ԿԻՐԱԷԼ. «Մեծ Անցում»

[Sambitbaba]

ԿԻՐԱԷԼ
ՄԵԾ ԱՆՑՈՒՄ
Հեղինակ. Ֆրեդ ՍԹԵՐԼԻՆԳ
_ _ _ _ _ _ _ _ _ _ _ _ _ _ _ _ _ _ _ _ _ _


“Կիրաէլ. Մեծ Անցումը” բովանդակում է իր մեջ մեր մոլորակն արթնացնող իրադարձության հիմքերը, որոնք անհրաժեշտ է գիտենալ յուրաքանչյուր մարդու։ Այդ պրոցեսի ճիշտ ընկալումով դուք ոչ միայն կանցնեք այդ Անցումը, այլ նաև ձեռք կբերեք հստակություն, որը կօգնի ձեզ հաղթահարել դժվարությունները ձեր անցման ճանապարհին։ Մեծ Անցումը՝ վերելք է գիտակցության որոշակի մակարդակից դեպի մյուսը։ Դա արթնացումն է ձեր ուղեղի, ձեր բջջային գիտակցության այն մասնիկների, որոնք երբեք նախկինում արթնացած չեն եղել։ Դուք՝ այդ արթնացման մասն եք, և այս գիրքը կպատմի ձեզ այն մասին, որ դուք միայնակ չեք։ Այս գիրքը նախատեսված է նրա համար, որպեսզի դառնա անսպառ աղբյուրն այն տեղեկության, որը ձեզ ցույց կտա, թե ինչպես անդրադարձվել նոր էներգիայի հետ։ Սա գիրք-ուղերձ է, թե ինչպես ձեր ճամփորդությունը դարձնել ամենավառ փորձությունն այն բոլոր փորձություններից, որոնց հետ ձեզ վիճակվել է բախվել ձեր բազմաթիվ կյանքերից յուրաքանչյուրի ընթացքում։

[Sambitbaba]

Հրատարակչի նախաբանը

Դուք բռնել եք ձեր ձեռքին “Կիրաէլ. Մեծ Անցում” գրքի վերամշակված և հավելացված օրինակը։ Եթե ձեզ բախտ է վիճակվել ունենալ առաջին հրատարակչության սակավաթիվ օրինակներից մեկը, պահպանեք՝ դուք էլ չեք տեսնի այն վաճառքում։ Կարդում եք արդյոք դուք այս նյութը առաջին կամ յոթերորդ անգամ, այս մեկնակերպում կգտնեք նախնական նյութի մի քանի վերափոխումներ և տերմինների ավելի սպառիչ բառարան։ Ինչպես նաև հաճույք կստանաք որոշ հավելացումներից. նոր նախաբանից, ամեն գլխի սկզբում տեղադրված ճշտումներից, ավելի համառոտ տեղեկություններից Կիրաէլի և Կահու Ֆրեդ Սթերլինգի մասին (Կահու՝ հավայերեն նշանակում է Հոգևոր Առաջնորդ)։

“Կիրաէլ. Մեծ Անցում” գիրքն առաջին անգամ հրատարակվել է 1998 թ. սկզբին, երբ դեռևս շատ քչերն էին խոսում գիտակցության մեջ Մեծ Անցման մասին։ Գրքի մասին նյութն սկսեց երևան գալ 1990-ականների կեսերին՝ Ֆրեդ Սթերլինգի և իրենց էքստրասենսորային ընդունակությունները զարգացնել ցանկացող մարդկանց մի փոքրիկ խմբի հետ հաղորդատվական (չեննելինգային) սեանսների ժամանակ։ Շուտով պարզ դարձավ, որ Կիրաէլից եկող տեղեկությունները՝ հզոր և կենսաշրջիչ են։ Այդ մարդիկ հասկացան, որ Կիրաէլի խոսքերով հարկավոր է կիսվել ամբողջ աշխարհի հետ։ Արդյունքը եղավ այն, որ այդ փոքրիկ խումբը սկսեց ձայնագրել սեանսները Կիրաէլի հետ և այդ նյութից ստեղծեց “Կիրաէլ. Մեծ Անցում” գիրքը։

Գիրքն իր մեջ պարունակում է սկզբունքներ, որոնք անհրաժեշտ է գիտենալ ամեն մարդու՝ գիտակցության մեջ այն անցման մասին, որն արթնացնում է մոլորակը։ Դուք՝ այդ արթնացման մասն եք, և տվյալ գիրքը կպատմի ձեզ, որ դուք միայնակ չեք։ Շատ մարդիկ, ովքեր մտածում էին, որ միայն իրենք են զգում, ասես թե, որոշակի անբացատրելի փոփոխություններ իրենց կյանքում, այժմ պատրաստ են արտահայտվել ու տալ հարցեր, որոնց Կիրաէլը պատասխանում է այս և ուրիշ գրքերում։ Կիրաէլն ու Ֆրեդ Սթերլինգը շարունակում են բարձր և ոգևորված խոսել Մեծ Անցման մասին։

Լավ լուր է հանդիսանում այն, որ այժմ դուք ավելի շատ մարդիկ եք տեսնում հոգևոր արթնացման ավանգարդում, որոնք, ինչպես Ֆրեդ Սթերլինգը, հաղորդատվական (չեննելինգային) ուղերձներ են փոխանցում մեզ՝ գիտակցության մեջ անցման մասին, ինչը բացարձակ համապատասխանության մեջ է գտնվում վերջերս կայացած մոլորակային առաջընթացների հետ. 1987 թ. Ներդաշնակային Զուգամերձության (Гармоническая Конвергенция)* հետ, 2000 թ. մի հազարամյակից մյուսը Անցման հետ, 2003 թ. Ներդաշնակային Համապատասխանության (Гармоническое Соответствие)** հետ և 2004 թ. Վեներայի տարանցման (Транзит Венеры) հետ։ Համոզվելու համար դուք կարող եք գտնել ներկայումս հասանելի ավելի շատ հաղորդատվական տեղեկություններ՝ հոգևոր արթնացման և Երկրային առաջընթացների փոխադարձ կապվածության մասին գլոբալ մակարդակի վրա։

“Կիրաէլ. Մեծ Անցում”-ը՝ գիրք-խրատ է աննախադեպ իրադարձության վերաբերյալ, ինչը տեղի է ունենում մեր մոլորակի վրա, մեր կյանքում։ Ուղեվարներն ու պատգամաբերներն այստեղ են արդեն; անկասկածելի վկայություններն ակնհայտ են։ Այս գիրքը՝ արթնացման ճամփորդության մասին է, վախից դեպի Սերը։ Մենք հրավիրում ենք ձեզ ընտրել Սերը։

Ալոհա և Բարեմաղթանքներ
Lightways հրատարակչություն
Հոնոլուլու, Հավայիի________________________________________
* http://yamaya.ru/yamaya-articles/hosearticles/24/
** http://www.marjin.ru/golos/9.11.2003.htm

[Sambitbaba]

ՀԵՂԻՆԱԿԻ ՆԱԽԱԲԱՆԸ ԵՎ ՆԵՐԱԾՈՒԹՅՈՒՆԸ

Նախաբան

Այս գիրքը ես անվանում եմ “ապաքինող էություն”, քանի որ այն դիմելու է ձեր մտքին, պատասխանելու է ձեր հարցերին և լայնացնելու է ձեր իրականության հնարավորությունները։ Իսկ ամենաշատը՝ նա կդրդի ձեզանից յուրաքանչյուրին առաջադիմել դեպի ձեր ներսը և փնտրել ավելի խորը, քան երբևիցէ առաջ։ Այն թույլ կտա ձեր սրտին անդրադարձվել Ճշմարտության, Վստահության և Կրքի վիբրացիայի հետ։

Եվ եթե այն անդրադարձվում է այս գրքի մեջ որևէ արտահայտության հետ, խնդրում եմ, պատմեք այդ մասին մարդկանց, և եթե անհրաժեշտություն ծագի, պատրաստ եղեք գիրքն ուրիշներին փոխանցել։ Բայց կարող է պատահել, որ դուք կցանկանաք տալ գիրքը հետ վերադարձնելու պայմանով միայն, քանզի այս աշխատությունը ենթադրում է, որ իրեն պետք է շատ անգամ կարդալ։ Դուք կհայտնաբերեք, որ ձեր հետազոտությունների լայնացման հետ միասին լայնանում է նաև գրքում ներառնված արտահայտությունների նշանակությունը։

Ձեռնարկեք այս ճամփորդությունը, փորձարկեք այս աշխատությունը, և, հատկապես, արթնացրեք ձեր ներքին աղբյուրը, որը ստիպեց ձեզ միանալ այս վիբրացիային։ Թույլ տվեք սիրոն հոսել, և թող ձեր սի՛րտը կարդա այս գիրքը։ Իմ սիրտը, ինչպես նաև այս աշխատությունը, բաց է։ ՎՍՏԱՀԵՔ։

[Sambitbaba]

Նոր ներածություն

Յոթ տարի առաջ, երբ առաջին անգամ հրատարակվեց այս գիրքը, մենք ունեինք Վարպետ Կիրաէլի կողմից ներկայացված պատկերացումը, և մենք գիտեինք, որ պետք է կիսենք այն ամբողջ աշխարհի հետ։ Այսօր այդ պատկերացումն օգտագործվում է արդեն շատերի կողմից և կրկնվում է այլ ուսուցիչներով էլ տարբեր մետաֆիզիկական շրջանակներում։

