Դիմակ կամ թաքնված ակումբցին

**VisTolog** · 11.04.2013, 12:40

Բազմաթիվ հեռուստադիտողների առաջարկով նորից սկսվում է
«Դիմակ կամ թաքնված ակումբցին» Ակումբաշոուն:

Խաղի կանոններն են`

Ներկայացվում է ակումբցիներից մեկի գրած դիպվածը, որի մեջ չեն պարունակվում անձնական տվյալներ, կամ թե որ սեռին է պատկանում և այլն: Խաղի մասնակիցները պետք է գուշակեն Դիմակի տակ թաքնված մարդուն՝ ըստ նրա գրած դիպվածի: Այսինքն, նախ պետք է մասնակիցները հայտնեն իրենց կարծիքը: Օրինակ թե ինչպիսի՞ անձնավորություն կարող է լինել դիմակի տակ թաքնված մարդը, ի՞նչ հատկանիշներ ունի, ի՞նչ սեռի է պատկանում.... , ի՞նչ ներաշխարհ ունի, բարի՞ է թե ոչ և այլ և այլն... (այս ամենը ըստ նրա գրածի):
Որոշ գրառումներ անց թաքնված ակումբցին կմտնի հատուկ այս խաղի համար գրանցած «Դիմակ» մականունով և կսկսի պատասխանել մասնակիցների հարցերին՝ ուղղված իրեն: Մասնակիցների հարցերը պետք է լինել ոչ այնպիսին, որ Դիմակը, պատասխանելով միանգամից կբացի իր դեմքը և հայտնի կդառնա... այսինքն ուղիղ հարցեր չպետք է լինեն... օրինակ՝ Դու VisTolog-ն է՞ս, կամ օրինակ ես քո հետ մոտի՞կ եմ, թե չէ... և այլն:

Մինչ առաջին Դիմակին դիմավորելը առաջարկում եմ կարդալ նախորդ խաղերի թեմաները, վերհիշելու, խաղն ավելի լավ պատկերացնելու, ավելի լավ պատրաստվելու համար:

Թաքնված ակումբցին 26

Թաքնված ակումբցին 29

Թաքնված ակումբցին 30

Թաքնված ակումբցին 31

Թաքնված ակումբցին 34

Թաքնված ակումբցին 35

**VisTolog** · 12.04.2013, 10:59

Դիմակի դիպվածը.

Իրական կյանքում դիմակավորվել չեմ սիրում. միշտ հնարավորինս անկեղծ եմ ու պարզ:
Ավելի շատ սիրում եմ դիմակավորվածներին բացահայտել, քան ինքս թաքնվել դիմակի տակ: Քանի որ մանկությանս լավագույն ուսուցիչներից մեկը Շերլոք Հոլմսն է եղել, միշտ հետևել եմ տրամաբանության դեդուկտիվ մեթոդը կիրառելու և ուղեղը հնարավորինս արդյունավետ օգտագործելու խորհրդին: Երազել եմ խուզարկու դառնալ, սպանություններ բացահայտել, բայց գրողի տարած կյանքն ինձ լրիվ ուրիշ ուղղությամբ տարավ:
Քանի որ երկար ժամանակ ոչ ոք Դիմակ չի եղել, այս անգամ ուզում եմ ոչ թե պրպտել ու բացահայտել, այլ թողնել, որ ինձ դիմակազերծեն: Միգուցե՞ ես ինքս ինձ կարողանամ բացահայտել: Նաև կտեսնեմ, թե ինչպիսի՞ն է կյանքը մեդալի հակառակ կողմում:
Ինչպես ասացի՝ միշտ անկեղծ եմ եղել ու կլինեմ, բայց մարդիկ այդպես էլ չսովորեցին ճանաչել ինձ: Տարիներ առաջ բոլորին համոզում էի, որ ես շատ ավելի վատն եմ, քան իրենք են պատկերացնում, իսկ հիմա ասում եմ, որ ես լավն եմ, բայց ոչ ոք չի հավատում:

Դե ինչ, գնացի՞նք: Օգտագործեք ձեր ուղեղի գորշ բջիջներն ու տրամաբանության բոլոր մեթոդները, բայց նայեք պերեդազիրովկա չանեք, հա՜, ես խաղալ շատ եմ սիրում...

**StrangeLittleGirl** · 12.04.2013, 11:59

Դիմակ, այ Դիմակ, էս վերջին սմայլիկը չպիտի դնեիր: Դու էն ասա՝ Երևանու՞մ ես ապրում:

**Valentina** · 12.04.2013, 13:05

Դիմակ, դու Ագաթա Քրիստի էլ կարդացած կլինես

Ո՞րն էր վերջին կարդացածդ ստեղծագործությունը:

**Վահե-91** · 12.04.2013, 15:07

դիմակ, դու թոռներ ու՞նես

**Այբ** · 12.04.2013, 16:51

Դիմակ, դու ակումբի գրական մրցույթներին մասնակցու՞մ ես

**enna** · 14.04.2013, 02:08

Ինչպես տեսաք ես խոսակցականով գրեցի,այլապես կգրեի Նարե է...Ոչ թե Նարեյա:Իսկ մյուսը կադեվինիս վրա առանձին այդպիս կոճակ չկա:Պարզ է՞:Թե չէ այնպես չէ,որ անգրագետ ենք:Չեմ կարծում,որ դուք ձեր ընկերների հետ մաքուր գրականով եք խոսում:

Դիմակ-ի խոսքերից

1. Վալենտինա ջան, ուզում ես համ կատու պահեմ, համ ծովախոզու՞կ: Ասեցինք դաժան եմ, բայց ոչ էդքան:
2. Հո ղզի՞կ չեմ, որ ծաղիկներ սիրեմ: Քիչ թե շատ կակտուս եմ սիրում, մեկ էլ՝ յասամանի ծառ:

Չէ, Rammstein խմբի նկատմամբ տենց մեծ թուլություն չունեմ:

Ուղղակի սիրում եմ...

Էննա ջան, նշվածներից որևէ մեկը իմ անունը չի:
Հ.Գ. Ճիշտ է, թեմայի հետ կապ չունի, բայց ասեմ, որ «ա»-ն օժանդակ բայ է ու գրվում է գոյականից առանձին: Ոչ թե Նարեյա, այլ Նարե ա: Մեկ էլ հայերենում չկա «?» նշան, կա «՞»: