Շահիր լուսանկարչական ապարատ` նախագահական ընտրություններին ընդառաջ
«Ինչպիսի՞ն պետք է լինի Հայաստանի նախագահը», «Ի՞նչ կանեի ես, եթե Հայաստանի նախագահը լինեի», «Եթե ես գրելու լինեի նախագահի թեկնածուի ծրագիրը, ի՞նչ կներառեի այնտեղ», «Ինչու՞ են անհրաժեշտ նախագահական ընտրությունները»` երիտասարդ ե՞ս ու քեզ հուզում է երկրիդ ապագա՞ն:
Դեկտեմբերի 1-ից 31-ը մասնակցիր Հանրային լրագրության ակումբի`
«Նախագահական ընտրություններին ընդառաջ» խորագրով թղթակցությունների մրցույցին, տեղադրիր
«Իմ լուրերը» հարթակում նախագահական ընտրություններին առնչվող նոթագրություններ, ֆոտո կամ վիդեո պատմություններ ու շահիր Canon PowerShot A 800 լուսանկարչական ապարատ:
Մրցույթին մասնակցելու համար անհրաժեշտ է`
- Գրանցվել
http://www.mynews.am/ կայքում (եթե գրանցված չեք):
-
«Ուղարկիր թղթակցություն» բաժնի միջոցով կայքում տեղադրել Ձեր հեղինակած, Ձեր կողմից պատրաստված ֆոտո, վիդեո պատմությունները, նոթագրությունները, որոնք վերաբերում են մրցույթի թեմատիկ ուղղվածությանը:
- Ուղարկել մրցույթի դիմում-հայտը
[email protected] էլ. հասցեին: Դիմում-հայտի ձևը կարող եք ներբեռնել
այստեղ հրապարակված տեքստի ներքո` Facebook, Twitter... նշաններից հետո գտնվող ֆայլի վրա սեղմելով: : Էլեկտրոնային նամակի թեմայի (subject) տողում խնդրում ենք նշել ''Citizen Reporting Contest: Presidential Elections 2013'':
Մրցույթին նյութեր ներկայացնելու վերջնաժամկետը 2012 թ. դեկտեմբերի 31-ն է:
Մրցույթի արդյունքները կամփոփվեն եւ կհայտարարվեն 2013-ի հունվարի 15-ին:
Մրցույթին կարող են դիմել ոչ միայն պրոֆեսիոնալ լրագրողներ. մենք խրախուսում ենք տարբեր զբաղվածություն ունեցող քաղաքացիների, քաղաքացիական հասարակության ակտիվիստների ներգրավվածությունը հանրային թղթակցության ոլորտում:
Ժյուրիի կազմում ընդգրկվելու են քաղաքացիական հասարակության ակտիվ անդամներ: Մրցույթի ժյուրին հաշվի է առնելու թղթակցությունների բովանդակության հանրային կարեւորությունը, ամբողջականությունը, օրիգինալությունը:
Հաշվի է առնվելու նաեւ հրապարակված թղթակցությունների` սոցիալական ցանցերում տարածման, դրանց նկատմամբ հասարակական հետաքրքրվածության, թղթակցությունների առաջացրած քննարկումերի եւ մեկնաբանությունների առկայությունը:
Տեղադրված նյութերը առաջին անգամ հրապարակված պետք է լինեն http://www.mynews.am/ կայքում:
Մրցույթի կազմակերպիչներն իրենց իրավունք են վերապահում հեռացնել թղթակցությունները, եթե դրանց բովանդակությունը չհամապատասխանի մրցույթի թեմատիկ ուղղվածությանն ու հակասի մեր Օգտագործման պայմաններին:
Մրցույթի վերաբերյալ հարցերի դեպքում կարող եք կապվել Սառա Խոջոյանի հետ` +374 93 207 417 հեռախոսահամարով:
Մրցույթը հայտարարվում է ՀԼԱ-ի`
«Քաղաքացիական լրագրություն Ֆեյսբուք ցանցի և բջջային հեռախոսների միջոցով դեպի My News հարթակ» նախագծի շրջանակներում, որն իրականացվում է «Լրատվության այլընտրանքային ռեսուրսներ» ծրագրով Եվրասիա համագործակցության հիմնադրամի տրամադրած դրամաշնորհի միջոցով:
Աղբյուր 
Մեջբերել
Էջանիշներ