Երբ գրվում էր այս գիրքը, ես ընդամենը մի որոնող էի, որ փորձում էր հասկանալ նշանակությունն այն բառերի, որոնք եկել էին իմ միջոցով և հավաքվել այս գրքում։ Շատերի պես, ես էլ՝ տալիս էի արդեն ծեծված հարցերը. “Արդյո՞ք սա աշխարհի գոյատևության վերջն է, թե՞ մենք մեր ապագան ձևավորող իրադարձությունների մի ինչ-որ միստիկական ծավալում ենք ապրում, որի մեջ, ըստ երևույթին, ոչ մի իմաստ չկա։ Կա՞ արդյոք իրոք ինչ-որ դրական մի բան, ինչը մեզ կգա այս անհավանական, ցնցող էներգիայից, որը ներկայումս կոչվում է Մեծ Անցում, և արդյո՞ ք կա հնարավորություն, որ Մեծ Անցումը կվերցնի մեր այս բոլոր կոլեկտիվ “իրականություններն” ու ուսմունքները, կպատռտի նրանք մանր կտորների և այդ կտորներից կյանքի նոր ու զարմանալի պատկերներ կստեղծի”։

Հնարավոր է, ամենակարևորն այն հարցն էր, թե ինչպե՞ս այս ոչ մեծ աշխատությունը պետք է վիճարկի նեգատիվով ու աշխարհի վերջով նախշազարդված տեղեկությունների հսկայական քանակությունը, և օգնի Մեզ, Մարդկանց, հասկանալ, որ ամեն ինչ մեր ձեռքերում է։ Ո՞վ եմ ես, որպեսզի մտածեմ անգամ, որ իմ՝ Վարպետ Կիրաէլին Երկրային ոլորտ բերելը, երբևիցէ կտա պատասխաններ, որոնք կկարողանան օգտակար լինել բոլորին։

Այո, բարեկամներս, ես ուսումնասիրել եմ բոլոր այդ հարցերը և այժմ գիտեմ, որ դա ճշմարտություն է։ Այս ակնթարթին, երբ դուք այս գիրքն ունեք ձեր ձեռքին, մենք խորն ընկղմված ենք մի իրադարձության մեջ, որը մեկն է մեր հոգու բարեմաղթման և վերափոխման համար ամենաբարենպաստ իրադարձություններից, սկսած այն ժամանակներից, երբ Վարպետ Հիսուսը փորձում էր օգնել մեզ ապաքինվել ու հետ վերադառնալ դեպի սերը, մոտ երկու հազար տարի առաջ։ Դա մեծ արթնացման ժամանակն է, և Մենք, Մարդիկ, - այդ տիեզերական արկածի աստղերն ենք։

Այս գիրքը գրվելու ժամանակ Վարպետ Կիրաէլն ասաց, որ գիրքն իր մեջ գիտակցության յոթ մակարդակներ է պարունակում, և այն, ինչ գրված է նրա էջերին, պետք է համարել ժամանակին ոչ ենթակա։ Ավելի լավ ասել հնարավոր չէր։ Ընթերցողները նորից ու նորից ինձ ասում են այն նոր տեղեկությունների մասին, որ գտնում են իրենք ամեն անգամ, երբ վերընթերցում են այս գիրքը։ Մարդիկ, ովքեր ունեն նրա տպագրված օրինակը, շատ դեպքերում վերընթերցելով մաշեցրել են այն։ Մի անգամ, երբ ես ստորագրում էի գրքերը, իմ առջև մի կին հայտնվեց, ում ձեռքի գիրքը բառացիորեն արդեն մասերի էր մասնատվել։ Ես զգացված էի մինչև սրտիս խորքը, և առաջարկեցի անվճար փոխել նրա գիրքը ստորագրված մի նոր օրինակով։ Ամենահանդիսավոր կերպով նա հայտատարեց, որ անկարող է բաժանվել իր սիրելի օրինակից և խնդրեց սիրալիր, որ ես այդ քրքրված օրինակը ստորագրեմ։

Ես անրջող չեմ, բարեկամներս։ Փաստորեն, ես միշտ իմ ամենախիստ քննադատներից մեկն եմ հանդիսանում։ Ես ասում եմ յուրաքանչյուրին, ով կսկսի արթնացման մեծ ճանապարհորդությունը. Վարպետ Կիրաէլի բացատրություններից այնքա՜ն շատ բան կարելի է իմանալ այդ երանելի արթնացման մասին։ Ձեզ հարկավոր է միայն նայել ձեր սրտի ներսը, որպեսզի համոզվեք Կիրաէլի խոսքերի ճշմարտության մեջ և հասկանաք. այն, ինչի մասին նա խոսում է, - երազանք չէ, այլ սքանչելի իրականություն, որը մենք հնարավորություն ունենք ստեղծել բորորս միասին։

Դա մի ժամանակ է, երբ մենք պարտավոր ենք հետևում թողնել մեր արդեն սերտած վախերն ու կասկածի առնել գոյատևող իրավիճակը։ Նմանապես, դա մի ժամանակ է, երբ մենք պետք է հաշվի առնենք, որ մենք, որպես մարդ, չունենք բոլոր հարցերի պատասխանները։ Այս գրքում դուք կտեսնեք մի բացվող աշխարհ, որը մեզ ոչ միայն հույս և տղամարդկություն կտա, այլ նաև կօգնի յուրաքանչյուրին՝ սկսել անհամբերությամբ սպասել հայտնվելուն ժամանակի մեջ մի տարածության, որտեղ մենք կարող ենք միահամուռ հավաքվել մեկտեղ։ Ոչ մաշկի գույնը, ոչ աչքերի կտրվածքը, ոչ անձնագիրը չեն կարողանա խանգարել մեզ համախմբվել մի ուժի մեջ, որը կտեղափոխի մեզ արթնության հաջորդ մակարդակը։

Քանի դուք կարդում եք այս գիրքը, հավատացեք, որ այժմ այն պետք է ժամանակակից մարդուն ավելի շատ, քան այն ժամանակ, երբ հրատարակվել էր տարիներ առաջ, առաջին անգամ։ “Ինչո՞ւ” հարցին շատ հեշտ է պատասխանել։ Մենք արդեն գտնվում ենք Մեծ Անցման մեջ։ Դուք չեք կարող արթուն լինել այս աշխարհում և չտեսնել նոր ուժերի աշխատանքը։ Դուք չեք կարող օգտվել ձեր հինգ զգայարաններից մեկնումեկով և չզգալ վեցերորդի առավելությունը։ Սա մե՜ծ ժամանակ է, բարեկամներս։ Սա “Մեծ Անցում է”, և դուք ինձ հարգանք կմատուցեիք, եթե համարձակվեիք ու հասկանայիք, որ համատեղ՝ մենք կկարողանանք հեշտացնել գիտակցության այդ փոխակերպությունը։ Եկե՛ք միասին ճանապարհ ընկնենք։

Եկեք բացենք մեր սրտերն այն գիտակցությանը, որ մենք պե՛տք է մասնակցենք դրան։ Եկեք չկպչենք այդ երանելի իրադարձության տարեթվին։ Դրա փոխարեն, եկեք կենտրոնացնենք մեր սիրո էներգիան այն արդյունքի վրա, որը որ մենք բոլորս կցանկանայինք տեսնել։ Եկեք պատրաստվենք նրան, որ մի օր արթնանանք և նկատենք, որ ամբողջ Աշխարհում խաղաղություն է տիրում։ Դա պետք է դառնա մեր համատեղ ճամփորդությունը, այդ պատճառով եկե՛ք բարձրանանք բարձունքի գագաթը որպես մի ամբողջություն։

[Sambitbaba]

Սկզբնական ներածություն

Երբ սկսեց ծավալվել այս աշխատանքը, ես դարձա նրա խստագույն քննադատը։ Թվում էր, թե նյութի ներքին ուժն իմ հասկացողության սահմաններից դուրս է գտնվում։ Ես ընդամենը տաս տարվա փորձ ունեի այդ ասպարեզում, և իմ երևան գալու հնարավորությունները կարող էին սահմանափակ համարվել։ Վաղաժամ չէ՞ արդյոք այդ հուզիչ իրադարձության մասին տեղեկությունների բացահայտումը, թէ՞ ավելի լավ է շարունակել խաղս իմ սեփական անվտանգ բակում։ Ես գլուխ էի կոտրում այդ հարցի շուրջ, բայց շուտով հասկացա, որ տեղեկությունների բացահայտումը հիմա, կօգնի միայն մարդկանց իրենց կենսական ճամփորդությունը հասկանալու համար։

Երկրագնդի ներկայիս վիճակը ստիպում է մեզանից շատերին կասկածի տակ առնել մեր կյանքերը, մեր ապագան և հենց մեր գոյատևությունը։ Հաճախ մենք գերբեռնված ենք մասսայական ինֆորմացիայի միջոցներով մեզ հասնող տեղեկություններով, ինչը կարող է մեզ քաոսի և խառնաշփոթության բերել։ Տեղեկությունների ստացումը կարևոր դեր է խաղում մեր կյանքում, բայց նրանց մեծամասնությունն արտացոլում է այն անհանգիստ աշխարհը, որում մենք ապրում ենք։ Հատկապես հիմա մենք պետք է սովորենք վստահել մեր ներքին զգացմունքներին և խորհուրդներին, քանզի միայն այդ ժամանակ կկարողանանք սահմանել մեր՝ դեպի մեր ներսը կատարվող ճամփորդությունների ճանաչման անհրաժեշտությունը։

Շատ մարդիկ պատրաստ չեն մարտակոչ նետել իրենց ընկալած աշխարհի մասին իրենց համոզմունքներին։ Հավատալիքների մասսայական հոսանքի մեջ գտնվելն ավելի անվտանգ է։ Ինքդ քեզ մեծամասնության մասնիկը զգալը խաբուսիկ խիզախություն է տալիս, և հենց դրանում է իրական պրոբլեմը։ Այդ մասսայական խաբկանքի սատարումը՝ կառավարությունների նպատակն է։ Նրանք կախում ունեն մասսայական խաբկանքի մեջ ամփոփված վախից, որը նեցուկ է նրանց հսկողությանը, և հասկանալի է, որ այս գրքի նյութը նրանց քաջալերմանը չի արժանանա։

Ես չեմ փորձում հորդորել մի յուրահատուկ գաղտնի դավադրության թեորիայի կիրառմանը, քանզի ամենը, ինչ տվյալ աշխատության մեջ առաջարկել է Կիրաէլն ամեն մի ընթերցողի, - դա կշռադատելու հնարավորություններն են։ Այս գիրքը գրելն օգնեց իմ սեփական համոզմունքների մի այնպիսի սիստեմ ստեղծել, որը գերազանցեց իմ ամենախիզախ սպասումները։ Այնպես որ ներողամիտ եղեք խնդրեմ իմ հանդեպ առաջիկա մի քանի դրվագներն ընթերցելուց էլ, քանի դեռ չեմ բացատրել, թե որտեղից այդ ամենը եկավ։ Դա՝ բոլոր այն հիանալի ոգիների ցանկությունն է, ովքեր ձգտում են ծառայել մարդկությանը որպես սիրող ուսուցիչներ։

Մարդկային ճամփորդությունը մեզանից ամեն մեկը տարբեր կերպ է փորձարկում։ Քչերն են հասկանում անգամ խորին նշանակությունն այն պրոցեսի, որը կոչվում է մարդկային փորձություն։ Սա՝ գիրք-խրատ է, որից բոլորը կարող են օգտվել իրենց սեփական հոգևոր ճամփորդություններում։

Կա՛ պատճառն այն բանի, թե ինչու դուք ընտրեցիք հենց այս օրը, որպեսզի ծախսեք ձեր ժամանակն ու ծանոթանաք այս գրքին։ Դա պատահականություն չէ։ Այս խոսքերը նախատեսված են ոչ թե մարդկանց ինչ-որ որոշակի տիպի համար, այլ բոլոր նրանց համար, ովքեր որոշել են լսել բաց սրտով։ Եթե ձեր ձեռքերը դիպչում են այս գրքին, եթե ձեր աչքերը կարդում են այս բառերը, եթե ձեր սիրտը թռչկոտում է ձեր կրծքավանդակում, և դուք զգում եք ձեզ շրջապատող ջերմությունը, գիտցեք, որ ձեզ ներքին ոգին արթնանում է։ Քանի մեզանից յուրաքանչյուրը իր բազում կյանքերում ավելի մեծ սեր և ավելի շատ լույս է փնտրում, կարևոր է գիտակցել աճի հնարավորությունը և քաջալերել այն։

Խնդրում եմ, մի մոռացեք կարդալ այս տողերը սիրող սրտով և բաց մտքով։ Թեև դուք կարող եք նաև չհասկանալ գիտակցորեն այստեղ ներկայացված նյութի որոշ մասը, գիտցեք, որ ինչ-որ տեղ ձեր ենթագիտակցության խորքերում տեղի է ունենում ձեր հիշողության արթնացումը։ Եվ այդ արթնացման միջոցով ձեր սովորական կյանքը կլցվի սիրո, պարզության, լիության և հասկացության նշանակալիորեն ավելի շատ քանակով, քան երբևիցէ առաջ։

Պատիվ և առանձնաշնորհում է՝ գտնվել կյանքի այն ակնթարթում, երբ սկսում ես հասկանալ այս տեղեկությունների կարևորությունը։ Այս գրքի բառերը ցնցող պարզություն բերեցին իմ գիտակցության ներկայիս մակարդակ։ Ես հուսով եմ, որ, քանի դեռ ծավալվում է այս կախարդական ճամփորդությունը վախից դեպի սեր, դուք կմիանաք ինձ և մենք կկարողանանք սկսել ապաքինումը։

[Sambitbaba]

Իմ ծանոթությունը Կիրաէլի հետ

Դեռևս 1980-ներին էր, որ կինս ինձ՝ դիմադրողիս և աղաղակողիս, քարշ տվեց մի քանի մետաֆիզիկական սեմինարների։ Դիմադրությանս պատճառը շատ պարզ էր. իմ համոզմունքների սիստեմը հենվում էր միայն կապվածությանը հինգ զգացումներին։ Եթե ես կարող էի դիպչել մի բանի, տեսնել այն, զգալ կամ ինչ-որ կերպ գրանցել իմ հինգ զգայարանների իրականության մեջ, ես ինձ հարմարավետ էի զգում։ Այդ պատճառով նման սեմինարներն ինձ համար, մեղմ ասած, “տարօրինակ” բան էին։ Հանկարծակի ես մասնակից դարձա սեղանի վրա ոգեհարցական թխկթխկոցների հինավուրց պրակտիկային, պարանին կախած քարից պատասխաններ ստանալուն, և տրանսային մեդիումի արվեստը դիտելուն։

Սկզբնական անհանգստությունը հաղթահարելուց հետո, “ես չեմ կարող հավատալ, որ դա տեղի է ունենում”-ից՝ ես անմիջապես անցա ավելի ու ավելի շատ ապրումներ ունենալու անհաղթահարելի ցանկությանը։ Ես հետաքրքրված էի տրանս-հաղորդատվական սեանսներով և հմայված էի իմ ներկայիս իրականության սահմաններից դուրս գտնվող աղբյուրից եկող տեղեկություններով։

Մի անգամ կեսօրին, այդպիսի մի սեանսի ժամանակ, ես քնեցի։ Որոշ ժամանակ անց, ես բացեցի աչքերս ու տեսա, որ սենյակում բոլորը, բավական տարօրինակ հայացքով ինձ են հառել իրենց աչքերը։ Բարեբախտաբար, սենյակում կար մագնիտոֆոն, որն ինձ ապացույցներ բերեց այն բանի, որ ես հանկարծակի և անսպասելիորեն մտել եմ մեդիումների Աշխարհը։

Դա իմ առաջին փորձն էր՝ տրանս-մեդիում լինել բարձրագույն էության կամ այլտարածքային իրականությունից եկած վիբրացիոն-էներգետիկ կազմության համար։ Ցայտուն արտահայտված շոտլանդական առոգանությամբ օժտված այդ էությունը խնդրեց, որպեսզի մենք նրան կոչենք “Կիրաէլ”։ Երբ Կիրաէլն ընտելացավ Երրորդ Տարածքի ֆիզիկական աշխարհին, մենք շատ արագորեն ընտելացանք մեկս մյուսին։ Այդպիսին էր սկիզբը երկարատև ու զարմանհրաշ հարաբերությունների, որոնք ծառայություն մատուցեցին շատերին, ովքեր Երկրային պլանի մարդկանց համար դեռևս քիչ հասանելի պատասխաններ էին փնտրում։

Ժամանակի ընթացքում ես լսեցի շատերից բոլոր բանական բացատրությունները, թե ինչ ասել է տրանս-հաղորդատվություն՝ սկսած անձնավորության երկատումից մինչև դիվահարությունը։ Ոմանց անհրաժեշտ է հիմնավորապես պատկերացում կազմել այդ արտասովոր երևույթի մասին, իրենց գծային մտածողության օգնությամբ նրան ինչ-որ սահմանում տալով։ Սակայն ես համարում եմ, որ ամեն ոք պետք է հաղթահարի մեր ֆիզիկական իրականության սահմանափակումները, որպեսզի ամբողջովին գնահատի այդ փորձությունը։ Պատմական և ապագա իրադարձությունների մասին Կիրաէլից եկող տեղեկություններն անդրադարձվում են ավելի բարձր տատանումների վրա, քան նրանք, որոնք սովորաբար հնարավոր են Երրորդ Տարածքի խտության հետևանքով։

Կիրաէլը միշտ պնդել է, որ երբ մարդ իրոք պատրաստ է հանդիպել իր հետ, շանս անպայման կհայտնվի։ Քանի դուք կարդում եք այս գիրքը, ձեզ հրավիրում են խնդրել Կիրաէլին՝ բերել լույսի այդ էներգիան, և թույլ տալ, որ ապաքինումը սկսվի։ Եվ երբ էլ որ դուք կանչեք նրա էներգիան, Կիրաէլը ձեզ հետ կլինի։

Այսպիսով, թույլ տվեք ձեր բարձրագույն գիտակցությանը՝ ներշնչել ձեզ այս կյանքում։ Ճաշակեք այլ տարածքից ձեզ հյուր եկած էության մաքուր սերը, ով մտադրված ցույց տվեց մեզ, որ Մեծ Անցումը՝ ոչ թե զարհուրելի տեղաշարժ է, այլ զարմանահրաշ և հուզիչ առաջընթաց, որը մեզ բոլորիս մեծ հույսեր կբերի։ Աշխարհը պատրաստ է ապաքինմանը։ Եկեք սկսենք բոլորս միասին։

Կահու Ֆրեդ Սթերլինգ

[Sambitbaba]

Ն ա խ ա բ ա ն

ԿԻՐԱԷԼ. Ես ցանկանում եմ շնորհակալություն հայտնել Ձեզ բոլորին, Մարդկանց, իմ այս Երկրային պլան ներմուծած աշխատանքը հարգելու համար։ Երբ մենք առաջին անգամ հրատարակեցինք այս գիրքն այդքան շատ տարիներ առաջ, մենք պատմեցինք աշխարհին Մեծ Անցման մասին՝ Գիտակցության մեջ Մեծ Անցման մասին, և աշխարհը, իր մեծամասնությամբ, իրականում պատրաստ չգտնվեց լսել այս տեղեկությունները։ Եվ չնայած դրան, մեր ամեն մի գիրք վաճառվեց։

Այսպիսով, դա մի բան էր, ինչը գտնվում էր յուրաքանչյուր մարդու հոգու խորքում։ Դա բջջային գիտակցություն էր, հասկացում, որ հենց հիմա տեղի կունենա մի բան, և ոչ ոք չգիտեր, թե հատկապես ի՞նչ։ Այն տարիների մեծամասնությունը ես անց կացրեցի, փորձելով ասել մարդկանց այդ մասին, երբ նրանք հարցնում էին. “Ե՞րբ տեղի կունենա այդ Մեծ Անցումը, Վարպետ Կիրաէլ”։ Եվ ես պետք է ասեմ նրանց հետևյալը. “Մեծ Անցումը” տեղի է ունենում նույնիսկ այն ժամանակ, երբ դուք տալիս եք այդ հարցը, քանի որ Մեծ Անցումն արդեն անցել է իր աշխատանքին Ձեր, Երկիր մոլորակի, դեպի գոյատևության նոր վիբրացիան արթնացող Մարդկանց հետ։ Նա արդեն անցել է մեր սիրո լիիրավ արթնացմանը և կապին՝ Արարչի մեծ Ուժի հետ։

Նա այնտեղ է, որտեղ դուք, Մարդիկ, կսկսեք բարձրացնել ձեր թրթիռները։ Ներդաշնակ աշխարհում մարդիկ ձեռք ձեռքի կսկսեն քայլել։ Նրանք կսկսեն սիրել իրար մի այլ մակարդակի վրա, որը չեն տեսել սկսած Լեմուրիայի ժամանակներից։ Ոմանք, ովքեր կարդում են այս գիրքը, չգիտեն անգամ, որ Լեմուրիան գոյատևել է։ Բայց ես կասեմ ձեզ հետևյալը. “Բոլորն անխտիր, ովքեր կարդում են այս գիրքն առաջին անգամ, դուք ապրում եք մի մոլորակի վրա, որը շատ սիրելի է Արարիչ Աստծոն, և այնքան պաշտված է մեր՝ ոգիների կողմից, որ մենք եկել ենք այստեղ որպես մի մեծ կոլեկտիվ ուժ, որպեսզի ուղեկից լիենք ձեր մեծ զվարճաշրջությանը։

Մենք չենք մտածում տարեթվերի մասին, որովհետև գիտենք, որ քանի գրում ենք սա այսօր, մենք արդեն գտնվում ենք Մեծ Անցման մեջ։ Հասարակարգերը, որոնք շատ տարիների ընթացքում ձեզ այդքան ամուր էին թվում, այժմ, ըստ էության, նշանակալիորեն թուլացել են, այդպես չէ՞։ Մեծ կրոնները, մեծ քաղաքականությունները, համոզմունքների մածագույն համակարգերը, որոնք մենք մատրիցա` դրոշմամայր ենք համարել, - այդ ամենն այժմ ճեղքվածք է տվել։

Օ՜, մի գիշերվա մեջ դա չի անհետանա, քանզի դուք պատրաստ չեք։ Նույնիսկ մեզ, Իրականության մեջ Ուղեցույցներիս, պատրաստ համարել չի կարելի։ Մենք փորձում ենք անել ամենն, ինչ կարող ենք, որպեսզի դուք լսեք մեզ ձեր սրտի մեջ։ Մեծագույն էություններից ոմանք ներկայումս Երկրի պլան են եկել ձեզ ծառայելու համար։ Լույսի քույրեր և եղբայրներ, դուք, որ հրաժարվել եք ձեր գոյատևումից Արարչի մեջ, որպեսզի հնարավորություն ունենաք քայլել մեկտեղ Երկրի վրա, մեծագույն արարածներ, որ իրական մարմնավորում եք եկել, - ձեզանից շատերը կգան դեպի այս գիրքը։ Հնարավոր է, դա հենց դու ես, նա, ում հետ ես խոսում եմ հիմա։

Բայց գիտցեք. Մեծ Անցման մեջ անակնկալներ չկան։ Դա մեծ արթնացման ժամանակն է։ Ժամանակն է՝ նորից զգալ սիրո ներկայությունը։ Ժամանակն է՝ Երկրային պլանի վրա խաղաղության գերակշռության։ Եվ դա այն է, ինչի վրա մենք հուսում ենք։ Այն է, ինչի մասին աղոթում ենք։ Այն է, ինչի մարմնավորման համար մենք հարկադրում ենք մեր մտքերին համակենտրոնանալ։ Մենք խնդրում ենք բոլորին անխտիր, ով կարդում է այս գիրքը, համակվել նրանով մինչև ամենախոր մակարդակը, որ անհրաժեշտ չլինի այլևս բղավել այդ մասին։ Ձեզ պետք է ուղղակի կենտրոնանալ ինքներդ ձեզ վրա և գտնել սերը։

Ես պատմություններ եմ լսել այն մասին, որ այս գրքի առաջին հրատարակությունը ձեռքից ձեռք է անցել, իսկ հետո այդ նույն մարդկանցից լսել եմ տրտունջներ, որ էլ չունեն այս գիրքը։ Բարեկամներս, սա այն գիրքը չէ, որը դուք կարդում եք մեկ անգամ և ուղարկում եք փոշոտվելու գրադարակի վրա։ Այս գիրքը գրված է այնպես, որ պետք է կարդալ այն նորից ու նորից, և ամեն անգամ, երբ դուք կարդում եք այն, այն ավելի խորն է ներթափանցում ձեր սիրտը։

Իմ մեդիումի հրատարակիչները կարդում են այս գիրքը, որպեսզի համոզվեն, որ այն ճիշտ է գրված ձեզ համար, և ես տեսել եմ, թե ինչպես են նրանք լալիս էջ էջի հետևից՝ ոչ թե թախծից, բարեկամներս, այլ համակող ուրախությունից և գիտելիքից, որ գոյություն ունի հույս, և որ դա՝ անհասանելի նպատակ չէ։ Կարո՞ղ եք դուք ավելի շատը ցանկանալ։

Այսպիսով, ես բացում եմ այսօր ձեզ իմ սիրտը հույսով, որ դուք կկարդաք իմ աշխատանքը նույնպիսի բաց սրտով, ինչպես իմ հրատարակիչները, և թույլ կտաք նրան խոցել ձեզ խորը և նվագել ձեր սրտի լարերի վրա։ Եվ երբ արցունքի առաջին կաթիլը գլորվի ձեր այտով, շփոթություն մի զգացեք, այլ բարեմաղթեք ձեզ։ Գիտեցեք, որ այս գիրքը ծնվել է սիրո ամենամեծ քանակությունից, որը ես կարողացա բերել ինձ հետ։

Ես խորհուրդ կտայի ձեզ, երբ կարդում եք, նստեք լուռ և հանգիստ։ Թողեք միայն ձեզ անհրաժեշտ լույսը։ Կարող եք թեթև, հանգիստ երաժշտություն էլ միացնել։ Եվ խնդրեք տանը բոլորին ձեզ չանհանգստացնել։ Քանզի հենց այդ կերպ դուք հաճույք կվայելեք այս աշխատանքից նորից ու նորից։

Մի փնտրեք Մեծ Անցումը, բարեկամներս։ Մի փորձեք հաշվել, թե երբ այն տեղի կունենա։ Դուք արդեն նրա մեջ եք։ Եվ ձեզանից ոմանք արդեն սիրել են այն, այդպես չէ՞։ Իսկ նրանք, ում հետ դա դեռ տեղի չի ունեցել, ուղղակի հաշտվեք նրա հետ։ Դուք ձեր առջև խորդուբորդ ճանապարհ եք տեսնում։ Ես հանդիսավոր կերպով խոստանում եմ ձեզ, որ եթե դուք հաշտվեք այն գաղափարներից ոմանց հետ, որոնք կկարդաք այս գրքում, - խորդուբորդերը կհարթվեն։ Ես գիտեմ, որովհետև արդեն տեսել եմ դա։

[Sambitbaba]

1.

ԲԱՐԻ ԳԱԼՈՒՍՏ ՄԵԾ ԱՆՑՈՒՄ

ԿԻՐԱԷԼԻ ՃՇԳՐՏՈՒՄՆԵՐԸ

ԿԻՐԱԷԼ. Մեծ Անցում: Քանի՜ մարդ է տվել իրեն այդ հարցը. ի՞նչ է դա, ե՞րբ այն տեղի կունենա, ո՞վ կմասնակցի դրան, - և նրա համար միայն, որպեսզի բացահայտի, որ կա միայն մեկ մասնակից: Մեկ մասնակից: Եվ այդ դու ես` այս բառերը կարդացողը, - ձեզանից յուրաքանչյուրը, քանզի մի օր դու կգաս ըմբռնմանը, որ գոյություն ունի միայն մեկը:

Եվ այսպես, ես ասում եմ անխտիր բոլորին, ով կարդում է այս գիրքը, որ Մեծ Անցումը` դա վերելքն է գիտակցության մի որոշակի մակարդակից դեպի մյուսը: Դա արթնացումն է ձեր ուղեղի մասերի, ձեր բջջային գիտակցության մասերի, որոնք նախկինում երբեք արթնացած չեն եղել, քանզի նրանց արթնացման համար պատճառ չկար: Քանզի դրանք մեծ մատրիցայի, մեծ դրոշմամայրի ժամանակներն էին: Դրանք ժամանակներ էին, երբ դուք քչերին թույլ էիք տալիս որոշել ձեր փոխարեն:

Բայց էլ այդպես չի լինի, բարեկամներս, Սա Մեծ Անցում է Գիտակցության մեջ: Անցում, երբ Մենք, Մարդիկ, կվերածնվենք առանց բռնության աշխարհի սիրո և ճշմարտության մեջ: Դա ժամանակ է, բարեկամներս, երբ Երկրային ոլորտը կանցնի գիտակցության նոր մակարդակի: Ես ասում եմ դա հետևյալ կերպ. “Կարդալով սա, ձեզանից շատերը կհամաձայնվեն, որ դուք գտնվում եք այնտեղ, ինչը դուք երրորդ տարածք եք անվանում: Այդ տարածքի հիմքում ընկած է դուալիզմը` երկվությունը: Այդ տարածքի հիմքում են “Ինն” ու “Յանը”: Ամեն ինչ այդ տարածքում իր հակադրությունն ունի:

Բայց դուք գնում եք այն տեղը, որի մասին առաջ ես կասեի միայն` դանդաղ գնաս, երկար կլինես, - իսկ հիմա էլ այդպես չէ: Դուք գնում եք այնտեղ, որտեղ կկարողանաք հասկանալ, որ ճշմարտությունն այն է, ինչ դուք երբեք չեք սպասել: Դուք գնում եք այնտեղ, որտեղ կհասկանաք տարբերությունը կրքի և կոպիտ գրգռմունքի միջև: Դուք գնում եք այն տեղը, որտեղ ամենում, ինչ դուք տեսնում եք, մաքրություն կտիրի: Դուք կիմանաք, թե ինչպես շփվել մակարդակների վրա, որոնց գոյությունը դուք երբեք հնարավոր չեք համարել:

Ձեզանից շատերը սկսում են ընդունակություն ձեռք բերել` տեսնել մարդու աչքերում այն ճշմարտությունը, որի մասին խոսում եմ ես: Բայց ամենակարևորը, բարեկամներս, այն է, որ Մեծ Անցումը ենթադրում է, որ դուք կարող եք ապրել սիրո մեջ, մաքուր սիրո, և ձեզ հարկ չի լինի մտածել այն մասին, որ այդ պատճառով դուք կարող եք ինչ-որ տարօրինակ թվալ:

Եվ որպես եզրակացություն ձեր Մեծ Անցման` մենք այստեղ ենք, ձեզ հետ: Օ՜, դուք լուր կստանաք մեզանից այս կամ այն միջոցով, բայց մենք այստեղ ենք, ձեզ հետ: Արարիչն ուղարկել է մեզ լինել մեր ամենալավ լույսի մեջ: Եվ ինչպիսի՜ խոր հուզմունք ենք մենք ապրում այստեղ, ուշադրությամբ հետևելով ամբողջ քաղաքակրթությանը: Այնտեղ, որտեղ անցյալում Մեծ Արարիչը ստիպված էր հետ վերցնել ձեզ Երկրային ոլորտից, որպեսզի վերակարգավորի Մայր Երկիրը և նորից նրան հնարավորություն տա մաքրվել լույսի մեջ, այս անգամ Նա այնքան համոզված է Իր սեփական Լույսի վրա` իմ և ձեր վրա, - որ ցանկանում է, որ դուք մնաք այս մոլորակի վրա:

Այս գլխի մնացած մասում դուք կկարդաք, որ չկա ոչինչ, ինչից կարելի էր վախենալ: Դուք հասաք նրան, որպեսզի մնաք այս մոլորակի վրա և վսեմացնեք Մայր Երկիրը, երբևիցէ նրա ունեցած բոլոր փորձություններից ամենահիասքանչ փորձության միջոցով: Ինչպիսի՜ վիթխարի ճանապարհ է սպասվում ձեզ անցնել: Բարեմաղթությա՛մբ:

[Sambitbaba]

ԿԻՐԱԷԼ. Սա` մեծ ուրախության ժամանակն է: Ժամանակն է, սկսելու զարմանահրաշ ճամփորդությունը դեպի ձեր իրական էության Ճշմարտության արթնացումը: Սա ժամանակն է` ազատվել վախից և օգտվել ազատությունից: Բայց ի՞նչ է ազատությունը: Ամեն ինչ շատ պարզ է: Դա ըմբռնումն է նրա, որ դուք Երկրային ոլորտ եք եկել որոշակի առաքելությամբ` փորձել ամենն, ինչ կարող է առաջարկել ձեզ Երրորդ Տարածքը: Որքան ավելի է Երրորդ Տարածքի գործունեության ժամանակաշրջանը մոտենում իր ավարտին, այնքան ավելի են խոսակցություններ գնում Մեծ Անցման մասին, որը տոգորում է ձեր Երկրային ոլորտի ամեն մի տեսակետ: Երկրի փոփոխություններն անխուսափելի են: Ձեր համարյա բոլոր ներկայիս համոզմունքները շտկման կարիք կունենան: Անցումը գիտակցության մեջ` սկսվել է, և այնքան մեծ է այն, որ այն ընդունում են արդեն որպես մարդկության պատմության մեջ ամենավիթխարի իրադարձությունը: Այդ պատճառով ուրախացեք, բարեկամներս, և ճամփորդեք մեզ հետ, քանզի մենք հնարավորություններ ենք բացում. վստահել մեզ, վերադառնալ դեպի ամբողջականությունը և հասնել ձեր բարձրագույն հզորությանը:

Ես ցանկանում եմ, որ բոլորն իմանան, որ ոչ մի նշանակություն չունի, գտնվո՞ւմ եք դուք արդյոք ձեր ճամփորդության ամենասկզբում, թե՞ արդեն հոգևոր զարգացման բարձր մակարդակի եք հասել: Այս գիրքն իր մեջ ամփոփում է Ճշմարտություն բոլորի համար: Հաճախ տարբերությունը նրա, ինչ դուք լսում եք, և նրա, ինչ զգում եք, - շատ մեծ է: Դա ոչ միայն այն է, ինչ դուք “լսում եք”, երբ կարդում եք այս գիրքը, այլ այն, ինչ դուք զգում եք: Որոշ բառեր, որոնք դուք այստեղ կկարդաք, կարող են բազմաթիվ նշանակություններ ունենալ, և այս նյութը կարող է մարտահրավեր նետել ձեր ներկա համոզմունքների սիստեմին:

Ոմանք կարող են զգալ, որ սա աշխարհի վերջն է: Սակայն թույլ տվեք վստահեցնել ձեզ, որ Մայր Երկիրն այստեղ կլինի դեռ շատ երկար, չնայած, հնարավոր է, ոչ այն տեսքով, ինչպիսին դուք գիտակցում եք Նրան ներկայումս: Անցումը, որը բերում է ձեզ երբևիցէ ճաշակել վիճակված ամենահիասքանչ գիտակցական ընկալումներից մեկը, արդեն շրջապատել է ձեզ, քանի դուք կարդում եք այս գիրքը: Այսպիսով, կարելի է ասել, որ աշխարհը, ինչպիսին դուք գիտակցում եք նրան այսօր, մոտենում է իր վերջին, բայց միայն նրա համար, որպեսզի նրան փոխարինի ձեր բոլոր ամենահամարձակ սպասումների սահմանից այն կողմ գտնվող մի լրիվ նոր աշխարհ:

Այդ նոր աշխարհը լրիվ նոր փորձություններ կառաջարկի, օրինակ, շփում` առանց ձայնի, ճամփորդություն` առանց ֆիզիկական մարմնի, և սեր` առանց վախի: “Քույրեր և եղբայրներ” բառերի ճշմարտությունն իրականություն կդառնա: Հզոր կառավարությունները, համաշխարհային հասարակարգերը, քաոսն ու պատերազմները` այդ ամենն անցյալում կմնա: Եվ այսպես, ապրեք վախի մեջ, եթե դրա կարիքն ունեք, բայց այս աշխատությունը նախատեսված է նրա համար, որպեսզի դուրս բերի ձեզ այդ ամենից: Այն նախատեսված է նրա համար, որպեսզի անսպառ տեղեկությունների աղբյուր դառնա, որը ցույց կտա ձեզ, թե ինչպես անդրադարձվել նոր էներգիայի հետ: Սա գիրք-ուղերձ է, թե ինչպես ձեր ճամփորդությունը դարձնել ամենավառ փորձությունն այն բոլոր փորձություններից, որոնց հետ ձեզ վիճակվել է բախվել ձեր բազմաթիվ կյանքերից յուրաքանչյուրի ընթացքում:

Ձեր էվոլյոուցիոն ճամփորդության մեջ դուք բազմաթիվ կյանքեր եք ապրել: Ձեր անցած կյանքերից և ոչ մեկը ժամանակի անիմաստ կորուստ չի եղել ձեզ համար, եթե դուք ընտրել եք փորձել ամենն, ինչ հնարավոր է: Երրորդ Տարածք անունը կրող ճամփորդությունը մոտենում է իր հանկարծակի ավարտին, քանի որ մենք շարժվում ենք դեպի Չորրորդ Տարածքի էվոլյուցիոն հնարավորությունները: Եթե դուք ընտրել եք զգալ, որ կորցնում եք ղեկը, և ձեզ կլանում է արագորեն փոխվող Երկրային ոլորտը, այդժամ ես ուղղակի կխնդրեի ձեզ վստահել ինքներդ ձեզ: Նոր ընտրություն կատարեք: Ազատվեք վախից, օգտվեք գեղեցկությամբ և սիրեք ամենն, ինչ առաջարկում է ձեզ ձեր նոր ճամփորդությունը: Այս գիրքը ցույց կտա, թե ինչպես այդ անել: Եվ հնարավորություններ կստեղծի ձեզ համար, որ դուք ձեզ վստահեք:


Հազարամյակների ընթացքում դուք ինքնաճանաչման ճամփորդության մեջ էիք գտնվում: Այն վերջնականորեն ձեր բոլորին անց կացրեց Երրորդ Տարածքի միջով: Այժմ ճամփորդությունը ձեզ դեպի լրիվ նոր փորձություն է տեղափոխում` նոր դարաշրջան: Հենց այդ պատճառով է այն կոչվում “նյու էյջ” (“Նյու էյջը”` ԱՄՆ-ում և այլ երկրներում տարածված փիլիսոփայական շարժում է: - Ծնթ. թարգմանչի:) :

Մարդկության պատմության ամենասկզբից գոյություն ուներ վախ, որ դուք կարող եք կորցնել ձեր վերադարձի ճանապարհը դեպի Արարիչը: Ոմանք օգտագործում էին այդ վախը, որպեսզի խանգարեն ձեզ ձեր ճամփորդության մեջ թռիչքներ կատարել դեպի առաջ: Դա ձեզ հետ է գցել հազարամյակների հոսքի մեջ, բայց վախն այլևս չի կարող օգտագործվել նրա համար, որպեսզի մինիմումի հասցնի ճամփորդության արագացումը: Նույնիսկ ամենահասարակ ձևի մեջ, դուք չեք կարող օգտագործել այլևս “ես չգիտեմ” պատրվակը, քանի որ, ըստ ձեր գիտակցության արթնացման, դուք, բարեկամներս, կսկսեք տեղափոխվել այդ ճամփորդությունից ստացած հարյուր տոկոսանոց հաճույքի մեջ:

Խնդրում եմ, մի մոռացեք, որ էվոլյուցիան հիմնված է ճամփորդության վրա, այդ պատճառով ամբողջ գրքի ընթացքում ես, ընդհանուր առմամբ, հատուկ նշանակություն եմ տալիս ճամփորդությունից ստացած հաճույքին: Գծային մտքերի բոլոր կազմությունների արդյունքը նախապես ակնհայտ է և սպասում է իր ժամին, որպեսզի Չորրորդ Տարածքից հայտածվի Երրորդի մեջ: Խնդրում եմ, մի կասկածեք նրանում, որ մարդկային գիտակցությամբ նախաձեռնված յուրաքանչյուր գործողություն, փաստորեն, ընտրություն է: Յուրաքանչյուր ընտրություն, որ դուք կատարում եք, ճանապարհ է ստեղծում դեպի նոր ճամփորդություն: Ընտրեցեք մեծ շրջահայացությամբ, քանզի եթե դուք ունեք միտք, ուրեմն միայն ժամանակի հարց է, թե երբ այն կարտահայտի իրեն իրականության մեջ:

Ես եկել եմ այստեղ, որպեսզի կիսվեմ ձեզ հետ բազմաթիվ նոր և երբեմն բարդ գաղափարներով, որոնք կարող են ժամանակ առ ժամանակ տատանել ձեր համոզմունքների համակարգերը: Մի բան, ինչի վրա կարող եք համոզված լինել, - որ ես միշտ կլինեմ Ճշմարիտ: Ես չեմ կարող միշտ ասել այն, ինչ դուք ցանկանում եք լսել, բայց ես կարող եմ երաշխավորել, որ ես ասում եմ միայն այն, ինչ ձեզ անհրաժեշտ է լսել: Մեծ վճռականությամբ ինձ ներշնչում են Սիրո և Ապաքինման այս ուսմունքներում գնալ Քրիստոսի Էներգիայի ճանապարհով:

Ես, անտարակույս, այստեղ եմ եկել ոչ թե նրա համար, որ դառնամ ձեր ուսուցիչը կամ ձեր մտածողությունը դեպի համոզմունքների մի ինչ-որ ընդհանուր սիստեմի թեքեմ: Իմ մտադրությունն է` բազմաթիվ տարբեր պոտենցիալ հնարավորություններ առաջարկել ոչ միայն այն բանի նկատմամբ, թե ինչ կերպ դուք կարող եք հասնել Անցմանը, այլ նաև, դրանից բացի, նախապատրաստվել, և, որ ամենակարևորն է, նույնիսկ հաճույք ստանաք դրան մասնակցելուց: Եվ քանի դեռ դուք մտորում եք հնարավորությունների մասին, հիշեք հետևյալը.

Հենվեք գրքի այն մասերին, որոնք ձեզ դուր են գալիս, և վայելեք նրանք, իսկ նրանք, որոնք դուր չեն գալիս, ուղղակի մի կողմ թողեք, քանի որ յուրաքանչյուրը կտեղափոխի իրեն հաջորդ էջը իր սեփական արագությամբ:

[Sambitbaba]

Անցումեր, որոնք ընդունված պատմական փաստեր են

Մոտավորապես ամեն 2000 տարին մեկ, Երկրային ոլորտն անցում է ապրում: Մոտ 7000 – 8000 տարի առաջ Արարիչը մի նախագիծ ներկայացրեց, որը թույլ էր տալիս ավելի կատարյալ ճամփորդություն իրագործել այն առումով, որպեսզի ձեզանից յուրաքանչյուրը կարողանա բացահայտվել և վերադառնալ դեպի Արարիչը: Վերամարմնավորվելով Երկրային ոլորտում, դուք, եթե կարելի է այդպես ասել, կորցնում եք հաճույքը` ապրել, այսպես կոչված բարձրագույն փորձի մեջ: Ես ասում եմ “այսպես կոչված”, որովհետև, իրականում, Անձնական “Ես”-ի կողմից Անձնական “Ես”-ին շնորհած մեծ պատիվ է, ընդունակ լինել ապրել Երրորդ Տարածք կոչվող ճամփորդությունը: Պարզ է, որ միակ բաժանումը, որ իրոք գոյություն ունի Երկրագնդով սահմանափակված էության (մարդու) և Արարչի Էության միջև, - գիտակցության ծածկույթն է, և մարդկային գոյատևության պատմությունը ձեր թրթիռների մակարդակի բարձրացման էվոլյուցիոն պրոցեսն է դարձել այնպիսի կերպով, որպեսզի դուք կարողանաք այդ ծածկույթի միջով անցնել գեղեցիկ և նրբագեղորեն:

Մոտավորապես 6000 տարի առաջ սկսվեց “Եգիպտական Փարավոնների Դարաշրջան” կոչվող մի ժամանակաշրջան, որը տևեց 2000 տարի, մինչև Մովսեսն սկսեց իր համախոհների համախմբումը: Այդ ժամանակաշրջանը բնորոշվում էր մեծ խառնաշփոթություններով ընդհուպ մինչև Տաս Պատվիրանները ստանալը: Ծավալվող իրադարձություններն ավարտվեցին հաջորդ 2000 տարվա համար մտքի նոր ազատության երևան գալու հետ միասին, մինչև, ինչպես ցույց է տալիս պատմությունը, Վարպետ Հիսուսը նոր իրականություն բերեց երկրային ոլորտ: Եվ նորից էվոլյուցիոն ոլորտի մեջ, ասես թե բնակություն հաստատեցին մեծ խառնաշփոթությունները: Նկատեք, որ ամեն մի ժամանակաշրջան տևել է մոտ 2000 տարի: Արդյո՞ք նմանություն չկա Հիսուսի կյանքի շուրջ տեղի ունեցող իրադարձությունների և այն իրադարձությունների միջև, որոնց հետ մենք այսօր ենք բախվում:

[Sambitbaba]

Նյու Էյջ (Նոր Դարաշրջան)

Նոր դարաշրջանն, իրականում, սկսվեց 2000 տարի առաջ, երբ էվոլյուցիա մուտք գործեց Քրիստոսի Գիտակցությունը: Պատճառներից մեկը, թե ինչո՞ւ մարդկանց դուր չի գալիս “Նյու Էյջ” անվանումը` նա է, որ իրականում, Մեծ Անցումը նախատեսված էր ի կատար ածել հենց այն ժամանակներում: Չնայած անգիտակից մակարդակի վրա, բայց մեծամասնությունը կանխավայելում էր ավելի վիթխարի Անցում, քան այն, որ պետք է տեղի ունենար իրականում: Արդյունքում, չկատարվածության զգացում առաջացավ: Եվ մինչև ներկա ժամանակներս, այն նույն էվոլյուցիոն հոգիներին դուր չի գալիս “Նյու Էյջ” անվանումը: Բայց և այնպես, վստահեցնում եմ ձեզ, բարեկամներս, այս անգամ դուք հիասթափված չեք լինի:

[Sambitbaba]

Ժամանակի ավարտը

Իրականում, ժամանակը, ինչպիսին դուք գիտակցում եք նրան, - պատրանք է, բայց այդ պատրանքը կորցնում է իր ուժը: Արդյունքում, այն դառնում է ավելի սեղմված: Ներկա ակնթարթին դուք ձեզանից ներկայացնում եք Արարչի Էներգիան, որին ճանապարհ են ուղարկել ձևակաղապարված մտքի տեսքով, նրա համար միայն, որպեսզի այն էվոլյուցիա ապրի հետ` դեպի սերը: Այդ էվոլյուցիոն պրոցեսի մեջ ձեզ հազարամյակների միայն որոշակի քանակություն են հատկացրել, որպեսզի, փաստորեն, մինչև վերջ կատարեք ձեր ճամփորդությունը Երրորդ Տարածքում և անցնեք բոլոր հնարավոր փորձությունները: Հետո սպասվում է, որ դուք հետ կվերադառնաք Արարչի կատարյալ ամբողջականությունը: Հենց այդ պատճառով դուք պարտավոր եք հիմա ավարտել Երրորդ Տարածքի փորձությունները և պատրաստվել մտնելու Չորրորդ Տարածքի պայծառացման մեջ: Հենց այդ պատճառով այդքան կարևոր է օգտագործել մնացած ժամանակը Երրորդ Տարածքի փորձությունների ավարտի համար, այլ իզուր չծախսել Չորրոդ Տարածքի գոյություններից և ոչ մեկը:

Մարդկանց մեծամասնությունը համոզված է, որ հենց Արարչի Կամքով ամբողջ կենդանի գոյատևությունը պետք է իր վերջնական ավարտին գնա այն բանի միջով, ինչը մեզ հայտնի է “էվոլյուցիա” անվան տակ: Այդ հաճախ կրկնվող քաոսային իրավիճակում Երկիրը, ինչպես նաև այլ կենդանի օրգանիզմներ, պետք է նաև իրականացնի իր սեփական ճակատագիրը: Երրորդ Տարածքում Երկրի ժամանակն ու տարածությունը արագորեն իր ավարտին է մոտենում: Այդ պատճառով ամենը, ինչ թրթռում է այդ մակարդակի վրա, պետք է նոր բարձունքներ անցնի, որպեսզի կարողանա գործել նոր գոյատևության մեջ: Նշանակում է, ճամփորդությունը Երրորդ Տարածքից` կանցնի Չորրորդ Տարածք:

[Sambitbaba]

Մոտալուտ մեծ փոփոխությունները

Երևույթը, որը հայտնի է “Ֆոտոնի Էներգիա” անվան տակ, Երկրի հետ շփման մեջ կմտնի երկու հազարամյակների սահմանն անցնելուց հետո, բայց ճշմարիտ տարեթիվն ասել, իրոք որ ծայրահեղ դժվար է: Մայր Երկիրն իր վերջնական որոշումը կընդունի իր մարդաբնակչության արթնացման հետ մեկտեղ: Գիտեք ինչ, Նրա արագությունն ու լրիվ գիտելիքները` որոշակի ժամանակի իրական ընտրության գործոններն են: Որքան շատ եք դուք արթնանում, այնքան ուժեղ է կիրքը` հնարավորինս արագ ավարտել ձեր փորձությունները: Խնդրում եմ, հավատացեք ինձ, երբ ես ասում եմ, որ ժամանակը ձեր կողմից չէ: Արթնացեք, բարեկամներս: Արթնացե՛ք:

Դուք կարող եք մտածել, որ գալիք փոփոխությունները չափազանց կլինեն, և կախված կլինեն Անցման ժամանակ ձեր էվոլյուցիոն մակարդակից: Մայր Երկիրն անկասկած որոշ կարգավորումներ կկատարի: Օրինակ, ձեր գիտական ընկերությունը լավ գիտի այն մասին, որ մոլորակի մագնիսական բևեռներն արդեն սկսել են տեղաշարժվել, և Երկրի պտույտների արագությունը փոխվում է: Դրանից բացի, տեղաշարժվում են Նրա մայրցամաքային զանգվածները, առաջացնելով խտացման նշանակալի ձևափոխումներ: Երկրի կեղևաշերտերը մոտենում և սողում են մեկմեկու վրա, ինչը մեկ օրվա մեջ հարյուրից ավելի երկրաշարժերի է բերում, ընդ որում նրանցից ոմանք հնարավոր է գրանցել, իսկ ոմանք` ոչ: Առողջ մտածողությունը հուշում է, որ ցամաքաշերտերի ուրվագծերը փոխվում են:

Մարդկության կողմից Մայր Երկրի ռեսուրսների ոչ ճիշտ օգտագործման արդյունքում օզոնի շերտերի քայքայման հետևանքով աճում է Երկրի մթնոլորտային ճնշումը: Բացի այդ, Ֆոտոնի Էներգիայի ազդեցության տակ Երկրի մակերևույթը նույնպես սկսում է սեղմվել: Ֆոտոնի Էներգիայի թրթիռները նշանակալիորեն տարբերում են այն թրթիռներից, որոնց դուք եք սովոր, և դա իր ներդրումն է թողնում ժամանակի արագացման հետ կապված վախի զգացմունքի աճի մեջ:

Ոչ ոք դրանում չի կասկածում. Մայր Երկիրը սեղմվում և տեղաշարժվում է, և դրա հետ մեկտեղ, ամեն ինչ (այդ թվում ժամանակը) նույնպես պետք է սեղմվի և տեղաշարժվի: Նույնիսկ ձեր մարդկային մարմիններն են սեղմվում: Հենց այդ պատճառով եք դուք ճնշում զգում ձեր ֆիզիկական մարմնի վրա: Ճնշումը, որը հենց հիմա գործադրվում է Երկրի վրա, և Նրա փորձերը համակերպվել դրան, բերում են սեղմման գործոնի առաջացմանը:

Եկեք մի փոքր խոսենք Հավայական կղզիների մասին: Այդ կղզիները, փաստորեն, հինավուրց Լեմուրիա մայր ցամաքի սարերի գագաթներն են: Դուք, հնարավոր է, չեք լսել այդ մասին, քանի որ գրավոր փաստաթղթերի մեջ արձանագրված ձեր պատմությունը սկսվում է Ատլանտիդայի ժամանակաշրջանից հետո ընդամենը: Բայց և այնպես, բարեկամներս, գոյություն ունի անհամեմատելիորեն ավելի մեծ պատմություն, որը բացահայտ կդառնա շուտով, երբ աշխարհին մատչելի դառնան Մեծ բուրգի սենյակներում պահվող տեղեկությունները: Շերտերի տեղաշարժերի պատճառով, Հավայական կղզիներն, ըստ էության, ավելի շատ ցամաք կունենան, իսկ աշխարհի այլ մասեր, կարող են, փաստորեն, կորցնել իրենց ներկայիս կառուցվածքը: Ես կցանկանայի ոչ թե խառնաշփոթ առաջացնել, այլ օգնել բոլորին, գտնել Անցմանը պատրաստվելու իրենց սեփական մակարդակը:

Իսկ ինչ վերաբերում է քաոսին, իմ մտադրությունն է լուսավորել ձեզ այդ հարցում, այլ ոչ վախեցնել, քանի որ քաոսը` դա, փաստորեն, Անցման մի մասն է: Ձեզ հարկ չի լինի սպասել քաոսին, քանի որ դուք արդեն սկսել եք աննշան չափով զգալ այն ձեր վրա: Օրինակ, հեռուստատեսությունը ցուցադրում է ձեզ զարհուրելի իրադարձություններ, որոնք սկիզբն են նրա, ինչ որ սպասվում է: Այս գիրքը կարդալը կօգնի ձեզ չդառնալ այդ քաոսի մի մասը: Գիտելիքներով հանդերձ և ճիշտ հասկանալով այդ պրոցեսը, դուք ոչ միայն կիրագործեք Անցումը, այլ նաև ձեռք կբերեք հստակություն, որը կօգնի ձեզ շրջանցել ձեր ճանապարհին ընկած խոչընդոտները:

Արարիչն աստվածային ծրագիր ունի, որն ընդգրկում է բոլոր նրանց, ով կարող է գալ միասնականության գիտակցությանը: Շատերը կընտրեն հին ճանապարհները և կփորձեն մերժել նոր դարաշրջան տանող իրենց ճանապարհը: Դա չի աշխատի: Որքան դուք լավ հասկանաք փոխներգործությունը սիրո և ապաքինման միջոցով, այնքան ավելի արագ ձեր գիտակցությունը կկենտրոնանա մեկմեկու օգնելու վրա: Այդ պրոցեսի միջոցով դեռ շատերը կբարեշրջվեն նոր դարաշրջան:

Իսկ հիմա եկեք նայենք այդ ամենին Մայր Երկրի դիրքերից: Հայտնագործությունների երկարատև փնտրտուքներում դուք քարուքանդ եք արել Նրա իրականությունն այնպիսի անմտածված գործողություններով, ինչպիսիք են. Նրա սքանչելի անտառների կտրատումը, Նրա նախկինում մաքուր ջրերի աղտոտումը թունավոր թափուկներով, և զարհուրելի թունավոր գազերի արտանետումը այն տարածություն, որը նախկինում Նրա անարատ երկնագույն երկինքն էր: Եվ դուք հավատում եք, որ այդ անարգանքը կարող էր շարունակվել դեռ երկար ժամանակ առանց աստվածային միջամտությա՞ն:

Այսպիսով, այդ ամենը տեղի կունենա, դրանում կասկածելու իմաստ չկա: Խնդրում եմ, հաշիվ տվեք ձեզ. Ամենը, ինչի մասին ես մինչև այժմ ասացի, և նույնիսկ ավելին, տեղի կունենա, սակայն Արարչի մտադրությունը չէ վերջ դնել ձեր քաղաքակրթությանը: Ավելի շուտ, Նրա մտադրությունն է` տալ ձեզ գեղեցկության, հավասարակշռության և նուրբ բարեմաղթանքի հնարավորություն: Շարունակեք կարդալ խանդավառությամբ: Այն, ինչ պետք է բացահայտվի, կընդարձակի միայն ձեր ճամփորդությունը, քանզի հենց նրանց, ովքեր կարդում են այս գիրքը, կհանձնարարվի օգնության ձեռք մեկնել մեր հիասքանչ Մայր Երկրի բարեշրջմանը:

Նախանշաններին հավատացող որոշ մարգարեներ ասում են. “Գալիս է Աշխարհի Վերջը”, բայց դա այդպես չէ: Մեծ Անցումը, բարեկամներս, Աշխարհի Վերջը չէ: Եկեք հստակորեն պատկերացնենք այդ: Բայց և այնպես աշխարհը, ինչպիսին դուք նրան գիտակցում եք, մոտենում է իր ավարտին: Անցումը չի մոտենում, բարեկամներս, այն բոլորովին էլ չի մոտենում: Այն արդեն այստեղ է: Անցումը ձեզ հետ է, քանի մենք խոսում ենք: Հստակորեն պատկերացրեք ձեզ դա: Անցումը չի՛ մոտենում: Անցումն այստե՛ղ է: Դուք արդե՛ն գտնվում եք Մեծ Անցման մեջ:

[Sambitbaba]

Գալակտիկական եղբայրություն

Դուք, հնարավոր է, լսել եք “Գալակտիկական եղբայրության” մասին: Նրանց սովորաբար կոչում են այլմոլորակային քաղաքակրթություններ, տիեզերական արարածներ և այլն: Խնդրում եմ, մի նայեք նրանց, որպես վտանգի: Փաստորեն, դրանք ամենախախաղասեր և անվտանգ արարածներ են, քանզի նրանք ընտրություն են կատարել օգնել մարդկությանն` անցնել Անցման միջով:

Հաբբլի (Hubble) աստղադիտակը բացահայտել է, որ Ծիր Կաթին գալակտիկան` այն, որտեղ դուք ապրում եք, - բաղկացած է 100 միլլիարդ արևներից, ձերին շատ նման իրենց մոլորակային համակարգերով: Եվ ձեր գալակտիկան` ընդամենը մեկն է Տիեզերքի 200 միլլիարդ գալակտիկաներից: Մտածե՛ք միայն այդ մասին: 200 միլլիարդ գալակտիկա 100 միլլիարդ արևներով յուրաքանչյուրու՛մ: Հե՜յ: Դուք դեռ մտածում եք, որ կարող եք միակը լինել այնտե՞ղ: Դրան հավատալը` բացարձակ ինքնավստահություն է: Կա՞ արդյոք իմաստ նրանում, որ Արարիչն իր ամբողջ հրաշագործ ուժով հանդերձ, 200 միլլիարդ գալակտիկաների մեջ կարող էր ստեղծել ընդամենը մեկ մոլորակ, որտեղ գոյություն ունեն կենսաձևեր: Եթե ես կարողանայի պատկերացնել, թե ինչպես կարելի է ծիծաղել տպագրված աշխատանքի մեջ, ես կանեի այդ հենց այստե՛ղ:

Ձեզանից նրանց համար, ովքեր չեն ընդունում տվյալ հայացքը, թույլ տվեք հայտնել մի գաղտնիք, որ ես ձեր Երկրային ոլորտից չեմ: Ես նույնիսկ ձեր գալակտիկայից էլ չեմ: Իրականում, ես ձեր մոտ եմ եկել Յոթերորդ Տարածքից, այնինչ դուք ապրում եք Երրորդում: Հաջորդ տարածքը` Չորրորդը, - մտքի տարածքն է: Հետո գալիս է Հինգերորդը` տարածք, որտեղ չկա երկվածություն (“Ին” և “Յան”), դա մաքուր սիրո տարածքն է: Հետո մենք անցնում ենք վեցերորդին, յոթերորդին, և այլն, որոնք ես կնկարագրեմ ապագա գրքերում:

Այս գրքի ամբողջ ընթացքում ես վկայակոչում եմ Գալակտիկական Եղբայրության մեջ մտնող շատ քաղաքակրթություններ, օրինակ, Սիրիուսի, Բազումքի և Անդրոմեդայի քաղաքակրթությունները: Նրանցից յուրաքանչյուրն իր ազդեցությունն է գործում Երկրային ոլորտի վրա, և յուրաքնչյուրը հետաքրքրված է արդյունքում, ինչին կգա ձեր իրականությունն Անցումից հետո: Ձեր մեջ կան նրանք, ովքեր հավատում են, որ Գալակտիկական Եղբայրությունն առանձնացված է Երկրի գիտակցությունից: Թույլ տվեք կատարյալ հստակությամբ պարզել ձեզ համար. Նրանք չեն գա` նրանք արդե՛ն այստեղ են: Ի շնորհիվ արտասովոր տեխնոլոգիայի, նրանք կարող են անճանաչելիորեն գոյատևել ձեր մթնոլորտում (Այդ մասին ես ավելի մանրամասն կխոսեմ վեցերորդ գլխում):

[Sambitbaba]

Խավարի Երեք Օր. խուճապահար մի՛ եղեք

Անցման ընթացքներից մեկը` Ֆոտոնի Էներգիա մուտք գործելն է, անցնելով նրա արտաքին սահմանի` Գոտու միջով: Այդ անցումնային ժամանակահատվածը կոչվել է “Խավարի Երեք Օր”: Այդ ընթացքում Երկրային ոլորտը կենթարկվի այնպիսի մի խավարի, որը դուք նախկինում երբեք դեռ չեք զգացել: Օրինակ, եթե խավարի երեք օրվա ժամանակ ձեր ձեռքը բռնեք ձեր աչքերից մի քանի սանտիմետր հեռավորության վրա, դուք չեք կարողանա այն տեսնել: Այդ խավարը ծայրահեղ դժվար է նկարագրել, քանի որ այն նախկինում երբեք չի եղել: Բարեկամներս, դա մի ժամանակ է, երբ ձեզ անհրածեշտ կլինի շատ կենտրոնացված մնալ, քանզի դա ժամանակ է, երբ վախը կհասնի հսկայական չափերի: Բայց մինչ այդ, դուք արդեն կհասցնեք կարդալ այդ մասին ավելի շատ` այս գրքի Ութերորդ Գլխում, և վստահություն կզգաք ու համարյա անհամբեր կսկսեք սպասել այդ յուրահատուկ ժամանակի գալստյանը:

Երբ վրա հասնի խավարը, և ջերմաստիճանն էլ սկսի ընկնել, դուք, հավանաբար, կսկսեք անհանգստանալ ձեր ընտանիքի այն անդամների համար, ովքեր տեղի ունեցածի մասին գիտակցական ավելի ցածր մակարդակի վրա են գտնվում: Ուղղակի գիտեցեք, որ մարդու դեր կատարող յուրաքանչյուր ոգի տունդարձի ի՛ր ճանապարհն է ընտրել: Եթե ձեր սիրելիները հետ են մնում իրենց ըմբռնողականության մեջ, այդժամ ես կարող եմ ասել. “Արեք ամեն հնարավոր բան”: Այդ հոգիները, որոնք, ասես թե, անտարբեր են այն բանի նկատմամբ, ինչ տեղի է ունենում այսօր Երկրի վրա, իրականում ընդամենը մեկ ակնթարթ են հեռու ամեն ինչ հասկանալուց: Ուղղակի թույլ տվեք նրանց լսել ձեր մեկնակերպը: Խոսքը նրանց մտածելակերպի ամբողջական փոփոխման մասին չէ, այլ ուղղակի գիտելիքի սերմեր ցանելու մասին և հավատի մասին այն բանի նկատմամբ, որ Արարիչը կներշնչի նրանց այնքան, որ նրանք կտեսնեն արթնանալու անհրաժեշտությունը: