Ակումբի պասիվացման պատճառները

[Ֆոտոն]

Ստեղ գրում են դժգոհությունների մասին: Ով գոհ ա, ոչ մի բան չի գրում, բնականաբար: Մտածի էս ուղղությամբ. քանի՞ հոգի են դժգոհ:

Ճիշտ նկատեցիր: Ես էն լրիվ գոհերից եմ: Իհարկե բաներ կան, որ շտկելու կարիք ունեն, բայց սենց էլ ինձ համար վատ չի:

Ինձ համար ակումբի կարևորությունն էն ժամանակ է պակասել, երբ իմ սիրելի ակումբցիների մեծ մասի հետ անձամբ շփվում եմ այլ հարթակներում: Գիտեմ, թե ումից ինչ հարցնեմ: Դրա համար էլ կարիք չեմ գտնում ամեն հարցիս դեպքում հրապարակային հարցնել: Նույն ձևով էլ այլ թեմաները: Սրա մեջ ոչ մի վատ բան չեմ տեսնում ես, ակտիվությունը ինձ համար շատացնելը անիմաստ եմ համարում:

Միակ բանը, որ պետք է, նոր սերնդին տեղեկացնելն է ակումբի մասին, որ իրենք էլ վիրտուալ կյանքի իրենց ոսկե տարիները վայելեն:

[Chuk]

Ամրոցը շուտով իր առաջվա եռուզեռը կվերագտնի: Ու էլի էս տղեքի շնորհիվ

Շնորհակալ եմ այս գնահատականի համար, բայց համաձայն չեմ:
Այո՛, ես համարում եմ, որ ակումբի ղեկավարությունը միշտ լավ է իր գործը արել, շատ լավ (խոսքն իմ մասին չէ, այլ մյուսների, ինձ թող այլոք գնահատեն, բայց ոչ այս թեմայում ու ոչ հրապարակային, պետք չի թեման շեղել): Բայց ակումբն ամեն դեպքում եղել է ակտիվ ոչ թե մոդերատորների, այլ մասնակիցների շնորհիվ: Էստեղ մի քիչ բառախաղ էլ կա, որովհետև մոդերատորն ինքը նաև մասնակից է: Ու տխուր կլիներ ակումբի վիճակը, եթե ամենը պայմանավորված լիներ միայն ղեկավարությամբ, ղեկավարության քայլերով: Ոչ, ակումբը լավն ու հետաքրքիր է եղել իր հետաքրքրիր մասնակիցների ու նրանց վարած հետաքրքիր քննարկումների շնորհիվ: Ու նորից հետաքրքիր է դառնալու էլի իրենց շնորհիվ: Մենք բոլորս ենք ակումբը, ու սա ուղղակի խոսքեր չեն: Ֆորումի լիցքը մասնակիցն ա: Ու եռուզեռը վերականգնողներն էլ էլի բոլորս ենք լինելու: Ոչ թե ղեկավարությունը: Այո՛, գուցե էս պահին գործը խթանելու համար մենք ենք քննարկումը կազմակերպում, բայց իրականում դա էլ էդքան էլ էդպես չի: Ուշադիր լինելու դեպքում կտեսնենք, որ այս թեմայի ծնումը եղավ էլի շարքային մասնակիցների նախաձեռնությունը:

Էնպես որ ակումբը մենք ենք, բոլորս:

[Chuk]

Ժող, մեկ էլ խնդրում եմ, եկեք թեմայից չշեղվենք: Իրականում էս թեմայում շատ արդյունավետ քննարկում է եղել, բայց կարծում եմ, որ դեռ էլի շատ ասելիքներ կան՝ կոնստրուկտիվ: Ես հասկանում եմ, որ ոմանք տեսնելով որ ԴԵՌ ոչ մի քայլ չի հաջորդում քննարկմանը, կարող են մտածել, որ ջուրծեծոցի է, բայց հավատացնում եմ, որ ոչ: Շատ շուտով կսկսենք քննարկման նախնական ամփոփումն ու կոնկրետ քայլերի ժամանակացույցի մշակումը:

Ես ինքս այս պահին զբաղված եմ հարևան թեմայի՝ թափանցիկ մոդերավորման մասին, ամփոփման աշխատանքներով ու շուտով կներկայացնեմ Ձեր դատին:

Խնդրում եմ այս թեման էլ մինչ ամփոփումը շարունակենք ծառայեցնել իր նպատակին:

[Lion]

Անձամբ ես գոհ ու գոհ եմ ղեկավար կազմից: Մալադեց տղեքին:

Էս վերջերս ամեն մոդերատորական գրառում տեսնելիս ժպտում եմ, ու միշտ մտքովս մի արտահայտություն ա անցնում՝ Լքված ամրոցի պահապանները

Հալալ ա տղեքին:

Ամրոցը շուտով իր առաջվա եռուզեռը կվերագտնի: Ու էլի էս տղեքի շնորհիվ

Տի զնայեշ կակ յա տեբյա ուվաժայու, նօ... քանի վարվող քաղաքականությունը ընդհանրապես և կադրային մասնավորապես չի վերանայվել, ջուր ծեծոցիից այն կողմ չենք անցնի:

[Ձայնալար]

Տի զնայեշ կակ յա տեբյա ուվաժայու, նօ... քանի վարվող քաղաքականությունը ընդհանրապես և կադրային մասնավորապես չի վերանայվել, ջուր ծեծոցիից այն կողմ չենք անցնի:

Լիոն, ինչ քաղաքականություն էլ որ վերանայվի, ամեն թեմայի վրա որ քառասուն զինված հսկիչ էլ նստի, մեկ ա եթե քո գրածները չկարողանաս հիմնավորել ու անընդհատ նույն բանն ասես, մեկ ա վերջը ծաղրի ես ենթարկվելու: Նենց որ ես քո թերահավատությունը լիովին կիսում եմ:

[einnA]

Ես էլ մի բան ասեմ

Իմ համար ակումբի յուրաքանչյուր անդամ իր դեմքն ունի, որ ես արդեն ընդունում եմ հենց ոնց որ կա: Շատ անգամ շատերի կողմից հավանած կամ գովաբանության արժանացած գրառմանն իմ ներսում դեմ եմ եղել, բայց ինձ թույլ չեմ տվել բացահայտ արտահայտվել, շատ անգամ թեման կարդացել եմ սկզբից մինչև վերջ, որ հասկանամ, թե որտեղից ուր ենք հասել ու վերջում զզվացել եմ, շատ անգամներ է եղել, որ ուզեցել եմ ոչ ինձ ուղղված ծաղրը ավելի սառը ցինիզմով ծաղրել, բայց էլի սսկվել եմ: Հավատացնում եմ, որ իմ համար էտ սսկվելը շատ դժվար ա եղել, բայց պարզ գիտակցել եմ, որ եթե նույնպես վարվեմ, ավելի կհեռանամ հենց ակումբից: Իսկ ակումբն արդեն կապվածություն չի, ինքը քեզանից մասնիկներ ունի շատ, որ չես կարող անտեր թողել: Բայց էստեղ էլ մի բայց կա. ինչքան շատ ես քեզ զսպում, որ չարտահայտվես, չասես, չխառնվես, էնքան անտարբեր ես դառնում, ու էտ արդեն քեզ հեռացնում է իսկապես ակումբից: Շատ երբեմնի ակտիվ ակումբցիներ, որոնց ինձ ընկեր եմ համարում, հավատացնում եմ, որ ամեն օր կարդում են ակումբի նորությունները, ապրում են ակումբի կյանքով` հեռակա կարգով:

Խնդիրն էն ա, որ նման անդամների թիվը չավելացնենք:

Մոդերատորների աշխատանքն անթերի չի եղել. ես ինքս մի անգամ բախվել եմ նման խնդրի հետ, լուծում չեմ ստացել, ավելին` արհամարհվել եմ էտ բաժնի մոդերատորի կողմից, մինչդեռ իմ պնդմամբ գոնե հարցիս փորձեց պատասխան տալ մեկ ուրիշ մոդերատոր: Հա, մանրուք ա, համաձայն եմ, բայց էս տեսակ մանրուքներից մի օր մեջդ եռում ա

Էստեղ բոլորս էլ ընկերներ ունենք,կան անդամներ, որոնց հեռակա կարգով համակրում ենք, էտ լրիվ նորմալ երևույթ ա, ամեն ինչ չի կարա լինի իդեալական դեմոկրատիա, լինելու դեպքում էլ շատ սառը, անիրական, ոչ հայկական կլինի: Սրան պետք ա թեթև նայել, սրանք ներանձնային մակարդակի խնդիրներ են, որ անմիջապես ակումբի հետ կապ չունեն:

Անդամների պասիվությունը պետք չի մենակ կապել անհետաքրքիր թեմաների, նոր անդամների ոչինչ չասող գրառումների կամ "տոտալիտար ռեժիմի" հետ: Ես ինքս իմ օրինակով կարող եմ ասել: Ես ժամանակին անընդհատ գրելու պահանջ ունեի, գուցե շատ ժամանակ ուղղակի հենց էնպես գրելու համար, հետո սկսեցի գրելուց առաջ մտածել, հետո սկսեցի շատ մտածել, հետո էնքան շատ, որ նախընտրեցի լավ չմտածված գրառումներ չանել: Էս էլ էտապ ա, մարդ գրելու պահանջմունք պիտի ունենա, պետք չի ուղղակի ակտիվ լինելու համար օրական տասնյակ գրառումներ արվեն: Հետո, եթե ես ակտիվ ընթերցող եմ, նշանակում է, որ ես միշտ կարդալու նյութ գտնում եմ ակումբում:
Ուղղակի մեզանից շատերն ավելի շատ հիմա վերցնում են, քան տալիս են ակումբին:

Մի բան էլ` մենք պիտի մի քիչ էլ գնահատել իմանանք. էն, ինչ կարդում ես, հավանում ես, պետք է ցույց տաս: Էս շնորհակալության, վարկանիշային համակարգն ինչքան էլ աննշան թվացող բաներ են, բայց մարդուն զգացնել են տալիս, որ իրանց կարդում են, գնահատում են, որ անտեղի չեն գրում, ինքը հո չգիտի, որ դու քեզ-քեզ կարդացիր ու գոհ մնացիր

Ամեն մեկն իր խնդիրն ունի, ներքին խռովություններ կարող են լինել, անհամաձայնություններ մեծամասնության հետ, անհատական կռիվներ, բայց դրանց պետք չի հա կերակրել, սնել, որ դառնան էնքան գերիշխող, որ դնես ու կապերդ խզես տանդ անդամների հետ, գոնե կարող ես սպասված, անակնկալ հյուր մնալ:
Հանդուրժելը մեր մոտ երևի ամենադժվար տրվողներից է,բայց որ էսքան տաղանդավոր, խելացի հայեր միասին գոյատևում են մի վիրտուալ տարածքում, ուրեմ էտ տարածքն իրոք արժանի է դրան:


հ.գ. ներողություն, որ էսքան ընդարձակվեցի, արդյունքուն կառուցողական բան չասեցի, բայց ասեցի էն, ինչ վաղուց ուզում էի

[Lev]

Չնայած ակումբի ներքին գործերին ծանոթ չեմ, բայց կարծում եմ, որ ակումբի պասիվացման հիմնական պատճառներից են՝

Ներքին պատճառներ՝
1. քիչ հավանական ներքին տարաձայնությունները
2. տարաձայնությունները սովորական օգտագործողների և ադմինիստրացիայի միջև
3. թեմանների երկար ժամանակով պասիվացումը (խոսքը վերաբերում է քննարկումներ պահանջող թեմաներին)
4. անձնական վիրավորանքների և/կամ ծաղրի առկայությունը

Արտաքին պատճառներ (կասեի նույնիսկ սպառնալիքներ)՝
6. սոցցանցերի լայն տարածվածությունը
7. ակումբի մասին հասարակության կողմից իրազեկվածության մակարդակը


Առաջակում եմ վերոհիշյալ խնդիրների հետևյալ լուծումները՝
1. քիչ հավանական ներքին տարաձայնությունների շուտափույթ համահարթեցում, քանի որ եթե հիմքը անկայուն է վաղ թե ուշ սպասվում է փլուզում
2. սովորական օգտագործողների և ադմինիստրացիայի միջև տարաձայնությունների լուծման տարբերակներից եմ համարում
ա. ղեկավարության կողմից ավելի հաճախ փոխզիջումների գնալը (իհարկե խելամտության սահմաններում), քանի որ կարծում եմ, յուրաքանչյուր անդամ պետք է որ թանկ լինի ակումբի համար
բ. բացի կանոնադրությունից ևս մեկ իրավական փաստաթղթի ստեղծում, որտեղ տեղ կգտնեն առավել հաճախակի հանդիպող կոնֆլիկտների հաջողված լուծումները, և որոնք նախադեպ կդառնան հետագայում նմանօրինակ իրավիճակներին ավելի կարճ ժամանակում լուծում տալու համար: Այս անընդհատ թարմացնող փաստաթղթին ցանկալի կլինի, որ ծանոթ լինեն նաև սովորական օգտագործողները
3. թեմանների երկար ժամանակով պասիվացման դեպքում ցանկալի կլինի հենց տվյալ բաժնի մոդերատորը ակտիվացնի դրանք: Սովորական անդամների կողմից թեմաներում ակտիվ լինելու համար կարելի է օգտագործել պարգևատրական համակարգ, որը պարտադիր չի որ լինի գումարային տեսքով (օրինակ՝ ղեկավարության կողմից ամենակտիվ անդամներին teamviewer-ի միջոցով (անհնարինության դեպքում այցի միջոցով) համակարգչային խնդիրի լուծում, e-bay-ից ապրանք գնել ցանկանալու դեպքում օգնության տրամադրում (անհրաժեշտության դեպքում paypal հաշվի տրամադրում վաճառողին գումարը փոխանցելու նպատակով) և այլն): Ցանկալի կլինի, որ պարգևատրական համակարգի մասին ամրագրվի կանոնադրությունում, ինչպես նաև սկզբնական շրջանում կայքում բանների տեսքով նույնպես լինի:
4. այս խնդրի լուծման համար կարծում անհրաժեշտ է սովորական օգտագործողների հանդեպ պատիժների խստացում ընդհուպ մինչև բոլոր այն IP-ների միառժամանակյա արգելափակում (չհաշված ակումբային համակարգում արգելափակումը), որոնցից ամենահաճախն է ակումբ մուտք գործել տվյալ անդամը (եթե իհարկե հնարավոր է): Քանի որ կարծում եմ, որ յուրաքանչյուր անդամ պետք է որ թանկ լինի ակումբի համար, ղեկավարությունը պետք է ամեն ինչ անի, որպեսզի գործը չհասնի անձնական վիրավորանքներին, որովհետև այդ դեպքում սովորական անդամին կարող է թվալ, որ ակումբում անարխիա է, չկա կարգուկանոն, և կարծում եմ, որ շատ քչերն, որոնց կարող են այդպիսի պայմանները դուր գալ:

Արտաքին պատճառները թերևս ավելի դժվար է վերացնել քան ներքինները, քանի որ դրանց վերացումը կամ թուլացումը մեծամասամբ կապված է ֆինանսական հնարավորությունների հետ. շատ դժվար է մրցակցել այնպիսի կայքերի հետ, որոնք ունեն մեծածավալ ֆինանսական աջակցություն ինչպես կայքում տեղադրված գովազդներից, այնպես էլ անհատներից ու կազմակերպություններից:

6. սոցցանցերի լայն տարածվածությանը դիմակայելու համար առաջարկում եմ հետևյալը
ա. «թշնամուն» դարձնել «դաշնակից» և «անողոքաբար օգտագործել»: Օրինակ՝ ֆեյսբուքում բացել ««Դար» ակումբ» էջ, որտեղ պարբերաբար տեղադրել թեժ հարցերը և քննարկումները: Սա թույլ կտա ժամանակի ընթացքում ֆեյսբուքի օգտագործողներին (վերջին տվյալներով ֆեյսբուքում Հայաստանում գրանցված օգտագործողների թիվը անցնում է 300000-ը, նաև պետք հաշվի առնել սփյուռքի մեր հայրենակիցներին) իրազեկել ակումբի մասին, անպայման նշելով, որ այն պարզապես ֆորում չէ: Այն վայր է, որտեղ մարդիկ ստանում են իրենց հուզող պատասխանները: Կարելի է որպես մարքեթինգային քայլ օգտագործել «Հայկական առաջին հայալեզու ֆորում», «գործում է 2006թ.-ից» արտահայտությունները:
բ. կանոնադրությամբ սահմանել ևս մեկ առաքելություն (բացի «Պահպանել հայ գիրն ու գրականությունը»-ից): Օրինակ այսպես. «Մեզ մոտ դուք կգտնեք ձեզ հուզող բոլոր հարցերի պատասխանները»:
գ. վերոնշյալները իրականացնելու համար կարծում եմ անհրաժեշտ կլինի ընդլայնել ղեկավար կազմը` ավելացնել ինչպես ավագ մոդերատորներ, այնպես էլ մոդերատորներ, ինչպես նաև Սոցիալական կայքերում «Դար» ակումբի պատասխանատու: Նաև խստացնել վերահսկողությունը ցածր օղակի ղեկավարների (այս պահին մոդերատորների) հանդեպ:

7. Կարծում եմ այս պահին ակումբի մասին 2 ձևով կարելի է իմանալ
ա. գուգլում հայերենով նյութեր փնտրելով
բ. ակումբում գրանցված ծանոթներից
Նոր սեգմենտների թափանցելու, սոցիալական ցանցերից դուրս գտնվող մարդկանց (որոնք կարծում եմ այնքան էլ քիչ չեն) ակումբի մասին տեղեկացնելու միակ եղանակը գովազդն է (տևողությունը գոնե մեկ շաբաթ մինչև մեկ ամիս՝ կախված դրամական միջոցներից), որը բնականաբար որոշակի ֆինանսավորում է պահանջում: Ֆինասական հնարավորություններից կախված կարող են կիրառվել գովազդի հետևյալ տեսակները՝ հեռուստագովազդ, ռադիոգովազդ, գովազդ թերթերում, գովազդ այլ կայքերում և այլն:


Որպես հետգրություն նշեմ, որ իմ համոզմամբ արդի պայմաններում առանց եկամուտների (հավանաբար նույնիսկ վնասով) աշխատող կայքը երկար գոյատևել չի կարող (երևի առավելագույնը 3-4 տարի), և շատ ցավալի կլինի ինձ և կարծում եմ շատերի համար, եթե ակումբը դադարեցնի գործունեությունը:

Հարգանքներով՝ Լևոն

[Տրիբուն]

Չնայած ակումբի ներքին գործերին ծանոթ չեմ, բայց կարծում եմ, որ ակումբի պասիվացման հիմնական պատճառներից են՝

....
Արտաքին պատճառներ (կասեի նույնիսկ սպառնալիքներ)՝
....
7. ակումբի մասին հասարակության կողմից իրազեկվածության մակարդակը

Միանշանակ: Դրա համար էլ, որպես առաջին քայլ, Ակումբը սիրող, ու սոցցանցերում գրանցված Ակումբցիները իրանց առաջին էջում կամ պրոֆայլում, կամ չգիտեմ որտեղ, բայց երևեացող տեղ, պիտի հղում ունենան Ակումբի վրա: Որ ասենք, որ կիսամերկ նկարի վրա քլիք անես, ուղիղ Ակումբ ընկնես:

[Գալաթեա]

Թեման շատ մանրամասն չեմ կարողացել կարդալ, բայց ընդհանուր գաղափար կազմել եմ:
Ինչ-որ ինսինուացիաներ կան ղեկավար կազմի վատ աշխատանքի հետ կապված, իրար դեմքի ցատկելու, ծաղրանքով գրառում առնելու և իրար չլսեսու, չհասկանալու հետ կապված:
Նկատել եմ, որ այս թեման ևս, ինչպես շատ ուրիշները, օգտագործվել է գիրք գովազդելու և անձնական անտիպատիաները արտահայտելու համար:

Ղեկավար կազմի աշխատանքի հետ կապված կարող եմ ասել, որ ես, լինելով Ակումբի բավականին հաճախ տուգանված/գրառումներս ջնջած մարդկանցից մեկը, երբեք մոդերի քայլը չհիմնավորված չեմ համարել: Առաջին րոպեներին գուցե և նեղվել եմ, բայց դա բնական է: Բնական չէ, երբ այդ նեղվածությունը չի անցնում ու հետագայում դառնում է թույն շնչելու պատճառ: Ու թույլ տվեք հիշեցնել, որ ինձ լռեցնող մեդերները մեծ մասամբ իմ ընկերներն են, որն ապացուցում է, որ Ակումբում ԽԾԲ-ն չի գործում:
Այսքանը կարդացածիս վերաբերյալ:

Ինչ վերաբերում է իմ կարծիքին՝ պասիվացման վերաբերյալ, կարծում եմ՝ հին ակումբցիքի մոտ շրջաններ են գալիս, որ մի տեսակ հոգնածություն է սկսվում նույն միջավայրից: Էդ ամեն ինչ արդեն ասված/գրված լինելն իսկապես դեր է խաղում: Պետք է նոր թեմա, նոր ասելիք բերող երևույթ լինի, որ հներն ակտիվանան, ինչպես եղավ օրինակ Սաֆարովի թեմայում: Կծոցիով թե ոնց, բայց ակտիվ էր թեման:
Այսինքն մեզ իսկապես պետք է, որ նման կարևոր, վիճահարույց լուրերի քննարկման թեմաները միշտ բացվեն Ակումբում: Գուցե ասենք կոնկրետ մեկը նշանակվի էդ գործին, որ հատուկ դա անի: Իհարկե՝ հընթացս անեն և մնացածը, ով առաջինը լուրն իմանա, ասենք, բայց կոնկրետ մեկը լինի, որ դրանով զբաղվի:

Իսկ նոր Ակումցցիներ ներգրավելու ու թեմաներում իրենցը ասելու համար ես կողմ եմ շատ թեմաների արխիվացնելուն: Թող ջահելներն են դատարկ էջից խոսեն, քննարկեն ու կիսվեն կարծիքներով: Գուցե մենք էլ, բիձեքով նոր բան սովորենք իրենցից:

Դեռ այսքանը: Կփորձեմ էլի գրել ընթացքում:

[Lion]

Լիոն, ինչ քաղաքականություն էլ որ վերանայվի, ամեն թեմայի վրա որ քառասուն զինված հսկիչ էլ նստի, մեկ ա եթե քո գրածները չկարողանաս հիմնավորել ու անընդհատ նույն բանն ասես, մեկ ա վերջը ծաղրի ես ենթարկվելու: Նենց որ ես քո թերահավատությունը լիովին կիսում եմ:

Կարա ուրիշ բան էլ լինի - դու քո գրածները հիմնավորես, բայց մարդիկ,ա մենատարբեր դրդապատճառներից ելնելով և ուղղակի սկզբունքորեն չուզենալով համաձայնվել քեզ հետ, քո տեսակի հետ, սկսեն ու շարունակեն ծաղրել: Ստեղ հարցն այն է, որ ծաղրը, որպես վարքագիծ, կասեցվի:

Իմ համեստ կարծիքով, քանի միջանձնային շփումներում Ակումբի ղեկավարությունը թույլ կտա կամ կհամակերպվի նման խուլիգանային երևույթների հետ, իրեն հարգող ցանկացած ոք վաղ թե ուշ կլքի Ակումբը...

[Universe]

Ես հրաշալի տեսնում եմ, որ ոմանց կողմից այդ միտքը առաջ է մղվում, բայց ես նաև տեսնում եմ, որ user-ները հիմնականում դա չեն տեսնում պասիվացման պատճառ, այդպես է տեսնում ընդամենը մի խումբ, որոնց մի մասը, անկեղծ խոսենք, պարզապես անձնական անտիպատիայի խնդիր են լուծում: Ամեն դեպքում բնականաբար լինելու է նաև «կադրային քաղաքականություն»

Համաձայն չեմ հետդ:
Մեկը ես ադմինիստրատորների ու մեկը քո անտարբերության խնդրի մասին ասեցի, բայց բոլորդ էլ իմ լավ ընկերներն եք
Հիմա ո՞նցա իմ բողոքը քո աշխատանքի ու մոդերատորների մասին անձնական քո կամ մյուսի նկատմամբ:

Չկա անձնական ոչինչ:

Իսկ պասիվության մասին թեմա բացելով ընդամենը մի որոշ ժամանակով էս թեմայում ակտիվությունա մտնում: Էն ամենը ինչի մասին խոսվումա ստեղ, դու անգամ ավելի լավ ու ավելի շուտ ես հասկանում:

Պետքա ակումբում նոր պլագիններ մտցնել, նոր լրացումներ: Դու զբաղված ես, հասկանում եմ, բայց, գոնե 30 օր, օրը 2 ժամ պատրաստվես ԴԻԶԱՅՆԻՑ մինչև ֆունկցիոնալի թարմեցում + թեմաների թարմեցում/մշակում, ապա ինքդ կզգաս, որ արդեն մի բան փոխվեց, մի բան թարմացավ ու էտ էլ ակումբի այցելուներին կտրամադրի «ՆՈՐ տեղ» մտնելուն հին ձևերով:

[keyboard]

Չուկ, ես լինեմ քո տեղը ակումբը մի որոշ ժամանակով կտամ հիասքանչ առաջարկ անողներին, բայց կարծում եմ չէս համբերի, որ տեսնես ակումբը քանդվումա վաբշե, միջոցներ ձեռք կառնես:

[Universe]

Չուկ, ես լինեմ քո տեղը ակումբը մի որոշ ժամանակով կտամ հիասքանչ առաջարկ անողներին, բայց կարծում եմ չէս համբերի, որ տեսնես ակումբը քանդվումա վաբշե, միջոցներ ձեռք կառնես:

Դու էլ նենց վատ առաջարկ չես անում

[Ձայնալար]

Կարա ուրիշ բան էլ լինի - դու քո գրածները հիմնավորես, բայց մարդիկ,ա մենատարբեր դրդապատճառներից ելնելով և ուղղակի սկզբունքորեն չուզենալով համաձայնվել քեզ հետ, քո տեսակի հետ, սկսեն ու շարունակեն ծաղրել: Ստեղ հարցն այն է, որ ծաղրը, որպես վարքագիծ, կասեցվի:

Իմ համեստ կարծիքով, քանի միջանձնային շփումներում Ակումբի ղեկավարությունը թույլ կտա կամ կհամակերպվի նման խուլիգանային երևույթների հետ, իրեն հարգող ցանկացած ոք վաղ թե ուշ կլքի Ակումբը...

Գրանցման ամսաթիվ` 20.03.2007: Այսինքը կամ ծաղր չկա, կամ դու քեզ չես հարգո՞ւմ: Կարող ես չպատասխանել, պարզապես ուզում էի ցույց տալ, որ ակումբի պասիվացման պատճառ չի քո նշածը: Կարա՞ս ասես քո նշած պատճառով քանի՞ մարդ ա լքել Ակումբը, կամ Ակումբի պասիվացման գործում քանի՞ տոկոս է կազմում քո նշած գործոնը:

Մի խոսքով, իմ դիրքորոշումը պարզ ա, քոնն էլ ա պարզ, ես էս թեման էլ չեմ շարունակի, որովհետև անվերջանալի բանավեճն էդ կտրվածքով տվյալ թեմայում ոչ արդյունավետ եմ համարում: Բարի ժամանց

[Mephistopheles]

Տի զնայեշ կակ յա տեբյա ուվաժայու, նօ... քանի վարվող քաղաքականությունը ընդհանրապես և կադրային մասնավորապես չի վերանայվել, ջուր ծեծոցիից այն կողմ չենք անցնի:

Լռիվ համաձայն եմ… վերից վար կոռումպացված համակարգ ա ու մենք ուզում ենք որ էդ կոռումպացված էլեմենտները վերացնեն կոռուպցիան… դա հնարավոր չի… քաղբանտարկյալների առկայության դեպքում (ձեր խոնարհ ծառան եղել ա քաղկալանավոր… այո, այո… 2 անգամ…), դա ընդհանրապես հնարավոր չի… էլ չասեմ որ գրքեր են արգելվում ու վառվում… գիտությունն անտսվում ա…

գրանտների հաշվին արևմտյան փիս պրոպագանդա ա գնում, բացեիբաց… հանձինս Ձայնալարի… ու վաբշե դրան ո՞վ ա թույլ տվել որ դառնա մոդերատոր… հետո ինչ որ ուտելու ու գժվելու երեխա ունի…

Չուկը վաբշե էս ամեն ինչի պարագլուխն ա, ոնց որ Սերժը մեր համակարգի…

հայրենասիրությունը լրիվ մղվել ա 1000երորդ պլան… ու տարվում ա ադրբեջանա-թուրքա-մասոնա-հրեա-գոմիկական քաղաականություն… օրինակ ես որ ասեմ հայ ժողովուրդը 12 0000 տարվա պատմություն ունի ու դա ապացուցեմ, գիտե՞ք ինչ մի հատ վրա տալ ա որ կտան… ի՜մչ անխելք մարդ եք … չեք ուզու՞մ հին ըլնենք… չի՞ եք թշնամու ջրաղացին ջուր լցում…

ու այ սենց շատ ու շատ բաներ… հայրենասիրությունը ճնշվում ա, դրա համար էլ ակտիվ չենք…