Էննա Ադոլի

**enna** · 12.04.2013, 17:45

Բախտդ հեռվում մի' որոնիր սիրելի՛ս,
Ամեն մեկին երգ մի' ձոնիր ,սիրելի'ս,
Ոսկե ձուկը ցանցիդ մեջ չէ քանի դեռ,
Հաղթանակդ զուր մի' տոնիր,սիրելի'ս....

Հարցրու քեզ`պատին մի քար դրած կա՞ս,
Քո ուսերին հոգսի մի բեռ կրած կա՞ս,
Շատ ես սիրում մրգեր`անուշ,քաղցրահամ,
Սակայն կյանքում գոնե մի ծառ ջրած կա՞ս:
Լիպարիտ Սարգսյան
Ինձ դուր է գալիս այս բանաստեղծությունը,այս տողերի մեջ կոչ կա....Անընդհատ կարող եմ կարդալ և չհոգնել....

**enna** · 12.04.2013, 18:00

Նրանց ձգված մկաններում ու'ժն է նստել խոնավ հողի-
Եթե ուզեն արևների նոր տե'մպ կտան ու նոր ուղի...
Եթե ուզեն ,արեգակնե~ր կշպրտեն երկինքն ի վեր.
Եթե ուզեն ,վա'ր կբերեն երկինքներից արեգակներ...
Եթե ուզեն,կամքով արի ու աշխարհի հրով վառված...
Ինչե~ր միայն չեն կատարի ամբոխները խելագարված... Եղիշե Չարենց
Երեկ վերընթերցեցի <<Ամբոխները խելագարվածը>>,մեր ցույցերը շատ են նման այստեղ նկարագրվածին. շատ ճիշտ է ասում ԵԹԵ ուզեն...

**enna** · 12.04.2013, 18:08

Այժմ կարդում եմ <<Թշվառները>>,առաջին գիրքն է ,որ կլանեց ինձ:ԹԵ հետո ինչ կարծիք կունենամ չգիտեմ,բայց հիմա գոհ եմ:
*Ափսոս գիրքը չեմ կարող հիմա շարունակել,քննություններ,քննություններ....*
<<Մարդն իր վրա մարմին ունի,որ միաժամանակ և նրա բեռն է,և նրա փորձությունը:Նա կրում է այդ բեռը և ենթարկվում նրան:Նա պետք է հսկի նրան,զսպի,ճնշի և հնազանդի միայն ծայրահեղ դեպքում:Այս հնազանդության մեջ էլ դեռ կարող է սխալ գործվել,բայց այս ձևով գործված սխալը ներելի է:Դա անկում է,բայց անկում է ծնկների վրա,որ կարող է վերջանալ աղոթքով...Սուրբ լինելը բացառիկ բան է,իսկ արդար լինելը`կարգ է:Մոլորվեք,մեղանչեք,բայց արդար եղեք...Այն բոլորը ,ինչ երկրային է`ենթակա է մեղքին:Մեղքը մի տեսակ ձգողականություն ունի...>>Վիկտոր Հյուգո <<Թշվառներ>> պարոն Միրիելի վարդապետությունը:

**Այբ** · 12.04.2013, 18:16

Enna ջան, կարող ես Աֆորիզմներ և իմաստուն մտքեր բաժնում էլ գրես գրողների խոսքերը, կամ էլ կարող ես գրականությունից հատվածներ տեղադրել՝ Մեջբերել օտարալեզու գրականությունից բաժնում:
Իսկ քո ստեղծած թեմայում, գրես քո մտքերը, կամ քո ստեղծագործությունները