Սիրելի՛ ակումբցիներ,
նախ ուզում եմ բոլորիդ շնորհավորել Հայաստանի Հանրապետության անկախության 21 ամյակի առթիվ: Ես կարծում եմ, որ ակումբում դժվար թե լինի մարդ, ում համար անկախությունը շատ մեծ խորհուրդ չլինի: Ակումբում կան տարբեր տարիքի մարդիկ, մանուկից մինչև տարեց, բայց հիմնականում այստեղ հավաքված են մարդիկ, ովքեր իրենց գիտակից կյանքն ապրել են, հասունացել են արդեն անկախ Հայաստանում: Այն Հայաստանում, որը մեզ համար նվաճեցին մեր ավագ սերունդը: Ավելին, այստեղ շատ են նաև մարդիկ, ովքեր ծնվել են արդեն անկախ Հայաստանում: Պետություն, անկախություն ունենալը մեծագույն արժեք է, որը մենք պետք է պահպանենք, փայփայենք:
Մինչ այժմ եղած բոլոր տուգանայինները վերացնելը, ջնջելը, համաներում անելը վաղուց էի որոշել: Բայց իհարկե չէի կարող դիմանալ գայթակղությանն ու դա չանել հենց այսօր, դրան ավելի կարևոր խորհուրդ տալով:
Ամեն ինչ սկսենք նոր էջից: Սկսենք, մոռանալով անցյալը, եղածը: Այս պահին ակումբում չկա որևէ մեկը, որն ունենա տուգանային միավոր: Չկա որևէ մեկը, ով մտնելով իր անձնագիրը տեսնելու է կարմիր տառերով գրված տհաճ նախադասությունը: Այսօր մենք բոլորս այստեղ հավասար ենք, հավասար իրավունքներով: Էլ հետ չենք նայելու, սկսելու ենք հաշվարկի նոր մեկնակետով:
Ավելին, շուտով հավանաբար փոփոխության կկատարենք նաև խախտումները նշելու ձևի մեջ, դրան հաջորդող քայլերի ծրագրման ու կատարման մեջ:
Սիրելի՛ ակումբցիներ,
նորից շնորհավորում եմ բոլորիդ, հուսով, որ այսուհետ կարող ենք ավելի հաշտ ու համերաշխ ապրել, հուսով, որ հետագայում խախտումներն ավելի ու ավելի քիչ կլինեն, որ մենք կարիք չենք ունենա դրանք պատժելու մասին մտածել:
Շնորհավո՛ր մեր տոնը
Մեջբերել
Rhayader-ի խոսքերից
Ես, անձամբ, շատ ոգևորվել էի, որ առաջին անգամ տուգանային էի ստացել:
Փաստորեն էս էլ ա ակումբի ղեկավարության կողմից մտածված խորամանկ քայլ 
Էջանիշներ