Հումակերություն

[ivy]

Հումակերությունը ենթադրում է մի շարք պարազիտներ, թե՛ բուսական, թե՛ կենդանական սննդի հետ կապված: Ճիճուներից վիրուսներ:

Այսինքն՝ դու ընդհանրապես դե՞մ ես որևէ հում բան ուտելուն ու ոչ էլ ուտո՞ւմ ես (միրգ, բանջարեղեն):

[Ձայնալար]

Ինձ հետաքրքիր ա ո՞նց ա եղել, որ մարդը սկսել ա ուտելիքը ջերմային մշակման ենթարկել: Ի՞նչն ա մեր նախնիներին դրդել այդ քայլին

[Վահե-91]

Ինձ հետաքրքիր ա ո՞նց ա եղել, որ մարդը սկսել ա ուտելիքը ջերմային մշակման ենթարկել: Ի՞նչն ա մեր նախնիներին դրդել այդ քայլին

ուտելիքն ընկել ա կրակի մեջ ափսոսացել են քցեն

[Rhayader]

Այսինքն՝ դու ընդհանրապես դե՞մ ես որևէ հում բան ուտելուն ու ոչ էլ ուտո՞ւմ ես (միրգ, բանջարեղեն):

Նախընտրում եմ առնվազն առավել զգույշ լինել: Ենթադրում է, հո չի պարտադրում:

Այվ, ես կատեգորիկ դեմ չեմ ոչ բուսակերությանը, ոչ հումակերությանը, քանի դեռ մարդիկ ճիշտ դիետա են մշակում ու հնարավոր հետևանքները հաշվի են առնում: Օրինակ՝ բուսակերները կրեատինի դեֆիցիտ են ունենում, ինչի պատճառով նրանց մկաններում հյուծման պրոցես է սկսում: Դրա համար բուսակերները պետք է կրեատինային հավելումներ ստանան: Հումակերներն էլ պիտի հաշվի առնեն, որ հում միս ուտելն ամենայն հավանականությամբ կբերի երիզորդերի, ասկարիդների, էխինոկոկների և այլ բաների, իսկ բանջարեղենը, որոնց դեպքում պարազիտները ոչ թե հյուսվածքի մեջ են, այլ մակերևույթին, պետք է առնվազն նորմալ լվանալ: Քանի դեռ մարդն ամեն ինչ գրագետ է անում, այլ ոչ թե «հանուն գեղեցիկ գաղափարի», ես դրան ոչ մի դեմ բան չունեմ:

[ivy]

ուտելիքն ընկել ա կրակի մեջ ափսոսացել են քցեն

Վայ, լավն էր:

[ivy]

Ինձ հետաքրքիր ա ո՞նց ա եղել, որ մարդը սկսել ա ուտելիքը ջերմային մշակման ենթարկել: Ի՞նչն ա մեր նախնիներին դրդել այդ քայլին

Ինձ թվում է, եղել է կրակի հայտնագործումը ու էն բանի բացահայտումը, որ միսը ավելի հարմար է ուտել/կծել/ծամել խորոված վիճակում, քան հում. դե մարդիկ ի վերջո չունեն գիշատիչին բնորոշ կարգին ատամնաշար, էն նախնադարյան վախտերն էլ էդքան մանրացնող գործիք-մործիք չի եղել, որ միսը մանրացնեն կամ առավել ևս՝ աղան: Ու մարդ գտել է ձևը՝ եփելով փափկացնել սնունդը, որ հեշտ ծամվի: Ես էդպես եմ կարծում, եսիմ:

[Sagittarius]

Բուսակերներին չեմ սիրում, ագրեսիվ մարդիկ են:

Իրա արև՝

[Ձայնալար]

Հիտլերն ա չէ՞, ինքը բուսակե՞ր ա եղել:

[Moonwalker]

Հիտլերն ա չէ՞, ինքը բուսակե՞ր ա եղել:

Ասում են: Ասում են նաև, որ չէր խմում, չէր ծխում ու սիրում էր կենդանիներին:

[Smokie]

Մորս պապը անցած տարի մահացավ, ինքը մոտ 90 տարեկան էր, տեսողությունը իմինից լավ, ինձանից ահագին բոյով, նորմալ քայլում էր ու երևի կարար վազեր, տեսքով ոչ-ոք իրան 60-ից մեծ չէր տա, իսկ ինքը ոչ հումակեր էր, ոչ բուսակեր, ծխում ու խմում էր փոքր ժամանակվանից, իսկ ծխում էր առանց ֆիլտրի: Ասածս ինչ ա՝ եթե մարդն առողջ ա ու երկարակյաց, էդ չի նշանակում, որ իրա ապրելակերպից ա, իսկ հումակերությունն ու բուսակերությունը անձամբ ես համարում եմ ավելի շատ հոբի քան առողջ ապրելակերպ, որովհետև մարդն ամենակեր կենդանի ա:

Համ էլ չեմ կարողանում պատկերացնել, թե ոնց մարդ կարա հում միս ուտի

Գրառումդ կարդալուց հիշեցի Դերենիկ Դեմիրճյանի մանրապատումներից, որ հենց վերջերս եմ դրել ակումբում: Փաստորեն իզուր չէր

***

Երևակայեցե՛ք: Ամբողջ կյանքում լարված հետևում էր իր առողջության, կատարում էր առողջ կենցաղի բալար կանոնները, զգույշ էր ամեն մի վնասակար բանից և ի՞նչ… վերջը… շատ երկար ապրեց:
Իսկ նրա բարեկամը, որ ընդհակառակը, անհոգ էր այս բոլոր բաներում, անկանոն կյանք էր վարում, երևակայեցե՛ք… նա ևս երկար ապրեց:
Բայց ահա արդեն մի ուրիշը, որ և հետևում էր, և չէր հետևում կենցաղի կանոններին… նա ևս երկար ապրեց:

[Brian_Boru]

Հումակերությունը շատ քիչ դեպքերում ա պայմանավորված իրական ու խելքին մոտ պատճառներով: Գրեթե միշտ դա հիմնվում ա կրոնական, էզոտերիկ կամ նյու-էյջերական գաղափարների վրա: Նույնն էլ բուսակերությունը (ու դրա ամենավառ ու ամենամոլեռանդ ձևը` վեգանիզմը): Վեգանները ոչ միայն տառապում են զանազան հիվանդություններով B12-ի ու այլ վիտամինների պակասի պատճառով, այլ նաև չափազանց ագռեսիվ են: Էնքան որ մսակերներին որպես հիվանդների կամ սեփական թշնամիների տեղ են դնում: Հետաքրքրիրն ա, որ էս երևույթը միանգամից տոտալիտար ու ագռեսիվ բնույթ սկսեց կրել շատ կարճ ժամանակում:

[Freeman]

Հումակերությունը շատ քիչ դեպքերում ա պայմանավորված իրական ու խելքին մոտ պատճառներով: Գրեթե միշտ դա հիմնվում ա կրոնական, էզոտերիկ կամ նյու-էյջերական գաղափարների վրա: Նույնն էլ բուսակերությունը (ու դրա ամենավառ ու ամենամոլեռանդ ձևը` վեգանիզմը): Վեգանները ոչ միայն տառապում են զանազան հիվանդություններով B12-ի ու այլ վիտամինների պակասի պատճառով, այլ նաև չափազանց ագռեսիվ են: Էնքան որ մսակերներին որպես հիվանդների կամ սեփական թշնամիների տեղ են դնում: Հետաքրքրիրն ա, որ էս երևույթը միանգամից տոտալիտար ու ագռեսիվ բնույթ սկսեց կրել շատ կարճ ժամանակում:

Մարդկանց մեծ մասին առիթ ա պետք ուրիշներին ատելու համար, լինի դա սեռական, ազգային, կրոնական կամ ապրելակերպի, դրա համար էլ արագ վերածվեց ագրեսիայի:

[ivy]

Հումակերությունը շատ քիչ դեպքերում ա պայմանավորված իրական ու խելքին մոտ պատճառներով: Գրեթե միշտ դա հիմնվում ա կրոնական, էզոտերիկ կամ նյու-էյջերական գաղափարների վրա: Նույնն էլ բուսակերությունը (ու դրա ամենավառ ու ամենամոլեռանդ ձևը` վեգանիզմը): Վեգանները ոչ միայն տառապում են զանազան հիվանդություններով B12-ի ու այլ վիտամինների պակասի պատճառով, այլ նաև չափազանց ագռեսիվ են: Էնքան որ մսակերներին որպես հիվանդների կամ սեփական թշնամիների տեղ են դնում: Հետաքրքրիրն ա, որ էս երևույթը միանգամից տոտալիտար ու ագռեսիվ բնույթ սկսեց կրել շատ կարճ ժամանակում:

Տխրեցնողը է, որ էսպիսի հաստատուն կարծիք կա մարդկանց մոտ:
Իրականում ամեն ինչ չի, որ մոդայի կամ կրոնական և էզոթերիկ գաղափարների վրա է հիմնված: Իմ իմացած մարդիկ դրանցից և ոչ մեկով չեն առաջնորդվում, ոչ էլ թե ինչ-որ ագրեսիվություն ունեն:

Էս դրածս հոդվածը փաստորեն ոչ ոք չկարդաց...
Ափսոս, որովհետև եթե կարդացած լինեիք, հարց կտայի, թե օրինակ էս 92 տարեկան պապիկը ինչ կրոնական կամ այլ տիպի ազդեցության տակ է ընկել, որ դարձել է հումակեր: Մի՞թե չի կարելի պարզապես ընդունել, որ մարդիկ դա համարում են առողջ ապրելակերպ և ուզում են լավագույնն անել իրենց մարմնի ու հոգու համար, որպեսզի ապրեն առողջ ու երկար, ինչպես և ապրում է տվյալ հոդվածի պապիկը:

Գուցե իրենք սխալ են իրենց առողջագիտական գաղափարների մեջ և հումակերությունը հեչ էլ օգտակար կենսակերպ չի (անկախ պապիկի աչք ծակող օրինակից), բայց դա արդեն այլ հարց է, և հենց դա էլ կուզենայի, որ էստեղ քննարկվեր, այլ ոչ թե էն, որ էդ մարդիկ յանները տարած են ինչ-որ հավատքի կամ եսիմ ինչի հողի վրա:

[shatboyov]

Ինձ թվում ա, եթե պապին ուզենա՝ կամուսնանա էլ...

[StrangeLittleGirl]

Էկա

Ուրեմն էդ պապին էն հայտնի հումակեր Վահեն ա, որը տատիկիս հյուր ա գնում մեկ-մեկ, ու տատս սար ու ձոր ընկած՝ չի իմանում ինչով հյուրասիրի, որ նա չհրաժարվի: Ու մեկ էլ ինչքան գիտեմ՝ էդ Վահեն անընդհատ ամբաղ-զամբաղ խոսելու սովորություն ունի: Ասել կուզի՝ մեկ ա դեմենցիայի դեմը չի առել:

Իսկ հիմա մի քիչ լուրջ:

Իմ կարծիքով, սննդի (ու ընդհանրապես ցանկացած) հարցում ծայրահեղությունը շատ սխալ մոտեցում ա: Իհարկե, էդ ծայրահեղության պատճառները կարող են տարբեր լինել (կրոնաբարոյաառողջական կամ տոշատգիտեմինչական), բայց ամեն դեպքում ընկնելով որևէ ծայրահեղության մեջ՝ մենք մեր կյանքը ահագին սահմանափակում ենք: Դառնալով բուսակեր՝ արդեն պիտի հաշվի առնես, թե ամեն օր ինչ ես ուտում, ինչ չես ուտում, ինչն ա պակասում մոտդ, որ բալանսը պահես: Դառնալով վեգան՝ մի քանի անգամ ավելի ուշադիր պիտի լինես: Նույնն էլ հումակերությանն ա վերաբերում: Իհարկե, կան ուտելիքներ, որոնց կենսական արժեքն ավելի մեծ ա հում վիճակում, որովհետև որոշ նյութեր չեն հասցնում քայքայքվել: Ուղղակի հարցն էն ա, որ ամեն բան հում չես ուտի: Ու նաև էն ա, որ մյուս կողմից էլ հում սնունդն ինչ կենդանի ասես չի պարունակում, հետևաբար լիքը հիվանդություններ ձեռք բերելու հավանականությունը մեծ ա:

Իմ կարծիքով, չարժե էդպես հիվանդագին ընկնել առողջ ապրելակերպի հետևից: Կարելի ա առողջ ապրել նաև առանց վնասակար սնունդը չարաշահելու: Բացի դրանից, լիքը մարդիկ կան, որոնց կյանքում առաջնայինն առողջ ապրելակերպը չէ: Հետևաբար, կարելի ա թողնել, որ ուզածների չափ կանցերոգեն ձեթերում տապակած կարտոֆիլ ուտեն. էդ էլ էդ մարդու ընտրությունն ա:

Ի դեպ, ինչ ուտել-չուտելու հարցի մասին երկար մտածելուց հետո հասա նրան, որ սկսեցի թույլ տալ՝ օրգանիզմս ինքն ընտրի ինչ ուտեմ, ինչ չէ: Էդպես համ ես եմ միշտ գոհ կերածիցս, համ օրգանիզմս: