Այս թեմայի նպատակն է ծանոթացնել ֆորումցիներին http://hy-it.org կայքի հետ, ինչպես նաև հավաքել կարծիքներ և այլ մտքեր, որոնք կարող են օգտակար լինել կայքի հետագա զարգացման և առաջխաղացման համար:
Ահա կայքի նպատակը, ինչպես այն գրված է «Կայքի մասին» էջում
Կայքում և հավաքվում են հայկական ցանցում գոյություն ունեցող համակարգչային նյութերը և գրվում են էքսկլյուզիվ նյութեր: Կայքը բազմահեղինակ է, այսինքն ամեն հեղինակ ունի իր պրոֆիլը, որտեղ ցուցադրվում են նրա կողմից գրված նյութերը և այլ տեղեկություններ հեղինակի մասին:Հայալեզու բլոգերում և այլ կայքերում բազմաթիվ այլազան նյութերի կողքին հաճախակի հանդիպում են տեղեկատվական տեխնոլոգիաներին նվիրված ուսումնական նյութեր, ուղեցույցներ, ձեռնարկներ, ինչպեսներ և ակնարկներ: Այս ամենը ունի հավաքագրման և դասակարգման անհրաժեշտություն: Եվ անհրաժեշտ է մի վայր, որտեղ հավաքված ու դասակարգված կլինեն տեղեկատվական տեխնոլոգիաներին նվիրված բոլոր հայալեզու նյութերը:
Նաև կայքը բաց է գրանցման համար, այսինքն ցանկացած ԱյԹի մասնագետ կարող է դառնալ հեղինակ և ավելացնել նյութեր:
Հարգելի ֆորումցիներ, խնդրում եմ ուսումնասիրեք կայքը , ասեք ձեր կարծիքը: Ի՞նչը արժե փոխել, ի՞նչ ավելացնել և այլն, նախապես շնորհակալ եմ:
Ահա ևս մի անգամ դնում եմ հղումը
http://hy-it.org
Պատրաստ եմ նաև պատասխանել առաջացող հարցերին:
Էջանիշներ