Norton (20.12.2014)
Թույն ա չէ՞
http://armtimes.com/hy/read/73238Այսօր ՀՀ կառավարությունը ուշագրավ, չափազանց ուշագրավ մի որոշում է կայացնելու: Կառավարությունը հավանության է տալու «Եվրասիական տնտեսական միության մաքսային տարածքում ապրանքների ներմուծման ու շրջանառության որոշ հարցերի մասին» անունը կրող արձանագրությանը:
Այս համաձայնագիրը հավանության է արժանանալու ԵՏՄ անդամ բոլոր մյուս երկրների` Ռուսաստանի, Բելառուսի, Ղազախստանի եւ Ղրղըզստանի կառավարությունների կողմից: Իսկ ինչն է այս փաստաթղթում ուշագրավ: Խնդիրն այն է, որ արձանագրությունը վերաբերում է բացառապես Ղազախստանին, որը երրորդ երկրների հետ առեւտրում ստանում է մի այնպիսի առավելություն, որի մասին մենք կերազեինք:
Իսկ հիմա՝ ավելի մանրամասն: «Սույն Արձանագրությամբ սահմանվում են ԵՏՄ մաքսային տարածքում առանձին ապրանքների ներմուծման եւ շրջանառության կարգավորման առանձնահատկությունները՝ կապված Առեւտրի համաշխարհային կազմակերպությանը Ղազախստանի Հանրապետության միանալու հետ»,- գրված է արձանագրության առաջին հոդվածում: Եվ ինչպիսի՞ առանձնահատկություններ են նախատեսվում այս արձանագրությամբ: «Տուրքերի ցածր դրույքաչափերը կիրառվում են երրորդ երկրներից Ղազախստանի Հանրապետության տարածք ապրանքների ներմուծման եւ Մաքսային միության մաքսային օրենսգրքով նախատեսված մաքսային ընթացակարգերով դրանց ձեւակերպման դեպքում՝ Եվրասիական տնտեսական հանձնաժողովի կողմից հաստատվող ցանկին համապատասխան՝ հաշվի առնելով այն պայմանները, որոնք նախատեսված են Ղազախստանի Հանրապետության՝ Առեւտրի համաշխարհային կազմակերպությանն անդամակցելու հարցերով աշխատանքային խմբի զեկույցի 307-րդ պարբերությամբ՝ որպես Առեւտրի համաշխարհային կազմակերպությանը Ղազախստանի Հանրապետության միանալու պայման»:
Այս երկար-բարակ ձեւակերպումների մեջ մի պարզ ու հասարակ գաղափար է թաքնված. Արձանագրության ստորագրումից հետո ոչ ԵՏՄ անդամ երկրներից Ղազախստան ներմուծվող ապրանքների վրա կկիրառվի ոչ թե ԵՏՄ-ի բարձր մաքսատուրքերը, այլ այն մաքսատուրքերը որոնք Ղազախստանը ժամանակին համաձայնեցրած է եղել Առեւտրի համաշխարհային կազմակերպության անդամ երկրների հետ:
Այլ կերպ ասած, Ղազախստանը շատ ավելի ցածր մաքսատուրքեր է կիրառելու իր երկիր մտնող ապրանքների նկատմամբ, քան ԵՏՄ անդամ մյուս երկրները , այդ թվում՝ նաեւ Հայաստանը: Որքան քրքրեցինք ԵՏՄ-ին վերաբերող փաստաթղթերը, սրան համարժեք փաստաթուղթ ԵՏՄ անդամ այլ երկրների վերաբերյալ այդպես էլ չգտանք: Եվ ուրեմն, ի՞նչ է ստացվում, եթե հայաստանցի գործարարը որոշի, որ պետք է Եվրոպայից ապրանք ներկրի, սահմանին պետք է այդ ապրանքի 25-ից 80 տոկոս արժեքով մաքսատուրք վճարի: Իսկ ղազախստանցի գործարարը այլ երկրից նույն ապրանքը Ղազախստան ներկրելու համար կվճարի 10 տոկոս մաքսատուրք:
Սա, իհարկե, աննորմալ, որեւէ տրամաբանության մեջ չտեղավորվող որոշում է: Հայաստանը, ինչպեսեւ Ղազախստանը Առեւտրի համաշխարհային կազմակերպության անդամ է եւ ԱՀԿ-ին անդամագրվելիս Հայաստանը եւս պարտավորություններ էր ստանձնել ցածր մաքսատուրքերի վերաբերյալ: Սակայն անսպասելիորեն ԵՏՄ-ին անդամակցելուց հետո ՀՀ պաշտոնյաները հայտարարեցին, որ ԱՀԿ-ի առաջ ստանձնած պարտավորությունները վերանայվելու են, եւ Հայաստանում գործելու են ԵՏՄ-ի պարտադրած բարձր մաքսատուրքերը:
Նույնիսկ այս տարվա սկզբին կառավարությունը ձեռնամուխ էր եղել աշխատանքային խումբ ձեւավորելուն, որը պետք է ԱՀԿ անդամ երկրների հետ բանակցություններ վարի մաքսատուրքերը վերանայելու շուրջ: Այս գործընթացը ժամանակավորապես կասեցվեց, քանի որ մոտ 700 ապրանքատեսակների գծով Հայաստանը ժամանակավոր արտոնություն ստացավ՝ կիրառել նախկին` ավելի ցածր մաքսատուրքերը: Սակայն այդ արտոնությունը ավարտվելու է 2017 թվականին, իսկ Ղազախստանը նոր է ստանում արտոնություններ եւ՝ անժամկետ:
Սա տեխնիկական տեսանկյունից նշանակում է, որ Ղազախստանը կիսով չափ դուրս է գալիս ԵՏՄ-ից: Կիսով չափ, որովհետեւ նույն արձանագրությամբ սահմանված է, որ ցածր մաքսատուրքերով Ղազախստան ներկրված ապրանքները պետք է շրջանառվեն միայն Ղազախստանի տարածքում եւ չեն կարող վերաարտահանվել ԵՏՄ այլ երկրների տարածք: Բայց գործնականում դա հնարավոր չէ ամբողջությամբ վերահսկել:
Այսինքն ցածր մաքսատուրքով որեւէ ապրանք կարող է մտնել Ղազախստան, վերամշակվել եւ արտահանվել, ասենք, Բելառուս ու Հայաստան: Ու կստացվի, որ Ղազախստանը ոչ թե կիսով չափ, այլ ամբողջությամբ է դուրս եկել ԵՏՄ-ից: Սա գուցե չափազանցություն է թվում, բայց տեխնիկապես իրոք այդպես է: Խնդիրն այն է որ ԵՏՄ-ի ամբողջ «գաղափարախոսությունը» հիմնված է հենց մաքսային սահմանի գոյության վրա: Եվ եթե ԵՏՄ-ի որեւէ երկիր դուրս է գտնվում այդ «գաղափարախոսության» շրջանակներից, ավտոմատ կերպով դուրս է գալիս նաեւ ԵՏՄ-ից:
Սա դասական օրինակ է, երբ որեւէ տնտեսական միության, տվյալ դեպքում՝ ԵՏՄ անդամ երկրներից մեկը բացառիկ արտոնություններ է ստանում ի հաշիվ մյուսների, այդ թվում՝ նաեւ Հայաստանի: Բայց կարելի է չկասկածել, որ Հայաստանի կառավարության անդամները այսօր առանց քննարկումների եւ միաձայն կքվեարկեն այս արձանագրությանը հավանություն տալու օգտին եւ ի վնաս Հայաստանի Հանրապետության: Առաջին անգամը չէ:
Աթեիստ (05.11.2015)
Թույն ա, բայց ոչ էական։ Հայաստանի առևտրաշրջանառությունը Ղազախստանի հետ կազմում Հայաստանի արտաքին առևտրաշրջանառության 0.1 տոկոսը, ու նվազելու միտում ունի։ Չնայած սրանից ներքև էլ ու՞ր նվազի։ Ի միջի այլոց, ԵՏՄ մյուս անդամ Բելոռուսի հետ էլ առևտրաշրջանառությունը կազմում ա Հայաստանի արտաքին առևտրաշրջանառության 0.7 տոկոսը։
Այսինք, էս որոշումը տեղով ոչ մի բան ա ու ոչ մի ազդեցություն մեր վրա չի ունենալու, ու մեր հաշվին Ղազախստան հաստատ ոչ մի օգուտ չի ստանում։ Ուղղակի սա մի անգամ ևս ցույց ա տալիս մեր անասունությունը, որ միացել ենք մի միության, որը ի սկզբանե կենսունակ չի, ու վաղ թե ուշ քանդվելու ա։ Այսինքն մինչև վերջ չի էլ կայանալու, որ մի հատ էլ քանդվի։
Rammstein (06.11.2015)
Տրիբուն (06.11.2015)
Հայաստանի մինիստրները էլի սկսել են բուռն թափով եվրոինտեգրվել
մեկ մեկ լրաբեր նայի կամ խուդոյ կանեց նայողի հետ մարշրուտկի մեջ կողք-կողքի քրտնի
Lավն ենք էլի հո զոռով չի
http://www.azatutyun.am/a/28014670.html
Տրիբուն (29.09.2016)
Քանի որ, մեր թավշյա վարչապետը հայտարարել ա, որ քաղաքական ռեվերսներ չեն լինելու, առաջարկում եմ ստեղ էլ քննարկել ՀՀ-ԵԱՏՄ հարաբերությունների հեռանկարները ՀՀ-ում ժողովրդական վարչապետի առկայության պայմաններում։
Հ․Գ․ Երևի թեմայի վերնագիրն էլ փոխվի կազմակերպության ամբողջական անունով։
Այս պահին թեմայում են 1 հոգի. (0 անդամ և 1 հյուր)
Էջանիշներ