյան (Հայաստան, 2691)
79. Հրանտ Մելքումյան (Հայաստան, 2632)

Մրցաշարային ցանցը հասկանելի է այստեղ: Մեր շախմատիստներին բաժին են հասել հետևյալ մրցակիցները՝

Լևոն Արոնյան (Հայաստան, 2813, №1) - Միխայիլ Մարկով (Ղրղզստան, 2305, №128)
Սերգեյ Մովսեսյան (Հայաստան, 2699, №40) - Յոն Լյուդվիգ Համմեր (Նորվեգիա, 2599, №89)
Վլադիմիր Հակոբյան (Հայաստան, 2691, №44) - Նգույեն Նգոկ Չուոնգ Շոն (Վիետնամ, 2625, №85)
Հրանտ Մելքումյան (Հայաստան, 2632, №79) - Խուլիո Էրնեստո Գրանդա Սունիգա (Պերու, 2679, №50)

---

Ժամանակացույցը՝
1-րդ ռաունդ - օգոստոսի 11-12, թայբրեյքը՝ օգոստոսի 13
2-րդ ռաունդ - օգոստոսի 14-15, թայբրեյքը՝ օգոստոսի 16
3-րդ ռաունդ - օգոստոսի 17-18, թայբրեյքը՝ օգոստոսի 19
1/8-րդ եզրափակիչ - օգոստոսի 20-21, թայբրեյքը՝ օգոստոսի 22
քառորդ եզրափակիչ - օգոստոսի 23-24, թայբրեյքը՝ օգոստոսի 25
կիսաեզրափակիչ - օգոստոսի 26-27, թայբրեյքը՝ օգոստոսի 28
հանգիստյան օր - օգոստոսի 29
եզրափակիչ - օգոստոսի 30-սեպտեմբերի 2, թայբրեյքը՝ սեպտեմբերի 3

Բոլոր պարտիաների մեկնարկը Երևանի ժամանակով 17:00-ին, բացի եզրափակիչի թայբրեյքից, որը անհրաժեշտության դեպքում կսկսվի ժամը 14:00-ին:

Ժամանակի հաշվարկը՝
90 րոպե առաջին 40 քայլի համար + 30 րոպե + 30 վրկ/քայլ սկսած առաջին քայլից:
Թայբրեյքը՝ 2x 25 րոպե + 10 վրկ/քայլ, հավասարության դեպքում՝ 2x 10 րոպե + 10 վրկ/քայլ, հավասարության դեպքում՝ 2x 5րոպե + 3 վրկ/քայլ, հավասարության դեպքում՝ արմագեդոն (5 րոպե 4 րոպեի դիմաց + 3 վրկ/քայլ սկսած 61-րդ քայլից:

Մրցանակային ֆոնդը՝
1-րդ ռաունդից դուրս մնացածներ` 6.000-ական դոլար
2-րդ ռաունդից դուրս մնացածներ` 10.000-ական դոլար
3-րդ ռաունդից դուրս մնացածներ` 16.000-ական դոլար
1/8-րդ եզրափակչից դուրս մնացածներ` 25.000-ական դոլար
քառորդ եզրափակչից դուրս մնացածներ` 35.000-ական դոլար
կիսաեզրափակչից դուրս մնացածներ՝ 50.000-ական դոլար
երկրորդ մրցանակակիր՝ 80.000 դոլար
գավաթակիր՝ 120.000 դոլար

Մրցավարները՝
Գլխավոր մրցավար - Իգնատիուս Լեոնգ (Սինգապուր)
Գլխավոր մրցավարի օգնական - Կարլ Յոհան Ռիստ (Նորվեգիա)
Մրցավարներ՝
Ֆաիք Հասանով (Ադրբեջան)
Հուսան Թուրդիալիև (Ուզբեկստան)
Սավա Ստոիսավլյևիչ (Սերբիա)
Աշոտ Վարդապետյան (Հայաստան)
Անատոլի Բիխովսկի (Ռուսաստան)
Էդուարդ Դուչովնի (ԱՄՆ)
Ամիրամ Քափլան (Իսրայել)
Խեսուս Մենա Սարասոլա (Իսպանիա)
Սայանբայար Ցերենդորժ (Մոնղոլիա)


Անցկացման վայրը՝
Մրցաշարն անց է կացվելու Թրոմսյոյի «Scandic Tromsø» հյուրանոցում՝

---

Այսպիսով օգոստոսի 10-ից սկսած ողջ շախմատային աշխարհի ուշադրությունը բևեռվելու է Արկտիակական շրջանագծում գտնվող այս գողտրիկ քաղաքի վրա՝ գեղեցիկ պարտիաների ու անզիջում պայքարի սպասումով՝

Պաշտոնական կայք

[Moonwalker]

1-րդ ռաունդ - օգոստոսի 11-12, թայբրեյքը՝ օգոստոսի 13

Ավարտվեց առաջին ռաունդն ու պիտի ընդունել, որ մեր համար ոչ ամենահաջող ձևով՝

Լևոն Արոնյան (Հայաստան, 2813, №1) - Միխայիլ Մարկով (Ղրղզստան, 2305, №128) 2-0 (Լևոնն ինչպես սպասելի էր՝ հաշվի առնելով կարգի տարբերությունը խնդիրներ չունեցավ առաջին մրցակցի հետ)



Սերգեյ Մովսեսյան (Հայաստան, 2699, №40) - Յոն Լյուդվիգ Համմեր (Նորվեգիա, 2599, №89) 1-1 (դասական պարտիաներում), ½-1½ (արագ պարտիաներում) (Պիտի արժանին մատուցել Համմերին, իսկ Սերգեյը իր երկու սպիտակ պարտիաներում էլ պիտի հաղթեր. չստացվեց՝ հավաքում ենք չամպրուկները



Վլադիմիր Հակոբյան (Հայաստան, 2691, №44) - Նգույեն Նգոկ Չուոնգ Շոն (Վիետնամ, 2625, №85) ½-1½ (Վիետնամցի ընկերը, ինչքան էլ ցավալի է, պիտի խոստովանել արժանի հաղթանակ տարավ: Շատ պինդ էր նայվում: )



Հրանտ Մելքումյան (Հայաստան, 2632, №79) - Խուլիո Էրնեստո Գրանդա Սունիգա (Պերու, 2679, №50) 1-1 (դասական պարտիաներում), 1-1 (արագ պարտիաներում), 1-1 (տեմպո պարտիաներում), 1-1 (բլից պարտիաներում), 0-1 (արմագեդոն): (Հրանտին բաժին էր հասել ավելի բարձր վարկանիշով խաղացող ու չնայած դրան հատկապես կարճ ժամանակային հաշվարկով պարտիաներում Եվրոպայի բլիցի չեմպիոն մեր հայրենակիցը երկու անգամ լավ հնարավորություն ուներ հաղթելու: Պերուացին, սակայն, քիչ ավելի հաջողակ դուրս եկավ: )



Արդյունքում արդեն վաղը մեկնարկող երկրորդ ռաունդում մեր պայքարում մնացած միակ շախմատիստին սպասում է հաջորդ մրցակիցը՝

Լևոն Արոնյան (Հայաստան, 2813, №1) - Իգոր Լիսիյ (Ռուսաստան, 2656, №64)

[Moonwalker]

2-րդ ռաունդ - օգոստոսի 14-15, թայբրեյքը՝ օգոստոսի 16

Հետևում մնաց նաև 2-րդ ռաունդը: Լևոնը ոչ առանց բարդությունների հաղթահարեց իր «ճաղատ» մրցակցի արգելքը:

Լևոն Արոնյան (Հայաստան, 2813, №1) - Իգոր Լիսիյ (Ռուսաստան, 2656, №64) 1-1 (դասական պարտիաներում), 2-0 (արագ պարտիաներում) (Դասական պարտիաներում, մանավանդսպիտակներով խաղալիս մեր առյուծ ախպերը ստիպեց իր համար ցավողներին մի լավ անհանգստանալ, բայց արագ պարտիաներում հասկանալի կերպով Լևոնը մի գլուխ բարձր էր մրցակցից: Ամեն դեպքում, պիտի արժանին մատուցենք Լիսիյին. միանշանակ բարձրակարգ խաղացող է ու արժանի դիմադրություն ցույց տվեց: )







Այսպիսով խաղացողների քանակը կրկին նոսրանում է կիսով չափ: Արդեն «մեզ հետ չեն» այնպիսի հայտնի անուններ, ինչպիսիք են Լեկոն, Պոնոմարյովը, Վան Հաոն, Ադամսը, Նեպոմնյաշչին, Բաքրոն, Ֆրեսինեն, Շիրովը, Վոյտաշեկը, Նավարան, Պոլգարը, Մովսիսյանը, Վալյեխո Պոնսը, Վոլոկիտինը: Ու նրանց շարքերը շարունակելու է համալրվել ամեն հաջորդ ռաունդից հետո: Վաղն արդեն սկսվող 3-րդ ռաունդում մեզ սպասում է հաջորդ դիմակայությունը ռուսաստանցու հետ՝

Լևոն Արոնյան (Հայաստան, 2813, №1) - Եվգենի Տոմաշևսկի (Ռուսաստան, 2709, №30)

Հ.Գ. Սա էլ մրցաշարը գլխավոր բացահայտումը՝ չինացի 14-ամյա գրոսմայստեր Վեյ Յին(2557, №104): Չնայած տարիքին չինացին շշմելու հասուն ու վստահ խաղ է ցույց տալիս, մասնավորապես՝ ավարտված երկու տուրերում դուրս է թողել անհամեմատ ավելի հայտնի Յան Նեպոմնյաշչուն ու Ալեքսեյ Շիրովին: Հաջորդ ռաունդում նա հանդիպելու է Շահրիար Մամեդյարովի հետ:

[Moonwalker]

Լևոն Արոնյան (Հայաստան, 2813, №1) - Եվգենի Տոմաշևսկի (Ռուսաստան, 2709, №30) ½ - 1½

ՄԻ կողմ թողնելով Լևոնի առողջական խնդիրները (ինչպես Կազանում և Մեխիկոյում), ամեն ինչ պիտի կապել տրամադրության հետ: Այլ կերպ ասած՝




Հ.Գ. Շարունակում են երկրպագել մրցաշարի ամենածեր (Գրանդա Սունյիգա) ու ամենաերիտասարդ (Վեյ Յի) շախմատիսներին: Նույնիսկ ավելի ուրախ ա առանց լարվածության: krutit_smiley