Սեր քույր ու եղբոր միջև. անոմալիա՞, թե՞ նորմալ երևույթ

[Նաիրուհի]

Ինձ մի քանի օր է՝ էս հարցն էլ է տանջում: Էստեղ շեշտը դնում են «արյունապղծություն» բառի վրա՝ բարոյական գործոնն էլ խառնելով:
Ասենք՝ էնպիսի դեպք է, երբ հնարավոր էլ չէր իմանալ, որ արյունակիցներ են. մեկը շատ փոքր ժամանակ մանկատուն է հանձնվել կամ որդեգրվել՝ առանց ինֆորմացիա ունենալու իր գենետիկ ընտանիքի մասին: Կամ ինչ-որ տղամարդ սերմնահեղուկի դոնոր է եղել: Կարող են, չէ՞, նույնիսկ հարազատ քույր ու եղբայր ամուսնանալ՝ երբևէ չիմանալով իրենց արյունակցական կապի մասին: Հիմա դա համարվո՞ւմ է արյունապղծություն (դա ձեր հասկացած արյունապղծության ամենաթունդ աստիճանն է, չէ՞), ի՞նչ է լինելու էդ մարդկանց հետ: Նրանք այրվելո՞ւ են դժոխքի կրակներում:
Կամ ընտանիքում կա երկու որդեգրված երեխա, որոնք որևէ գենետիկ ընդհանրություն չունեն ու սիրահարվում են իրար (էս էլ էն բարոյական կողմը), իրենց է՞լ վառենք կամ քրեական պատասխանատվության ենթարկենք:

[Chuk]

Ինձ թվում է, համեմատությունը կոռեկտ չէ։ Միայն պարբերական հիվանդության տեսանկյունից առանց արյունապղծության հայի հետ ամուսնանալը պարունակում է 38-25=13%-ով ավելի փոքր վտանգ, քան արյունապղծության դեպքում։ Բացի դրանից, եթե ճիշտ եմ հասկանում, արյունապղծությունն ավելացնում է նաև այլ ծանր գենետիկական հիվանդություններ կրողների քանակը հասարակության մեջ։ Այդպես չէ՞։


Եթե խոսքն այս թեմայի թիվ 117 գրառման մասին է, ապա արդեն խնդրել եմ ներկայացնել գիտական հիմնավորումը։ Առանց դրա բերված թվերը հիմնավոր չեն։

Արս ջան, հիշեցնեմ, որ ես էլ յոթ պորտի, հենց կոնկրետ յոթ պորտի հիմնավորմանն եմ վաղուց սպասում, ընդ որում տարբեր ուղղություններով հիմնավորմանը

[Նաիրուհի]

Արս ջան, հիշեցնեմ, որ ես էլ յոթ պորտի, հենց կոնկրետ յոթ պորտի հիմնավորմանն եմ վաղուց սպասում, ընդ որում տարբեր ուղղություններով հիմնավորմանը

Արտ ջան, ի դեպ, ընկերներիցս մեկն ասում էր, որ յոթը պորտը ինչ-որ եկեղեցական ժողովով է սահմանվել, յոթ-ութերորդ դարում ոնց որ:
Ինքը ենթադրում էր, որ հենց յոթը թիվն ընտրվել է որպես սրբազան, խորհրդանշական թիվ: Դե մտածել են՝ երեքը քիչ կլինի, քառասունն էլ հաշվելն անհնար կլինի, մեջտեղը մնացել է յոթը

[ars83]

Արս ջան, հիշեցնեմ, որ ես էլ յոթ պորտի, հենց կոնկրետ յոթ պորտի հիմնավորմանն եմ վաղուց սպասում, ընդ որում տարբեր ուղղություններով հիմնավորմանը

Այո, այո, ես աշխատում եմ այդ ուղղությամբ՝ հնարավորինս հանգամանալից և հիմնավորված պատասխան տալու համար:

[Chuk]

Արս, մեկ էլ քանի որ քո մոտ հանրամատչելի գրելը լավ ա ստացվում, պետք ա խնդրեմ նաև հայերենով ձևակերպումը գրես, թե ոնց են պորտը հաշվում: Ասենք 7 պորտ ասելով ինչ ենք հասկանում, 6 պորտ ասելով ինչ և այլն:

[ars83]

Ինձ մի քանի օր է՝ էս հարցն էլ է տանջում: Էստեղ շեշտը դնում են «արյունապղծություն» բառի վրա՝ բարոյական գործոնն էլ խառնելով:
Ասենք՝ էնպիսի դեպք է, երբ հնարավոր էլ չէր իմանալ, որ արյունակիցներ են. մեկը շատ փոքր ժամանակ մանկատուն է հանձնվել կամ որդեգրվել՝ առանց ինֆորմացիա ունենալու իր գենետիկ ընտանիքի մասին: Կամ ինչ-որ տղամարդ սերմնահեղուկի դոնոր է եղել: Կարող են, չէ՞, նույնիսկ հարազատ քույր ու եղբայր ամուսնանալ՝ երբևէ չիմանալով իրենց արյունակցական կապի մասին: Հիմա դա համարվո՞ւմ է արյունապղծություն (դա ձեր հասկացած արյունապղծության ամենաթունդ աստիճանն է, չէ՞), ի՞նչ է լինելու էդ մարդկանց հետ:

Այո, դա էլ է արյունապղծություն։ Արյունապղծությունը երևույթի անվանումն է, ինչպես, ասենք, մայրամուտը, այն կապ չունի իմանալ-չիմանալու հետ։ Դրա համար էլ ես օգտագործում եմ «գիտակցված արյունապղծություն» կապակցությունը, կարելի է անվանել նաև «տեղեկացված»։ Այն դեպքերում, երբ արյունապղծությունը տեղի է ունեցել առանց իմանալու, քրեորեն պատժելի չի կարող լինել։ Բայց արդեն ազգակցական կապի մասին տեղեկանալուց հետո դառնում է գիտակցված, ուստիև պետք է հայտնվի համապատասխան օրենքի գործողության դաշտում։
Վերջիվերջո կա հետևյալ հարցը․ ո՞վ կուզենա, որ իր երեխան գենետիկական հիվանդություն ունի։ Կամ երեխան չէ, բայց թոռը։ Կամ թոռը չէ, բայց ծոռը։ Ուստի, արյունապղծության գնալուց առաջ մարդ պետք է գիտակցի իր արարքի լրջության աստիճանը և դրա հնարավոր հետևանքները իր իսկ սերնդի նկատմամբ։

Նրանք այրվելո՞ւ են դժոխքի կրակներում:

Իմ համոզմամբ, մենք չենք որոշողը, թե ով դժոխքի կրակներում կհայտնվի, իսկ ով՝ ոչ։

Կամ ընտանիքում կա երկու որդեգրված երեխա, որոնք որևէ գենետիկ ընդհանրություն չունեն ու սիրահարվում են իրար (էս էլ էն բարոյական կողմը), իրենց է՞լ վառենք կամ քրեական պատասխանատվության ենթարկենք:

Լավ, ի՞նչն է այդ մարդկանց ստիպում իրար ընկալել ոչ որպես քույր ու եղբայր, այլ որպես սիրեկաններ։ Աշխարհը մենակ ընտանիքո՞վ է սահմանափակվում։ Ինչո՞ւ գիտակցաբար չկանխել այդ զգացումը ու նայել ընտանիքից դուրս։ Իմ կարծիքով նման դեպքում էլ պետք է ամուսնությունը չթուլատրվի, քանի որ այն կարող է նախադեպ հանդիսանալ արյունապղծության դեպքերի համար։

Ես համոզված չեմ, որ բոլորս գիտակցում ենք արյունապղծության հետևանքների ծանրությունը։

[Mephistopheles]

Նախ օրենքով, թույլ չտալ ամուսնանալ, իսկ սեռական հարաբերության դեպքում նաև քրեական պատասխանատվության ենթարկել:

Տուժողն ո՞վ ա… ի՞նչ հիմքի վրա…

[Նաիրուհի]

Ժող, հիմա ես, մամաս ու քուրիկս թունդ բանավեճի մեջ ենք: Պորտը ո՞նց են հաշվում:
Ես մինչև հիմա համոզված եմ եղել, որ հաշվում են ամենամոտ ընդհանուր ազգականից սկսած, ասենք՝ ընդհանուր պապ կամ պապի հայր:
Հիմա քուրիկս պատրաստվում է ամուսնանալ, ու իր սիրելիի հետ քույր ու եղբոր ծոռներ են, ու ինձ համոզում են, որ քույր ու եղբոր ծոռները կարող են ամուսնանալ, եսիմ ոնց են հաշվում, որ դա յոթը պորտը լրացած է համարվում:


Հ. Գ. Համ էլ ես հասկացա՝ ինչի եմ սենց աննորմալ. իմ ծնողներն էլ են քրոջ-եղբոր ծոռներ:


Հ. Հ. Գ. Խայդառագ էղա. ես էլ եմ արյունապղծության արդյունք փաստորեն

[Mephistopheles]

Ես բացատրե՞մ։ Արյունապղծությունը սեռական հարաբերություններն են մոտ ազգակցական կապեր ունեցող անձանց միջև։ Մոտ՝ նշանակում է N<=7 ազգակցական կապի աստիճան ունեցող։ Ազգակցական կապի աստիճանների աղյուսակը՝ այստեղ։

Զիգ հայլ… ապեր…

[ars83]

Ասենք 7 պորտ ասելով ինչ ենք հասկանում, 6 պորտ ասելով ինչ և այլն:

Իմ պարզ ընկալմամբ, 1 պորտը հարազատ քույրն ու եղբայրն են, 2 պորտը՝ երբ քույր ու եղբայրների ծնողներն են հարազատ քւոյր կամ եղբայր, 3 պորտը, երբ տատերը կամ պապերը, և այսպես շարունակ։ Բայց այս թեմայի թիվ 147 գրառման մեջ մի աղյուսակի եմ հղվել, որը բանաձևով հաշվում է արյունակցության աստիճանը, ելնելով գենետիկական սկզբունքներից։ Դեռ մասնակի եմ ուսումնասիրել այդ աղյուսակը։ Լրիվ կուսումնասիրեմ, կփորձեմ հասկանալ, նաև տեսնել՝ համապատասխանո՞ւմ է վերը տրված սահմանմանս (արդյո՞ք արյունակցության 2-րդ աստիճանը նույն բանն է, ինչ 2 պորտը), հետո կպատասխանեմ հարցիդ։

[Chuk]

Ժող, հիմա ես, մամաս ու քուրիկս թունդ բանավեճի մեջ ենք: Պորտը ո՞նց են հաշվում:
Ես մինչև հիմա համոզված եմ եղել, որ հաշվում են ամենամոտ ընդհանուր ազգականից սկսած, ասենք՝ ընդհանուր պապ կամ պապի հայր:
Հիմա քուրիկս պատրաստվում է ամուսնանալ, ու իր սիրելիի հետ քույր ու եղբոր ծոռներ են, ու ինձ համոզում են, որ քույր ու եղբոր ծոռները կարող են ամուսնանալ, եսիմ ոնց են հաշվում, որ դա յոթը պորտը լրացած է համարվում:


Հ. Գ. Համ էլ ես հասկացա՝ ինչի եմ սենց աննորմալ. իմ ծնողներն էլ են քրոջ-եղբոր ծոռներ:


Հ. Հ. Գ. Խայդառագ էղա. ես էլ եմ արյունապղծության արդյունք փաստորեն

Լիլ ջան, իմ կարծիքով ամեն մեկը մի ձևի ա հաշվում, բայց եթե հավատանք Տ. Սմբատ քահանա Սարգսյանին, ապա մեր եկեղեցու տեսակետից էդ ամուսնությունները թույլատրելի են՝ http://www.qahana.am/?ln=am&page=qa_item&id=167

[Chuk]

Իմ պարզ ընկալմամբ, 1 պորտը հարազատ քույրն ու եղբայրն են, 2 պորտը՝ երբ քույր ու եղբայրների ծնողներն են հարազատ քւոյր կամ եղբայր, 3 պորտը, երբ տատերը կամ պապերը, և այսպես շարունակ։ Բայց այս թեմայի թիվ 147 գրառման մեջ մի աղյուսակի եմ հղվել, որը բանաձևով հաշվում է արյունակցության աստիճանը, ելնելով գենետիկական սկզբունքներից։ Դեռ մասնակի եմ ուսումնասիրել այդ աղյուսակը։ Լրիվ կուսումնասիրեմ, կփորձեմ հասկանալ, նաև տեսնել՝ համապատասխանո՞ւմ է վերը տրված սահմանմանս (արդյո՞ք արյունակցության 2-րդ աստիճանը նույն բանն է, ինչ 2 պորտը), հետո կպատասխանեմ հարցիդ։

Փաստորեն դու Տ. Սմբատ քահանա Սարգսյանի հետ համաձայն չես

[ars83]

Տուժողն ո՞վ ա… ի՞նչ հիմքի վրա…

Տուժողներից մեկը դու ես, մյուսը՝ քո երեխան, քանի որ ապագայում քո երեխան կարող է ամուսնանալ գենետիկ հիվանդություն կրող առողջ մարդու հետ, բայց թոռներդ հիվանդ ծնվեն։ Չե՞ս տառապի։

[Mephistopheles]

Ժող, հիմա ես, մամաս ու քուրիկս թունդ բանավեճի մեջ ենք: Պորտը ո՞նց են հաշվում:
Ես մինչև հիմա համոզված եմ եղել, որ հաշվում են ամենամոտ ընդհանուր ազգականից սկսած, ասենք՝ ընդհանուր պապ կամ պապի հայր:
Հիմա քուրիկս պատրաստվում է ամուսնանալ, ու իր սիրելիի հետ քույր ու եղբոր ծոռներ են, ու ինձ համոզում են, որ քույր ու եղբոր ծոռները կարող են ամուսնանալ, եսիմ ոնց են հաշվում, որ դա յոթը պորտը լրացած է համարվում:


Հ. Գ. Համ էլ ես հասկացա՝ ինչի եմ սենց աննորմալ. իմ ծնողներն էլ են քրոջ-եղբոր ծոռներ:


Հ. Հ. Գ. Խայդառագ էղա. ես էլ եմ արյունապղծության արդյունք փաստորեն

Մեֆիստոֆելի գրքում դու օքեյ ես Նաիրուհի ջան…

[Chuk]

Ի դեպ ինձ թվում ա, որ Արսը միակը չի, ով պատրաստ ա վառել... կներեք, քրեական պատժի ենթարկել երկու քույրերի ծոռներին՝ նրանց ամուսնանալու դեպքում, երբ անգամ եկեղեցին նրանց ամուսնությունն օրհնում ա