Իմ սարսափելի պատմությունը

**VisTolog** · 28.08.2012, 12:09

Նրան անվանում են «Մարդն առանց դեմքի»: 35 տարի է ինչ Ժոզեն ապրում է հսկայական ուռուցքը դեմքին, որը նրա կյանքը դժոխքի է վերածել: Ուռուցքը կշռում է մոտ 5կգ, այն խանգարում է նրան հանգիստ շնչել, ուտել, նրա մեկ աչքն ամբողջությամբ ծածկված է: Նա չի ցանկանում վիրահատվել, որովհետև աղանդավոր է: Մերժումը կայանում է նրանում, որ աղանդն արգելում է արյան փոխներարկումը, իսկ վիրահատությունն առանց դրա հավասար է ինքնասպանության: Վիրաբույժները փորձում են գտնել առավել հարմար տարբերակ նրան վիրահատելու համար:

Իսկապես ցավոտ պատմություն ու հերթական պատմությունը աղանդավորների, իսկ ավելի կոնկրետ Եհովայի վկաների մտածելակերպի մասին:

**Ruby Rue** · 28.08.2012, 13:47

35 տարի դիմանալ էս ուռուցքին ու մերժե՞լ արյան փոխներարկմամբ վիրահատությունը... Ինչքան խորը նստվածք պետէ ունենա էդ աղանդ կոչվածն էս մարդու հոգում

Տեսնես Եհովան ինչի չի ուզում, որ իր հավատացյալները առողջ լինեն...

**VisTolog** · 03.09.2012, 10:05

Չէի կարծում, որ Ժոզե Մեստրեի պատմությունից հետո ավելի ազդեցիկ իրական պատմության մասին էլ մի օր կիմանամ:

**One_Way_Ticket** · 03.09.2012, 20:15

Ամեն անգամ այս թեմայի վերնագիրը տեսնելիս Չենիան Չեչնիա եմ կարդում

**VisTolog** · 02.10.2012, 14:56

6 տարի առաջ Հնդկաստանում ծնվեց տղա, ում անվանեցին Դիպակ: Նրա «երկվորյակ մակաբույծը» աճում է իր հետ միասին: Տեսանյութում կտեսնենք, թե ինչպես է վիրահատության միջոցով հնարավոր դառնում փոխել նրա կյանքը:

Պատմություն սիամական երկվորյակների մասին, որոնք ունեն նույն օրգանները, նույն կառուցվածքը: Սիամական երկվորյակները ծնվում են, քանի որ ձվաբջիջը, որը պետք է բաժանվի վեցերորդ օրը, բաժանվում է ավելի ուշ` 14-15րդ օրը: Այդ ընթացքում նրանք այնպես են ձևավորվում, որ անհնար է դառնում մարմինների բաժանումը: Սիամական երկվորյակների մեծ մասը ծնվում է մահացած: Ըստ վիճակագրության, ողջ են մնում 5-25% դեպքերում: Սիամական երկվորյակների մեծ մասը իգական սեռի են, 70-75% դեպքերում:

**VisTolog** · 03.10.2012, 10:47

Այս ֆիլմում կծանոթանանք Տուրետի սինդրոմին, այն մարդկանց հետ ովքեր տառապում են դրանով:

Սա գենետիկական կենտրոնական նյարդային համակարգի հիվանդություն է, որի ժամանակ մարդը չի կարողանում կառավարել իր խոսքն ու շարժումները: Նա կարող է արտաբերել տարբեր բառեր, քայլել, կատարել տարբեր շարժումներ, վազել, ֆիզիկական վնաս պատճառել ինքնիրեն: Հիվանդությունը նկատվում է մանկական տարիքում:

Ժամանակին սա համարվում էր հազվադեպ, բայց հիմա ԱՄՆ-ում 1000 երեխաներից 1-10ը ունեն այս հիվանդությունը: Որոշների մոտ այն թեթև է անցնում, կարող է մեծանալու ընթացքում նաև վերանալ: Տուրետի հիվանդությամբ տառապողների մոտ կյանքի տևողությունը և ինտելեկտը նորմալ վիճակում են:

Հիվանդության իսկական պատճառները դեռ հայտնաբերված չեն: Շատ դեպքերում բուժման անհրաժեշտություն չի լինում: Չկա նաև էֆեկտիվ դեղամիջոց:

ՀԳ Հեչ եղե՞լ ա որ անեք շարժում, ասեք խոսք, որը ձեզ կթվա թե մտածելով եք անում...