Է կարաս ձեր մարզից հեռու մարզ գնաս
Էննա, շատ լավ կետեր նշեցիր: Հիմա հերթով անդրադառնամ բոլորին: Արի վերջին երկու կետը միանգամից հանենք, որովհետև ինձ բացարձակապես չի հետաքրքրում, թե ինչն ա կարելի աղջկան, ինչը չէ, անդրադառնամ մնացած ասածներիդ:
Նայի, ես երկու տարի ապրել եմ շատ փոքր քաղաքներում, որոնցում ոչինչ չի կատարվում, ընդ որում՝ էն քաղաքները, որտեղ որևէ բան կատարվում ա, ըստ հեռավորության տատանվել են 30կմ-ից մինչև 500կմ, իսկ որևէ բան չկատարվելն էլ տատանվել ա նորմալ կինոթատրոնի բացակայությունից մինչև գոնե մի քանի փաբի, լավ կինոթատրոնի, փողոցային երաժիշտների առկայություն: Այդուհանդերձ, ես լիքը համերգների եմ գնացել, որոնց համար ինչ-որ ճանապարհներ եմ կտրել: Կամ էլ օրերով տնից դուրս չեմ եկել, իսկ եթե դուրս եկել եմ, դա սահմանափակվել ա գրադարան գնալ-գալով:
Հիմա անդրադառնանք Երևանին: Դու ասում ես՝ կինոթատրոն, բայց որպես Երևանում մեծացած մեկը պիտի ասեմ, որ տարին մեկ հազիվ կինոթատրոն կգնամ կամ չէ, որովհետև Երևանում էլ նորմալ կինոթատրոններ չկան, ավելի հաճելի ա տանն ինքնուրույն կինո նայելը, իսկ դա, համաձայնիր, կարելի ա անել աշխարհի ցանկացած կետում: Ինչ վերաբերում ա համերգներին, նորմալ համերգներն էլ են խիստ հազվագյուտ երևույթ, իսկ երբ դրանք տարին մեկ-երկու անգամ ամեն դեպքում տեղի են ունենում, կարելի է դրանց համար հասնել Երևան: Փառք Աստծո, Հայաստանը փոքր երկիր է, մի ծայրից մյուսը հասնելը դժվար չէ (դե էլ չեմ ասում, որ Երևանը ծայր էլ չէ):
Բացի դրանից, «անելու բան չկա» հիմնավորումն ինձ չի բավարարում: Անելու բանն ինքդ պիտի ստեղծես: Նայի, ընկերուհիս հիմա գնում ա Դիլիջանում աշխատելու: Եթե ստացվի, ես էլ կգնամ: Ու մենք երկուսով իրար հետ շատ ավելի հետաքրքիր բաներ կարող ենք կազմակերպել, քան պատրաստի օբյեկտներն են առաջարկում: Մյուս կողմից, եթե մարզերը դատարկվեն, իհարկե ոչինչ չի լինի էնտեղ: Այ, եթե բնակչությունը շատանա որևէ մարզային քաղաքում, գուցե, օրինակ, Սերժ Թանկյանի համերգը հենց էդտեղ կազմակերպվի, ոչ թե Երևանում: Երևանից էլ կգան:
Ի դեպ, Արսի ու Սագիտարիուսի հիմնավորումների հետ լրիվ համամիտ եմ: Դրանք լուրջ պատճառներ են մարզում չաշխատելու համար: Այդուհանդերձ, գիտության տեսանկյունից եթե նայենք, ավելի շատ կախված ա ոլորտից: Նայի, իմ ոլորտը նենց ա, որ ինձ մարդիկ են պետք, դեղեր ու տպագիր թեստեր, մի հատ էլ կոմպ: Ու արդեն հանգիստ կարող եմ գիտությունս անել: Որոշ ոլորտներում էր մարդիկ սեփական ուժերով լաբեր են ստեղծել ու աշխատացնում են: Դա կարելի ա անել նաև մարզում: Բայց մեծ գիտահետազոտական կենտրոնների ու հատուկ տեխնիկա պահանջող լաբերի դեպքում շատ ավելի դժվար ա դա մի հոգով անելը, դրա համար պետք ա օգտվել նրանից, ինչ կա, կամ էլ մեծ ռիսկերի դիմել՝ էդ ամենը մարզ տեղափոխելով:
Ի դեպ, մի քիչ առաջ էլ մամայիս հետ վեճ ունեցա էս թեմայով: Ինքը նախընտրում ա, որ ես ցածր աշխատավարձով Երևանում աշխատեմ, քան բարձրով Երևանից դուրս: Իսկ ես իրա հետ հեչ համաձայն չեմ: Ըստ էության, իմ աշխատանքը նույնն ա թե՛ մարզում, թե՛ Երևանում: Մենակ միջավայրը տարբեր կլինի ու էդ միջավայրը դրականորեն տարբեր կլինի: Մարզերում մաքուր օդ ավելի շատ կա, մարդիկ ավելի քիչ են, հետևաբար մասնագիտությանս նվիրելու ժամանակն ավելի շատ ա: Իսկ Երևանն էլ հեռու չի, ու ոչինչ չի խանգարում վիքենդները Երևանում անցկացնել (ճիշտ էնպես, ինչպես մարզերի ուսանողները վիքենդներն իրենց ծնողների մոտ են անցկացնում):
Էջանիշներ