Սաակաշվիլին հայտարարել է, թե Վրաստանի փլուզման ծրագիրը տապալվել է
Վրաստանի նախագահ Միխեյիլ Սաակաշվիլին կիրակի օրը Բաթումիի ընտրողների հետ հանդիպման ժամանակ անդրադարձել է վերջին օրերին վրացական Գլդանի բանտում աննախադեպ կտտանքների մասին տեսանյութերի տարածմանն ու հասարակության վրդովմունքին, նշելով, թե Վրաստանի փլուզման ծրագիրը ձախողվել է:
Այս մասին տեղեկացնում է «newsgeorgia.ru» կայքը
«Կառավարության լրիվ կամ մասնակի փլուզման, հասարակության կատարյալ բարոյազրկման, բախումների հրահրման, բանտարկյալների զանգվածային բողոքի ծրագիրը, որը ոմանց զենք վերցնելու ու ընտրություններից հետո, եթե իրենց արդյունքը չգոհացներ, գործողություններ իրականացնելու հնարավորությունը տապալվել է: Այդ մասին ես հայտարարում եմ վստահաբար», - ասել է Սակաշվիկլին:
Միաժամանակ, երկրի ղեկավարը հայտարարել է, թե իրենց հաջողվել է փախողել ծրագիրը ժամանակից շուտ, և կառավարությունը վճռական է տրամադրված երկրի առաջընթացն ու զարգացումը շարունակելու հարցում:
«Մենք մտահոգված ենք, սակայն ոչ մեկին թույլ չենք տա Վրաստանին հետ քաշել անցյալ և այդ թվում սադրանքների միջոցով: Վրաստանում ոչինչ չի կարող սասանել օրենքի գերակայությունը»,-ասել է Սաակաշվիլին:
Վրաստանի ղեկավարը անդրադարձել է նաև Ռուսաստանին, նշելով, թե մինչ իրենք քննարկում են տեղի ունեցածը, Ռուսաստանը Հարավային Օսիայում կրկնապատկել է իր զինվորականների թվաքանակը, և հարմար պահի է սպասում երկրի տարածք ներխուժելու համար:
Հիշեցնենք, Թբիլիսիի բանտում խոշտանգումնեի վերաբերյալ սկանդալը ծագել էր, երբ Վրաստանի երկու ընդդիմադիր հեռուստաընկերություններ՝ «Մաեստրո» և «TV9» ալիքները, ցուցադրել են տեսանյութեր, որտեղ նկարահանված են Թբիլիսիի բանտում բանտարկյալների նկատմամբ աննախադեպ դաժանությամբ իրականացված բռնաբարությունների, ծեծերի ու խոշտանգումների կադրեր:
Միջադեպից հետո Վրաստանի մի շարք քաղաքներում բողոքի ցույցեր են իրականցվել՝ նախարարի և ոլորտի բոլոր պատասխանատուների հրաժարականի պահանջով: Դեպքերից հետո հրաժարական են ներկայացրել Վրաստանի ՆԳ նախարար Բաչո Ախալայը, պատիժների կրման հարցերով նախարար Խաթունա Կալմախելիձեն: Միջադեպի առնչությամբ քրեական գործ է հարուցվել նշյալ բանտի ողջ ղեկավարության նկատմամբ, որոշներն հետախուզման մեջ են:
Մեջբերել
Էջանիշներ