Ժամանակն է, որ մի բան խոստովանվեմ և պատմեմ, թե ինչպես եմ հայտնվել այս ակումբում: Պատահաբար facebook-ում կարդացի Հավաքածու մրցույթի մասին և որոշեցի մասնակցել (նախորդ մրցույթի 2-րդ տարբերակի հեղինակն եմ): Գրավորս ուղարկելու ժամանակ դեռ գրանցված չէի, դրա համար էլ մրցույթից հետո պատմվածքի հեղինակի անունը Արփինե Վարդանյան հայտարարվեց: Եվ քանի որ պատմվածքս քննադատությունների արժանացավ, գրանցվելուց հետո չուզեցի, որ ակումբցիները ինձ էդ պատմվածքով ճանաչեին: Միանգամից ակումբը շատ սիրեցի: Ու թեև քննադատությունները միշտ սրտիս մոտ եմ ընդունում, բայց նաև քննադատություններից սովորում եմ. հասկանում եմ, որ եթե գրում ես և իրոք ուզում ես, որ գրածդ ինչ-որ չափով ստացվի, ապա քննադատություններից պիտի դաս առնել: Դրա համար էլ միշտ փորձում եմ միանգամից չհանձնվել և շտկել սխալներս: Բայց երբ հայտարարվեց այս մրցույթը, տատանվում էի՝ մասնակցեմ, թե՞ չէ, սակայն ի վերջո որոշեցի նորից քննադատվելու ռիսկին գնալ ու մասնակցել: Այդպիսով, ուղարկեցի «Զրոն» պատմվածքը: Չգիտեմ էս պատմվածքս ինչքանով է ստացվել և ճիշտ եմ արել, որ ուղարկել եմ, թե՞ չէ, բայց ուզում էի, որ ակումբը իմ մուտքը «Զրոն» պատմվածքով ճանաչեր և ոչ թե էն «Ո՞վ է նա» պատմվածքով: Ինչևէ: Շնորհակալություն բոլոր կարծիքների համար: Անպայման հաշվի կառնեմ: Հուսով եմ, գոնե «Զրոն» ինչ-որ չափով ձեզ դուր եկավ:
Մեջբերել
Էջանիշներ