Եվրասիական միություն

**Mephistopheles** · 22.11.2013, 02:42

նոր BBC-ին էլ ա գրել որ Ուկրաինային "սոխտուր քեքենա ղադար" են արել…

**Տրիբուն** · 22.11.2013, 02:46

Vaio-ի խոսքերից

Հա, երեկ իրար հետ խաշ էինք ուտում: Էտ էլ ասեմ, թե ինչու պետքա նվազի ??? Էտ մի բանն էլ դու գլխի ընկի, հարգարժան Տրիբուն:

Vaio, ղուրբան լինեմ հայկազուն նախնիներիդ, նեռվերս մի կեր

Հայաստանը ԱՊՀ անդամ ա անտեր 1991 թվից: ԱՊՀ անդամ բոլոր երկրների հետ գործում ա առանց վիզայի ռեժիմ, գումարած հատուկ առևտրային ու մաքսային ռեժիմը, գումարած հազարավոր երկկողմ համաձայնագրերը ԱՊՀ անդամ երկրների ու հատկապես Ռուսաստանի հետ: Գումարած ՀԱՊԿ անդամ ենք, գումարած Ռուսաստանի հետ առանձին ռազմավարական դաշնակցության համաձայնագիր ունենք: Գումարած, որ Հայաստանի գրեթե բոլոր ռազմավարական օբյեկտները ռուսների սեփականությունն են, գումարած «գույք պարտքի դիմաց» Ռուսաստանի սեփականությանն անցած հսկայական թվով հսկայական գործարանները:

Հարց - ինչի՞ էս եթիմ երկրում մինչը հիմա ոչ մի բան չի էժանացալ, տնտեսությունը չի ծաղկել, երկիրը չի հարստացել, ու ո՞նց ա սատցվել, որ ամեն ինչ թանկացել ա, աղքատությունը քառապատկվել ա, բնակչությունն էլ երկրից փախնում ա:

ՅոՊեՌեՍեՏե, էսքան պարզ հարցերին գոնե մի անգամ տրամաբանորեն նայելը դժվա՞ր ա, թե մենակ հայրենասիրական անոռուգլուխ հայտարարություններ ա պետք անել:

**Vaio** · 22.11.2013, 02:53

Տրիբուն, դե ինչ ասեմ, քո գրածների մեծ մասը կամ էմոցիոնալ սֆերայիցա, կամ իռոնիայի, կամ անլրջության, կամ էլ` լահմաջոյի...

Էս երկրում շատ բաներ կան, որ իմ դուրը չի գալիս, այդ թվում` արտագաղթը, գործազրկությունը, աղքատությունը... բայց այդ ամենը ոչ մի կապ չունի իմ այն գրածների հետ, որ ես ասում էի, որ առկա իրավիճակում լավ կլինի, որ մեր հարևանները ևս դառնան մաքսային միության անդամ: Ինչ կապ ունի հայրենասիրությունը... Բուն նյութից շեղումա գնում: Էհհհհ, հավես չկա:

Բարի գիշեր:

**Տրիբուն** · 22.11.2013, 02:55

Vaio-ի խոսքերից

Տրիբուն, դե ինչ ասեմ, քո գրածների մեծ մասը կամ էմոցիոնալ սֆերայիցա, կամ իռոնիայի, կամ անլրջության, կամ էլ` լահմաջոյի...

Ապեր, երբ օդի մեջ հայտարարություններ են արվում, քանի որ լսել են Հ1-ով, կամ քանի որ մեր տգետ կառավարության տգետ անդամներից մեկն ա մի օր բլթցրել ա, այլ բան չի մնում քան զբաղվել լահմաջոյաբուժությամբ:

**Տրիբուն** · 22.11.2013, 03:38

Sagittarius-ի խոսքերից

Ուկրաինայից Հայաստան են գալիս բացառապես մանր-մունր սպառողական ապրանքներ՝ սնունդ հիմնականում, որը Հայաստանի էն սակավաթիվ արտադրության ոլորտներից ա: Ու եթե չեմ սխալվում, ԱՊՀ շրաջանակներում Հայաստանը էն գլխից Ուկրաինայի հետ ներմուծման-արտահանման մաքսատուրքեր չուներ (համենայն դեպս մի քանի տարի առաջ տենց էր):

Գիտե՞ս՝ ուր ա գնում Հայաստանի արտահանումը:

հ.գ. եթե ուզում ես ՀՆԱ-դ աճի պետք է ոչ թե ներմուծումդ խթանես, այլ արտահանումդ- economics for dummies

Սգո ջան, փաստացի սաղ ճիշտ ես ասում: Ամբողջ խնդիրը նրանում ա, որ ժողովրդից ճշմարտությունը թաքցնում են, չնայած ժողովրդին էլ ճշմարտությունը ոնց որ քիչ ա հետաքրքրում: Էս սաղ «մտնենք ՄՄ, ծլենք-ծաղկենք-զորանանք» լոզունգը հիմնված ա մի քանի միֆերի վրա, հերթով.

1. Առաջին ու կարևորագույն միֆը անվտանգությունն ա: Հայաստանը արդեն ՀԱՊԿ անդամ ու ու Ռուսաստանի հետ ունի մինչև 2049 թվականը պայմանագիր ռուսական բազայի ու ռազմավարական դաշնության ու փոխօգնության մասին: Այսինքն, եթե ՄՄ-ն տալիս ա մեզ անվտանգության երաշխիքներ, էտ նշանակում ա, որ ՀԱՊԿ-ը ու Ռուսաստանի հետ համաձայնագիրը չէին տալիս էտ երաշխիքները: Այսիքն, ՀԱՊԿ-ը ու Ռուսաստանի հետ համաձայնագիրը ֆուֆլոյա: Բայց եթե ֆուֆլո չի, ուրեմն մեզ պետք չեն լրացուցիչ անվտանգության երաշխիքներ:

2. Երկրորդ միֆը, որ ԱՊՀ-ն ու Ռուսաստանը մեր հիմնական առևտրային գործընկերներն են: Ստեղ հազար անգամ մեր պաշտոնական վիճակագրությունը ներկայացրել ենք, կարիք չկա կրկնելու, որ դա ուղղակի սուտ ա: ՀՀ հիմնական առևտրային գործընկերը արդեն երկար ժամանակ ա ԵՄ-ն ա:

3. Երրորդ միֆը էն ա, որ ՄՄ-ն մեզ հնարավորություն ա տալու մեծացնել առևտրային ծավալներ ՄՄ անդամ մյուս երկրների հետ: Մուտիլովկայա, քանի որ 2011 թվին, 7 տարի բանակցելուց հետո, ԱՊՀ երկրները ստորագրել են «Ազատ առևտրի գոտի ստեղծելու մասին համաձայնագիրը», որը 2012 թվից վավերացրել են Հայաստանը, Ռուսաստանը, Բելոռուսը, Ղազախստանը, Ուկրաինան, Մոլդովան, իսկ Կիրգիստանը, Տաջիկստանը ու Ուզբեկստանը ստորագրել են, բայց դեռ չեն վավերցարել: Էս համաձայնագրով արդեն գրեթե բոլոր առևտրային սահմանափակումները ստորգրած երկրների միջև հանվել են: Հատկապես Հայաստանը կարծեմ գրեթե ոչ մի սահմանափակում չի թողել, ոչ տարիֆային, ոչ էլ ոչ-տարիֆային:

4. Չորրորդ միֆը, որ ՄՄ-ն պաշտպանելու ա ներքին շուկան: Ներքին շուկան պաշտպանում են էն երկրները, որոնք ներքին շուկայի համար արտադրում են մրցունակ ապրանքներ, ու տարիֆներով սեփական արտադրությունը պաշտպանելու խնդիր կա: Ռուսաստանը կարա սահմանափակումներ կիրառի, քանի որ լավից վատից մի երկու բան արտադրում ա, ասենք ավտոմեքենա, որը թափելու բան ա, բայց եթե ուրիշ երկրներից ներմուծված մեքենաները լրացուցիչ մաքսատուրքերի արդյունքում ավելի թանկանան, հնարավոր ա ասենք ռուսական ավտո ավելի շատ ծախվի: Բա մենք ի՞նչ ենք պաշտպանում: Մենք ոչ մի բան չարտադրելով սահմանափակում ենք ոչ ՄՄ անդամների մուտքը մեր երկիր, որ ուզած չուզած գնենք մենակ ռուսական բառախլոն, ու էն էլ հաստատ ավելի թանկ, քանի որ մրցակիցներին մեր ձեռով մեր շուկայից լարում ենք:

5. Ու վերջին միֆը, որը վերաբերվում ինքնիշխանության կորստին: Ասոցացման համաձայնագրի դեպքում խոսքը գնում ա այլ միության հետ ասոցացվելու մասին, այսինքն քեզ հնարավորություն են տալիս իրանց հետ ավելի ազատ շփվել, կյանքի բոլոր ոլորտներում - սկսած մարդկանց տեղաշարժից (վիզաներ), վերջացրած ապրանքների, ծառայությունների ու կապիտալի շարժով: Երկրները երազում են սենց հնարավորությունների մասին, հատկապես, երբ առաջարկը անում են շատ հարուստ ու առաջադեմ երկրները: Այսինքն ԵՄ հետ ասոցացում կնքելուց ինքնիշխանության նույնիսկ շատ փոքր, մասնակի կորստի մասին խոսք ուղղակի չի կարող լինել: Իսկ այ ՄՄ մտնելով դու մտնում ես ՄԻՈՒԹՅՈՒՆ, որը ինքնին նշանակում ա, որ դու քո որոշումենր մի մասը տալու ես վերազգային մարմիններին: Էլ չեմ ասում, որ անկախ ամեն ինչից Ռուսաստանի արդեն տնտեսական, ռազմական ու հոգեբանական կախվածություն կա: ՄՄ մտնելը նշանակում ա, գոնե Հայաստանի համար, դառնալ Ռուսաստանի գուբեռնիա, ու պահել միայն անկախության ֆորմալ տարրերը - դրոշ, հիմն, գերբ, կաթողիկոս: Պատահական չի, որ Սերժի հայտարարությունից երեք ամիս անցած արդեն բաց խոսում են ռուսերենի կարգավիճակի մասին, որը շատ սպասելի էր:

Ամփոփենք - ԵՄ-ն ոչ մի պրոբլեմ չուներ 2011-ին ԱՊՀ երկրների կնքած «Ազատ առևտրի գոտի ստեղծելու մասին համաձայնագրի» հետ: ԵՄ-ն ասում ա, ես շատ ուրախ եմ, որ դուք իրար հետ ազատ առևտուր եք անում, եկեք իրար հետ էլ ազատ առևտուր անենք, ու եկեք ասոցացման համաձայնագիր ստորագրենք: Հասկանու՞մ ես հարցը ինչումն ա - ԵՄ-ն ասում ա, եկեք ազատականացնեք, մենք ոչ մի պրոբլեմ չունենք: Բայց Ռուսաստանը հասկանում ա, որ ԵՄ հետ ասոցացումը իրա սաթելիթներին մանևրելու հնարավորություն ա տալիս, ու մանրից իրա ձեռից դուրս են սղում, քանի որ լայն ու ազատ առևտրի գոտում Ռուսաստանը ոչ մեկին ոչ մի առաջարկելու բան չունի, բացի նավթ ու գազից: Ու Պուտինը արագ տեմպերով հորինում ա Մաքսային Միությունը, որը արդեն ոչ թե ազատ առևտուր ա, այլ ընդհակառակը, սահմանափակում ա առևտուրը: ՄՄ-ն վաբշե ոչ մեկին պետք չի, քանի որ ապրանքների ազատ տեղաշարժի համար արդեն կա «Ազատ առևտրի գոտի ստեղծելու մասին համաձայնագիրը»: Այսինքնս, ՄՄ-ն պռոյեկտ ա միայն ու միայն նրա համար, որ սաթելիթներին չթողնի գնալ Եվրոպայի ուղղությամբ, ընդամենը: ՄՄ-ն ոչ մեկին ոչ մի բան չի տալու, ու հատկապես Հայաստանին: ՄՄ-ն էնքան արհետսական պռոյեկտ ա, որ երկար կյանք չի կարա ունենա, դա միանանշանակ ա: Բայց ցավն էն ա, որ ՄՄ-ով Ռուսաստանը մեզ ու մեր նման մի քանիսին էլի մի 10-20 տարով հետ քցեց եվրոպական ուղղությունից: Հիմա արդեն Հայաստանում պիտի ռադիկալ տեղաշարժեր լինեն, որ մենք էլի հնարավորություն ստանանք ԵՄ հետ նորմալ բանակցելու:

Ինշալահ, ով կարդա էսքանը, հալալ ա

**Sagittarius** · 22.11.2013, 03:51

Vaio-ի խոսքերից

Տրիբուն, դե ինչ ասեմ, քո գրածների մեծ մասը կամ էմոցիոնալ սֆերայիցա, կամ իռոնիայի, կամ անլրջության, կամ էլ` լահմաջոյի...

Էս երկրում շատ բաներ կան, որ իմ դուրը չի գալիս, այդ թվում` արտագաղթը, գործազրկությունը, աղքատությունը... բայց այդ ամենը ոչ մի կապ չունի իմ այն գրածների հետ, որ ես ասում էի, որ առկա իրավիճակում լավ կլինի, որ մեր հարևանները ևս դառնան մաքսային միության անդամ: Ինչ կապ ունի հայրենասիրությունը... Բուն նյութից շեղումա գնում: Էհհհհ, հավես չկա:

Բարի գիշեր:

Ապեր, բան չասի, ես էլ հավես չունեմ, դրա համար երկրից հելա-գնացի

Ուղղակի մինչև մեծամասնությունը հասկանա, որ իրանց սխալ որոշումներից և ուրիշների սխալ որոշումների հետ համակերպվելուց ոչ միայն ես, Պողոսը ու Պետրոսն են տուժելու, այլ հենց իրանք՝ բոլորի հետ միասին, բանը բանից արդեն անցած ա լինելու...

**Ներսես_AM** · 22.11.2013, 03:54

Տրիբուն ձյա սրանք էդ 2011 թվի պայմանագիրը նենց մի թաքուն են պահել։ Մինչև հիմա լիքը մարդ խաբար էլ չի որ տենց բան կա։ Վայոն վկա։ ՈՒ տենաս խի 2011–ին գները չեն իջել։ Առավել ևս հիմա խի պտի իջնեն։ ՈՒ իսկականից խի իջացնեն որ։

Իսկ չորրորդ կետիդ վերաբերյալ էս տղեն կարգին երգ ա գրել։ Շուտով նաև մեր մասին կլինի էս երգը։

**Marduk** · 22.11.2013, 11:49

Ես շատ ուրախ եմ էս ՄՄ-ԵՄ տուրուդմփոցից ու հարայ-հրոցից։
Մինչև սեպտեմբեի 3-ը քաղաքականությունը Հայաստանում դարձել էր մի հատ ձանձրալի Սանտա-Բարբարա․․․
Հիմա կարգին էքշըն վիճակներ են։ Գմփուցիկների հեղափոխություն, էգուց էլ կլինի ավելի կայֆոտ հեղափոխություններ։ Անգլիան փող չի խնայի հուսով եմ
Բա սենց է էլի եղել որ հայ ազգը մինչև հիմա գոյատևել է․․․
Մեզ որ մնար վաղուց բուզանդաինտեգրվել պրծել էինք։ Մեկը պիտի միշտ կողքից բրդի Հայաստանին, որ կյանքը նոր իմաստ ստանա մեր համար։ Հիմա էդ մեկը Ռուսաստանն են ու ձյաձ Պուծինը։

**Marduk** · 22.11.2013, 11:52

Որոշ լեվի կայքերում գրում են որ ՄՄ-ը Ռոտշիլդների պրոեկտն ա։
Ռոտշիլդները Ռոքֆելերների հետ թարսվել են ու հիմա իրենց բիզնեսը կիսվել է
Ռոտշիլդները վերցրել են Չինաստանը ու ՄՄ-ը
Իսկ Ռոքֆելերներին մնում է ԱՄՆ-ը իրա սատելիտներով