Ակումբի պասիվացման պատճառները

[Ռուֆուս]

Ռուֆ ջան, կներես, մի քիչ չի սազում որ ես գրեմ, բայց դե գրեմ: Գրածիդ մեջ մի քանի առանցքային սխալ կա:
Այո՛, մի քանի տարի անընդհատ խոսում ենք, դրանց մի մասն էլ հենց ես եմ հրահրում, ու թող ոչ մեկի մտքով չանցնի թե դրանք ինքնանպատակ են: Ավելին, թող ոչ մեկի մտքով չանցնի, թե զուտ բնական կյանքով ա առաջ գնում: Ակումբի չպասիվանալու համար բազում քայլեր են կատարվել ու դրանցից շատերն են ստիպել, որ ակումբը շարունակի իր կյանքը, մնա հայկական ֆորումային դաշտում ամենաակտիվը: Ու եթե ժամանակն ու ռեսուրսները ներեին ավելի շատ զբաղվելու, էլ ավելի ակտիվ էր լինելու: Էնպես չի, որ բրախած ինչ-որ տիրույթ ա, ինքն իրան ապրում ա: Բրախած լիքը ֆորումներ կան, գնա նայի ու տես, թե քանիսում ա կյանքը «բնականոն շարունակվում»:

Արտ, բայց ես չեմ ասում, որ Ակումբը բրախենք կողքի, այլ ընդհակառակը շարունակենք բնականոն կյանքով ապրել: Նոր թեմաներ բացենք, ժամանակ առ ժամանակ ստեղծագործական մրցույթներ կազմակերպենք, կանոնադրությունը խախտողներին պատժենք, անկապ թեմաները փակենք, տրանսլիտը արգելենք և այլն: Այսինքն նենց, ոնց որ մինչև հիմա ենք ապրել: Բոլորը բողոքում են, որ հիմա Ակումբի ամենապասիվ ժամանակահատվածն է, բայց ես դեպքեր եմ հիշում, երբ Ակումբի վիճակը սրանից էլ ծանր էր: Ես այցելուների թիվը չեմ կարող տեսնել ու կարող է էն ժամանակ այցելուների քանակն ավելի շատ է եղել, բայց քննարկումները որակը հաստատ ավելի ցածր էր:

Ու բոլորը ՖԲ-ն են նշում որպես մեղավոր, բայց մենք չենք կարող որևէ մեկին ստիպել, որ ՖԲ-ում ստատուս գրելու տեղը գա Ակումբում գրառում անի: Եթե մարդուն ՖԲ-ն ավելի է դուր գալիս, թող գնա ՖԲ-ում գրառի, աստված հետը: