Բարև՛ ակումբի ընթերցասեր և ոչ ընթերցասեր, օրագրամոլ և օրագրատյաց, հետաքրքրասեր և ոչ այնքան հետաքրքրասեր հասարակությանը:
Ժողովու՜րդ, բացել եմ, բացեեեեել, օրագիր եմ բացել:
Օրագի՞ր... էն էլ անձնակա՞ն...
Չէ՛, սա հաստատ ինձ համար չի, որովհետև իրականում սա ոչ թե օրագիր է, այլ մտապահոցի նման մի բան… Էստեղ ես ուղղակի անմահացնելու եմ մտքերս, այո՛, այո՛ հենց իմ մտքերը՝ թեկուզ մի քիչ թերի, թեկուզ մի քիչ էլ բծավոր ու մի քիչ էլ անմշակ, բայց դե դա չէ կարևորը… Գլխավորն այն է, որ դրանք իմ սեփականությունն են, իմ մտորումների ծնունդը… Մտքեր և ինչու չէ նաև մտատանջություններ, որոնք հղացել, հղանում ու դեռ հղանալու են մի երկարատև ճանապարհորդության ընթացքում, որին կյանք են կոչում:
Դեհ, ուրեմն բարի գալուստ Նարե91-ի մտապահոց
Մեջբերել
Ամռան երեք ամիսն անցավ, գնաց, ու ես ոչ մի պիտանի բան չարեցի... ինչ էլ որ անում էի, անում էի փնթփնթալով ու դժգոհելով, դեռ մի բան էլ ավելին՝ ասում էի, որ ժամանակ չունեմ ու էդ էն պարագայում, երբ մի կարգին անելիք էլ չունեի… Հիմա՞... հիմա իսկի հանգստյան օր չունեմ. երկու տեղ աշխատելով հանդերձ՝ սովորում էլ եմ ու դրա հետ մեկտեղ հասցնում եմ անել ամեն բան՝ հոգնածություն բացարձակապես չզգալով: Բա էդ ո՞նց էղավ: Ուղղակի ժամանակս ռացիոնալ եմ դասավորում, ինչի արդյունքում կարողանում եմ և՛ մի լավ զվարճանալ, և՛ մի լավ հանգստանալ, և՛ խոհանոցում ինձ մեկ-մեկ շեֆ զգալ և՛ տան մաքրությամբ զբաղվել: Էնպես որ, ամեն ինչ ճիշտ դասակարգելու ու ռացիոնալ տնօրինելու դեպքում զբաղվածության, շատ խառը լինելու ու գործերով ողողված լինելու խնդրին երբևէ չեք բախվի: Պարզապես վերջերս «զբաղված լինել» հարադիր բայը հոմանիշ է դարձել «ցանկություն չունենալ» բային: Այդքան մի բան: Մեկը մյուսին կարող են հեշտությամբ փոխարինել, ինչն, ըստ իս, բավականին բացասկան երևույթ է… Լավ չի:
Էջանիշներ