Հումակերություն

[ivy]

Վերջերս ակումբցիներից մեկի անձնական բլոգում մի հետաքրքիր հոդված տեսա հումակերության մասին:
Խոսքն 92-ամյա հումակեր Վահե Դանիելյանի մասին է: Արտաքինից պապիկն արդեն իսկ մի քսան տարով ջահել է երևում, իսկ առողջության ու ինքնազգացողության հարցում կարող է առաջ անցնել նույնիսկ շատ երիտասարդներից:
Հոդվածը կարող եք կարդալ էստեղ:

Ի դեպ, հումակերությունը կարող է լինել ինչպես բուսակերային, այնպես էլ ամենակերային: Տվյալ դեպքում, հոդվածի հերոսը բուսական հումակեր է:
Ի՞նչ կարծիքի եք հոդվածի ու ընդհանրապես հումակերության մասին:
Հետաքրքիր կլինի լսել նաև առողջագետների կարծիքը:

[Rhayader]

Բուսակերներին չեմ սիրում, ագրեսիվ մարդիկ են:

[ivy]

Բուսակերներին չեմ սիրում, ագրեսիվ մարդիկ են:

Բայց դե խոսքը բուսակերության մասին չի, այլ հումակերության, ինչը կարող է նաև միս ներառող լինել...

[Freeman]

Վերջերս ակումբցիներից մեկի անձնական բլոգում մի հետաքրքիր հոդված տեսա հումակերության մասին:
Խոսքն 92-ամյա հումակեր Վահե Դանիելյանի մասին է: Արտաքինից պապիկն արդեն իսկ մի քսան տարով ջահել է երևում, իսկ առողջության ու ինքնազգացողության հարցում կարող է առաջ անցնել նույնիսկ շատ երիտասարդներից:
:

Մորս պապը անցած տարի մահացավ, ինքը մոտ 90 տարեկան էր, տեսողությունը իմինից լավ, ինձանից ահագին բոյով, նորմալ քայլում էր ու երևի կարար վազեր, տեսքով ոչ-ոք իրան 60-ից մեծ չէր տա, իսկ ինքը ոչ հումակեր էր, ոչ բուսակեր, ծխում ու խմում էր փոքր ժամանակվանից, իսկ ծխում էր առանց ֆիլտրի: Ասածս ինչ ա՝ եթե մարդն առողջ ա ու երկարակյաց, էդ չի նշանակում, որ իրա ապրելակերպից ա, իսկ հումակերությունն ու բուսակերությունը անձամբ ես համարում եմ ավելի շատ հոբի քան առողջ ապրելակերպ, որովհետև մարդն ամենակեր կենդանի ա:

Համ էլ չեմ կարողանում պատկերացնել, թե ոնց մարդ կարա հում միս ուտի

[Տրիբուն]

Ես որ նորմալ եմ վերաբերվում:

Կարող ա ինքս ամեն ինչ չուտեմ, բայց շատ եմ սիրում ճապոնական խոհանոցը, որտեղ լիքը հում բան կա - սասիմի, սուշիի տարբեր տեսակներ: Ամեն ինչը հում չի, բայց նվազագույն մշակման ա ենթարկված կամ լրիվ հում ա:

Հետո, ախպար ընտանքիներում մեծացածները, հատկապես արաբական երկրներից, կիմանան չքյուֆթեն ինչ ա: Իշլի քյուֆթեյի ֆարշը՝ հում վիճակում: Խելքս գնում ա, ու տանը հաճախ ուտում ենք: Օղորմծիկ տատս անմահական էր սարքում, ամեն տեսակ համեմունքներով: Մատներդ հետը կուտեիր:

Հ.Գ. Էս փաստորեն առողջ ապրելակերպի տեսանկյունից էր հարցը, ես ուշ նկատեցի: Էտ առումով, եսիմ? Մենակ գիտեմ, որ հում մսից, հատկապես եթե ստուգված չի, կարելիա փիս-փիս հիվանդություններ ձեռք բերել: Իսկ չպաստերիզացված կաթից, եթե չեմ սխալվում, բրյուցելոզ են վարակվում:

[Freeman]

Հ.Գ. Էս փաստորեն առողջ ապրելակերպի տեսանկյունից էր հարցը, ես ուշ նկատեցի: Էտ առումով, եսիմ? Մենակ գիտեմ, որ հում մսից, հատկապես եթե ստուգված չի, կարելիա փիս-փիս հիվանդություններ ձեռք բերել: Իսկ չպաստերիզացված կաթից, եթե չեմ սխալվում, բրյուցելոզ են վարակվում:

Չես սխալվում

[ivy]

Հ.Գ. Էս փաստորեն առողջ ապրելակերպի տեսանկյունից էր հարցը, ես ուշ նկատեցի: Էտ առումով, եսիմ? Մենակ գիտեմ, որ հում մսից, հատկապես եթե ստուգված չի, կարելիա փիս-փիս հիվանդություններ ձեռք բերել: Իսկ չպաստերիզացված կաթից, եթե չեմ սխալվում, բրյուցելոզ են վարակվում:

Դրա համար էլ նախընտրելին բուսական հումակերությունն է:

[Տրիբուն]

Չես սխալվում

Բայց կարանք չէ՞ համ ու հոտից էլ խոսանք:

[Freeman]

Բայց կարանք չէ՞ համ ու հոտից էլ խոսանք:

Խոսանք, եթե թեման բացողը դեմ չի, բայց ինչքան հասկացա ինքն ասում էր ամեն ինչ հում ուտել + ինձ սուշին էլ հեչ դուր չի եկել:

[impression]

Իշլի քյուֆթեյի ֆարշը՝ հում վիճակում: Օղորմծիկ տատս անմահական էր սարքում, ամեն տեսակ համեմունքներով: Մատներդ հետը կուտեիր:

մի պահ սարսափեցի, հետո հիշեցի, որ ուղղակի տենց արտահայտություն կա հայերենում...

[ivy]

մի պահ սարսափեցի, հետո հիշեցի, որ ուղղակի տենց արտահայտություն կա հայերենում...

Եթե հում-հում կուտեր, ուրեմն սարսափելու բան չկա, լրիվ թեմայի մեջ է:

[Նաիրուհի]

Փոքր ժամանակ հում միս էլ էի ուտում, հում ամեն ինչ էլ։ Կարտոֆիլ, օրինակ, էլի եմ ուտում։
Ինձ էլ է հումակերությունն ավելի շուտ հոբբիի նման բան թվում։ Ծանոթներ ունեմ, հիմնականում բուսակերներ, ովքեր ժամանակ առ ժամանակ հումակեր են դառնում, ասենք՝ մի ամսով։
Բայց չեմ կարծում, թե ի սկզբանե բնության մեջ չմեծացած ու մինչև գիտակցական որոշակի աստիճանը խոհանոցին սովորած մարդու օրգանիզմն ի վիճակի է միանգամից ու վերջնականապես անցնել հումակերության։ Պիտի որ և´ առողջական ու ինքնազգացողության խնդիրներ առաջ գան, գոնե սկզբնական շրջանում, և´ մեր օգտագործած մթերքների կասկածելի ծագումն ու անորակությունը պիտի այլևայլ խնդիրների ու հիվանդությունների հանգեցնի։

[Rhayader]

Հումորս երևի չընկալվեց

Ժող, գլոբալ առումով մարդու կյանքը չափազանց կարճ է ուտելիքի համովությունն օգտակարությանը զոհաբերելու համար:

[ivy]

Ժող, գլոբալ առումով մարդու կյանքը չափազանց կարճ է ուտելիքի համովությունն օգտակարությանը զոհաբերելու համար:

