User Tag List

Ցույց են տրվում 1 համարից մինչև 5 համարի արդյունքները՝ ընդհանուր 5 հատից

Թեմա: Հրաչ Քեշիշյանի մահասարսուռ երազը

  1. #1
    Անդամության թեկնածու
    Գրանցման ամսաթիվ
    05.10.2012
    Գրառումներ
    3
    Mentioned
    0 Post(s)
    Tagged
    0 Thread(s)

    Հրաչ Քեշիշյանի մահասարսուռ երազը

    ballad.jpg


    «Հրաչ Քեշիշյանի մահասարսուռ երազը»


    Լիալուսնի 3-րդ օրն էր:
    Արևելյան տաք քամին, գորշ անձրևի հետ միասին, հարավային ափերից, դժկամ լուրեր բերող բանբերի պես, փաթաթել էր լեռնաշխարհը:
    Քաղաքը կորած էր թույլ մառախուղի և տհաճ զգացողության սարսափելի մթնոլորտում:
    Երեկո էր:
    Պետանվտանգության ծառայության հատուկ նկուղային զնդանում պատից պատ էր քայլում հոգեպես ծանրագույն իրավիճակում գտնվող պրոդյուսեր Հրաչ Քեշիշյանը, երբ բացվեց զնդանի դուռը և մգլած երեսով u խռպոտ ձայնով բանտապահը նրան դուրս հրավիրեց:
    Քեշիշյանը կարծես վեցերրորդ զգայարանով կարդաց բանտապահի աչքերում մոտալուտ մահվան չարագույժ լուրը:
    Ժողովրդի բազմությունը, հոծ խմբերով, հավաքվել էր կենտրոնական հրապարակում: Որի կենտրոնում վեր էր խոյանում սրածայր շեղբով մահաբեր գելիոտինը:
    Սևազգեստ քահանաները պտտվում էին ժողովրդի մեջ՝ փորձելով հանգստացնել նրանց՝ մոտալուտ մահապատիժը տեսնելու սարսափելի զգացողությունից:
    Հեղձուկ օդը, տաք անձրևի հետ միասին, պատել էր ողջ հրապարակը:
    Շղթայակապ Հրաչ Քեշիշյանը մոտեցավ գելիոտինին և քահանաների օգնությամբ գլուխը դրեց մահատախտակին:
    Նրան մոտեցավ սրբազան արքեպիսկոպոսը:

    Արքեպիսկ. - Ընդունու՞մ ես մեղքերդ, որդիս:
    Պատրա՞ստ ես ներում հայցել մարդոց և Աստծո առջև:

    Քեշիշյանը բարձրացրեց հայացքը և աղիողորմ արտաբերեց.

    - Ես իրենց եմ ընտրել... իրե'նց...

    Սրբազան արքեպիսկոպոսը, դառնացած հայացքը, լի կասկածանքով և հարցմունքով, ուղղեց դեպի հրապարակի աստիճանների վերնամասում դրված կառավարական օթյակի առաջին հարկ: Որտեղ նստած սրբազանների սրբազնագույնը, գլխի թեթև շարժումով, բացասական գործողության հրահանգ տվեց.
    Գլխավոր թեմի առաջնորդը, հայացքը ուղղելով դեպի Քեշիշյանը, մահասարսուռ ձայնով արտաբերեց.
    - Չենq հավատում, որդյակ իմ, չենq հավատում:
    Եվ քաշեց ձգանը:
    Գելիոտինի սրածայր շեղբը սուրալով ներքև` կտրեց և զամբյուղը գլորեց Հրաչ Քեշիշյանի արնաշաղախ գլուխը: Իսկ մարմինը, մորթված հավի պես թփրտալով, ջղաձգորեն գալարվեց մահատախտակին:
    Լսվեց ժողովրդի վախի և ահասարսուռ հառաչանքի արձագանքը: Տեղ-տեղ լսվեցին հավանության և ոգևորության ծափահարություններ:

    Զարզանդելի երազից ճչոցով արթնանալով` Հրաչ Քեշիշյանը նստեց մահճակալին:
    Սառը քրտինքը պատել էր ճակատը:
    Խոհանոցից լսվում էր բաց ծորակի խշշոցը և քամուց տատանվող պատուհանի փեղկի ձայնը:
    Հրաչը շնչահեղձ էր լինում:
    Հայելու առաջ սրբելով երեսը, նա մոտեցավ սառնարանին: Երեկվա գինարբուքից մնացած 100 գրամ օղին և գարեջրի մնացորդը լցնելով մեկ բաժակի մեջ` Հրաչը մի կումով ըմպեց այն, այնուհետև մոտեցավ պատուհանին:
    Դրսում քաղաքն էր: Իր սովորական անցուդարձով, փոշով, կոպիտ հրահրոցով և երթուղայինների տձև բազմությամբ:

    Հրաչը հայացքը ուղղեց ներքև, բռնվեց բազրիքից և փորձեց խորը շունչ քաշել:
    Սակայն ահազդու տեսարանից սարսափած՝ զարհուրելի գոռոցով ետ քաշվեց:
    Պատուհանից այն կողմ, կարծես հրեշտակի պես երկնքից կախված, խելագար ժպիտով և արնակալած շրթունքներով ճոճվում էր սպիտակազգեստ երգչուհի Ուրիշոն: Ձախ ձեռքով բռնած սպարապետի կտրված գլուխը, իսկ աջով` սեփական աչքերը:

    Հրաչը ուշագնաց եղավ:
    Երազը շարունակվում էր:

    Որոտացող ամպրոպի և զիգզագաձև կայծակի փայլատակումից շողշողացող անձրևի կաթիլները, հորդառատ գետի պես, երկնքից թափվում էին կոկորդից տաք գոլորշի արձակող զինվորների դեմքին:
    Խառնացրիվ լեգիոնները համախմբելու և կագորտաների մեջ վերադասավորելու համար, զինվորական առաջնորդները հրամաններ էին արձակում սուրհանդակների խրոխտ ձայներով:
    Գիշերվա խավարը տեղի էր տալիս գորշ արշալույսին:
    Իսկ մահաբեր ամպերը, փռելով իրենց սև փետուրները, և պատելով հնադարյա քաղաքը, կարծես չէին ուզում հեռանալ:

    Հեգնաժպիտ և դառը հայացքով կայսր Քոչիոսը, և նրա տեղակալ` քնաթաթախ աչքերով անվտանգության հանձնակատար Սարգիսոսը, թիկն էին տվել ամֆիթատրոնի կառավարական սենյակի բազմոցին և խորհդակցում էին արևելյան բարբարոս երկրի ղեկավար Լահիմ Ալիոսի հետ մոտալուտ պատերազմի վերսկսման առնչությամբ:
    Դրսից լսվեց հանդիսատեսի բուռն ծափահարությունները և աղաղակը:
    Նրանք պահանջում էին անհապաղ սկսե՛լ ներկայացումը:
    Քոչիոսը և Սարգիսոսը գրավեցին իրենց տեղը կառավարական օթյակում և ներկայացումը սկսելու հրաման արձակեցին:

    Առաջին տեսարանը ներկայացնում էր սենատի դահլիճը, որտեղ ժողովրդի ներկայացուցիչներին մարմնավորող դերասանները ներկայացնում էին պետական հարցերի քննարկման ընթացք: Հերթականությամբ իրենց խոսքն էին ասում սենատի անդամները: Իր ծանրակշիռ խոսքն ասաց նաև կայսերը թշնամաբար տրամադրված սպարապետ Վուզգիոս Սարկոսը:

    Ներկայացման ընդհանուր տրամադրությունը վատ և սարսափելի տեսարանների էր նախապատրաստում:
    Սատուրնը գտնվելով Անդրոմեդայի միգամածության գերագույն աստղ Նիբերիոսի ազդեցության տակ, արագընթաց պտույտներով մոտենում էր Յուպիտերին:
    Էրինները կանխագուշակում էին արյունալի իրադարձություններ կայսրությունում և նրա սահմաններից դուրս:
    Ներկայացման սյուժեն հետաքրքրություն առաջացնելով Քոչիոսի և Սարգիսոսի մոտ` նրանց ուշադրությունը ավելի' սևեռեց դեպի բեմը:
    Հանկարծ բացելով ետնամասի դուռը և լրաբեր բանբերների դիմակները հանելով, սրերով և նիզակներով զինված մի հրոսակախումբ, իրենց առաջնորդ Հունանոսի ղեկավարությամբ, այլանդակ հայհոյանքներով, հարձակվեց սենատի ղեկավարության վրա՝ նիզակահարելով ղեկավարության ութ անդամների: Որոնց թվում էին սենատի նախագահ Կարիուս Դեմոսը և լեգիոնների գերագույն հրամանատար Վուզգիոս Սարկոսը:
    Քոչիոսն ու Սարգիսոսը, թեթևացած շունչ քաշելով, նայեցին միմյանց, ժպտացին թռուցիկ հեգնական ժպիտով և դանդաղ թիկն տվեցին բազմոցին:
    Հեռվից լսվեց խուլ անտառի կույր և խելագար բնակիչ, գիշերային բվեճի ահասարսուռ ծիծաղը, որը, թափահարելով թևերը, կորավ խավարում:
    Հրաչ Քեշիշյանի երազը և ներկայացումը շարունակվում էին:
    Նա տեսավ ինքն իրեն սենատի լրատվության հանձնակատարի տեղակալի դերում և արնահեղության ականատես: Եվ ցանկացավ գոռալ: Սակայն բարբարոս Հունանոսը, նիզակի ծայրով սեղմեց Քեշիշյանի կոկորդը և ստիպեց նրան պառկել գետնին:
    Ներկայացման առաջին տեսարանն ավարտվեց:
    Լուսացավ:
    Հրաչը, հեռացող լուսնի արտացոլանքի ներքո, մոտեցավ հարակից տներից մեկի շքամուտքին:
    Եվ հանկարծ լսելով ոտնաձայններ` արագ ետ քաշվեց և թաքնվեց երկու շենքերը իրար հարող նրբանցքում: Այդ ժամանակ շքամուտքից դուրս եկավ կայսր Քոչիոսի լրատվության գլխավոր հանձնակատար, ավազակապետ Հունանոսի ընկեր, արվամոլ Տիկուս Նաղդիուսը:
    Եվ մոտեցավ լծված կառքին: Հենց այդ ժամանակ, կառքի ետնամասում թաքնված անհայտ մի ավազակ, դանակը ձեռքին, հարձակվեց Տիկուսի վրա և դանակը խրելով նրա սիրտը` արագ հեռացավ:
    Հրաչը, դողացող ոտքերով, մոտեցավ Տիկուսին, բարձրացրեց նրա գլուխը և լսեց հոգևարքի մեջ գտնվող Տիկուսի վերջին բառերը.
    - Հրաչ?...
    Հրաչը, նայելով նրա աչքերին, լացակումաց և վախեցած շշնջաց.
    - Ախր ես... նրանց եմ ընտրել, նրա'նց:
    Սևաթուխ ամպերը ետ քաշվեցին:
    Ներկայացումը շարունակվում էր:
    Երկրորդ տեսարանը ներկայացնում էր դատարանի դահլիճ, որտեղ թագավորական գերագույն դատարանի գլխավոր հանձնակատար, գոմեշի մռութով և կովի աչքերով Ջհանգիրիուս Գուգուսը, բացելով հերթական դատական նիստը, ատամների արանքից նետեց.
    - Տվյալ դատավարության փորձաքննական հանձնաժողովը եկավ այն եզրակացության, որ մարդասպանները գործել են ինքնուրույն և ոչ մի քաղաքական պատվեր չի եղել:
    Եվ գոհ իր արտասանած դատավճռից` նա հայացքը ուղղեց դեպի կառավարական օթյակ, որտեղից գլխի դրական շարժումով և նուրբ ժպիտով նրան հավանություն տվեցին կայսրն ու անվտանգության հանձնակատարը:

  2. Գրառմանը 1 հոգի շնորհակալություն է հայտնել.

    Varzor (10.10.2012)

  3. #2
    Անդամության թեկնածու
    Գրանցման ամսաթիվ
    05.10.2012
    Գրառումներ
    3
    Mentioned
    0 Post(s)
    Tagged
    0 Thread(s)
    Հրաչ Քեշիշյանը բարձրացրեց գլուխը և հայտնաբերեց ինքն իրեն դատարանի դահլիճում՝ ճաղերի ետևում` ավազակապետ Հունանոսի կողքին նստած:
    Եվ Ջհանգիրիուսի վերջին բառերից հետո, որոնք դատապարտում էին պրոդյուսերին մահապատժի, Հրաչ Քեշիշյանը հոգևարքի մեջ աղաղակեց.
    Ախր ես նրանց եմ ընտրել....նրա'նց:
    Իսկ ավազակապետ Հունանոսը, խորամանկ հայացքով նայելով օթյակ` ժպտաց այնպիսի մի դիվային ժպիտով, որի մեջ Հրաչ Քեշիշյանը կարդաց Հունանոսի մոտալուտ ազատագրման և ոսկով երկու միլիոն գումար կայսրությունից ստանալու մոտալուտ ակնկալիքը` կասկած անգամ չունենալով, որ արդեն իսկ խաբված է:
    Միջանցիկ քամին ուժգնությամբ փակեց ննջարանի դուռը՝ գետնին տապալելով տնային բարի վրա դրված շոտլանդական վիսկիի շիշը:
    Հրաչ Քեշիշյանը բացեց աչքերը և հայտնաբերեց ինքն իրեն սեղանի տակ, բարի կողքին պառկած: Կիսադատարկ վիսկիի բաժակը կողքին:
    Մի կերպ քարշ տալով մարմինը լոգարան, Հրաչը, փսխեց լվացարանում, որից հետո լվացվեց սառը ջրով, բարձրացրեց գլուխը, նայեց հայելուն և սարսափահար ետ քաշվեց.
    Հայելուց նախատինքով նրան էր նայում երկրի առաջին կայսր Լևուս Պետրիուսը:
    Հրաչը կարկամեց;
    Բացեց բերանը, ուզենալով արտաբերել. - Ես Քոչ... , սակայն չհասցրեց ավարտել նախադասությունը, որովհետև Պետրիուսը ընդհատեց նրան իր բարձրագոչ հայտարարությամբ.
    - Լեգիոններ, կագորտաներ մինչև վերջ: Լեգիոններ, կագորտաներ մինչև վերջ:
    Հրաչը ուշագնաց եղավ:

    Ցմփոր և այլանդակ դեմքերով ոստիկանները, կովի բառաչյունով կանգնեցնում էին ողջ տրանսպորտը և ստիպում մարդկանց հեռանալ գլխավոր պողոտայի վերին ծայրամասից, քանի որ երկրի թանկարժեք և հին ձեռագրերի հիմնական շտեմարանի դիմաց հավաքվել էին գործող կայսերը թշնամաբար տրամադրված առաջին կայսր Լևուս Պետրիուսը, և հռետորական ակտիվիստ, երիտասարդ Նիկոլաս Փաշոսը:
    Ինչպես նաև առաջատար խմբավորումների ղեկավարներ Ստեփիուս Դեմոսը և Արիոս Սարկոսը: Իրենց հավատարիմ բարեկամ, նախկին սենատի առևտրի գործերի հանձնակատար Գուռզիոսի հետ միասին:
    Ժողովուրդը աղաղակում էր՝ ողջունելով նրանց մուտքը ամբիոն:
    Առաջին կայսր Պետրիուսը, մոտենալով խոսափողին, ժողովրդին ներկայացրեց իրենց խմբի նոր անդամ, Հանրային լրատվության գլխավոր պրոդյուսեր և ակտիվիստ Հրաչ Քեշիշյանին:
    Հրաչը կանգնեց ամբիոնի դիմաց, բարձրացրեց գլուխը, նայեց ժողովրդին, զարմացած նայեց Լևուս Պետրիուսին, հետո մնացած բոլորին: Եվ շրջելով գլուխը դեպի ձախ՝ սարսափից քարացավ:
    Որովհետև այնտեղ էր նաև ավազակապետ Հունանոսի դատավարության գլխավոր դատավոր և կայսր Քոչիոսի աջ ձեռք՝ Ջհանգիրիուս Գագուսը: Ով վախենալով կայսր Քոչիոսի կողմից սպասվող դավադիր սպանությունից` անցել էև Լևուս Պետրիուսի թիմակիցների կողմը:
    Հրաչ Քեշիշյանը, այլայլված դեմքը ուղղեց դեպի ժողովուրդը, և նորածին դինոզավրի կռնչյունով աղաղակեց.

    - Ես Քոչ...
    Մեկ վայրկյան դադար տվեց: Գլուխը շրջեց դեպի Լևուս Պետրիուսը և կարկամելով արտաբերեց.
    Ես Լևուս...
    Անվստահորեն գլուխը շրջեց դեպի Գագուսը, հետո գլուխը իջեցրեց ցած և մրմնջաց.
    Ես Քոչիուս...Պետրիուսին եմ ընտրել, Քոչիուս... Պետրիուսին...
    Եվ գիտակցելով, որ ամեն ինչ խառնեց իրար` վախից միզելով անդրավարտիքում` ուշագնաց եղավ:
    Նրան ձեռքերի վրա ամբիոնից ցած իջեցրեց կայսր Պետրիուսի թիմակից, տիկնիկների արքա, ծերունի Մանարիուսը:
    Որը Հրաչին նստեցրեց այգու արևվկող նստարանին, սառը թրջոցով շփեց ճակատը, անկենդան ժպտաց և բեղերի արանքից նետեց.
    - Մարդ չի մնացել: Բոլորս ենք տիկնիկ, բոլորս:


    Հարսանեկան թափորի կառքերի ղողանջը տարածվեց ողջ քաղաքով:
    Ոսկեզօծ կառքերը, լծված արաբական գեղեցկագույն նժույգներով և պատված Գալլերի երկրից բերված միլիոնավոր կարմիր կակաչներով, որի համար կայրս Քոչիոսի աջ ձեռք Դոդիուս Գագուսը վճարել էր միլիոն դրախմա ոսկով, սլանում էր դեպի կենտրոնական հրապարակ:
    Առաջին կառքում նստած էր Քոչիոսը, տիկնոջ՝ Բելիոսի հետ, անվտանգության նախարար Սարգիսոսը՝ իր տիկնոջ Ռիտոսի հետ, ետնամասում նստած էր թագավորական թատրոնի անշուք դերասան Հրաչոսը իր տիկնոջ՝ երգչուհի Սյուզիոսի հետ միասին:
    Վերջիններս իրենց դստերը կնության էին տալիս Քոչիոսի կրտսեր որդուն:

    Երկրորդ կառքում նստած էին լրատվության գլխավոր հանձնակատար Ալեքսիուսը, և նրա աջ ձեռք՝ Ամիրիանոսը:
    Նրանց մեջտեղում, կիսամերկ և քնարը ձեռքին, նստած էր կայսրության գլխավոր հետերա Նազիուս Հովիուսը:

    Հրաչ Քեշիշյանը և ծերունի Մանարիուսը հայացքները ուղղեցին դեպի հարսանեկան թափորը և լսելով Ուրիշոյի հոմերական ծիծաղը և դեպի իրենց նետված`
    "Քելե՛, քելե՛" արտահայտությունը՝ սառույցի պես հալվեցին և հոսեցին մոտակա մայթի կողքին դրված կոյուղու ջրափոսը:
    Երգիչները, դիրիժորները, դասական և էստրադային խմբերը, երգ ու պարով, աղմուկ աղաղակով, կազմած մի մեծ երաժշտախումբ, ժողովրդի ուղեկցությամբ, փողոցով իջնում էին դեպի կենտրոնական հրապարակ:

    Թափորը առաջնորդում էր առևտրի գլխավոր հանձնակատար Դոդիուս Գագուսը` իր ընկերner Լիֆուս Սամուսի և Ռուբուս Գեռմանիկուսի հետ: Նրանց ուղեկցում էին թագավորական գլխավոր խեղկատակ Հրատոս Թոխոսը, դերասան Խորուս Լևյուսը, քնարական երգի թագավորական մենակատար Նունիոս Եսոսը, կայսեր սիրեցյալ և կայսրուհու ֆավորիտ Շուշոս Պետրիոսը:

    Գլխավոր հետերա, դերասանուհի Նազիուսը, և երկաթե դեմքով դերասան Խորուս Լևյուսը, ձեռքներին բռնած ծաղրական դիմակները հերթով փոփոխելով, ներկայացնում էին թագավորական պալատի բոլոր կին և տղամարդ ներկայացուցիչներին:

    Իսկ Նունոս Եսոսը և Շուշոս Պետրիոսը, միմյանց ձեռք բռնած, վեհափառ հայացքով նայում էին դեպի ապագան և նրանց շուրթերից ծորում էր հանրահայտ երգի մոտիվը.
    Երազ իմ երկիր, հայրենի..
    Իսկ այդ ժամանակ, քաղաքի արևելյան և արևմտյան մասերից, լայնարձակ փողոցներով երկրից դեպի արտագաղթի ճանապարհն էին բռնել չքավորության եզրին հասած ժողովրդական մասսաները:
    Նրանց իրենց հայացքով ուղեկցում էին փողոցի չորս կողմում կանգնած գազանաբարո ոստիկանները, կաշառակեր այլազգի հյուպատոսները, արհամարհական հայացքով նրանց նայող լկտի չինովնիկները, և նրանց վրա հաչող շղթայակապ, կատաղած շները:
    Իսկ երգը շարունակվում էր. Երազ իմ երկիր, հայրենի...
    Փողոցի և հրապարակի գլխավոր շենքերի տանիքներին տեղադրված նկարահանման սարքերը գրանցում էին ամեն մի շարժում: Իսկ պրոդյուսեր Հրաչ Քեշիշյանը հրամաններ էր արձակում նկարահանող խմբին` գլխավոր աշտարակի դիմացի ծառուղուց:

    - Նկարահանումը սկսվում է: Բոլորն իրենց տեղերում:

    Մատո՛ռ...
    Օդում արձագանքեց հրացանի կրակոցը, որի արձագանքը տարածվեց քաղաքով մեկ: Իսկ երկնքից ուղիղ Հրաչ Քեշիշյանի առջև ընկավ բարության, ազնվության, եղբայրության և խաղաղության համամարդկային խորհրդանիշ հանդիսացող արյունլվա, սպիտակ աղավնին:
    Ընկավ գետնին, վերջին ճիգերով թափահարեց թևերը և հոգևարքի մեջ ասաց.

    - Դու վերջապես ու՞մ ես ընտրել, Հրաչ:

  4. Գրառմանը 1 հոգի շնորհակալություն է հայտնել.

    Varzor (10.10.2012)

  5. #3
    Անդամության թեկնածու
    Գրանցման ամսաթիվ
    05.10.2012
    Գրառումներ
    3
    Mentioned
    0 Post(s)
    Tagged
    0 Thread(s)
    Հրաչը, մի որոշ ժամանակ սառած աչքերով նայելով աղավնուն, բարձրացրեց գլուխը և հայայցքը ուղղեց կառավարական օթյակ. Որտեղ կանգնած կայսր Քոչիոսը իր տիկին Բելիոսի հետ, և անվտանգության նախարար Սարգիսոսը իր տիկին Ռիտոսի հետ, արհամարհական ծիծաղով ներքև էին շաղ տալիս կանաչագույն դրամական արժույթի կտրոնների հսկայածավալ մի քանակություն:
    Թիթեռի պես թռչելով և օդում պարելով` թղթադրամները ողողեցին ողջ նկարահանման հրապարակը:
    Դերասանները, տեխնիկական կազմը, բանվորները և ողջ նկարահանման խումբը, ժողովրդի և ոստիկանների հետ միասին նետվեցին հավաքելու թղթադրամները: Որոնցից մեկը, պտույտ գործելով օդում, եկավ և դանդաղորեն սահելով փարվեց Հրաչ Քեշիշյանի ճակատին` ծածկելով աչքերը:
    Եվ Հրաչի ''Ես ընտրել եմ... ընտրե~լ եմ..."
    աղաղակից հետո ևս մեկ թղթադրամ փակեց նրա բերանը:
    Հրաչին թվաց, թե էլ երբեք հնարավոր չի լինի արթնանալ մութ և դաժան խաբեության քաղցր քնից: Որովհետև երազը շարունակվում էր:

    Անսպասելի կերպով Հրաչն իրեն հայտնաբերեց քաղաքի ծայրամասերից մեկում:
    Կապտավուն օդը հեղձուկ էր առաջացրել: Հրաչը ուշադրությունը սևեռեց փողոցի անկյուններից մեկի վրա:
    Ասես հրաշքով, ոչնչից մարմնավորում ստացած զինվորը հայտնվեց քաղաքի նրբանցքներից մեկում:
    Ոտքից մինչև գլուխ ժամանակակից զենքերով զինված, արնակալած աչքերով, սառը սրտով և վրիժառության զգացումով համակված զինվորը, պտտվելով իր առանցքի շուրջ, հեքիաթների կախարդների նման վերափոխվեց 100 իսկ հետ 1000 զինվորի:
    Անդրոմեդայի միգամածության հրեշավոր աստղը սուրաց դեպի Կասիոպեյա` հաստատելով զարհուրելի իրադարձության իրականությունը:
    Կարծես երկնքից եկող մի ձայն 1000 զինվորին հրաման արձակեց:
    - Ուշադիր լսեք.
    Արյան և տառապանքի գնով քարից հաց քամող խեղճ և սոված ազգը թունավորված է սարսափելի և մահաբեր թույնով, որի անունն է գողություն:
    Գողության, թալանի, կաշառակերության և խաբեության թույնով են վարակված թե' իշխանությունները, թե' քաղաքական ընդդիմությունը, թե' գործադիր մարմինները, թե' ժողովուրդը:
    Եվ այս ժանտախտը քանի գնում խորանում և թույնով է համակում նաև աճող սերնդին:
    Դրան նպաստում են ծնողների վարքը, շրջապատը, լրատվության միջոցները և այլն:
    Եվ այս վարակի դեմն առնել հնարավոր չէ քաղաքակիրթ ձևերով, որովհետև վարակված են բացարձակապես բոլորը:
    Այնպես որ ես` խղճի և արդարության տիրակալս, հրամայում եմ.
    Հանուն ազգի փրկության սուրբ և արդար գործի կտրե'լ ժանտախտի գլուխը` ոչնչացնելով ամենաթունավորվածներին, որը կկազմի մոտ 300.000 մարդ: Եվ դրանից հետո ողջ մնացացներին համակած սարսափի զգացողությունը կկանգնեցնի թույնի առաջխաղացումը: Սա' է միակ ճանապարհը:
    - Առա~ջ, Հայրենիքի զինվորներ:

    Մահաբեր ամպերը կարծես ճանապարհ էին ցույց տալիս ուրվական զինվորներին, որոնք բաժանվելով մանր խմբերի, հարձակվեցին քնած քաղաքի վրա:
    Նպատակներից գերագույնը իշխանական համակարգը ոչնչացնելն էր: Որից հետո հերթը մնացած վարակվածներինն էր:
    Երկնակամարը ներկվեց արշալույսի արյամբ:
    Սկսվեց համազգային կոտորած: Մեկ ժամվա ընթացքում ոչնչացնելով մոտ 250.000 մարդ և մնացած 50.000 -ին հավաքելով կենտրոնական հրապարակում, զինվորները անցան հաջորդ քայլին:
    Հրապարակում տեղադրված 200 գելիոտինի փայլուն և սրածայր շեղբերը սպասում էին իրենց զոհերին:
    Ողջ մնացած ամբոխը, սարսափի զգացումով համակված, սպասում էր արնալի իրադարձության շարունակությանը:
    Մեկը մյուսի ետևից փայլատակում էին գելիոտինի շեղբերը և դեռ ողջ մնացած իշխանավորների, հոգևորականների և այլոց կտրված գլուխները, մահասարսուռ և սառած աչքերով, գլորվում էին դեպի դժոխային անեություն:
    Հրաչ Քեշիշյանը սարսափահար ջղաձգվեց, շնչակտուր հազաց, կախկանձեց և... արթնացավ:
    Ժամը 13.00-ն էր: Խոհանոցից լսվում էր բաց ծորակի խշշոցը: Հրաչը մոտեցավ սառնարանին: Երեկվա գինարբուքից մնացած 100 գրամ օղին և գարեջրի մնացորդը խառնելով իրար` մի կում արեց և մոտեցավ պատուհանին:
    Իսկ պատուհանից այն կողմ քաղաքն էր: Իր եռուզեռով, մարդկանց անցուդարձով և երթուղայինների տձև բազմությամբ:
    Հրաչը կախվեց բազրիքից, ուզեց խորը շունչ քաշել, և սարսափահար ետ քաշվեց:
    Երազը շարունակվում էր...

  6. Գրառմանը 2 հոգի շնորհակալություն են հայտնել.

    Freeman (07.10.2012), Varzor (10.10.2012)

  7. #4
    Պատվավոր անդամ Adam-ի ավատար
    Գրանցման ամսաթիվ
    27.01.2007
    Տարիք
    33
    Գրառումներ
    2,034
    Mentioned
    14 Post(s)
    Tagged
    0 Thread(s)
    աաաա Էս ես եմ գրել ... լրիվ մոռացել էի … նոր թեմաներն էի թերթում մեկ էլ ընկա վրեն ... ֆեյքով գրանցվել էի որ պոստ անեմ.. չէի ուզում իմ անունից դնեի, որ անկեղծ կարծիքներ լսեի ))))) էխ նոստալգա … 12 թիվ լօլ

  8. #5
    Պատվավոր անդամ Adam-ի ավատար
    Գրանցման ամսաթիվ
    27.01.2007
    Տարիք
    33
    Գրառումներ
    2,034
    Mentioned
    14 Post(s)
    Tagged
    0 Thread(s)
    ինքս իմ գրած տափակության վրա մեռել եմ խնդալուց

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Մարզերի ծննդատներն ու նախարարի նոր երազը
    Հեղինակ՝ keyboard, բաժին` Մարդ և շրջակա միջավայր
    Գրառումներ: 42
    Վերջինը: 07.05.2014, 18:03
  2. Արձակ. Տարօրինակ երազը
    Հեղինակ՝ tvsevak, բաժին` Ստեղծագործողի անկյուն
    Գրառումներ: 2
    Վերջինը: 10.02.2014, 02:41
  3. Հրաչ Քեշիշյան
    Հեղինակ՝ Ռուֆուս, բաժին` Կինո
    Գրառումներ: 89
    Վերջինը: 02.02.2014, 11:37
  4. Հրաչ ջան, ծնունդդ շնորհավոր
    Հեղինակ՝ Շինարար, բաժին` Շնորհավորանքներ
    Գրառումներ: 37
    Վերջինը: 23.08.2011, 15:54
  5. Հրաչ ջան, ծնունդդ շնորհավոր
    Հեղինակ՝ Շինարար, բաժին` Շնորհավորանքներ
    Գրառումներ: 39
    Վերջինը: 20.08.2010, 09:51

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •