Կրթական ոլորտին վերաբերող խնդիրներ

[Tig]

Մտածեցի, որ սենց թեմա էլ պետք կլինի:

Սկզբի համար ուսումնական հաստատությունների միավորման խնդրի մասին`

[Ruby Rue]

Մշակույթի քոլեջի փակման մասին էնտեղ սովորող երեխեքից էի լսել: Բավականին գոհ էին և՛ դասընթացներից, և՛ դասախոսներից: Ու բոլորն էլ շոկի մեջ էին էդ նորությունից. ախր ինչ որ բան անելու համար պատճառներ են պետք: Համենայն դեպս ինձ համար լրիվ անհասկանալի ա մեր թանկագին կառավարության նման պահվածքը: Քոլեջի ուսանողները հիմա ստիպված պիտի թատերականում սովորեին, բայց մինչև դա հնարավորություն ունեին մանկավարժական համալսարանում երկրորդ կուրսից շարունակել

Իսկ ընդհանուր առմամբ սա էն թեմաներից է, որ ինչքան խոսես խոսես միևնույն է ասելիք մնալու է:
Ես ՝ իմ անձնական փորձից ելնելով, առաջին հերթին էս նոր ավագ դպրոցի համակարգից եմ դժգոհ: Առաջ հիմնականում բոլորը սովորում էին իրենց համայնքում գտնվող հիմնական դպրոցում ու շատ քչերն էին ուսումնարաններ ու քոլեջներ գնում: Իսկ էս ավագ դպրոցների բացումից հետո, խելացի ու սովորող էրեխեքից մեծ մասը քոլեջներ կամ վարժարաններ ընդունվեցին, որովհետև դա շատ ավելի ձեռնտու էր, քան եսիմ ինչ անհայտ ծագման դպրոց գնալը: Արդյունքում ավագ դպրոց ընդունվողների մեծ մասը/հիմն. քաղաքի ծայրամասերի ավագ դպրոցներ/ բան ու գործ չունեցող, աննպատակ ու սովորելու ձգտում չունեցող մասսան էր... Ու ծայրամասերի ավագ դպրոցներում, նույնիսկ եթե դրանք որպես հիմնական վատը չէին, սովորելու մակարդակը ահագին ընկավ: Էլ չեմ ասում քանի-քանի աշակերտներին իրենց անկրթությամբ չզիջող նորավարտ դասատուներ բերեցին
Իսկ կաշառակերության մակարդակը զգալիորեն, շաաատ զգալիորեն բարձրացավ, ենթադրաբար թանկացան նաև ոսկե մեդալների կամ ուղղակի գնահատականների գները
Ես սենց ընդհանրական եմ ասում, որովհետև դիտումների ու փորձերի վրա ապացուցված են , միայն իմ դպրոցը չէր, որ էս վիճակում հայտնվեց:

Ընդհանուր առմամբ շա՜տ լավ կլիներ, որ ավագ դպրոց ընդունելությունը քննություններով լիներ ու աշակերտները հանձնեին բոլոր առարկաները ու դրանից հետո մասնագետները հոսքային դասարան խորհորդ տային : Մեկ էլ պետք ա շեշտը դնել միջին մասնագիտական ուսումնարանների վրա, որովհետև շատ մարդիկ կան, որ ուղղակի հարկադրաբար ուղարկվում են դպրոց ՝ տանը չմնալու համար:

Ավելացնեմ նաև, որ մեր ուսումը անտեղի մի տարի երկարացրին՝ իբր թե կրկնուսույցների մոտ չպարապելու նկատառումներով… Արդյունքում ուղիղ կես տարի դպրոցում համարյա դաս չենք արել. դասատուներն ասում էին ձեր պարապմունքներն արեք, իսկ հարցերիդ ՝ մեռնելով էին պատասխանում: Էդ տարին էլ լրիվ իզուր կորցրեցինք:

Հ.Գ. Մենակ ավագ դպրոցից էնքան խնդիրներ հիշեցի, որ մոռացա էլ, որ ուսում էի համալսարանական կրթության խնդիրների մասին գրել

[Ruby Rue]

ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Երևանի պետական համալասարանում վարձավճարների բարձրացումը ուղղվելու է աշխատավարձերի բարձրացմանը։ «Արմենպրես»-ի հետ զրույցում ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը այսպես մեկնաբանեց հաջորդ ուսումնական տարվա առաջին կուրսի ուսման վարձավճարների սպասվող բարձրացումը։ ԵՊՀ նվազագույն վարձավճարը այսուհետ կազմելու է 400 հազար դրամ, նախկին 300 հազար դրամի փոխարեն: 300 հազարից ավելի վարձավճար ունեցող մասնագիոտթյունների համար ավելացումները կկատարվեն 20-100 հազար դրամի սահմաններում:

Գրիգորյանի խոսքով՝ ԵՊՀ ուսման միջին վարձը ցածր է Երևանում գործող մի շարք այլ բուհերի ուսման վարձից։ «Եթե հաշվի առնենք, թե ինչպիսի պրոֆեսորադասախոսական կազմ է աշխատում Երևանի պետական համալսարանում, և ինչքան աշխատավարձ են ստանում, ապա ավելորդ կլինի վարձավճարների բարձրացման վերաբերյալ խոսակցությունները։ Համալսարանում աշխատող գիտնականը, պրոֆեսորը, դասախոսը պետք է ստանա այնքան աշխատավարձ, որ այլևս չխոսվի կոռուպցիոն ռիսկերի մասին»,-համոզված է Գրիգորյանը։ Համալսարանի բակալավրիատի 59 մասնագիտությունից 32-ում սահմանված է նվազագույն վարձավճարի չափ։ «Հայագիտական բոլոր, ֆիզիկամաթեմատիկական ու բնագիտական գրեթե բոլոր մասնագիտությունների գծով սահմանված վարձավճարը մինիմալ է։ Սակայն այդ մասնագիտություններից շատերը ամենածախսատարն են համալսարանում»,- ասաց Գրիգորյանը։

Ալեքսանդր Գրիգորյանի խոսքով՝ Երևանի պետական համալսարանում զեղչերի հանրագումարը յուրաքանչյուր տարի կազմում է 250-270 մլն դրամ։ «Դա հսկայական թիվ է, եթե համեմատենք վարձավճարների չափի և պետության կողմից համալսարանին տրամադրվող ֆինանսավորման հետ»,- ավելացրեց նա։

ԵՊՀ Գիտական խորհուրդը, հաշվի առնելով պետության կողմից մեկ ուսանողի հաշվով տրամադրվող ֆինանսավորման չափը և մի շարք այլ հանգամանքներ, հաստատել է 2013-2014 ուստարվա բակալավրիատի և մագիստրատուրայի առկա համակարգի առաջին կուրսի ուսման վարձավճարների նոր չափերը: Փոփոխություն է կրել նաև հեռակա համակարգի ուսման վճարների չափը, որոնք կազմում են առկա համակարգի համապատասխան մասնագիտության վարձավճարի 80%-ը: Վարձավճարների փոփոխությունները վերաբերելու են միայն 2013 թվականին ԵՊՀ ընդունված ուսանողներին, իսկ համալսարանում արդեն սովորող ուսանողների վարձավճարները չեն փոխվի։ Գալիք ուսումնական տարում նվազագույն վարձավճարը կկազմի 400 հազար դրամ` հիմնականում բնագիտական մասնագիտությունների գծով, իսկ առավելագույնը` 800 հազար դրամ, ինչպես օրինակ իրավաբանական ֆակուլտետում։
աղբյուրը՝ armenpress.am

Դե արի ու մի ներվայնացի:
Քնից զարթնում են ու որոշում են վարձերը թանկացնել՝ առանց որևէ կոնկրետ պատճառ բերելու: Պրոֆեսորադասախոսական կազմի աշխատավարձների չափից տեղյակ չեմ, բայց չի կարելի բռնել ու վարձերը միանգամից 100 000 դրամով թանկացնել: Ասում են՝ ֆիզիկամաթեմատիկական ֆակուլտետներն ամենածախսատարն են. մեր նախնադարյան ու մեծ սխալանք ունեցող սարքերը, նկուղում փտող լաբորատորիաները, հոգեվարքում գտնվող նստարանները, ողբալի վիճակում գտնվող սանհանգույցները վկա, էս ինչքա՜ն են ծախսում մեր խեղճ ֆիզֆակի վրա:
Եթե իմանայի, որ էդ 100հզ. դրամի շնորհիվ մեր կրթության որակը կբարձրանա, ոչինչ, բայց ես համոզված եմ, որ բան էլ չի փոխվելու:

[Tig]

Դե արի ու մի ներվայնացի:
Քնից զարթնում են ու որոշում են վարձերը թանկացնել՝ առանց որևէ կոնկրետ պատճառ բերելու: Պրոֆեսորադասախոսական կազմի աշխատավարձների չափից տեղյակ չեմ, բայց չի կարելի բռնել ու վարձերը միանգամից 100 000 դրամով թանկացնել: Ասում են՝ ֆիզիկամաթեմատիկական ֆակուլտետներն ամենածախսատարն են. մեր նախնադարյան ու մեծ սխալանք ունեցող սարքերը, նկուղում փտող լաբորատորիաները, հոգեվարքում գտնվող նստարանները, ողբալի վիճակում գտնվող սանհանգույցները վկա, էս ինչքա՜ն են ծախսում մեր խեղճ ֆիզֆակի վրա:
Եթե իմանայի, որ էդ 100հզ. դրամի շնորհիվ մեր կրթության որակը կբարձրանա, ոչինչ, բայց ես համոզված եմ, որ բան էլ չի փոխվելու:

Տեսնես հիմա կտեսնե՞նք համալսարանականների դասադուլները թանկացումների առթիվ...

[Ruby Rue]

Տեսնես հիմա կտեսնե՞նք համալսարանականների դասադուլները թանկացումների առթիվ...

Որ համալսարանականները չվախենային ու նախորդ դասադուլներին մասնակցեին, ինչ ուզենային, հետները չէին անի՝ մտածելով, որ ստրուկի պես մեկ է հաշտվելու են ու ինչքան կլպեն, էնքան կլպվեն:
Բայց, իրոք, արժի դասադուլներ, հանրահավաքներ ու բողոքի ցույցեր անել: 1-2 տարի առաջ 50 հազարով էին թանկացրել, հիմա՝ 100: Մյուս տարի էլ կորոշեն, որ կես միլիոն դրամից էժան մասնագիտություն չպիտի լինի:

Հ.Գ. Պարզվում է, որ վճարի թանկացումները նաև զեղչերով ու իրենց տված կրթաթոշակներով են բացատրում: Փետրվարին կրթաթոշակի մրցույթ էին հայտարարել գերազանց սովորող, հասարակական ակտիվություն ունեցող, բայց վճարովի սովորող ուսանողների համար: Մոտ 800 ուսանողի (այդ թվում նաև ինձ) 80.000 դրամի չափով վարձը զեղչեցին: Մրցանակաբաշխությունն էլ ընտրություններից 1 օր առաջ եղավ:
Տո գրողը տանի իրենց էլ, իրենց տված զեղչերն էլ: Ուղղակի չեմ հասկանում, թե ինչի՞ քո սովորելու հաշվին ստացածը ուրիշների քթից բերեն:
Չնայած էդ ուղղակի անիմաստ պատճառաբանություններից մեկն է, որ ավելի լավ կարողանան փող լվանալ:

[Արէա]

Տեսնես հիմա կտեսնե՞նք համալսարանականների դասադուլները թանկացումների առթիվ...

Էս երկիրն ընդամենը մի պրոբլեմ ունի, քրեական, գողական բարքեր, ու դրանց հետևող հզոր մասսա: Ու քանի էդ մասսան հետևում ա էդ բարքերին, ոչինչ էլ չենք տեսնելու: Հատուկենտ ընդվզումներ կան, ու լինելու են, բայց համատարած գործողություններ կազմակերպել, կամ դադարացնել, այսօր կարող են միայն էդ գողական երևույթները: Ու քանի դրանք կան, ու քանի դեռ ոչ ոք չգիտի թե ոնց պիտի պայքարել դրանց դեմ, ոչ մի փոփոխություն էլ չի լինելու: Համենայնդեպս մոտակա ժամանակում հաստատ չի լինելու:

[Freeman]

Ամենավատը գիտե՞ք որն ա՝ քանի որ արդեն ընդունվածների պայմանագրերի մեջ վարձի անփոփոխ չափը գրած ա, էդ նոր ընդունվողների մոտ են բարձրացնելու, իսկ բարձր կուրսերի ուսանողների մեծ մասի զաչոտնիկին էլ չի, թե առաջին կուրսեցին ինչքան ա վարձ տալու, դրա համար կարան հանգիստ բարձրացնեն:

[Tig]

[StrangeLittleGirl]

Մի քանի տարի առաջ շուխուռ էր ընկել, թե բժշկականում օրդինատուրայի վարձը բարձրացնում են: Էն ժամանակվա ռեկտոր Քյալյանն ուսանողների հետ հանդիպման ժամանակ ասեց՝ տենց բան չկա: Երբ համապատասխան որակի կրթություն տանք, էն ժամանակ կբարձրացնենք: Սա իմիջիայլոց:

Իսկ իմ անհամեստ կարծիքով ընդհանրապես պետք ա անվճար համակարգը վերացնել: Ու եթե բուհերը ֆինանսավորման խնդիր ունեն (ոչ թե սաղ բյուջեն ռեկտորի ու մի քանի հոգու գրպանն ա գնում), հա՛, թող վարձը բարձրացնեն: Ու ընդհանրապես, ե՞րբ ա հայ ժողովուրդը հասկանալու, որ ուսման համար պետք ա վճարել ու որ էդ վճարողը չպիտի ծնողը լինի: Ե՞րբ են ֆոնդեր/վարկերի համակարգեր ստեղծվելու, որ ուսանողները կարողանան իրանք իրանց պահել:

[Ruby Rue]

Իսկ իմ անհամեստ կարծիքով ընդհանրապես պետք ա անվճար համակարգը վերացնել: Ու եթե բուհերը ֆինանսավորման խնդիր ունեն (ոչ թե սաղ բյուջեն ռեկտորի ու մի քանի հոգու գրպանն ա գնում), հա՛, թող վարձը բարձրացնեն: Ու ընդհանրապես, ե՞րբ ա հայ ժողովուրդը հասկանալու, որ ուսման համար պետք ա վճարել ու որ էդ վճարողը չպիտի ծնողը լինի: Ե՞րբ են ֆոնդեր/վարկերի համակարգեր ստեղծվելու, որ ուսանողները կարողանան իրանք իրանց պահել:

Ուղղակի մեզ մոտ դեռ չի ձևավորվել էդ կուլտուրան: Դասախոսներն ու ուսանողները զարմանում են, որ առաջին կուրսի ուսանողն աշխատում ա. ախր մեր ջահելները շատ են սովոր ծնողների փեշից կպած ապրելուն: Կարծեմ վարկեր էլ կան, ուղղակի տոկոսադրույքը շատ մեծ ա: Բայց լրիվ համաձայն եմ քեզ հետ, որ ուսանողն ԻՆՔԸ պիտի տա իր վարձը, որ ավելի պատասխանատու կերպով մոտենա դասերին: Թե չէ բուհերում լիքը պապայի բալեք կան, որ ինչքան էլ վարձը թանկանա, միևնույն ա, իրանց փոխարեն վճարելու են և դեռ մի բան էլ՝ կարմիր դիպլոմով ավարտացնեն:

Հ.Գ. Մի հատ թեքահարթակն ի՞նչ ա, որ ոչ մի բուհ չունի: Գոնե վարձերը բարձրացնելուց հետո տեղադրեն: Բայց դե իմ մի քանի օրվա տվյալներով, ո՛չ ԿԳՆ-ն, ո՛չ բուհի ղեկավարությունը չի պատրաստվում էդ քայլին գնալ՝ պատճառաբանելով, որ «բալը» թանկ է... Դրա համար էլ համոզված եմ, որ էս ավելացված գումարը նպաստելու ա ոչ թե բուհի բարելավվմանը, այլ ռեկտորի փորի, հետույքի ու վզի հաստացմանը:

[StrangeLittleGirl]

Ուղղակի մեզ մոտ դեռ չի ձևավորվել էդ կուլտուրան: Դասախոսներն ու ուսանողները զարմանում են, որ առաջին կուրսի ուսանողն աշխատում ա. ախր մեր ջահելները շատ են սովոր ծնողների փեշից կպած ապրելուն: Կարծեմ վարկեր էլ կան, ուղղակի տոկոսադրույքը շատ մեծ ա: Բայց լրիվ համաձայն եմ քեզ հետ, որ ուսանողն ԻՆՔԸ պիտի տա իր վարձը, որ ավելի պատասխանատու կերպով մոտենա դասերին: Թե չէ բուհերում լիքը պապայի բալեք կան, որ ինչքան էլ վարձը թանկանա, միևնույն ա, իրանց փոխարեն վճարելու են և դեռ մի բան էլ՝ կարմիր դիպլոմով ավարտացնեն:

Հ.Գ. Մի հատ թեքահարթակն ի՞նչ ա, որ ոչ մի բուհ չունի: Գոնե վարձերը բարձրացնելուց հետո տեղադրեն: Բայց դե իմ մի քանի օրվա տվյալներով, ո՛չ ԿԳՆ-ն, ո՛չ բուհի ղեկավարությունը չի պատրաստվում էդ քայլին գնալ՝ պատճառաբանելով, որ «բալը» թանկ է... Դրա համար էլ համոզված եմ, որ էս ավելացված գումարը նպաստելու ա ոչ թե բուհի բարելավվմանը, այլ ռեկտորի փորի, հետույքի ու վզի հաստացմանը:

Հա, Ռուբի, ճիշտ ես: Ամեն ինչ նենց փակ օղակ ա դարձել: Եթե գործատուները սկսեն աշխատողների որակին նայել, էդ պապայի տղաներն իրանց դիպլոմներով հանդերձ գործ չեն ունենա, էդ մշակույթը միանգամից կվերանա: Ինձ թվում ա՝ պետք ա ամեն ինչ ինչ-որ կրիտիկական կետի հասցնել, որ համակարգն ինքնիրան քանդվի, ստիպված ելքեր փնտրեն: Ես, օրինակ, շատ ուրախ կլինեի, եթե վարձերը շատ ավելի թանկացնեին, անվճարն էլ վերացնեին: Հա՛, մի մտածի դաժանությունս բռնել ա: Ուղղակի էդ դեպքում իսկականից շատերը չէին կարողանա բարձրագույն կրթություն ստանալ, մի կողմ կքաշվեին, մենակ պապայի բալեքը կավարտեին, բայց վաղը-մյուս օրը պետությունը փաստի առաջ կկանգներ. լավ մասնագետ չկա, էդ ժամանակ մի լավ բուհերի գլխին կխփեր: Իսկ էսպես քիչումիչ էղած մասնագետներով մի կերպ յոլա գնում են:

Իսկ վարկերի մասին տեղյակ եմ: Դրանք իսկական ուսանողական վարկեր չեն: Իսկականները կա՛մ անտոկոս են լինում, կա՛մ շա՜տ ցածր տոկոսով:

[Ruby Rue]

Այս տարի բուհերում դիմորդների թիվը նվազել է

Այս տարի բարձրագույն ուսումնական հաստատություններում ուսումը շարունակելու ցանկություն է հայտնել շուրջ 14.500 դիմորդ: Անցյալ տարի այս թիվը եղել է շուրջ 18.000, որից 16.200-ն է քննություններին ներկայացել:

«Առաջին լրատական»-ը զրուցեց ԵՊՀ ընդունող հանձնաժողովի պատասխանատու քարտուղարի տեղակալ Արմեն Սարգսյանի հետ, ով մեզ տեղեկացրեց, որ երեկվա դրությամբ ԵՊՀ-ն ստացել է բուհ ընդունվելու 3311 դիմում: Անցյալ տարվա նույն ժամանակաշրջանի համեմատ՝ դիմորդների թիվը խիստ նվազել է. անցյալ տարի գրանցվել է 4751 դիմում. «Հումանիտար թևում վատ չէ, շատ են դիմորդները պատմության, իրավագիտության ֆակուլտետներում, մի քիչ կաղում է բնագիտական-ֆիզմաթ թևը, սակայն դեռևս չորս օր ունենք »:

Հարցին՝ ինչո՞վ է պայմանավորված դիմորդների քիչ թիվը, պրն Սարգսյանն ասաց, որ գուցե դա պայմանավորված է շրջանավարտներով, գուցե ծնելիությունն է քիչ եղել այդ տարի, կամ արտագաղթն է մեծացել:

Նշենք, որ ըստ պաշտոնական տվյալների՝ այս տարի, անցյալ տարվա համեմատ, 10 հազարով պակաս աշակերտ է ավարտել դպրոցը: Այս տարի ավարտածների թիվը կազմում է շուրջ 30 հազար: «Առաջին լրատվական»-ը տեղեկացավ, որ գրեթե բոլոր բուհերում էլ դիմորդների թիվը պակաս է:

Մեզ հետ զրույցում Խ. Աբովյանի անվան Մանկավարժական համալսարանի ընդունող հանձնաժողովի պատասխանատու քարտուղարի տեղակալ Լյովա Հարությունյանն ասաց, որ անցյալ տարի մայիսի 28-ի դրությամբ կար 1330 դիմորդ, այս տարի՝ 1130:

Հիշեցնենք, որ բուհերում դիմումներն ընդունվում են մինչև հունիսի 1-ը, ժամը 18.00-ն:

Աղբյուրը

Աշոտ ծյա Ա.Աշոտյան ու մնացածներ, կերա՞ք...
Առանց այդ էլ բնագիտամաթեմատիկական ֆակուլտետների դիմորդները քիչ էին, որ տարեցտարի քչանան, էսպես ու՞ր կհասնենք: Առանց այդ էլ՝ ֆակուլտետի որակը գնալով ընկնում է: Եթե նախորդ տարի 40 բալից 20 հավաքողներն էլ էին ընդունվել, ապա էս տարի ով ինչքան խփած լինի, միևնույն է՝ ընդունվելու է:
Կարծում եմ ու համոզված եմ՝ մեր դասախոսներից ոչ մեկ աշխատավարձի էդ խղճուկ բարձրացմանը չի մնացել. եթե մարդիկ իրենց ազատ ժամերի հաշվին մեզ հետ դաս են անում, քանի որ հետաքրքրվածություն են նկատում, ապա հաստա՛տ չեն ուզենա, որ լսարանում բութ ու լպիրշ դեմքեր լցված լինեն:
Չգիտեմ, թե էս տեմպերով ու՞ր ենք գնում: Միայն դիվանագետները, իրավաբաններն ու տնտեսագետները չէ՛, որ երկիր են կառուցում:
Փոխանակ աջակցեն, որ բնական գիտությունը զարգանա, իրենք քիչ-քիչ թաղում են ամեն ինչ...
Թող քիչ դիմորդներ լինեն, թող խելացի երեխեքը չկարողանան համալսարանում սովորել վարձերի թանկության պատճառով, թող ավելի խելացիներն էլ երկրից գնան, տեսնենք վերջում աշոտ ծյան ու՞մ փողերով է սնվելու...

Հ.Գ. Չնայած եթե նայենք մյուս կողմից, ապա դիմորդների թվի քչացումը կարող է պայմանավորված լինել այն փաստով, որ շրջանավարտները հստակ սկսել են գիտակցել, թե արդյո՞ք իրենց անհրաժեշտ է բարձրագույն կրթություն, թե ոչ: Եթե բուհեր գնային միայն այն մարդիկ, ովքեր ուզում են սովորել, այլ ոչ թե իրենց ցուցարել, ապա հիանալի կլիներ:
Բայց թեկուզ հենց իմ՝ ԵՊՀ Ֆիզիկայի ֆակուլտետում հաճախ է պատահել, որ դասախոսին շատ խիստ զգուշացում են տվել ուսանողների զգալի մասին քննությունից «կտրելու» ու համալսարանից դուրս թողնելու համար:
Եթե բոլոր թափթփուկներին հեռացնեն, ապա կմնա երևի ուսանողների 10%-ը, որոնց զգալի մասն էլ անվճար է:
Դե ե՛կ Աշոտ ծյա ու մի թանկացրու վարձերը:
Դե ե՛կ Ռուբի ու դիմացի հասարակության անմակարդակ մասնիկների քաոսային շարժմանը...

[StrangeLittleGirl]

Ռուբի, մի հատ հանգստացի Ես կարամ ապացուցեմ, որ նույնիսկ էս տարի ավելացել ա դիմորդների թիվն անցյալ տարվա համեմատ:

Ես ամեն անգամ սենց հոդված կարդալիս ջղայնանում եմ, որովհետև վերցնում են փաստը ու սխալ մեկնաբանում: Էսօր ունենք փաստ. դիմորդների թիվը քչացել ա անցյալ տարվա համեմատ: Ու մեզ պետք ա բացատրել՝ ինչու: Հենց էս տեքստն ասում ա, որ էս տարի ավելի քիչ են շրջանավարտները: Ամբողջ տասը հազարով: Դե հիմա արի հաշվենք: Էս տարվա դիմորդների թիվը նախորդ տարվա շուրջ ութսուն տոկոսն ա կազմում, իսկ շրջանավարտների թիվը՝ մոտ յոթանասուհինգ: Էն մնացած թվերն էլ հաշվեցի, ԵՊՀ-ն 69% ա, մանկավարժականը՝ 84%: Հիմա որ չալարեմ, ստատիստիկ թեստեր էլ կանցկացնեմ, որ պարզեմ՝ իրականում տարբերություն կա, թե չէ: Ասածս ի՞նչ ա: Պետք ա պարզել, թե ինչու ա էս տարի շրջանավարտների թիվը քիչ:

[Ruby Rue]

Ռուբի, մի հատ հանգստացի Ես կարամ ապացուցեմ, որ նույնիսկ էս տարի ավելացել ա դիմորդների թիվն անցյալ տարվա համեմատ:

Ես ամեն անգամ սենց հոդված կարդալիս ջղայնանում եմ, որովհետև վերցնում են փաստը ու սխալ մեկնաբանում: Էսօր ունենք փաստ. դիմորդների թիվը քչացել ա անցյալ տարվա համեմատ: Ու մեզ պետք ա բացատրել՝ ինչու: Հենց էս տեքստն ասում ա, որ էս տարի ավելի քիչ են շրջանավարտները: Ամբողջ տասը հազարով: Դե հիմա արի հաշվենք: Էս տարվա դիմորդների թիվը նախորդ տարվա շուրջ ութսուն տոկոսն ա կազմում, իսկ շրջանավարտների թիվը՝ մոտ յոթանասուհինգ: Էն մնացած թվերն էլ հաշվեցի, ԵՊՀ-ն 69% ա, մանկավարժականը՝ 84%: Հիմա որ չալարեմ, ստատիստիկ թեստեր էլ կանցկացնեմ, որ պարզեմ՝ իրականում տարբերություն կա, թե չէ: Ասածս ի՞նչ ա: Պետք ա պարզել, թե ինչու ա էս տարի շրջանավարտների թիվը քիչ:

Հա, ճիշտ ես, ես ալարեցի հաշվարկներ անել:
Իսկ շրջանավարտների թիվը, կարծում եմ քիչ ա, որովհետև ավագ դպրցները համը հանեցին, դրա համար էլ շատ-շատերը գնացին քոլեջներ: Ու քանի որ ավագ դպրոցը 3 տարի ա, դրանք՝ ավելի երկար, էս տարի քիչ շրջանավարտ կա...

[StrangeLittleGirl]

Հա, ճիշտ ես, ես ալարեցի հաշվարկներ անել:
Իսկ շրջանավարտների թիվը, կարծում եմ քիչ ա, որովհետև ավագ դպրցները համը հանեցին, դրա համար էլ շատ-շատերը գնացին քոլեջներ: Ու քանի որ ավագ դպրոցը 3 տարի ա, դրանք՝ ավելի երկար, էս տարի քիչ շրջանավարտ կա...

Տես, այ սա արդեն գիտություն ա Դու արել ես էն, ինչը լրագրողն ալարել ա անի: Ես ավելի հեռուն կգնայի, կպարզեի, թե էս տասներկու տարի առաջ քանի՞ հոգի ա առաջին դասարան ընդունվել, էդ քոլեջներում քանի՞ հոգի կա, էս տարվա դիմորդներից քանի՞սն են էս տարվա շրջանավարտ ու լիքը-լիքը ուրիշ հարցեր: Հըմ, թվերը լավ բաներ են, հավես ա իրանց հետ խաղալը: