Տրոլլ Մարգարյանի նախընտրական բուկլետը պատահաբար ձեռքս ընկավ: Ամերիկա չեմ հայտնագործի, եթե ասեմ, որ հեքիաթասաց են, բայց որ էս կարգի անհավատալի հեքիաթներ են պատմում, էդ արդեն սարսափելի ա: Հաշվի չառնելով գրքույկի բոլոր ուղղագրական, կետադրական ու մյուս լեզվական սխալները, գրեմ բոլոր աչք ծակող կեղծիքների մասին:
Յուրաքանչյուր վարչական շրջանի համար տպագրվել է առանձին գրքույկ, և մեր համայնքինը ոչ այլ ոք է , քան բոլորի կողմից աստվածացված լֆիկն ու իր ընտանիքը: Գրքույկում ոչ մի խոսք չկա, թե դառնալով քաղաքապետ ինչ ա անելու, միայն գրած ա, թե ինչ ա «արել»: Միակ ճշմարտությունը երևի բազմաթիվ «զրուցարաններ»-ի ոնց որ գրված ա գրքույկում, ես կասեի բամբասարանների՝ նույն ինքը բիսեդկա տեղադրումն է, մնացած ամեն ինչը կամ չափազանցված է, կամ՝ լրիվ սուտ:
Ուրեմն առաջին անգամ կարդալուց հետո աչքերս ծակած փչոցները.
1. 1.5 հա կանաչ տարածությունների ավելացում: Քանի ես փոքր էի, հիշում եմ, որ մեր բակը ոնց որ քաղաքից լրիվ կտրված լիներ. կանաչ էր, լիքը ծառեր կային, կարողանում էիր լիաթոք շնչել: Հիմա էդ ծառերը կտրել են, այգիներում մի երկու նստարան են դրել կամ հներն են ներկել ու ասում են, թե կանաչ տարածքներն եք ավելացրել:
Կամ էլ թե երկու տարի առաջ Մալաթիայի Փարոսի մոտի անտառում մեծ ծառատունկ էր: Գնացինք, ծառեր տնկեցինք, բայց հիմա մեծն լֆիկը, տրոլլ մարգարյանի բուկլետների տպագրման հովանավորը կտրում է ամբողջ անտառը, որ սիթիի չափերը մեծացնի:
Երևի նախընտրական կարգախոսը ոչ թե «Ավելի լավ Երևան » է, այլ «Ավելի լավ Երևան... Սիթի»:
2. Լուսավորված են բոլոր բակերն ու այգիները:
Էս նախադասությունից ծիծաղս ակամա եկավ, որովհետև հիշեցի թե ոնց եմ երեկոյան ուշ տուն գալուց հեռախոսի լույսը միացնում, որ հանկարծ չգնամ ընկնեմ կանալը: Աննկարագրելի մութ ա մեր բակում, ինչպես նաև մոտակա այգիներում, որ մութն ընկնելուն պես մոթել են դառնում:
3. Մեծ հիացմունքով գրված ա վերնանցումների մասին, բայց ոչ մի խոսք չի ասվում հաշմանդամություն ունեցող մարդկանց մասին: Ո՞նց են էդ մարդիկ փողոց անցնելու, թե՞ մեր Երևանն էնքան լավն ա, որ հաշմանդամություն ունեցող մարդիկ չկան: Էլ չեմ ասում թեքահարթակների մասին. անցյալ տարի մեռանք քաղաքապետարանի մոտ ակցիաներ անելով, որ գոնե շինությունները հարմարեցնեն, նոր ավտոբուսներ բերեն: Խոստացան մարդիկ, բայց իհարկե ոչ մի բան չարեցին...
Մեկ էլ մեր մոտի ջրանցքը (կանալ) ու աղբանոցները միայն ընտրությունների նախօրեին են մաքրվում: Մարդ ամբողջ սրտով ուզում ա, որ տարին տասներկու ամիս ընտրություն լինի:
Հ.Գ. Սաղ հեչ, բայց գրքույկի տեքստը ոնց որ անեկդոտների գիրք լինի: Տեսնես ո՞վ ա գրել:
Մեջբերել
Chuk-ի խոսքերից
Էջանիշներ