Երազի երկիր Հայաստան

[Zodiac]

ԵՐԱԶԻ ԵՐԿԻՐ ՀԱՅԱՍՏԱՆ

Դարեր շարունակ մեր երկրում հայ ժողովրդի ճնշող մեծամասնությունը իր կյանքից դժգոհ է իր հայրենիքում , ճնշված ու իշխողների կողմից կեղեքված է համարում իրեն, գտնում է, որ այլ տիպի պետություն պետք է լիներ Հայաստանում: Բավական է հարցնել ցանկացած բնակավայրից հազար հոգու այդ մասին, ամենաքիչը ինը հարյուրը հենց այդ կպնդեն- ՀԱՅԸ ԻՐ ՀՈՂՈՒՄ ԵՐՋԱՆԻԿ ՉԷ...
Ինչպիսի պետություն կուզեինք լիներ Հայաստանը, ՈՐՆ Է ՄԵՐ ԵՐԱԶԱՆՔԻ ՀԱՅԱՍՏԱՆԸ, և ինչպես է հնարավոր հասնել այդ երազին...
Քննարկում ենք ՀԱՅԱՍՏԱՆ պետության նախընտրելի մոդելը և դրան հասնելու ճանապարհը...

[StrangeLittleGirl]

ահ, լավ թեմա ա, բայց լավ կլիներ` քաղաքականություն բաժնում չլիներ:
վերջերս երկար-բարակ նկարագրել եմ իմ երազանքի Հայաստանը: հեսա որ գտնեմ բլոգիս գրառումը, կտեղադրեմ էստեղ:

[StrangeLittleGirl]

Ահա: Մի քիչ անձնական ա, բայց ամեն դեպքում...

Երևանը

Ես գալիս եմ Երևան, որովհետև էստեղ չեմ ապրում: Գալիս եմ ու զբոսնում կենտրոնում, բայց ինձ այնքան էլ լավ չեմ զգում, որովհետև մարդաշատ է. տուրիստները շատ-շատ են, ու նրանք տարբեր ազգերի ներկայացուցիչներ են: Կենտրոնում մեքենաներ չկան: Հետիոտնի ճանապարհ է: Մեկ էլ հեծանիվներ են անցնում: Ամեն խանութի մոտ հեծանիվի կայանատեղի կա:

Հյուսիսային պողոտան ինչ-որ հրաշքով վերացել է: Տեղում Հին Երևանի նախկին տներն են, բայց արդեն վերանորոգված ու ավելի կոկիկ: Տուրիստները կանգնում են այդ տների դիմաց ու նկարվում: Կենտրոնից դուրս լիքը խոտածածկ ու խաղաղ այգիներ կան: Սրճարանների թիվը խիստ պակասել է:

Քաղաքում երեք կայարան կա, որտեղից կարող ես նստել արագընթաց գնացք ու կարճ ժամանակում հայտնվել Գյումրիում, Վանաձորում, Կապանում, Ստեփանակերտում ու Թիֆլիսում: Գնացքները հարմարավետ են, չես զգում, թե ինչպես է ժամանակը թռչում: Կարող ես կարդալ կամ պատուհանից դուրս նայել՝ տեսնելով սիրուն տներ ու չքնաղ բնություն:

Մարդիկ

Բոլոր մարդիկ իրենց ճիշտ տեղերում են. դերձակը շոր է կարում, բժիշկը՝ բժշկություն անում: Երբեք անարժանները չեն ղեկավարում, արժանիները՝ ստվերում չեն հայտնվում:

Ու մարդիկ ժպտում են, փողոցներում ժպտում են: Չկա էն հուսահատությունը, որ սովոր էինք տեսնել մեր երիտասարդ օրերին:

Կրթական համակարգը

Մենք լիքը արտասահմանցի ուսանողներ ունենք: Մենք հզոր բուհեր ունենք նաև Գյումրիում, Դիլիջանում, Ջերմուկում ու Կապանում: Ունենք կրթությունից անբաժան գիտություն ու լիքը տպագրություններ միջազգային պարբերականներում:

Մարզերը

Մարդկանց տեղաշարժն ուրբաթ օրերին միակողմանի չէ. ոմանք Երևանից գնում են իրենց հարազատներին մարզերում տեսնելու, ոմանք՝ մարզերից գալիս են Երևան: Ու մայրաքաղաքում կենտրոնացած է ողջ երկրի բնակչության 20%-ից ոչ ավելին: Մարզերում հաճախ փառատոններ են կազմակերպվում:

Ryanair-ը Գյումրի-եվրոպական փոքր քաղաքներ չվերթներ է իրականացնում: Գյումրին դարձել է գժական ջահելական քաղաք:

Հայաստանի հիմնական խնդիրը

Ուժեղացած ներգաղթն է:

[Ձայնալար]

Մոդերատորական. թեմայի վերնագիրը խմբագրվել է համաձայն կանոնադրության 2.3.5 կետի:

[Alphaone]

Բյո՜ւր, ինձ տար քո Հայաստան...

[Zodiac]

ահ, լավ թեմա ա, բայց լավ կլիներ` քաղաքականություն բաժնում չլիներ:

Թեմայի բացման հիմնական նպատակն է ՝ քննարկել-

ՀԱՅԱՍՏԱՆ պետության նախընտրելի մոդելը և դրան հասնելու ճանապարհը

Եթե ոչ քաղաքականություն բաժնում , ապա որտեղ լիներ?

[Ռեդ]

Ինչպիսի պետություն կուզեինք լիներ Հայաստանը

Այ այսպիսին. երկիր, որտեղ հասարակ բժիշկը ստանում է վեց հազար եվրո աշխատավարձ: Երկիր, որտեղ ամեն ինչ համակարգված է, ամեն ինչ շատ կոռեկտ է, հստակ, և որտեղ օրենք է գործում: Երկիր, որը պատերազմից հետո եկավ դառավ աշխարհի զարգացած երկրներից մեկը: Իսկ մենք տասնհինգ թվականից հետո մենակ լաց ենք լինում:

[Նիկեա]

Կարծում եմ իմ երազած Հայաստանը կունենանք մենակ էն ժամանակ,երբ բոլորս էդ ուզենանք:Թե չէ,շատերը ասում են մեր երկիրը լավը չի,ստե ապրել չի լինի,մեր երիդասարդները սենց մեր երիդասարդները ընենց:
Իսկ էդ բողոքողներն ու լացողները փորձել են ավելի լավ երկիր կառուցել:Փորձել են նոր սերնդին ավել լավ դաստիարակել,փորձել են ձևավորել իրոք ժողովրդավարական կառավարման համակարգ:Մենակ խոսալով հո չի:Ուզում ենք ունենալ լավ երկիր ուրեմն էկեք նախ դառնանք լավ քաղաքացի:

[Տրիբուն]

...
Երևանը

Երևանում տրամվայ կա ...

[Չամիչ]

ԵՐԱԶԻ ԵՐԿԻՐ ՀԱՅԱՍՏԱՆ

Դարեր շարունակ մեր երկրում հայ ժողովրդի ճնշող մեծամասնությունը իր կյանքից դժգոհ է իր հայրենիքում , ճնշված ու իշխողների կողմից կեղեքված է համարում իրեն, գտնում է, որ այլ տիպի պետություն պետք է լիներ Հայաստանում: Բավական է հարցնել ցանկացած բնակավայրից հազար հոգու այդ մասին, ամենաքիչը ինը հարյուրը հենց այդ կպնդեն- ՀԱՅԸ ԻՐ ՀՈՂՈՒՄ ԵՐՋԱՆԻԿ ՉԷ...
Ինչպիսի պետություն կուզեինք լիներ Հայաստանը, ՈՐՆ Է ՄԵՐ ԵՐԱԶԱՆՔԻ ՀԱՅԱՍՏԱՆԸ, և ինչպես է հնարավոր հասնել այդ երազին...
Քննարկում ենք ՀԱՅԱՍՏԱՆ պետության նախընտրելի մոդելը և դրան հասնելու ճանապարհը...

Հրաշալի թեմա է: Մինչեւ մարդ մտքի մեջ հստակ չպատկերացնի իր նպատակը այն երբեք չի իրականանա:

Ինչպիսի՞ն է իմ երազի Հայաստանը:
Առաջի հերթին կուզեի որակական փոփոխություններ տեսնել, հատկապես, արական սեռի երիտասարդության շրջանում: Տղաների տեսակ կա, հատկապես, քյարթուների շրջանում, ովքեր տառապում են էսպես կոչված ՙՙԹագավոր տղու՚՚ սինդրոմով: Թագավոր տղու համար սեփական եսից առավել բարձր արժեք չկա: Հայրենասիրություն, ազգային մտածողութուն, ազգային շահ հասկացությունները թագավոր տղուն հարիր չեն, թագավորն ապրած կենան մտածում ա՝ բա իմ նման տղուն պալոժ ա՞, որ ծառայի, բա իմ նման տղուն պալոժ ա՞ գնա էս ինչ տեղը աշախատի, ես իմ կայֆի համար եմ աշխատում, մորս ջանը սաղ ըլնի, երբ էլ ուզեմ փողի ատկազ չկա: Ժողովուրդ ջան, քանի դեռ հասարակության ճնշող մեծամասնությունը էս որակը ունի լուրջ փոփոխություններ չենք կարող ակնկալել: Պետությունը հո իզոլացված ինչ որ մի կառույց չի: Իշխանականները էս նույն ժողովրդի ներսից են դուրս գալիս: Անգամ եթե իշխանական կառույցում հավաքվեն լավագույններից լավագույնները էլի նրանց համար ահավոր դժվար կլինի լուրջ բարեփոխումներ կատարելը, պետք ա համապատասխան մատերիալ լինի, որի հետ կարողանան աշխատել:

Կուզեի քչանային, ղժժալու համար, մեր մեծերի կավե արձանների հետ նկարվողների թիվը: Կուզեի տեսնել այլ արժեհամակարգով երիտասարդություն: Կուզեի, որ տղամարդիկ դառնաին ավելի թասիբով, կուզեի վերջապես զգալ, որ հանձինս մեր տղամարդկանց էս երկիրը տեր ունի, կուզեի, որ յուրաքանչյուր տղամարդ լցված լինի պատասխանատվության զգացումով, էն ուժի զգացումով, որ ինքն է էս երկրի տերը, այլ ոչ թե Ռուբոն, Սամոն, Սերժը, Պողոսը կամ Մարտիրոսը: Ուզում ենք զգալ, որ մեր թիկունքին իսկական տղամարդիկ են կանգնած: Էստեղ պիտի նշեմ, որ ամեն ինչ գալիս է ընտանիքից, առաջին հերթին մորից հետո հորից: Մեր պետության կառուցումը սկսվում է ընտանիքից: Դեռ երեխան արգանդում մայրը հայտարարում է՝ իմ տղան բանակ չի գնալու, հերն էլ ականջները կախ արած սուս ու փուս ենթարկվում ա կնոջը: Էն ինչ որ կա մեր պետության ներսում արտացոլում ա այն ինչը որ կատարվում է ընտանիքի ներսում:

Իմ երազի Հայաստանում աղջիկները կրում են տարազային էլեմենտներով հագուստ: Իմ երազի Հայաստանի տոնավաճառներում, խանութներում գոյություն չունի թուրքական եւ ոչ մի ապրանք:

Իմ երազի Հայաստանի ակումբներում մեծ մասամբ հչնում է ոչ թե արտասահմանյան դիջեյների միքսերը, այլ նաեւ հայկական որակյալ պարային երաժշտություն: Ազգային պարը կատարվում է ոչ միայն ամիսը մեկ Կասկադում կամ Նարեկացի կենտրոնում, այլ նաեւ ժամանցի վայրերի մեծ մասում: Ամենուրեք հայը պարում է իր պարը, այլ ոչ թե սալսա, բաչատա կամ ռումբա:

Իմ երազի Հայաստանում մինիմալ աշխատավարձով մարդը կարողանում է արժանավայել ապրել: Իմ երազի Հայաստանում կյանքը եռում է բոլոր շրջաններում, գյուղերում, հավասարապես զարգանում են բոլոր շրջանները:

Հայաստանը հզորանում է, շենանում է, ես ապրում եմ հզոր, ապահով ու բարեկեցիկ Հայաստանում

[Չամիչ]

Կարծում եմ իմ երազած Հայաստանը կունենանք մենակ էն ժամանակ,երբ բոլորս էդ ուզենանք:Թե չէ,շատերը ասում են մեր երկիրը լավը չի,ստե ապրել չի լինի,մեր երիդասարդները սենց մեր երիդասարդները ընենց:
Իսկ էդ բողոքողներն ու լացողները փորձել են ավելի լավ երկիր կառուցել:Փորձել են նոր սերնդին ավել լավ դաստիարակել,փորձել են ձևավորել իրոք ժողովրդավարական կառավարման համակարգ:Մենակ խոսալով հո չի:Ուզում ենք ունենալ լավ երկիր ուրեմն էկեք նախ դառնանք լավ քաղաքացի:

Ապրես

[Two-Face]

Կարծում եմ իմ երազած Հայաստանը կունենանք մենակ էն ժամանակ,երբ բոլորս էդ ուզենանք:Թե չէ,շատերը ասում են մեր երկիրը լավը չի,ստե ապրել չի լինի,մեր երիդասարդները սենց մեր երիդասարդները ընենց:
Իսկ էդ բողոքողներն ու լացողները փորձել են ավելի լավ երկիր կառուցել:Փորձել են նոր սերնդին ավել լավ դաստիարակել,փորձել են ձևավորել իրոք ժողովրդավարական կառավարման համակարգ:Մենակ խոսալով հո չի:Ուզում ենք ունենալ լավ երկիր ուրեմն էկեք նախ դառնանք լավ քաղաքացի:

Հենց մի հատ փորձող ա լինում, վերևից մի հատ դուբինկով իջնում են գլխին, ու էտ մարդը փոշմանում ա: Մնում ա մենակ խոսալը:

[Two-Face]

Իսկ իմ երազի Հայաստանը մեր ախպեր Լենոնի Imagine երգի սաղ պարունակությունն ա:

[Չամիչ]

Հենց մի հատ փորձող ա լինում, վերևից մի հատ դուբինկով իջնում են գլխին, ու էտ մարդը փոշմանում ա: Մնում ա մենակ խոսալը:

Վերջացրեք հա նվնվոցը, գոնե էս թեմայում մի նվնվացեք:

[Two-Face]

Վերջացրեք հա նվնվոցը, գոնե էս թեմայում մի նվնվացեք:

Նվնվոց չի, դառը իրականություն ա Իսկ եթե օֆֆտոպ ա, ներողություն