Chuk-ի խոսքերից
Օք, Տրիբուն ձյա: Էդ ասածիդ համաձայն եմ: Իհարկե օրենքներից էլ է ինչ-որ բան կախված (արի հիմա քանակականի հետևից չընկնենք, թե ինչից է ավելի շատ կախված):
Պարզապես ամեն ինչ հիմա գցել սահմանադրության թերի լինելու վրա մեղմ ասած աչքկապություն է: Ինչպես և, այո՛, աչքկապություն կլինի ժխտելը դրանց դերը:
Աչքկապություն կլինի նաև իշխանության նախաձեռնած «սահմանադրական բարեփոխումներին» ծափ տալը: Աչքկապություն կլինի պնդելը, որ եթե սահմանադրությամբ նախագահի լիազորությունները պակասեցվեն, կամ ասենք անցնենք խորհրդարանական կառավարման մոդելի, ապա խնդիրները կլուծվեն:
Հայաստանում ձևավորված համակարգը բավական հեռու ա սահմանադրությունից: Էդ նույն սահմանադրությունը նախատեսում ա, որ դատարանը գործի անկախ, բայց ինչ-որ չենք տեսնում տենց բան: Էդ նույն սահմանադրությունը նախատեսում ա, որ ազգային ժողովը գործի անկախ, բայց տեսնում ենք, որ ԱԺ-ն խամաճիկ ա: Նույնը՝ սահմանադրական դատարանը: Ու էսքանն էլ հերիք ա հասկանալու համար, որ ինչքան էլ օրենքները լավը լինեն, ամեն ինչը բերվում ա էն համակարգին, որը կիրառում ա էդ օրենքները: Որ էսօր էս վիճակն ա, էդ անժխտելի ա: Ու քո խաթեր համար ասեմ, որ այո՛, ընդդիմությունն էլ, բոլոր տարիների, իր բաժին մեղքը ունի սրա մեջ, որ ամեն դեպքում չի հաջողացրել էնպիսի պայքար ծավալի, որ համակարգի էս հատկությունները կոտրի:
Ուրեմն ես կարծում եմ, որ ինչքան էլ կարևոր են օրենքները, բայց մեր առաջնահերթ խնդիրն ամենևին էլ օրենքները չեն:
Չնայած որ ինքս շատ կարևորում եմ օրենքները: Վերցնենք ընտրական օրենսգիրքը: Ես կարծում եմ, որ դրանում պետք է արվեն փոփոխություններ, որովհետև եթե հասնենք նրան, որ դրանում ամրագրվի.
- մատերը թանաքոտելու պահանջը, կրկնակի քվեարկություններից խուսափելու համար,
- բոլոր տեղամասերում օնլայն տեսախցիկներ տեղադրելու պահանջը, հսկողությունը մեծացնելու համար,
- ընտրությունից հետո ընտրացուցակները կախելու պահանջը, որպեսզի կարողանանք ստուգել, թե քանի բացակա է քվեարկել
և այլն,
ապա ընտրությունը կեղծելը կբարդանա: Չեմ ասում անհնար կդառնա, այլ ասում եմ կբարդանա:
Բայց հիմա արի իրար հետ անկեղծ լինենք: Վաղը եթե նույն ՀԱԿ-ը ԱԺ մտնի, նորից, նման նախագծով, ասելով, որ օր առաջ պետք է նման սահմանափակումներ մտցնել, մեկը դու ասելու ես, որ «ժամավաճառություն են անում»՝ մոռանալով, որ օրենքներն էլ ամեն դեպքում դեր ունեն:
Իսկ դրանք իսկապես դեր ունեն ու եթե կարողանանք հասնել նման փոփոխությունների, մի քայլ առաջ կլինի: Բայց էլի լուծում չի լինի: Որովհետև նույնիսկ լավացրած ընտրական օրենսգրքի պայմաններում հնարավոր է կեղծել ընտրությունները: Ու ես դրա համար պնդում եմ, որ նույնիսկ վատ օրենքով կամքի ու ազնվության դեպքում կարելի ա լավ պետություն ստեղծել: Մեր առաջնային խնդիրն ա կարողանալ ձև գտնել, որ իշխանությունները հետևեն լավ կամ վատ օրենքին: Ցանկացած օրենքի բարեփոխում օժանդակող, բայց շատ փոքր քայլ է: Այդ թվում՝ սահմանադրությունը:
Ու էս սահմանադրությամբ էլ կարելի է հրաշալի երկիր ունենալ: Սահմանադրությունը հեռու է իրավիճակի գլխավոր մեղավորը լինելուց:
Մեջբերել
- մինչև անցնի վտանգը-կեղտոտ հոտը, որ չխեղդվեք
Էջանիշներ