Սիրելի՛ ակումբցիներ, սիրելի՛ բարեկամներ,
Ակումբը (www.akumb.am) իր հետագա զարգացման ու պահպանման համար ունի ձեր ֆինանսական աջակցության կարիքը:
Պարզապես հիշեցնեմ, որ ակումբը եղել և մնում է շահույթ չհետապնդող նախաձեռնություն, որի ստեղծման հիմնական նպատակն էր համացանցի հայկական տիրույթում հասանելի դարձնել հայերեն շփման, քննարկումներ անցկացնելու հարթակ: Իր ստեղծման ավելի քան 7 տարիների ընթացքում ակումբը, կարծում եմ, հրաշալի կատարել է իր այդ առաքելությունը, ինչի վկայությունն են արդեն 10000 հազարին մոտեցող (դեռևս 9255) գրանցված մասնակիցները, ավելի քան 25000 ստեղծված թեմաները, դրանցում կատարված ավելի քան 750000 գրառումները, 1000-ից ավելի բլոգային գրառումները, և այս ամենը միայն հայերեն ու հայատառ՝ չնչին բացառություններով:
Ֆորում, որը եղել է ոչ միայն մասնագիտական քննարկումների հարթակ, ուր շատերը գտել են իրենց հուզող հարցերի պատասխանները, ձեռք են բերել նոր գիտելիքներ ու ուրիշներին հաղորդել են իրենց գիտելիքները, այլև եղել է ժամանցային շփման, ծանոթությունների հանգրվան, որտեղ չնայած որոշ կոնֆլիկտային իրավիճակներին, հիմնականում տիրել է ընկերական ու ջերմ մթնոլորտ. պատահական չէ, որ այսօր ամենատարբեր ակումբցիներ դարձել են մտերիմ ընկերներ, շատերն այստեղ գտել են իրենց կյանքի կեսին, արդեն ունեն երջանիկ ընտանիքներ, զավակներ: Ակումբն իր գործունեությունը պետք է շարունակի նույն ոգով՝ զարգանալով ու փորձելով նվաճել նոր բարձունքներ:
Հանգանակության ողջ գումարը, առանց որևէ բացառության, ներդրվելու է ակումբի զարգացմացման ու պահպանման գործին, ինչն իր մեջ, կախված հավաքված գումարի չափից, ներառելու է ինչպես ակումբի տեխնիկական պահպանման համար անհրաժեշտ ծախսերը, այնպես էլ ընդլայնվելու, նոր հնարավորություններ ունենալու հեռանկարը:
Եթե ցանկանում եք նպաստել ակումբի պահպանմանը, կարող եք գումար փոխանցել հետևյալ հաշվեհամարներին:
Հայաստանից փոխանցում կատարելու դեպքում.
ՀՀ. դրամով. 163007548213, Հայէկոնոմբանկ
ԱՄՆ դոլարով. 11800056715600, Անելիք Բանկ
Ստացող՝ Արտակ Հարությունյան
Արտասահմանից փոխանցում կատարելու դեպքում.
USD
Correspondent Bank: DEUTSCHE BANK TRUST COMPANY AMERICAS
NEW YORK,NY
SWIFT: BKTRUS33
Beneficiary Bank: ANELIK BANK CJSC
YEREVAN,ARMENIA
SWIFT: ANIKAM22
acc; 04435052
Beneficiary: For: ARTAK HARUTYUNYAN
acc: 11800056715600
(Ուշադրություն. Արտասահմանից կատարվող փոխանցումների դեպքում որոշ բանկեր կարող են հարցնել նաև ստացողի անձնագրի սերիան: Քանի որ այդ ինֆորմացիան հրապարակային դնել չեմ ցանկանում, խնդրում եմ նման փոխանցում կատարել ցանկացողներին կապվել իմ հետ անձնական հաղորդակցության միջոցներով՝ անձնագրի սերիան փոխանցելու համար):
Փոխանցում կարող եք կատարել նաև idram վճարային համակարգով.
idram ID: 992048719
Իհարկե գործում է ինձ տեսնելու ու կանխիկ գումար փոխանցելու տարբերակն էլ. ես միշտ ուրախ եմ հանդիպել ակումբցիներին:
Սիրելի՛ ակումբցիներ, ուզում եմ հատուկ նշել, թեև դրա կարիքն իրականում չկա, որ հանգանակությանը մասնակցելը որևէ կերպ պարտադիր չէ: Որևէ մեկին այստեղ քաղցր կամ սառը հայացքով չենք նայելու՝ կախված նրանից, նրանք մասնակցել են հանգանակությանը, թե ոչ: Ակումբը շարունակելու է համահավասար լինել բոլորի համար. ոչ մեկը մասնակցելով հանգանակությանը չի ստանալու արտոնություններ, ոչ մեկը չմասնակցելով չի ունենալու սահմանափակումներ: Յուրաքանչյուր ոք, ով ցանկանում է մասնակցել ակումբի պահպանմանը, կարող է փոխանցել այնքան գումար, որքան կարող է. չկա որևէ անհարմար բան, եթե ուզում եք նպաստել ակումբին և կարող եք փոխանցել, օրինակ, ընդամենը 10 դրամ:
Եվ ևս մեկ խնդրանք. գումար փոխանցելու դեպքում տեղեկացրեք ինձ դրա մասին:
Մեջբերել
Էջանիշներ