User Tag List

Էջ 1 4-ից 1234 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 60 հատից

Թեմա: «Մուսուլմանների անմեղությունը». սրբապղծությո՞ւն, թե՞ խոսքի ազատություն

  1. #1
    Պատվավոր անդամ
    Շինարար-ի ավատար
    Գրանցման ամսաթիվ
    05.09.2009
    Հասցե
    Ժամի թաղ
    Գրառումներ
    7,704
    Mentioned
    9 Post(s)
    Tagged
    0 Thread(s)

    «Մուսուլմանների անմեղությունը». սրբապղծությո՞ւն, թե՞ խոսքի ազատություն

    Ֆիլմը Youtube-ում հասանելի է: Ինքս զզվանքով եմ նայել, չուզեցա ևս մեկ տարածող դառնալ, երեկվանից մտածում էի՝ բացե՞մ թեման, թե՞ չէ:Բոլոր հոդվածները tert.am-ից են, չուզեցա հոդվածակապ անել, սա ուղղակի նրանց համար, ովքեր թեմային ընդհանրապես ծանոթ չեն: Եթե հետաքրքիր է, քննարկենք թեմայի վերնագրում եղած հարցադրումը, փորձենք պատասխանել, ինքս միանշանակ պատասխան չունեմ: Սա էն թեման ա, ինչը կրոն բաժնում մշտապես փոխադարձ անհանդուրժողականության իրավիճակի է հասցնում, ուղղակի սովորաբար դա մեզ մոտ տեղի ա ունենում քրիստոնեության մասին խոսելիս, քրիստոնյա հավատացյալներին խնդրում եմ քննարկման ժամանակ չստիպել իրենց հիշեցնել, թե քրիստոնեության մասին խոսելիս որքան սրտամոտ են իրենք ընդունում նման մոտեցումները. մինչև ո՞ւր է հասնում իմ խոսքի ազատության, արտահայտվելու ազատության սահմանները: Արվեստը սահմաններ ունի՞, թե՞ ոչ: Իհարկե, այս անճաշակությունը արվեստ կոչվել չի կարող, բայց ենթադրենք՝ իրոք այս բանալով լուրջ արվեստի գործ էր ստեղծվել, չէ՞ որ նույն արձագանքին էր արժանանալու մուսուլմանական աշխարհում: Թե՞ անհնար էր այս բանալով արվեստի գործ ստեղծելը, և գուցե եթե իրոք արվեստի գործ լիներ, այդքան տհաճ չլիներ, այդքան սադրիչ չլիներ: Մուհամմադ մարգաերի կերպարը ինձ համար շատ հետաքրքիր կերպար է, ես համակրանքով եմ վերաբերում իրեն: Անչափահասի հետ ամուսնություն և չգիտեմ ինչ այլ հեքիաթներից խոսելուց առաջ պետք ա հիշել դարաշրջանը, այն ժամանակվա բարքերը հասկանալ ու այն ժամանակվա կտրվածքով դատապարտել կամ ոչ, անձամբ իմ կարծիքով: Էս վերջերս մի նկար էր ֆեյսբուքում տարածված էդ թեմայով, որ ուղղակի ծիծաղելի ա իմ կարծիքով: Նույնն ա, որ հիմա մերժենք անտիկ մշակույթը, ինչ է թե այդ մշակույթը ստեղծողներից շատերը ստրուկներին վերաբերում էին որպես անասունների կամ մեծագույն հաճույքով դիտում էին, թե ինչպես են գլադիատորներն իրար հոշոտում: Մի խոսքով, եկեք քննարկենք, բայց փորձենք էդ աստիճան չպրիմիտիվացնել, չնայած դեռ չենք որոշել խոսքի ու արվեստի ազատության սահմանները, էս թեմայում ենք որոշելու Ավելի լավ ա, եկեք ազատ արտահայտվենք:


    «Մուսուլմանների անմեղությունը» չի կարող ամերիկացիների նկատմամբ բռնությունների արդարացում լինել. Օբամա

    Արաբական աշխարհում բողոքի ալիք բարձրացրած Մուհամադ մարգարեի մասին «Մուսուլմանների անմեղությունը» ամերիկյան ֆիլմը չի կարող ԱՄՆ քաղաքացիների նկատմամբ բռնությունների արդարացում լինել: Այս մասին CBS հեռուստաալիքին տված հարցազրույցում ասել է ԱՄՆ նախագահ Բարաք Օբաման:

    «Անշուշտ, մենք դատապարտում ենք այս վիրավորական տեսագրությունը, որին ԱՄՆ կառավարությունը բացարձակապես ոչ մի առնչություն չունի»,- ասել է Սպիտակ տան ղեկավարը: Օբաման ընդգծել է, որ բարեփոխումների ուղին բռնած Մերձավոր Արևելքի երկրներին անհրաժեշտ է գիտակցել, որ ժողովրդավարությունը միայն ընտրությունների ժամանակ քվեարկելը չէ:

    «Ժողովրդավարությունը նաև խոսքի ազատության հարգումն է ու հանդուրժողականությունն այլակարծիք մարդկանց հանդեպ: Ես դա հստակ հասկացնել եմ տվել մի շարք երկրների առաջնորդների»,- ասել է նախագահը:

    Նրա խոսքով՝ առաջնահերթությունների թվում այժմ Լիբիայում ողբերգական դեպքերի հետաքննությունն է և մեղավորներին դատարանի առաջ կանգնեցնելը: Հիշեցնենք, որ սեպտեմբերի 11-ին Բենգազի քաղաքում ԱՄՆ հյուպատոսության վրա հարձակման հետևանքով զոհվել էր ԱՄՆ դեսպանն ու ևս 3 աշխատակից:
    «Մուսուլմանների անմեղությունը» ֆիլմի նպատակը լարվածություն ստեղծելն էր. արաբագետ

    «Մուսուլմանների անմեղությունը» ֆիլմը սադրանք էր՝ ուղղված մուսուլմանական աշխարհի դեմ, տարածաշրջանում լարված իրավիճակ ստեղծելու համար. այս մասին այսօր լրագրողների հետ հանդիպման ժամանակ ասաց արաբագետ Սարգիս Գրիգորյանը:


    «Իսկ ինչո՞ւ էր սադրանք, որովհետև ուներ արաբերեն թարգմանություն, ինչը նշանակում է, որ ուղղված էր արաբներին: Ֆիլմը ստոր ձևով ներկայացնում է Մուհամեդ մարգարեին»,- ասաց նա:


    Արաբագետի խոսքով, հատկանշական է նաև այն, որ ֆիլմի արաբերեն թարգմանությունն ի հայտ եկավ հենց սեպտեմբերի 11-ին, և դա այն դեպքում, երբ այդ օրը համարվում է ահաբեկչության դեմ պայքարի ոգեկոչման օր:


    Արաբագետը տեղեկացրեց, որ այժմ էլ ֆրանսիական ամսագրում են հրապարակվել մարգարեի ծաղրանկարները։


    «Արևմուտքը պետք է գիտակցի, որ այս տարածաշրջանն այն չէ, ինչպիսին էր մինչև արաբական գարունը: Այսօր մուսուլմանական լայն զանգվածները հասկանում են, որ կարող են ներազդել իրադարձությունների վրա»,- ասաց նա:
    Սարգիս Գրիգորյանի խոսքով, մինչ այս էլ նման ֆիլմեր կային, սակայն մահմեդականների կողմից նման արձագանքի պատճառը հ՛ենց այդ գիտակցության փոփոխությունն է։


    «Հիմա տարածաշրջանային ձևափոխումից հետո արդեն ավելի ադեկվատ են արձագանքում, ուստի այն շահագրգիռ ուժերը, որոնք հեղինակն էին այս գործողությունների, պետք է հասկանան, որ սրանք այլևս այն հասարակությունը չեն, որը ճնշված է ավտորիտար իշխանության տակ»,– ընդգծեց նա:


    Ասուլիսին ներկա արաբագետ Արմեն Պետրոսյանը, նույնպես խոսելով ֆիլմի հետևանքների մասին, նշեց, որ ըստ էության, ԱՄՆ նախագահ Բարակ Օբաման այն խելացի ձևով օգտագործեց։


    «ԱՄՆ-ում ֆիլմի ստեղծումից և այն իսլամական հասարակությանը մատուցելուց հետո ականատես եղանք մի շարք պետություններում դեսպանատների վրա հարձակումների, որը շատ խելացի կերպով օգտագործվեց Բարաք Օբամայի վարչակարգի կողմից, ում մեղադրում էին փափուկ քաղաքականության մեջ»,– բացատրեց նա:


    «Իսկ այս դեպքում դիվանագիտական կառույցների դեմ հարձակումները և կտրուկ արձագանքը կարող է ծառայեցվել Բարակ Օբամայի վարկանիշի բարձրացմանը»,- մեկնաբանեց արաբագետն ու ավելացրեց, որ դրանով ցույց տրվեց, թե ԱՄՆ-ը, այնուամենայնիվ, պատրաստ է դիմակայելու ցանկացած գործողության:
    Մայր Աթոռը դատապարտում է «Մուսուլմանների անմեղությունը» ֆիլմը

    Մայր Աթոռ Ս. Էջմիածնում այսօր տեղի է ունեցել Մայր Աթոռի Միջեկեղեցական-աստվածաբանական խորհրդի նիստ, որի ընթացքում ընդունվել է «Մուսուլմանների անմեղությունը» ֆիլմի ստեղծումն ու տարածումը դատապարտող հայտարարություն։

    Ըստ Մայր Աթոռ Սուրբ Էջմիածնի տեղեկատվական համակարգի տարածած հաղորդագրության՝ հայտարարությունում ասվում է հետևյալը.

    «Հայաստանյայց Առաքելական Ս. Եկեղեցին խստորեն դատապարտում է «Մահմեդականների անմեղությունը» ֆիլմի ստեղծումն ու տարածումը, որն առիթ տվեց մի շարք երկրներում կրոնական անհանդուրժողականության ցավալի դրսևորումների ու բռնարարքների, որոնց հետևանքով եղան մարդկային զոհեր:

    Դատապարտելի են կրոնական հողի վրա նման սադրիչ երևույթները, որոնք չեն նպաստում ժողովուրդների կյանքում միջկրոնական հանդուրժողականության և խաղաղ ու համերաշխ համակեցության մթնոլորտի ձևավորմանը: Կրոնն ու հավատը երբեք չպետք է դարձվեն բռնության գործիք, «որովհետև Աստուած խռովության Աստվածը չէ, այլ՝ խաղաղության»։
    Ռուսաստանում «Մուսուլմանների անմեղություն» ֆիլմը կարգելափակվի մինչև դատական որոշում կայացվի

    Ռուսական «Ռոսկոմնադզոր»-ը (կապի ոլորտում վերահսկողություն իրականացնող մարմին) կապի օպերատորներին նախազգուշացնում է պատասխանատվության մասին՝ «Մուսուլմանների անմեղություն» ֆիլմի տարածման համար, եթե ֆիլմը ճանաչվի որպես ծայրահեղական նյութ, հաղորդում է «Ինտերֆաքս» գործակալությունը:


    «Ռոսկոմնադզորը հիշեցնում է կապի օպերատորներին և լրագրողներին, որ ՌԴ օրենսդրության համաձայն ծայրահեղական նյութերի տարածումը համարվում է ծայրահեղական գործունեություն, որի համար նախատեսված է պատասխանատվություն», - ասվում է գերատեսչության մամլո հայտարարության մեջ:


    ՌԴ գլխավոր դատախազությունը ստուգում է անցկացրել, որի արդյունքում դատական հայց է նախապատրաստվել հավատացյալների համար վիրավորական «Մուսուլմանների անմեղությունը» ֆիլմը որպես ծայրահեղական ճանաչելու վերաբերյալ:


    Միևնույն ժամանակ «Ռոսկոմնադզոր»-ը խորհուրդ է տալիս կապի օպերատորներին մինչև դատարանի որոշումը արգելափակել օգտատերերի մատչումը տվյալ ֆիլմին:

  2. Գրառմանը 8 հոգի շնորհակալություն են հայտնել.

    einnA (22.09.2012), Moonwalker (20.09.2012), Rhayader (09.10.2012), shatboyov (08.10.2012), Varzor (09.10.2012), Արէա (20.09.2012), Ուլուանա (20.09.2012), Տրիբուն (21.09.2012)

  3. #2
    Պատվավոր անդամ Արէա-ի ավատար
    Գրանցման ամսաթիվ
    06.05.2010
    Տարիք
    35
    Գրառումներ
    2,549
    Բլոգի գրառումներ
    1
    Mentioned
    9 Post(s)
    Tagged
    0 Thread(s)
    Ինձ ինչքան ֆիլմը ստեղծողների դրդապատճառներն են անհասկանալի ու խորթ, նույնքան էլ մուսուլմանների վերաբերմունքը ֆիլմի նկատմամբ: Հա կինո էր նկարեցին անցավ գնաց, ինչ մի հիստերիա են բարձրացրել: Քրիստոսի մասին քի՞չ մանրապատումներ կան, ինչի որևէ քրիստոնյա մուսուլման չի սպանում էդ ծաղրանկարների, ծաղրաֆիլմերի պատճառով:

    Միջնադարին սազող վերաբերմունք են ցուցաբերում:

  4. Գրառմանը 9 հոգի շնորհակալություն են հայտնել.

    Freeman (20.09.2012), Lion (21.09.2012), Malxas (21.09.2012), Mephistopheles (20.09.2012), Sagittarius (21.09.2012), Sambitbaba (22.09.2012), Աթեիստ (20.09.2012), Նետ (20.09.2012), Շինարար (21.09.2012)

  5. #3
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    39
    Գրառումներ
    12,159
    Բլոգի գրառումներ
    21
    Mentioned
    24 Post(s)
    Tagged
    0 Thread(s)
    Մեջբերում Արէա-ի խոսքերից Նայել գրառումը
    Ինձ ինչքան ֆիլմը ստեղծողների դրդապատճառներն են անհասկանալի ու խորթ, նույնքան էլ մուսուլմանների վերաբերմունքը ֆիլմի նկատմամբ: Հա կինո էր նկարեցին անցավ գնաց, ինչ մի հիստերիա են բարձրացրել: Քրիստոսի մասին քի՞չ մանրապատումներ կան, ինչի որևէ քրիստոնյա մուսուլման չի սպանում էդ ծաղրանկարների, ծաղրաֆիլմերի պատճառով:

    Միջնադարին սազող վերաբերմունք են ցուցաբերում:
    Արէա ջան, որքան գիտեմ, ըստ նրանց կրոնի՝ Մուհամեդին ընդհանրապես պատկերել, նրա կերպարը որևէ կերպ վերարտադրել չի կարելի, էլ ուր մնաց՝ նման վարկաբեկող ձևով։ Հիմա ուրիշ հարց է, որ էդ մոտեցումը սխալ է։ Ամեն դեպքում ուրիշի սրբությունը եթե չես էլ ընդունում, ապա կարելի է գոնե չվիրավորել, չէ՞։ Նենց չի, էլի, որ դա անհրաժեշտ բան էր, ու կրոնական բզիկների հետևից ընկնել չարժեր։

  6. Գրառմանը 4 հոգի շնորհակալություն են հայտնել.

    keyboard (20.09.2012), Varzor (09.10.2012), Արէա (20.09.2012), Շինարար (21.09.2012)

  7. #4
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,965
    Mentioned
    6 Post(s)
    Tagged
    0 Thread(s)
    Շատ լավ թեմա ա բացված, բայց էս թեման երևի Կրոնի բաժնում պիտի չլիներ… ինչևէ…

    Կարծում եմ հիմար ֆիլմ է, անորակ ու դիտավորյալ ստեղծված լարվածություն ստեղծելու համար (նկարողը ղպտի ա)… այնուամենայնիվ ես մուսուլմանական աշխարհի ռեակցիան չեմ հասկանում… ամեն դուռակի ասածի կամ յություբի դրած վիդեոյի համար արժե՞ մարդկային կյանքեր խլել… նկարողը հենց դրա վրա էլ խաղացել է…

    ամերիկյան օրենքներով էս մարդը սխալ բան չի արել, եթե իհարկե գտնվի մի հոդված ըստ որի նրան կարելի ա դատել… ԱՄՆ-ում hate group-եր շատ կան ու ամեն տեսակի հիմարություններ ու ռասիստական արտահայտություններ թույլ են տալիս (բացի բռնության կոչերից), բայց նրանց չեն ձերբակալում… մինչդեռ եվրոպայում դա այդպես չէ… կարծում եմ եվրոպական տարբերակն ավելի լավն է չնայած այնտեղ էլ եղան դեպքեր՝ դանիական ծաղրանկարներն ու այս վերջերս ֆրանսիական թերթում տպագրված Մոհամմադի ծաղրանկարների առիթով ֆրանսիական դեսպանատները փակվեցին ուրբաթ օրը…

    իրականում մուսուլմանական աշխարհը մի քիչ համը հանում ա իրա Մուհամմադով… իրանք չեն հասկանում որ արևմտյան երկրներում իշխանությունները իրավունք չունեն որևէ անհատի կամ կազմակերպության արգիլել մի բան որն օրենքով արգիլված չէ… որ էդ մարդկանց կամ կազմակերպության արտահայտած կարծիքը կամ դիրքորոշումը երկրի պաշտոնական դիրքորոշումը չէ… քանի որ իրենց երկրներում մարդն ազատ չի կարողանում արտահայտվել ը բոլոր կարծիքները հաստատվում և թույլատրվում են իշխանությունների կողմից, նրանք ավտոմատիկ կարծում են որ արևմուտքում էլ է այդպես…

  8. Գրառմանը 3 հոգի շնորհակալություն են հայտնել.

    Varzor (09.10.2012), Արէա (20.09.2012), Շինարար (21.09.2012)

  9. #5
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,965
    Mentioned
    6 Post(s)
    Tagged
    0 Thread(s)
    Մեջբերում Արէա-ի խոսքերից Նայել գրառումը
    Ինձ ինչքան ֆիլմը ստեղծողների դրդապատճառներն են անհասկանալի ու խորթ, նույնքան էլ մուսուլմանների վերաբերմունքը ֆիլմի նկատմամբ: Հա կինո էր նկարեցին անցավ գնաց, ինչ մի հիստերիա են բարձրացրել: Քրիստոսի մասին քի՞չ մանրապատումներ կան, ինչի որևէ քրիստոնյա մուսուլման չի սպանում էդ ծաղրանկարների, ծաղրաֆիլմերի պատճառով:

    Միջնադարին սազող վերաբերմունք են ցուցաբերում:
    համաձայն եմ, մի փոքր ուղղումով միայն… հրեաների նկատմամբ ատելությունը հենց Քրիստոսի հողի վրա եղավ ու բարբարոսությունը հրեաների նկատմամաբ դարերով շարունակվում է… անգամ արդեն մոռացել են թե ինչի համար էին ատում…

  10. Գրառմանը 1 հոգի շնորհակալություն է հայտնել.

    Varzor (09.10.2012)

  11. #6
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    42
    Գրառումներ
    8,235
    Mentioned
    32 Post(s)
    Tagged
    1 Thread(s)
    Անահիտ ջան, իրանց արգելվում ա իրանց Մուհամեդին պատկերել, իրանք չեն պատկերում, ինձ չի արգելվում, ես պատկերում եմ։ Մինչև էս դեպքը ես սաղ կրոններին նույն աչքով էի նայում, համարելով, որ սաղ էլ «բարություն են քարոզում»։ Բայց ինչպես արդեն ասեցին, նույն Հիսուսի մասին էնքան խոխմ ու անեկդոտ կա, որ ...
    Բայց երբեք չեմ լսել, որ քրիստոնյաները դրանից հիտերիկանան։
    Արդեն գալիս եմ էն համոզման, որ եթե մնացած կրոնները ժամանակի ընթացքում ինքնիրան կվերանան, ապա իսլամի դեպքում մարդկությունը պետք ա աշխատի էդ ուղղությամբ։
    artak.am De gustibus et coloribus non est disputandum.

  12. Գրառմանը 3 հոգի շնորհակալություն են հայտնել.

    Mephistopheles (20.09.2012), Quyr Qery (23.09.2012), Արէա (20.09.2012)

  13. #7
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,965
    Mentioned
    6 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը
    Արէա ջան, որքան գիտեմ, ըստ նրանց կրոնի՝ Մուհամեդին ընդհանրապես պատկերել, նրա կերպարը որևէ կերպ վերարտադրել չի կարելի, էլ ուր մնաց՝ նման վարկաբեկող ձևով։ Հիմա ուրիշ հարց է, որ էդ մոտեցումը սխալ է։ Ամեն դեպքում ուրիշի սրբությունը եթե չես էլ ընդունում, ապա կարելի է գոնե չվիրավորել, չէ՞։ Նենց չի, էլի, որ դա անհրաժեշտ բան էր, ու կրոնական բզիկների հետևից ընկնել չարժեր։
    Ուլուանա ջան, վիրավորել ա մի հատ դեբիլ մարդ… ի՞նչ կարիք կա դեսպանատներ պայթացնել ու մարդկանց կյանքեր խլել… դա արդարացված չի…

  14. Գրառմանը 1 հոգի շնորհակալություն է հայտնել.

    Արէա (20.09.2012)

  15. #8
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,965
    Mentioned
    6 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    Անահիտ ջան, իրանց արգելվում ա իրանց Մուհամեդին պատկերել, իրանք չեն պատկերում, ինձ չի արգելվում, ես պատկերում եմ։ Մինչև էս դեպքը ես սաղ կրոններին նույն աչքով էի նայում, համարելով, որ սաղ էլ «բարություն են քարոզում»։ Բայց ինչպես արդեն ասեցին, նույն Հիսուսի մասին էնքան խոխմ ու անեկդոտ կա, որ ...
    Բայց երբեք չեմ լսել, որ քրիստոնյաները դրանից հիտերիկանան։
    Արդեն գալիս եմ էն համոզման, որ եթե մնացած կրոնները ժամանակի ընթացքում ինքնիրան կվերանան, ապա իսլամի դեպքում մարդկությունը պետք ա աշխատի էդ ուղղությամբ։
    դրա պատասխանը մեկն ա… կրթություն…

  16. Գրառմանը 2 հոգի շնորհակալություն են հայտնել.

    Quyr Qery (23.09.2012), Աթեիստ (20.09.2012)

  17. #9
    Պատվավոր անդամ
    Գրանցման ամսաթիվ
    25.04.2006
    Գրառումներ
    5,527
    Mentioned
    0 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    Անահիտ ջան, իրանց արգելվում ա իրանց Մուհամեդին պատկերել, իրանք չեն պատկերում, ինձ չի արգելվում, ես պատկերում եմ։ Մինչև էս դեպքը ես սաղ կրոններին նույն աչքով էի նայում, համարելով, որ սաղ էլ «բարություն են քարոզում»։ Բայց ինչպես արդեն ասեցին, նույն Հիսուսի մասին էնքան խոխմ ու անեկդոտ կա, որ ...
    Բայց երբեք չեմ լսել, որ քրիստոնյաները դրանից հիտերիկանան։
    Արդեն գալիս եմ էն համոզման, որ եթե մնացած կրոնները ժամանակի ընթացքում ինքնիրան կվերանան, ապա իսլամի դեպքում մարդկությունը պետք ա աշխատի էդ ուղղությամբ։
    կներես, բայց պատմական հայացքտ բավականին ֆիլտրված ա... էտ արևմտյան քրիստոնյաների արած "խաչակրած" կոտորածները էնքան մարդու գլուխ են կերել
    հարչցը կրոնը չի, ոչ էլ Մուհամեդը կամ Քրիստոսը: հարցը մարդիկանց բարբարոս խառնվածքն ա:

    նույն բարբարոսությունը ամերիկյան հասարակությունը քարոզում ա ամենուր ու ամեն ձևի: Մենակ իրանց հոլիվուդի արած բարբարոսւոթյունը մի քանի սերունդի արդեն լրիվ շարևքից հանել ա: ու դա իրանք անում են մեծ ագրեսիվությամբ:
    Իսկ արաբական աշխարհը, ընդակատակը, հիմնականում պայքարում ա էտ բարբարոսության դեմ: ու իրանք էտ պայքարի առաջին գծում են հիմա: եթե իրանք չլինեին, ապա աշխարհում ինչ կլիներ հիմա մշակույթնաին դաշտում, լրիվ անկանխատեսելի ա իրա կործանարար հետևանքներով:

    իսկ ինչ վերաբերվում ա Հիսուսի , Մուհամեդի, Բուդայի... մասին անեկդոտներին, ապա դա միայն վկայում ա էտ մարդանց սրբապիզծ լինելու մասին: լավ բառ ա - սրբապիզծ - սրբությունները պղծող: դա բոլոր դեպքերում, անում են մենակ մտավոր հիմար մարդիկ:

  18. Գրառմանը 1 հոգի շնորհակալություն է հայտնել.

    Varzor (09.10.2012)

  19. #10
    Պատվավոր անդամ
    Գրանցման ամսաթիվ
    25.04.2006
    Գրառումներ
    5,527
    Mentioned
    0 Post(s)
    Tagged
    0 Thread(s)
    Մեջբերում Mephistopheles-ի խոսքերից Նայել գրառումը
    Ուլուանա ջան, վիրավորել ա մի հատ դեբիլ մարդ… ի՞նչ կարիք կա դեսպանատներ պայթացնել ու մարդկանց կյանքեր խլել… դա արդարացված չի…
    իրանց ուզածը կարծեմ էն ա, որ ամերիկացիք դատեն նրան, որպես կրոնական անհանդուրժողականություն տարածողների:

    սակայն ստեղ մի հատ բան կա: ես չեմ հասկանում, թե ինչու՞ արաբները իրանց երկրում չեն դատում այդ հանցագործին, հենց իրենց երկրի օրենքնեով, ու դատապարտում դատարանով - ասենք մահապատճի, իսկ հետո թեհլերյանական ճանապարհով այդ դատավճիռը իրականացնում :
    չէ՞ որ թեհլերյանն էլ իկատար ածեց դատարանի դատավճիռը ու դրանով ինքը Աստծո ու մարդկույթան առաջ մաքուր էր

  20. #11
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    39
    Գրառումներ
    12,159
    Բլոգի գրառումներ
    21
    Mentioned
    24 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    Անահիտ ջան, իրանց արգելվում ա իրանց Մուհամեդին պատկերել, իրանք չեն պատկերում, ինձ չի արգելվում, ես պատկերում եմ։ Մինչև էս դեպքը ես սաղ կրոններին նույն աչքով էի նայում, համարելով, որ սաղ էլ «բարություն են քարոզում»։ Բայց ինչպես արդեն ասեցին, նույն Հիսուսի մասին էնքան խոխմ ու անեկդոտ կա, որ ...
    Բայց երբեք չեմ լսել, որ քրիստոնյաները դրանից հիտերիկանան։
    Արդեն գալիս եմ էն համոզման, որ եթե մնացած կրոնները ժամանակի ընթացքում ինքնիրան կվերանան, ապա իսլամի դեպքում մարդկությունը պետք ա աշխատի էդ ուղղությամբ։
    Արտակ, ոչ թե իրենց արգելվում ա պատկերել, այլ իրենց կրոնի համաձայն՝ սրբություն հանդիսացող անձին չի կարելի պատկերել։ Հա, մենք օրենքով պարտավոր չենք իրենց կրոնական դրվածքները հաշվի առնել, բայց մեզնից շատ բան չի գնում ընդամենը հարգանք ունենալ ուրիշի սրբության նկատմամբ, էդքան բան։ Եթե դա խախտվեր հանուն ինչ–որ կարևոր, օգտակար գործի, ուրիշ բան, բայց զուտ զվարճանքի համար նման բան անելը բարոյական չի, իմ կարծիքով՝ հաշվի առնելով, որ էդ մարդկանց համար դա սրբություն ա։
    Իսկ քրիստոնեության մեջ համանման օրենք կամ դրվածք չկա, որ Քրիստոսին պատկերել չի կարելի։ Եթե լիներ, համոզված եմ, քրիստոնյաներն էլ դրա դեմ կընդվզեին նմանատիպ իրավիճակում։ Ճիշտ է, քրիստոնյաները մուսուլմանների պես ագրեսիվ չեն, որ ի պատասխան ահաբեկչական քայլեր անեն, բայց ընդվզում ինչ–որ կերպ կլիներ հաստատ։ Կարծում եմ՝ էստեղ ոչ թե երկու կրոններն ենք քննարկում, այլ երևույթը, չէ՞։

    Էդ նույն ձևով, ասենք, գերեզման քանդելը սրբապղծություն ա համարվում, չէ՞։ Օրինակ, եթե քրիստոնյայի գերեզմանը քանդեն, նա դա սրբապղծություն կհամարի ու կբողոքի դրանից։ Բայց, ասենք, արդեն էնպիսի վիճակ է, որ գերեզմաններն ամբողջ մեր տարածքը զբաղեցրել են, ու տվյալ տարածքում ապրելու համար այլ տարբերակ չկա, քան ինչ–որ հին գերեզմաններ քանդելն ու դրանց տեղը բնակվայր հիմնելը։ Կանենք, չէ՞։ Բայց եթե մեկն անկապ տեղը գնա ու մեկի գերեզմանը քանդի, դա լրիվ ուրիշ կերպ կդիտվի։ Հիմա տվյալ դեպքում գործ ունենք հենց էդ անկապ տեղն արված քայլի հետ։

    Մեջբերում Mephistopheles-ի խոսքերից Նայել գրառումը
    Ուլուանա ջան, վիրավորել ա մի հատ դեբիլ մարդ… ի՞նչ կարիք կա դեսպանատներ պայթացնել ու մարդկանց կյանքեր խլել… դա արդարացված չի…
    Իսկ մի՞թե իմ ասածից կարելի էր ենթադրել, թե ես արդարացնում եմ նրանց արածը։ Նրանց ի պատասխան արածը լրիվ այլ հարց ա։ Ու առնվազն ինձ համար էդտեղ երկու կարծիք լինել չի կարող. բնականաբար, շատ վատ են արել, իրավունք չունեին դեսպանատուն պայթեցնելու ու մարդկանց կյանքեր խլելու՝ անկախ նրանից, թե ինչ էր արվել, առավել ևս, որ իրենցից ոչ ոք կյանք չէր խլել։

    Ժող, կարո՞ղ ա ես լավ չեմ հասկացել, ու էս թեմայում իսկապես էդ հարցն էլ ա քննարկման ենթակա՝ ճիշտ են արել մուսուլմանները, թե չէ, որ պայթեցրել են ։ Էստեղ հարցն էն ա, որ կարելի էր կանխատեսել նման հետևանք, բայց մարդիկ թքած են ունեցել՝ հանուն ինչ–որ զվարճանքի։

  21. Գրառմանը 2 հոգի շնորհակալություն են հայտնել.

    Varzor (09.10.2012), Շինարար (21.09.2012)

  22. #12
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    42
    Գրառումներ
    8,235
    Mentioned
    32 Post(s)
    Tagged
    1 Thread(s)
    Մեկը ես չեմ ընդունում «սուրբ» ու «սրբություն» բառերը ու պատրաստ եմ հարգել միայն իմ կողմից հարգված մարդուն թանկ արժեքները, ոչ թե մարդկային ինչ-որ բազմության։ Ես կարող ա քրիստոնյա ընկերոջս ներկայությամբ Հիսուսի մասին լկտի անեկդոտ չպատմեմ, բայց ՖԲ-ում հանգիստ կգրեմ, որտև էդ դեպքում իրան ուղղված չի լինի։

    Էս դեքպում ինձ թվում ա սա լավ մշակված քայլ ա եղել, հաշվի առնելով նախկինում արդեն իրենց դեմքը ցույց տված մուսուլմանների հիստերիաները, ու էդ առումով ես քննադատում եմ էդ վիդեոն նկարելն ու տարածելը։
    Բայց եթե դա մի քանի ընկերների նկարած խոխմ համարեի, 2 վարկյան անգամ չէի քննադատի նկարողներին՝ անկախ դրա հետևանքներից։
    artak.am De gustibus et coloribus non est disputandum.

  23. #13
    Պատվավոր անդամ
    Շինարար-ի ավատար
    Գրանցման ամսաթիվ
    05.09.2009
    Հասցե
    Ժամի թաղ
    Գրառումներ
    7,704
    Mentioned
    9 Post(s)
    Tagged
    0 Thread(s)
    Մեջբերում Mephistopheles-ի խոսքերից Նայել գրառումը
    Ուլուանա ջան, վիրավորել ա մի հատ դեբիլ մարդ… ի՞նչ կարիք կա դեսպանատներ պայթացնել ու մարդկանց կյանքեր խլել… դա արդարացված չի…
    Դե էդքան էլ ինքն իրանով մի դեբիլ չնկարեց, բայց իրոք, կարանք ենթադրենք, որ ասենք մի դեբիլ ա նկարել:

    Ստեղ մի ուրիշ խնդիր կա: Ինչո՞ւ են մուսուլմաններն էսօր էնքան խոցելի, էդքան սրտամոտ ընդունում ամեն ինչ: «Հիստերիա» ենք ասում: Ֆիլմը պատճա՞ռ էր, թե առի՞թ: Էկեք չմոռանանք, որ էսօր քրիստոնեական աշխարհը, ըստ էության, փաստացի, ջիհադ ա հայտարարարել մուսուլմանական աշխարհին ու օրը մի պետություն ա պայթացնում: Ու նման առիթները, երբ որ փաստորեն արդեն բացահայտ կերպով իրանց ամենանվիրական զգացմունքներն են վիրավորում, բացահայտ կերպով հենց իսլամի հանդեպ ծաղրական վերաբերմունքն են ցույց տալիս, արդեն հերիք են, որ էլ տեղ չմնա դիմանալու, չէ՞: Կարանք չէ՞ էդ տեսանկյունից նայենք: Քրիստոնյաներն արդեն դարեր շարունակ իշխել են մուսուլմաններին, նրանց երկրներում տեր եղել, ծաղրել, հարստահարել երկրները, մարդիկ իրանց տունը թողած գնացել են նույն քրիստոնեական երկրներում խոպան ու այնտեղ էլ եղել երրորդ սորտի մարդ: Ու դա շարունակվում ա մինչև էսօր, լցված են չէ՞ մինչև կոկորդները: Էդձև չի, որ իսլամը ավելի վատ, ավելի ատելություն տարածող կրոն ա, Աթեիստ ջան, քան քրիստոնեությունը: Քրիստոնյաների մեջ էլ կան ծայրահեղականներ, որոնք էդքան էլ չեն կարում հավատացյալների շրջանում պարարտ հող գտնեն, մուսուլմանական աշխարհը էսօր ավելիխոցելի ա: Նույն Արևմուտքը մեծ սիրով օգնում ա ծայրահեղ իսլամիստներին, եթե պետք ա որևէ պետություն պայթացնել: Բայց նրանց հզորացնելով՝ հետո էլ սենց սադրում ա: Սա անեկդոտ պատմել չի, մեծ գումարներ են ծախսված չէ՞ ֆիլմ նկարելու համար, դեբիլ-դեբիլ, էդքա՞ն դեբիլ: Եսիմ, բայց իրոք, ենթադրենք, եթե մի ապուշ ինքն իրանով սենց բան էր արել, ապուշ էլ չէ, իրոք մեկը, մի արվեստագետ, մի նկարիչ նկար էր նկարել, որտեղ Մարգարեն էդքան էլ շահեկան տեսք չէր ընդունում, եթե իրոք էս արձագանքը պետք ա լիներ, ուրեմն աշխարհը էսօր շատ պայթունավտանգ ա, ու ստեղ մտածելու տեղ ունեն նաև էն մարդիկ, պետությունները, ովքեր նպաստում են էդ վիճակի ստեղծվելուն:

  24. #14
    դիմահար Նետ-ի ավատար
    Գրանցման ամսաթիվ
    26.02.2011
    Գրառումներ
    524
    Mentioned
    0 Post(s)
    Tagged
    0 Thread(s)
    Մեջբերում Շինարար-ի խոսքերից Նայել գրառումը
    Էկեք չմոռանանք, որ էսօր, ըստ էության,քրիստոնեական աշխարհը փաստացի, ջիհադ ա հայտարարարել մուսուլմանական աշխարհին ու օրը մի պետություն ա պայթացնում:
    Սենց բան չեի լսել դեռ Շինարար ջան: Խնդրում եմ մի խառնիր ամեն բան իրար:Եթե ասենք Բուշը նավթի համար մտնում ա Իրաք, նշանակում ա որ քրիստոնեական աշխարհը ջիհադ ա՞ հայտարարել:
    Մեջբերում Շինարար-ի խոսքերից Նայել գրառումը
    Քրիստոնյաներն արդեն դարեր շարունակ իշխել են մուսուլմաններին, նրանց երկրներում տեր եղել, ծաղրել, հարստահարել երկրները,
    իսկը ոնց որ ղարաբաղի օրինակու՞մ, Շինարար ախպեր:

  25. Գրառմանը 1 հոգի շնորհակալություն է հայտնել.

    Freeman (21.09.2012)

  26. #15
    Պատվավոր անդամ
    Շինարար-ի ավատար
    Գրանցման ամսաթիվ
    05.09.2009
    Հասցե
    Ժամի թաղ
    Գրառումներ
    7,704
    Mentioned
    9 Post(s)
    Tagged
    0 Thread(s)
    Մեջբերում Նետ-ի խոսքերից Նայել գրառումը
    Սենց բան չեի լսել դեռ Շինարար ջան: Խնդրում եմ մի խառնիր ամեն բան իրար:Եթե ասենք Բուշը նավթի համար մտնում ա Իրաք, նշանակում ա որ քրիստոնեական աշխարհը ջիհադ ա՞ հայտարարել:
    Դե բնականաբար կրոնական հողի վրա չի, Նետ ջան: Բնականաբար հանուն իշխանության, նավթի, հաստության, ազդեցության շրջանակների ա, բայց արդյունքում քրիստոնեական աշխարհը ճնշում ա մուսուլմանականին: Ու ամեն ինչ Բուշով չի սկսել ու Իրաքով չի սկսել:
    իսկը ոնց որ ղարաբաղի օրինակու՞մ, Շինարար ախպեր:
    Դե Հայաստանի օրինակը, մտածում էի, որ կնշվի: Իհարկե, դա էլ կա, լայն առումով բայց պատկերը հակառակն ա, մասնավոր դեպքեր կան, ու նաև ես չեմ ասում, որ իրանց ձեռքում ճար լինի, իրանք էլ չեն սկսի հակառակ պրոցես, ի վերջո, արաբների նվաճումները, օսմանյան կայսրությունը պատմությունից ոչ ոք չի ջնջել: Նետ ջան, ուղղակի էսօր լայն առումով, ողջ աշխարհի մակարդակով իրանք ճնշվածի դերում են, դա փաստ ա, ու իրանց խոցելի լինելը կարա նաև դրանով բացատրվի: Ես դա եմ ասում ու կարծում եմ բավականին պարզ էի շարադրել ասածս, որ սենց բառից կախվելու պատճառներ չլինեին:

Էջ 1 4-ից 1234 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Ազատություն...
    Հեղինակ՝ Ծով, բաժին` Հոգեբանություն և փիլիսոփայություն
    Գրառումներ: 24
    Վերջինը: 24.05.2012, 21:28
  2. Խոսքի ազատություն
    Հեղինակ՝ Tig, բաժին` Քաղաքականություն
    Գրառումներ: 14
    Վերջինը: 13.01.2011, 23:16
  3. Տնտեսական ազատություն և սոցիալական պատասխանատվություն
    Հեղինակ՝ Adriano, բաժին` Տնտեսագիտություն, տնտեսություն
    Գրառումներ: 2
    Վերջինը: 12.10.2010, 20:37
  4. Եթերում «Ազատություն» ռադիոկայանն է
    Հեղինակ՝ Artgeo, բաժին` Հեռուստատեսություն, Ռադիո, Տպագիր մամուլ
    Գրառումներ: 21
    Վերջինը: 10.10.2009, 14:02
  5. «Մասնակի Ազատություն»
    Հեղինակ՝ Zangezur, բաժին` Քաղաքականություն
    Գրառումներ: 3
    Վերջինը: 11.05.2008, 13:07

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •