Ակումբի պասիվացման պատճառները

[Chuk]

Ճիշտ ես, առք-ու-վաճառքի մասը ամենաակտիվն ա դիզելում, բայց մնացած մասերն էլ են շատ ակտիվ: Ու հետո, եթե առք-ու-վաճառքն ակտիվացնելով կարելի ա Ակումբի մնացած բաժիններն էլ ակտիվացնել, ինչի չանել դա: Ինչ վատ բան կա դրա մեջ: Մերչենդայզինգի ձև ա էլի: Մարդիկ մտնում են ինչ-որ բանի վաճառքի հայտարարություն թողնելու ու հանկարծ ձեռի հետ էլ կրոնից ու մշակույթից են խոսում, կամ բանաստեղծություն են գրում:

Հայաստանում չի աշխատի, որովհետև հայտարարությունների համար ավելի հարմար հարթակներ կան, ֆորումային համակարգը դրա համար հարմար չի: Կաշխատեր, եթե ուրիշ հարթակներ չլինեին: Պլյուս էնպես չի, որ էդ միտքը, տարբեր ֆունկցիոնալ բաներ անող կայքը նոր խոսք ա: Ուղղակի նորմալ դեպքում էդ ֆորումի մեջ չի ինտեգրվում, այլ կայքն ինքը լինում ա ավելի ընդգրկուն, պորտալ ա լինում, իրա ենթակայքերով կամ ենթաբաժիններով, ամեն մեկը մի խնդրի վրա մասնավորեցված:

Օրինակ եթե ես հիմա որոշեմ իսկապես շեշտ դնել հայտարությունների վրա, ինչը վատ միտք չի, ես պետք է փորձեմ ոչ թե ակումբի էդ բաժինը զարգացնել, այլ կից ստեղծել հարթակ ասենք haytararutyunner.akumb.am հասցեով (պայմանական ենթադոմեն եմ գրել), էդ հարթակում ստեղծել հայտարարությունների համար կարևոր ու հարմարավետ դարձնող բոլոր գործիքները (համանման հայտարարությունների գտնում, գնային սանդղակի նշում, մոդելի տիպի ընտրություն և այլն) ու որպես առանձին կայք աշխատացնել: Իսկ արդեն քո ասած խնդիրը լուծելու համար էդ հարթակն ու ֆորումը որոշակիորեն կինտեգրեմ (օրինակ ըստ թեմատիկայի ցույց կտամ ֆորումի թեմաներից, կամ ցույց կտամ ակտիվ թեմաները, կամ վերջին թեմաները ու կգտնեմ լուծումներ՝ ֆորում ուղղորդելու համար):

Բայց դա էլ կլինի դժվար, որովհետև հայկական տենց կայքեր արդեն կան, հայտնի են, կիրառվում են (ղրղզական էլ կան ինչ-որ բաներ, դրանք դեռ պոպուլյար չեն):

Եթե կոպիտ ասեմ՝ իմ տպավորությամբ Հայաստանը Դիզելի դարն արդեն անցել ա, բավական վաղուց: Ու ավելի լավ ա անցել: Օրինակ ունեցել ենք Hayastan.com պորտալ, որը ունեցել է և շատ ակտիվ ֆորում, և հարակից ուրիշ ենթակայքեր՝ գործիքներ, էդ թվում հայտարությունների, կայքերի կատալոգի և այլն: Ու էդ ենթակայքերը բուն՝ օրինակ հայտարարություններ գտնելն ավելի հարմարավետ դարձնելու խնդիրը շատ ավելի լավ էին լուծում, քան Դիզելը:

Թող մեծամտություն չհնչի, բայց իմ գոնե առաջին տպավորությամբ Դիզելը մի քանի տարի հետո նոր հասնելու ա էն էտապին, որ սենց թեմա բացվի էնդեղ: Բայց էս չի նշանակում, որ վերևից եմ նայում կամ էլ թե օրինակ վերցնելու բան չկա: Չէ, դեռ էլի եմ ուսումնասիրելու, իսկապես ահագին հետաքրքիր ա: Ուղղակի գրում եմ առաջին տպավորությունս:


հ.գ. Ակումբում Առք-Վաճառք բաժինը ներքին սպառման, ոչ հզոր գործիք ա:

[Smokie]

Երբ ակումբում մի բան փչացած ա լինում, երբ որեւէ պատճառով ակումբը չի բացում, էդ ժամանակ ա գնահատվում ա իրական արժեքը, բոլորն իրար են խառնվում, մինչեւ որ չի դզվում Fb-յան ակումբում ոչ մի վեճ չի լինում:

Չեմ ասում, որ դա լավ ա: Ընդհակառակը, կարծես պետք ա մի նոր հետաքրքիր բան ավելացնել ակումբում:

[Sagittarius]

Իմ համեստ դիտարկումներով լրիվ բնական պրոցես ա: Հայաստան և այլ զարգացած երկրներ ՏՏ ոլորտի փոփոխությունները տեղ են հասնում մի փոքր ուշ: Արևմուտքում ֆորումները արդեն վաղուց են մղվել երկրորդ, երրորդ պլան: Հիմնականում տարածված են մասնագիտացած ֆորումները, այն էլ շատ սահմանափակ թվով մարդկանց շրջանակում: Իսկ հիմական այցելուները չեն հանդիսանում կոնկրետ ֆորումի անդմաներ. հիմնական դրանք մարդիկ են, որոնք google-ով կամ այլ որոնման համակարգով որևէ հարցի պատասխան են փնտրում և հայտվում են այդ ֆորումում:

Ստեղ կարևոր է տարանջատել, ֆորումների երկու հիմնական ֆունկցիաներ՝

ա. տեղեկատվական
բ. հաղորդակցման

Ինչ ակումբի և այլ հայկական ֆորումների հետ նախորդ տարիներին տեղի էր ունենում դա յուրօրինակ bubble էր:
Տեղեկատվական ֆունկցիան մեծ մասով փոխանցվում է google, wikipedia, youtube և այլնին, որոնք օրեցոր ավելի ու ավելի ինֆորմացիա են տրամադրում հայ ինտերնետ հասրակությանը, որը նախկինում անհասանելի էր:

Հաղորդակցման ֆուկցիան մեծ մասով փոխանցվում է սոց. ցանցերին կամ իրական կյանք: Ինչու՞ վերջինը. որովհետև տարներ առաջ Հայաստանում իներնետից օգտվողները փոքրամասնություն էին, թե ինտերնետին հասանելի լինելու և թե իրենց հետաքրքրությունների առումով, դրա համար շատ հաճախ իրենց հետաքրությունները կիսող մարդկանց գտնելու գործնականում միակ միջոցը դա ինտերնետն /ֆորումները/ էր: Այսօր ինտերնետն և ինֆորմացիան ավելի հասանելի են, մարդիկ համեմատաբար ավելի տեղեկացված, հետևաբար նաև իրական կյանքում ավելի հեշտ է գտնել քո հետաքրրությունները և տեղեկացվածության մակարդակը կիսող մարդկանց:

Այսինքն՝ ակումբի /ինչպես և բոլոր ֆորումների/ պահանջարկը փոքրացել է, բայց այն կա և անփոխարինելի: Օրինակ՝ ինձ համար Ակումբը որոշ հարցերի պատասխան ստանալու միակ միջոցն է դեռևս:

Ինչ կարող է անել ակումբի ղեկավարությունը՝

ա. համակերպվել այն փաստի հետ, որ ֆորումների պահանջարկը ընդհանուր այսօր ավելի փոքր է քան նախկինում: Կենտրոնանալ այդ մինիմում սեգմենտի վրա, գտնել այն հատկանիշները, որոնք մարդկանց ստիպում են այցելել ակումբ /ոչ միայն որպես գրանցված անդամ, այլ նաև պազապես որպես այցելու/, այսինքն՝ այն հաղորդակցման և տեղեկատվական ֆունկցիաները, որոնք ակումբը անփոխարինելի են դարձնում այլ պլատֆորմների նկատմամբ /բիզնես տերմինալոգիավ ասած՝ USP-ն/, և զարգացնել դրանք:

բ. կամ կտրուկ փոխել ֆորմատը, այսինքն՝ դուրս գալ ֆորումի դասական ֆորմատից: Բայց սա շատ ռիսկային է, քանի որ կմտնեք լրիվ նոր միջավայր՝ նոր մրցակիցներով:


հ.գ. մի բան էլ, որ միշտ ուզում էի նշեի, համապատասխան PRի դեպքում ակումբը շատ ավելի տարածված կլինի սփյուռքի շրջանում, որը ունի հայ հասարակության ներքին կյանքին հաղորդակից դառնալու մեծ սահմանափակում:

[Ամմէ]

իմ կարծիքով ակումբը այլևս պասիվ չի լինի խոսք եմ տալիս

[Meme]

իմ կարծիքով ակումբը այլևս պասիվ չի լինի խոսք եմ տալիս

Բարև բոլորին, Չուկ ինձ թվումա Էմման մեծ հույս տվեց, բայց կարծում եմ, Սմոկնելա ճիշտ, նորություն իրոք պետքա, կամ գույների, կամ էլ թեմաների մեջ...
Ցավալիա իմ համար, որ ակումբը էսպես անհետաքրքրացելա, էլի գոնե մեկ մեկ մտնում ենք, բայց էն չի, ու էդ բոլորի համարա էդպես, ես որ վաղուց էի զգացել, ու երևի ակումբը մի քանի անգամ ժամանակավոր փակվելուց հետո եղավ էդպես, չգիտեմ...
Սա իմ կարծիքնա, շատ էի ուզում արտահայտվել, ուղղակի ուզում եմ շա՜տ որ միանանք, ու կառուցենք էն հինը, որը կար, թեկուզ նորերին հավեսի գցելով...
Շատ սիրում եմ ձեզ

[Vaio]

Մի բան էլ ես գրեմ, որ նպաստեմ ֆորումի ակտիվացմանը: ))

Թեպետ կրկնվում ենք արդեն, այլևս նորություն չկա, և նույնիսկ մինչ այս թեման բացվելը դրանց մասին խոսվել էր, այդ թվում` իմ կողմից... ինչևէ, եթե կոնկրետ պատասխան տամ այս հարցին` ակումբի պասիվացման պատճառները, ապա սրանք իրականում շատ-շատ են, կարելիա մի 10 պատճառ բերել, բայց ես, այնուամենայնիվ, կգրեմ մի պատճառ, որը ի դեպ, ուղղված չէ որևէ անձի դեմ:

Եթե սպորտում թիմը անընդմեջ պարտվում է կամ տևական ժամանակահատվածում գնալով խաղը վատանում է, թիմը ձեռքից գնում է, ապա դրա գլխավոր պատճառը թիմի գլխավոր մարզիչն է:

[Mephistopheles]

ես գիտեմ ովքեր են Ակւմբի պասիվացման մեղավորները…

[My World My Space]

Նոր կարդում եմ ու խնդալս գալիս ա:
Ոնց որ նախորդ անպտուղ քննարկումները, սա էլ ոնց գրվեց նենց կմնա:
Չուկը համարյա բոլոր տեսակետների հետ համաձայն ա, բայց «համոզված ա, որ դա չի հիմնական պատճառը» ակումբի պասիվության... Արթ, ընգեր, մանրից սկսում եմ համոզվել, որ էս ամեն ինչը նմանվում ա Տիկոյի կառավարության նիստերին, որոնց ժամանակ ամենաքիչը մի 10-15 հայեցակարգ ու ծրագիր ա ընդունվում, բայց որևէ մեկը դեռ իրագործված չի:
Էլի եմ կրկնում, կարող ա և չկա «հիմնական պատճառ», այլ կան պատճառների խումբ: Պատճառների մի բավական մասի նկարագրություն ու լուծման ձև հայտվել ա արդեն: Պետք ա սկսել գործել: Պատճառ պատճառի հետևից մանր ու մեծ կարելի ա հերթով վերացնել, ու կտենաս, որ տակը բան չի մնա էլ:

[Lion]

Նոր կարդում եմ ու խնդալս գալիս ա:
Ոնց որ նախորդ անպտուղ քննարկումները, սա էլ ոնց գրվեց նենց կմնա:

Այ քեզ բաաան - լրիվ նույն բանն էլ իմ մտքով էր անցնում, ոնց որ ես գրած լինեի...

[Chuk]

Նոր կարդում եմ ու խնդալս գալիս ա:
Ոնց որ նախորդ անպտուղ քննարկումները, սա էլ ոնց գրվեց նենց կմնա:
Չուկը համարյա բոլոր տեսակետների հետ համաձայն ա, բայց «համոզված ա, որ դա չի հիմնական պատճառը» ակումբի պասիվության... Արթ, ընգեր, մանրից սկսում եմ համոզվել, որ էս ամեն ինչը նմանվում ա Տիկոյի կառավարության նիստերին, որոնց ժամանակ ամենաքիչը մի 10-15 հայեցակարգ ու ծրագիր ա ընդունվում, բայց որևէ մեկը դեռ իրագործված չի:
Էլի եմ կրկնում, կարող ա և չկա «հիմնական պատճառ», այլ կան պատճառների խումբ: Պատճառների մի բավական մասի նկարագրություն ու լուծման ձև հայտվել ա արդեն: Պետք ա սկսել գործել: Պատճառ պատճառի հետևից մանր ու մեծ կարելի ա հերթով վերացնել, ու կտենաս, որ տակը բան չի մնա էլ:

Ես էլ գնալով համոզվում եմ, որ դու իմ գրածները կարդում ու չես հասկանում: Ոչինչ, հոչ չէ

[My World My Space]

Ես էլ գնալով համոզվում եմ, որ դու իմ գրածները կարդում ու չես հասկանում: Ոչինչ, հոչ չէ

Հաջողություն քեզ ամենապրոբլեմի որոնման գործում։ ։)

Sent from my HTC One X using Tapatalk 2

[Chuk]

Հաջողություն քեզ ամենապրոբլեմի որոնման գործում։ ։)

Sent from my HTC One X using Tapatalk 2

Դիտմա՞մբ ես անում, Հո՛վ:
Ուրեմն հատուկ չհասկացածների համար մի հատ էլ ասեմ:

Չկա ամենապրոբլեմ: Կա պրոբլեմների խումբ: Թեման նախատեսված է պրոբլեմները գտնելու համար: ՈՐԵՎԷ պրոբլեմ աչքաթող չի արվելու: Իսկ ընդհանուր քննարկումից, ամենատարբեր պրոբլեմներն արտաքին աշխարհ հանելուց, դրանց լուծման տարբերակները քննարկելուց կամ ուրվագծելուց հետո հատ-հատ բոլոր պրոբլեմները կլուծվեն:

Ու եթե կան մարդիկ, ովքեր ուզում են թեման շեղեն ու ներկայացնեն իբր անելանելի իրավիճակ, որտեղ իբր ես չեմ ուզում իրականում խնդիրները լուծել, թող այլոք մտածեն, թե էդ մարդիկ ինչի են փորձում նման ատմասֆերա ստեղծել այստեղ:

[thereisnomonkey]

Պրոբլեմները պետք է դասակարգել երկու հիմնական խմբերի։ Առաջինն այն պրոբլեմներն են, որոնք բերում են Ակումբի օգտագործման նվազմանը՝ անկախ ճիշտ կամ սխալ քաղաքականություն վարելուց։ Դրանցից է ժամանակի տվյալ պահի պահանջարկը։ Չի կարելի ժխտել սոց ցանցերի, բլոգերի, նաև լրատվական կայքերի բարձր պոպուլյարության վնասը ֆորումներին։ Այն ժամանակը, որն օգտատերը տրամադրում է ինտերնետին, որի զգալի մասը գնում էր Ակումբ կամ այլ ֆորում մտնելուն, այժմ ավելի շատ կամ ամբողջությամբ օգտագործվում է սոց ցանցերից օգտվելու համար։ Այստեղ կարելի է փորձել ինտեգրել Ակումբը սոց ցանցերին․ խոսքը տեխնիկական հնարավորության մասին չէ, այլ այդ հնարավորության Ակումբի ղեկավարության հաճախ օգտագործման ավելացման մասին։
2007-2008 թվականները Ակումբի ամենաբեղուն ժամանակներն էին։ Սա այն ժամանակն էր, երբ Հայաստանում տարածում չունեին ժամանակակից սոց ցանցերը(ֆեյբուք, թվիթեր․․․)։ Այժմ ինտերնետի՝ մասնավորապես սոց ցանցերի օգտատերերի թիվը Հայաստանից բազմապատիկ ավելացել է, և սրանք այն օգտատերերն են, ովքեր չեն էլ լսել Ակումբի մասին։ Ակումբը կրկին ճանաչելի դառնալու խնդիր ունի։ Հենց այս հարցում պետք է օգտագործել սոց ցանցերը։ Անխոս, Ակումբի ղեկավարության ակտիվությունն այս հարցում ճանաչելիության ավելացման հիմնական գրավականն է։
Որոշակի խնդիր է նաև Ակումբի «տեսքը»՝ ինտերֆեյսը։ Ռեբրենդինգ։ Ծեծված, տեղի ու անտեղի հաճախ օգտագործվող բառ։ Սրա ճիշտ կատարումը արդեն փորձված ակումբը նորովի կմատուցի հին ու, որ ավելի կարևոր է, նոր օգտատերերին։
Եվ վերջում ավելացնեմ՝ Ակումբն ունի քննարկված ու սպառված թեմաների հսկայական պաշար։ Սակայն կարելի է հնարավորություն տալ նորից սկսելու նույն թեմաները։ Հավանաբար կարիք կառաջանա հին թեմաների մի մասը ջնջելու․ սարսափելի ոչինչ չեմ տեսնում։
Անկեղծորեն ցանկանում եմ տեսնել ակտիվ ու առողջ քննարկումներով լի Ակումբ։

Հ․Գ․ Ամեն դեպքում, Ակումբի օգտագործման նվազումը ղեկավարության պակաս աշխատանքի կամ դրա բացակայության արդյունք է։

[Ամմէ]

համաձայն եմ Մեմե ջաաան. մենք էլ քեզ ենք սիրում

[Lion]

Հը, ուր հասանք, ինչ հետևություններ արվեցին?