Կա էդպիսի բան, բայց ամբողջ հարցն էն է, թե ինչն է համով:
«Համովության» ընկալումը խիստ տարբեր է մարդկանց մոտ, ու ավելին, ժամանակի ընթացքում կարող է մեծ հաջողությամբ փոխվել, եթե քեզ վարժեցնես որևէ տիպի սննդի: Իմ օրինակով կարող եմ ասել, որ էն, ինչն ինձ ժամանակին ահավոր համով էր թվում ու միայն հոտից արդեն ուշքս գնում էր, հիմա մեղմ ասած, ընդհանրապես չի գրավում, իսկ հոտը երբեմն նույնիսկ սրտխառնոց է առաջացնում:

Եթե մարդ գիտի, թե ինչն է առողջարար ու իր համար օգտակար և սկսում է հենց էդպես սնվել, ապա որոշ ժամանակ հետո հենց դա էլ իր համար ամենահամով սնունդն է դառնում: Էնպես որ, ավելի լավ է մարդ իր համային զգայարանները օգտակար սննդի վարժեցնի, այլ ոչ թե արհեստական ու հազար ձևի վերամշակված ուտելիքի, որը հաճախ ոչ այլ ինչ է, քան «դատարկ կալորիա»:
Ինչ ուտելիքի քեզ սովորեցնես, էն էլ կդառնա ամենահամովը քեզ համար: Իսկ թարմ, չմշակված սննդի համովությունը էնքան բնական է, որ նույնիսկ երկար ժամանակ էլ չի պահանջում դա զգալու համար. ընդամենը պետք է ազատվել արհեստական համերի կախվածությունից՝ ընդհանրապես հրաժարվելով դրանցից, էդ ժամանակ սկսում ես ամբողջովին ընկալել ու վայելել բնական համերը:

Կոնկրետ հումակերությանը չէր վերաբերվում գրածս, այլ ընդհանրապես առողջ սնվելուն: Թեև հումակերությունն էլ իմ կարծիքով շատ առողջ կենսակերպ է:

[Rhayader]

Կա էդպիսի բան, բայց ամբողջ հարցն էն է, թե ինչն է համով:
«Համովության» ընկալումը խիստ տարբեր է մարդկանց մոտ, ու ավելին, ժամանակի ընթացքում կարող է մեծ հաջողությամբ փոխվել, եթե քեզ վարժեցնես որևէ տիպի սննդի: Իմ օրինակով կարող եմ ասել, որ էն, ինչն ինձ ժամանակին ահավոր համով էր թվում ու միայն հոտից արդեն ուշքս գնում էր, հիմա մեղմ ասած, ընդհանրապես չի գրավում, իսկ հոտը երբեմն նույնիսկ սրտխառնոց է առաջացնում:

Եթե մարդ գիտի, թե ինչն է առողջարար ու իր համար օգտակար և սկսում է հենց էդպես սնվել, ապա որոշ ժամանակ հետո հենց դա էլ իր համար ամենահամով սնունդն է դառնում: Էնպես որ, ավելի լավ է մարդ իր համային զգայարանները օգտակար սննդի վարժեցնի, այլ ոչ թե արհեստական ու հազար ձևի վերամշակված ուտելիքի, որը հաճախ ոչ այլ ինչ է, քան «դատարկ կալորիա»:
Ինչ ուտելիքի քեզ սովորեցնես, էն էլ կդառնա ամենահամովը քեզ համար: Իսկ թարմ, չմշակված սննդի համովությունը էնքան բնական է, որ նույնիսկ երկար ժամանակ էլ չի պահանջում դա զգալու համար. ընդամենը պետք է ազատվել արհեստական համերի կախվածությունից՝ ընդհանրապես հրաժարվելով դրանցից, էդ ժամանակ սկսում ես ամբողջովին ընկալել ու վայելել բնական համերը:

Կոնկրետ հումակերությանը չէր վերաբերվում գրածս, այլ ընդհանրապես առողջ սնվելուն: Թեև հումակերությունն էլ իմ կարծիքով շատ առողջ կենսակերպ է:

Հումակերությունը ենթադրում է մի շարք պարազիտներ, թե՛ բուսական, թե՛ կենդանական սննդի հետ կապված: Ճիճուներից վիրուսներ: